اعوذ بالرحمن من طيشة ابليس 
واللي على درب المهبل حداني
ثورت باسلاحي وزمة نصعها 
وانا الي من اول خطاها عداني
ياهل المعرفه كاسبين المدايح
لاتشرهون الله بفعلي هداني
زليت والعالم كثيرن خطاها
وكبوة عريب الخيل ليا مثاني
وما شره على من شب نار النشابه
يبطي على شل الحمول المتاني
يشعل وقايدها شليله يعضه
ولاشبها ينحاش لاقصى عماني
والحر من عنده يورد صميله
يرسي كمى ترسي ثقال المواني
يحسب شلافيهم من الدم تروى
واثر شلافيم يباس السناني
واخذت انا طير الحديا وزليت
واشره على نفسي نقدها كواني
لديت سمعي هرج من لايثمن
ومن شيمتي رديت يومه دعاني
كني من اعداهم مولى وكاله
اداعي المقفي ولو ماشكاني
وشلي بغرسن ذاهب العقل يسقيه
الشوك في عوده وحمله عفاني
وشرهت هل الارياء علينا كبيره
ولو مشره العذرا ترى مادهاني
في لابتي يومي بها قمت افاخر
امكرمين الضيف حيلن وضاني
تميم راس الباس شم النوايف
سقم العدو وامصنعين المواني
اهل الشجاعه واردين المنايا
عقب الوغا تمضي بكسب السماني
من دون نقصانن بكل القبايل
كلن على حقه سواة السواني
اعتيبه الهيلا وهل الغلبه اسبيع
ومن دار شمر لين ضلع اقحطاني
ومن ديرة ابن قويد واد الدواسر
لا ديرة الدوشان زبن المجاني
وكل القبايل نعم لو غابت اسما
 كلن حشيم وله معزه وشاني
وان عودة من صوب رب المخاليق
اتقا الخلايق هو رفيع المكاني

وسلامت الجميع ( من فيض شعري )
فهد التميمي