تويت
جيت اتغزلبك وانا خاطري مكسور
جيت اجبر الجرح مدري ويش تاليها
جيت اتغنى بحبك واستبيح ابحور
وانت الحكم في علومي وانت مفتيها
مادامني المخلص بحبك لاتجي مجبور
من يجهل التضحيه وشلون يوفيها
بدمعه ولكن لها بأيام عمري دور
وانا ادري اني موددع كل مافيها
يبقى بخوفن على باله يهد الزور
هذا كلام اللي تعلم من لياليها
حب وغرام ومشاعر تسعف المقهور
من كل عارض جهلته فيك يحييها
غلاه تمسيبه وتصبح بعشقه نور
واحيان تجهل شعوري يامعنيها
واحيان تستكبر احروفي على المنثور
وكل المشاعر بقربي ماتحاكيها
هي غايتي هي خاطري حبي المستور
وأجمل قدر في حياتي صدفتي فيها
الجادل اللي لها فيني ثلاث امهور
خذتني مادرت والله بما سوت يجازيها
ياناس احبه واحبه واحبه وهو مغرور
حتى خطاياه مسموحه واعديها
افهم حبيبي مشاعر قلبي المخطور
ماكل مهرة تمر البال لي فيها
اللي على كتفها حسن البها مسرور
وفي ماتبقى وصوفه كيف أحليها
أعشق خطاها زعلها خصرها المغرور
أعشق خفاها جهلها يوم اراعيها
وأعشق هدبها خجلها عطرها المنثور
ويذبحني الشوق في تقسيم باقيها
ماتدري ان المشاعر في فلكها اتدور
وكل الكواكب تحت رفعة تعليها
في خاطري خافقن من سنه مقهور
ولاتلمس الجرح في نفسي وامانيها
وهذا وعد ياحبيبي كان تبغى سور
تحت أمرك رهن يمناك لاتحسب تواليها
أحس بشي في قلبك ولكن لاتلف واتدور
تحاول تجذب اشعوري وروحي يوم تدعيها
واذا جيتك محبة خالصة كني معك مسحور
تلف الحبل في عنق التواصل ماتراعيها
وانا لولا غرامك مانحرت الحاسد المقهور
يبي كشف الخفايا في ضميرك وانت حاميها
وانا ماني ترى مثله ابد ماجيت لك بقصور
انا افداك بجدا روحي ومالي وانت واليها
تقول ابغى كذا وامر وسم وماتبي مقدور
وبعده ماعليك اخلاف ابنسى وانت ناسيها
ولكن ماأبي غيري يلبي ماتبي وايجور
بلذة حب ماتلحق طوال العمر تاليها
بقلم ,,,,,عايد العنزي,,,,
تعليق