بس الحمدلله دم حمدان ظهر مطابق لدمها ...



ومر اليوم

واستقرت حالتها

بس كانوا حاطينها في العنايه وممنوعه الزياره ويدها ويدتها احتشروا يبون يدشوون وماخلوهم


واليوم الثاني

اليده واليد اصروا زياده انهم يدشو فقالوا لهم عادي يدشوون بس بالكثير شخصين وهيه الين الحينه مانشت

ودش اليد ووياه عليوووه

واليد قلبه عوره من الوايرات اللي مركبه عليها ومادري شوو ودمعت عينه

وعليوه كانت تصيح بس غمضها يدها وظهرت عنها وياه

وعقب يت اليده بتدش وقالت عليا لازم حد يكون وياها اذا اليد ماتحمل وين اليده بعد

واجرب واحد منها كان هزاع زخت ايده ودخلت وياه


اليده وهيه تصيح: وييييه بسم الله على بنيتي اشو سووا فيها

هزاع*فديتج والله ياليته فيه ولا فيج (وطبعا كان يعرف انه هدى صامتنها بعين) الله يغربل هالهدى يعلها ماتذوق السعاده وانا حي *

هزاع: قومي يدووه بس لاتصيحين ان شاء الله هيه بتقوم بالسلامه
اليده:لا انا بتم ويا بنتي
هزاع: مابيخلونج يوم بيحطونها في حجره خاصه ان شاء الله بتم عندها وياج بعد
اليده :متى ياوليدي ماباها تبات روحها سير قول حق الدكتور
هزاع: ان شاء الله الدكتور قال اذا قامت اليوم بنوديها ادعيلها يدووه
اليده: ان شاء الله
هزاع: انتوا خبرتوا امها وابوها.؟.
اليده: لا ياوليدي مانباهم يستهموون ان شاء الله يوم بيردون بتكون بخير وبنخبرهم

وظهروا عنها

وكانت الساعه 12

وكلهم ردووا

بس العصر ردت عليووه ويت بالدس ويا الدريول

عليا وهيه سايره صوب الحجره وجافت هزاع وذياب يالسين ع الكراسي اللي برع
عليا كانت تصيح بس مسحت دموعها عسب مايعرفوون

عليا: ها دشيتووا؟؟*ويه شو دشيتووا بعد البنيه هناك بليا شيله والله يسوونها مب غريبه *
ذياب: لا كيف ندش عليها
عليا: انزين انا بدش
هزاع: دخيلج عليا طمنيني عليها
عليا: ان شاء الله

ودشت ويلست شويه

وعقب خلود فتحت عيونها وكانت تدمع تحس بالم فضيع فراسها

عليا: خلدووه فديتج الحمدلله ع السلامه ماتشوفين شر يالغاليه
خلود بصعوبه ترمس: الله يسلمج ..راسي ..راسي
عليا: بلالاه راسج ؟؟..ازقر لج الدكتور؟؟
خلود: هيه دخيلج ماروم استحمل

وزاد العوار عليها
وعليا ظهرت تربع وقالت لذياب يزقره ويا الدكتوور
وماخلاهم يدخلوون

وعقب شويه ظهر

وفز هزاع من مكانه ::خير دكتوور؟؟
الدكتور: لا الحمدلله حالتها استقرت والصداع ده من فقر الدم اللي فيها
هزاع ارتاح:الحمدلله

واتصلووا باهلهم وخبرووهم وتمت في المستشفى لانه الدكتور قال احتمال تتعب مره ثانيه

وعليا كانت تبات وياها

واليده تيي من الظهر الين المغرب ويا اليد ويروحون


يوم الاربعاء...
في المستشفى ...
عليا: اويييييييييييييييييييييييييييييييييييييييييييييييي ييييييييييييييييييييييييييييه
خلود: بلالاج
عليا: نسيييييييييييييييييييييييييييييييييييييييييييييييي يييييييييييييييييييييييييت
خلود: نسيتي شو .؟؟؟؟؟
عليا: الرسا ال،ه
خلود: ارمسي عدل مب بالقطاره
عليا:تحيدين يوم كنا في نادي الضباط يوم ذياب نسى موبايله في المسبح وسرتي وياه
خلود: هيه
عليا: هزاع عطاني ورقه اعطيها ايا
خلود: وينها

عليا اتصلت في البشكاره وقالت لها اتيبها وياها يوم بتي ويا اليده

ويت اليده والبشكاره عطتهم الورقه

خلود فتحت الرساله وقلبها يدق بالقوو



















يعني لازم تعرفوون شوو مكتووب لووول






مكتووب


خلوود احبج

فز قلبها واخيرا اتاكدت من شعوره ياربي

خلود: فديته اخ بمووت
عليا: اوه اوه مانرووم
خلود: ترا حتى ذياب
عليا: بلالاه
خلود: يحبج
عليا : كيف عرفتي؟

خلود خبرتها السالفه

ومر الاسبوع...

