السلام عليكم..
اليوم جايبه لكم ابداع من ابداعات قلمي اتمنى يعجبكم ويحيز ع رضاكم..ويارب ترون القادم

في (غيبتك )عني تشكيت الايام..
ياجعل ربي بالسلامه يجيبك ..

عطيتني عهد ومواثيق واحلام..
واهديتني (جرح الغلا) في مغيبك..

ماعدت انا مهموم من جور الايام..
معاتبي كله على اللي يصيبك..

عالي مكانك ماتنزله الاحكام..
مهما بعدت يفوح بالقلب طيبك..

تكفى تعال ولمني قبل ما انام..
تكفى وانا قلبك وانا لك حبيبك..

ونيت والبلوى على كثر السهام..
وانا اشهد اني بالمحبه صويبك..

ارجووك قلبي والمعاليق الايتام..
ترجاك طف النار واطفي لهيبك..

ياعزتي لك وش بقى بعد الالام..؟؟
حسبي على الوقت ان قسى في مغيبك ..

اوراقي السودا ملت بيض الايام..
وايامي البيضا قفت من مغيبك..

انت لجروحي طب واحساس والهام..
وانت الجروح وعرق قلبي طبيبك..

لكن لاتبطي حاجتي لك من العام..
عديتك اهلي وعدني من نصيبك..

غلاك ماهو حب شعري للاقلام..
غلاك دنيا لني اقرب قريبك..

لقياك حلمي واللقا كيف ينسام؟؟
اقبل علي بشووق..ربي حسيبك..

(بعد الغياب) ..ان جيت مالمت الايام..
(بعد اللقا) مالمت شوقن يجيبك..

انتظر ردودكم ياحلوين..
تحياتي تووتا