تويت
السلام عليكم ورحمة الله وبركاته,
وصبحكم الله بكل أمان ومحبه
كل شخص منا له هاجس يحكي مابوسعة من فيض وغيض مشاعر وأعذب الشعر أصدقه ,
(ودي بشخص؟)
يفهم مطلبي لابغيته.
ينثر على كمي همومه وأواسيه.
ماكل شخصن لاتضايقت جيته.
...ولاكل قلبن هام فيني اناجيه.
لي فكر واعي بالوفا مابنيته,
الله عطاني ملمس القلب وايديه,
ياعاذلي لو تنتحر ماعطيته,
ولاتغلى لو يزيد بتغليه,
مبدى حياة وبالشعور انتقيته,
فريد من نوع الغلا عند شاريه,
هذا وطن قلبن وعمرن شقيته,
وشفت البلا عقبه وعايشت ماضيه,
وانا علاجه من حناني شفيته,
ولو شححت بوصله نواياه اخليه,
نفسي كريمة والجفا لو جنيته,
هذي احاسيسي نتيجة تغليه,
لووه دعاني مالتفتت ودعيته,
هاذي نتيجة ماخسرني من ايديه
مشكلته انه عارف اني هويته,
ومشكلتي اضعف لاهما دمع عينيه,
اجيه ليلن جامحن مابغيته,
يحس في لوعة زمانه ويشكيه,
لاهو مخليني لدربن مشيته,
ولاهو مخليني اموت بمحانيه,
انا الوحيد اللي بعمري فديته,
وذاق العنا من شان حضرة معاليه,
واعطيه فرصه بين ليته وليته,
من شان مايخسر مع الوقت مغليه,
والحين كانه عارف اللي كنيته,
إما يجي والا يجي غيره اغليه,
قلم عايد العنزي (أخو سندا)
تعليق