ونفس اليوم اللي كانت بتظهر فيه النتايج ام خلود وبوها وام عليا وابوها بيردون بس خلود وعليا مايعرفن مفاجاه

قامن خلود وعليا من غبشه الساعه خمس ونص الفير وعرفن النتايج

خلود يابت 91,7
وعليا 92,9

خلود: الحمدلله خلاص انا الحينه ارتحت بسير ارقد مارقدت عدل امس
عليا: هيه وانا بعد
هزيم: اوكي سيرن
اليده:فديتكن والله رفعتن روسنا
اليد : وبيضتن الويه
حمدان : يلالا سيرن
خلود: شو اخ حمدان الظاهر انك تروغنا؟!!
حمدان: هاه منو قال بس انتن تعبانات وتبن ترقدن
هزيم:سيرن يلالا
عليا تصاصر خلود:اقول شكلهم يبون يرمسون فموضوع مانعرفه ومايريدوننا نعرف
خلود:هيه والله قومي بنسير نرقد

وقامن
سارن حجرتهن ورقدن ع طول من التعب

اليده: هاياوليدي متى بييون قوم ابوك وعمك
حمدان: طيارتهم بتوصل الساعه عشر
هزيم: زين عسب يرتاحون ترا عقب قوم يدي معضد ويدي بطي وعيالهم بيوون
اليد:هيه

ووصلت الطياره وساروا هزيم وحمدان المطار يابوهم
وردوا البيت

وعليووه وخلدووه الين الحينه راقدات مايعرفن شي

واذن الظهر وساروا المسيد وردوا البيت

وعرفوا بنسب بناتهم واستانسوا

والحرمات والخدامات يجهزن العشا

اليده(شيخه):عذيجه (مرت هزيم) سيري وعي البنيات خليهن ينزلن وخبريهن ان قوم معضد وبطي بييون
ام حمدان(ساره):بس لاتخبرينهن اننا يينا
ام هزيم(عوشه):فديت بنتيه انا تولهت عليها
بوحمدان(حارب):يلالا بسرعه
بوهزيم(حامد):مادري قلوبنا جيف طاوعتنا وودرناهن
بوحمدان(حارب): هيه والله صدقك
ام حمدان(ساره): بس بيضن الويه يعلني افداهن
اليد(حمد):فديتهن بيستانسن يوم بيعرفن انكم وصلتوا

ونشت عوشه مرت هزيم وسارت توعيهن

فوق
في حجرة عليا وخلود
عوشه: يلالا قومن بسكن رقاد
عليا: اوهوو خلينا نرقد
عوشه: قومن قومن
خلود: عوشوووووه والله بخبر عليج يدووه
عوشه: اصلا هيه قايله لي اوعيكن
خلود: ليش اشو صاير؟شي مستوي؟
عوشه: لا بس قوم يدي معضد ويدي بطي بيون يتغدون عندنا والحينه الساعه وحده وانتن بعدكن راقدات حشى جنه رقاد اهل الكهف ماتشبعن
عليا: حرام عليج امس بس رقدنا ساعه ونص
خلود: هيه من الساعه ثلاثه ونص الين خمس ..الله قوم يدي بطي ومعضد بيوون وناسه
عليا: هيه .. انزين عيالهم بييون؟؟
عوشه: طبعا هيه
فزت خلود :بسير الحمام قبلج
عليا: اوكي الين ماتظهرين انا برتب فراشي وبطالع شو نلبس
خلود:اوكي

وظهرت عنهن عوشه

*هذا وانا قلت لهن ان قوم يدي بطي ومعضد بيون استانسن يوم بيعرفن ان امهاتهن وابائهن يوا اشو بيسون عسى الله يديم عليهن الفرحه*
……………………..