تويت
البارحه في حال واليوم في حال
وأحوال غيري مدري اليوم عنها
لاشك كل الناس نازل ورحال
محدا ظمن روحه ونفسه ظمنها
تاتي لنا الدنيا كما الفي لامال
ساعة زمن ياشو حزة زمنها
واللي تغانمها لقى طيبة الفال
مرتاح بال وباعد الهم منها
وانا هوى قلبي من الندر اجزال
وجزل النوادر حب قلبي رهنها
أهوى صعبها كل ماهاب رجال
يخشى عواقبها من الخوف...فنها
قد هوبت منها شديدا وزعال
حتى أعترضت بدربها بس...كنها
تلبس لباس العز هيبه وتختال
هيبة ملوك شامخه في وطنها
من مربط يشهد له أجيال وأجيال
في مستوى العزه ثقيل وزنها
المهره اللي هابها كل خيال
أنا لها والوي بكفي رسنها
حتى تسابقني على زين الأدلال
وأقول ياقلبي على العز صنها
لايعترضها كل غادر وجهال
ياما سبو من قبلك الي ومنها
من حبها ماطعت شامت وعذال
مغلي عن العالم بقلبي ثمنها
عيني لها منزال والقلب مدهال
أهدي لها روحي و قلبي سكنها
منقووول
تعليق