يا بنات المملكه ..
يا الحباري .. والعذاري ..
اقبلوا مني اعتذاري ..
يا العيون المُهلكه ..

يا بنات المملكه ..
يا جواهر .. يا لالي ..
نوّرت درب الليالي ..
يا درر في البحر ساطع ..
صار منه البحر حالي ..
يا ذهب اصلي وغالي ..
صار منه الكون لامع ..
يا صديقات المعالي ..
يا نوايف في الاعالي ..
كل عالي تدركه ..
يا بنات المملكه ..

يا بنات المملكه ..
لو ابنشد عن بنات ..
مثلكم ما قد لقيت ..
في البيوت ارباب بيت ..
في المدارس .. طالبات ..
في الجوامع .. ساجدات ..
في الشوارع .. شامخات ..
وبالعبايا .. محصنات ..
اه يا ذيك العبايه ..
لفّت اجسام الطواهر ..
غطت اجساد الجواهر ..
في الدول .. كل الدول ..
نسئل الله الهدايه ..
كل شيء في البنت ظاهر ..!!
وفي بلادي ..
كل شيء في البنت طاهر ..
كل شي في البنت مخفي ..
والله لفته منها تكفي .. لو تنادي ..
كل شيء في البنت باهر ..
رمشها وعيونها ..
وشموخها يوم تقفي ..
ونقشة الحنا على ذيك الايادي ..
وان حكت مرة وقالت ..
كل عاقل تربكه ..!!
يا بنات المملكه ..

يا بنات المملكه ..
ما تكفيّكم قوافي ..
لو أبجمع من عيون الشعر احلام القصيد ..
ما هو كافي .. ما هو كافي ..
في بنات المملكه ..

لو أبنثر كل كلمة من عبارات النشيد ..
ما هو كافي .. ما هو كافي ..
في بنات المملكه ..

لو أبكتب من على سطح القمر ..
او على متن الجليد ..
ما هو كافي .. ما هو كافي ..
في بنات المملكه ..

ولو اردد كل ابيات الاغاني .. واستزيد ..
ما هو كافي .. ما هو كافي ..
في بنات المملكه ..

ولو اببدا من جديد ..
أو أكرر .. أو أعيد ..
ما هو كافي .. ما هو كافي ..
في بنات المملكه ..
كل شيء فيها فريد ..
كل حُسنٍ تحبكه ..
عقلها .. يسوى بلد ..
صوتها .. مثل الشهد ..
حسنها .. ما هو ف ( أحد ) ..
وافيه .. طول العهد ..
هذي هي بنت البلد ..

والجروح المنهكه ..
ما لها الا الجلد ..
أو بنات المملكه ..!!