تويت
تخون اليوم عشرتنا .. وتبدل فرحنا بأحزان
..............ويطول الليل في عيني وأقول : الشمس خوان
سما .. وقلبي مثل طير يطير وفارد الجنحان
..............وبعد ما طار لك قلبي تكسر لي جنحان .. !
زمن غير وفا قلبك وخلاك الزمن خوان
..............وأنا اللي أحسب قلبك يصون القلب لو خان
أصدق وإلا ما أصدق .. أخاف إني أنا حلمان تدور
..............الدنيا في عيني وإلا عيني نعسان .. !
هقيت إن الوفا عندك يشب بقلبك النيران
..............يدفي قلبي البارد .. ويحضني بشريان
لقيت إن الوفا عندك رماد وبس بقى .. دخان
..............وحبك مات في قلبك .. خنق حبي بدخان
عرفتك من هذاك الوقت وعشنا كننا اخوان
..............تخون اليوم من دور رضاك وزعل إخوان
يا غالي ليه تطعني .. وأنا اللي لدنيتك شفقان
..............افا وشلون تتركها .. عيوني تنام زعلان
تخيل ما قدر يمسح دموعي معطف النسيان
..............تطيح الدمع من عيني على طاريك ولهان
تخون اللي لجل وصلك رضى يبعد عن الخلان
..............تخون اللي يشيل الهم .. عنك فوق أمتان
تخون اللي لجل عينك ضحك قلب وهو خسران
..............وكل ما شافتك عين .. نسى هم وأحزان
تخون اللي سهر جنبك بعد ما قلت ل : تعبان
..............تخون اللي عيون لك طوال الليل سهران
تخون اللي عطش قلب بعد ما قلت ل : عطشان
..............تخون اللي نسى الدنيا وكتب إسمك بديوان
تصدق كل هذا صار .. لأني كنت أنا غفيان
..............حلمت اليوم أنا بحبك وأثاري الشمس خوان
تخون اليوم من دور رضاك وزعل إخوان
..............تخون اليوم من دور رضاك وزعل إخوان
............................تخون اليوم من دور رضاك وزعل إخوان
تعليق