تويت
كفاية حب ..
كفاية حب يا قلبي خلاص ارتح وريحنا
.......................يا كثر جروحي اللي بك من احبابك خذيناها
ما دام اللي تحبه هو ملوعنا وجارحنا
.......................جروح صعب بك تبرى ولا بيعجل شفاها
نحب بكل ما فينا وصدق الحب ذابحنا
.......................حرام ارفق ترى جروحي ما ظني عاد أقواها
نحب الحب لاجل الحب ولا به سر له بحنا
.......................وولع نار ما تطفى بنا شبت وخلاها
يا وين العدل بانت لي بظالم شكلنا طحنا
.......................عذاب الحب قسمتنا ولا ادري كيف يرضاها
وعذب الحب خالص له ولا ندور مصالحنا
.......................ولو اخطى فلعيونه نطوفها وننساها
ولو اهتم له نهتم وما يسعده يفرحنا
.......................ومن حزنه بنا الدنيا جميع الحزن يغشاها
أحاول ما تبين بي جروحه خاف تفضحنا
.......................وتتشمت عواذلنا عجيبة ناس ما اقساها
انا طالبك يا قلبي كفاية حب جرحنا
.......................ترى كل وما حصل وكل نفس وما جاها
عطيب جروح ويا الهم حسافة هي مرابحنا
.......................بدنيانا تلوعنا ومن نغليه عناها
يا حظ اللي خلي قلبه ولا هو بحالنا احنا
.......................جرحنا من وفينا له ولا قدر وداواها
//////////////////////////////////////////////////////////////////مثمر
تعليق