تويت
؛؛
قاصد ومتعمد معا سبق الاصرار
.................لها أبين من غلاها غلاها
ما عاد ينفعني مداراة وانكار
.................مع من عصاني خافقي ما عصاها
هي فرحتي والحزن ولعينها احتار
.................وارتاح واتكدر وادور رضاها
وهي العطا ذاته ولو صار ما صار
.................غلاي كله هي ولا ابغى سواها
ما تعرف العيبة وعذروبها تغار
.................لو كان ذا عذروب غيره حشاها
ما عندها خافي ولا عندي اسرار
.................على النقا ما فيه شي خفاها
سوى على الحلوة ولو وقتنا دار
.................الهم ما به هم دامي معاها
صحيح ماحد يامن الوقت غدار
.................عسى معي يا رب دايم عساها
أحبها واعشق ولي بعدها نار
.................لو يوم ما شافت عيوني حلاها
بعض الغلا بينت مع سبق الاصرار
.................للي خذت قلبي عساني فداها
:::::::::::::::::::::::::::::::::::::::::::: : مثمر
تعليق