اذا تسمحلي لطفا عندي شغله وياك ..

أذا تسمحلي لطفا عندي شغلة وياك ؟
أريد وياك اسولف اني سالوفة
شنو عندك قصر بالنظر لو متشوف ؟
جرحي كبال عينك شنهي ماتشوفة
والتكتل بديك الخيط والمخياط ؟
جا ليش الجرح ماتقبل تروفة
الظاهر تحب لون الحمار هواي ؟
لذلك عايف انتة جروحي مكشوفة
اذا متونس انتة تباوع على دماي ؟
متع نظر عينك والجرح عوفة
*************
خلينة نتحاسب حسبة مال احباب ؟
واكلك بالاحسة وانتة هم كلي
واذا بكلبك اعيشا فقط يالمحبوب ؟
والكعبة انتة كلك عايش بكلي
*************
نتعارك نعم مرات انا وياك ؟
وتكتلني كتل وهواك ماتركة
وبالعركة اكيف من علي تفوز ؟
اشعر جني اني الفزت بالعركة
انا الرايد مشابك شلي بالحاجوز ؟
عركتي وياك كلهة لخاطر الشبكة