العمر مثل البرق يمضي و الايام
والناس تفنا ..ما انتهت من غرضها
تمضي ليال وتمضي اشهور واعوام
واللي فتل حبل المناوي نقضها
تركض بنا الايام قدام قدام
والموت... حق وكم نفس .. نفضها
واتلا حياة العبد قطعه ..من الخام

واعماله الله قدم عينه عرضها
الرابح اللي قسمته... خير الاقسام
وروحه تحت لطف الولي لاقبضها
من فضل ربه مقتدي.. بامر الاسلام
ونفسه عن ادروب المعاصي وعضها
حفظ جميع اركان دينه... والاحكام
وفروضه اللي ..ربنا قد فرضها
والخاسر اللي. مايصلي... ولاصام
وامور دينه.. كلها ما حفظها
ضيع حياته .. بالتسوف والاوهام
واليا... دعيته للهدايه .. رفضها
مشغول في صنع المشاكل والاجرام
المشكله لو جنبته .. اعترضها
ياكل وشرب .. عيشته مثل الانعام
نفسه مريضه هو سبايب مرضها
كم باع في سوق المعاصي وكم سام
روحه بدل نيل المعالي .. خفضها
نصيحتي له يغنم العمر قدام
يخسر خساره ما يرجع .. عوضها
الدين والحكمه تراها اكبر اوسام
والهينه لاعاش قلب نبضها
خطوى الفتى لاجاك عزام.. جزام
وصدره على فعل المراجل نهضها
ترى المراجل.... ماتحقق بالاحلام
المجتهد يمكن .. يحقق بعضها