تويت
ياللي وصالك غير وفراقك فراق
الحب طير وصادق احساسي سبوق
مدري اخذك الشوق وأصبحت مشتاق
وإلا ان قلبك ما عرف قيمة الشوق
أمشي على ساقين واقف على ساق
من غير لا سابق ولا غير مسبوق
كم قلت لك خل الجفا وأخذ الأعماق
وكم قلت لي ما كل مطرود ملحوق
تزعل على أذواق وتقدر أذواق
ولا همني غيرك من الناس مخلوق
ما تصبر الدمعه على ضيق الأحداق
والصبر من تقصير الأيام مخنوق
اتوق لك وأحن من جرف الأشواق
ولا انجرفت الأشواق احن واتوق
والحلم من غيبوبة الياس مافاق
والشعر من ثغر التعابير مسروق
مات الكلام ولا بقى غير الأوراق
اللي تساقط بين عاقل ومطفوق
للحب قدر وللمخاليق عشاق
وللناس حق وللغلا حفظ وحقوق
ياللي وصالك غير وفراقك فراق
الصبر طفل وضاع في زحمة السوق !
للشاعر / نايل الظفيري
تعليق