العايله الثانيه 2
عايلة معضد بن غيث
معضد ) بوخالد ( وماخذ شمسه ) ام خالد (
وعندهم :
1 – خالد :ماخذ رابعه وعندهم:
مايد 27 (معرس وعنده طحنون ومنصور وعمير والعنود ,, وحرمته بخيته ) ,, مبارك 21 ..يشتغل في الشركة
, سعيد 20 ..ثالث سنة في الجامعه..يدرس اقتصاد
, سهيل 19 ..
, مروان 18 ..ثاني سنه في الجامعه..يدرس اعلام
, رفيعه 17..ثانوية عامة...مدرسة الصفوح

2- خولة : ماخذنها عبدالله وعندهم :
راشد 20 ..ثالث سنة في الجامعه ..ويدرس هندسه معماريه
, ذياب 19 ..ثاني سنة في الجامعه ..ويدرس طيران
, ظبيه 17..ثانوية عامة..مدرسة الصفوح
, عفرا 16..ثاني ثانوي..مدرسة الصفوح

4- خديّه : ماخذنها سالم وعندهم:
احمد 27 (معرس وعنده :حمد , عاشه ,ناصر ,,,,وحرمته شمه), محمد25 (معرس وعنده : فاطمه وعلي وحرمته لطيفه )
,مريم 19..ثاني سنة في الجامعه..تدرس تاريخ

...

العايله الثالثه 3
عايلة حمد بن غيث
حمد ماخذ شيخه وعندهم:
1- حارب : ماخذ ساره وعندهم :
حمدان 25 (حرمته حصه وعندهم ريم وزايد(
,خلود 17..ثانوية عامة ..مدرسة الصفوح

2- حامد : ماخذ عوشه وعندهم:
هزيم 25 ( معرس وماخذ عذبه وعندهم اروى وسيف(
,وعليا 17..ثانوية عامة مدرسه الصفوح

الجزء الاول




.....

في كل نهاية اسبوع (اربعا وخميس ) عليا وخلود يباتن في بيت يدهن حمد

( يوم الاربعاء ) <<بعد اسبوعين بتبدا امتحانات اخر السنة!

(العصر )

علايه: افف اخيرا انا خلصت المراجعه
خلود: زين مابغيتي
علايه : اقول لج اشو رايج نغيب هالاسبوع
خلود: هيه بس ملل اشو بنسوي؟
علايه: مادري , ... , بس حرام قووم امايه بيسافروون باجر بصيح
خلود: اشو نسوي؟والله لو مب الامتحانات كنّا بنسير فياهم
علايه: لا وامتحانات ثانويه عامه بعد
خلود: سكتي ونحن ولا مهتمات خخخخخ
علايه :هيه ع ايام قووم عذبووه (مرت اخوها (كانن يصيحن ومادري اشوو
خلود: والله متفيجات
علايه:وايد ,..., افف يعني لازم يسافرون؟ [ام عليا وابوها وام خلود وابوها]
خلود:انزين انتي فكري في الجانب الحلو مثل مايقولون!
علايه:وشو الجانب الحلو يالانسه عيوز!<<لووول
خلود:اننا بنبات هنيه في بيت يدي فيا بعض وعقب ترانا بنسافر لهم عقب ماتظهر النسبة
علايه:هيه والله وناسه
خلود: بس انا ماقدر اصبر الين مانخلص افف
علايه: طاعووا هاي انتوا؟ توها تقول لي فكري في الجانب الحلو وهيه تفكر في الجانب السيء ..والله حاله؟!
خلود: اووه نسيت..هههه.. بس بعد بنزعل
علايه:الا غصب(ن) عنج اصلالا
خلود: صدقتي ,, انزين قومي خلينا نسير نيلس وياهم
علايه: اسمينا بنتوله ع سوالفهم
خلود: الله يعين ,, يلالالا
ونزلن تحت..
^^

اليوم طبعا الكل بيتيمع في بيت حمد بن غيث عسب يسلمون ع حامد(بوهزيم) وحرمته وحارب(بوحمدان) وحرمته

في بيت اليد [معضد بن غيث]

عياله وعيال عياله كلهم متيمعين عسب يروحون بيت خوه[حمد بن غيث

ذياب :انزين ظبيوه قولي نحن مانعرفهم ذاك الزود
ظبيه: شي طبيعي ياحبيبي
مبارك: ليش ان شاء الله
سعيد: الحينه كل هالحشره عسب قلنا لج قوليلنا عن عيال عمي حارب وعمي حامد
ظبيه : والله نحن كل مانسير هناك الخميس حضراتكم تروحون تحوطووون وتهيتوون
وتستهبلون ع خلق الله
عفرا: وحتى ماتوون تسلموون
رفيعه: واليوم اكيد محد بيعرفكم
ظبيه: لا هزيم بيقوول منو هالشباب من وين يايبينهم اكيد سايرين مول من المولات وميمعين المغازلجيين كلهم هنيه ههههههه(تضحك بدون نفس لانها تقصد سهيل بكلامها! )

ظبيه تحب سهيل بس سهيل مغازلجي وانجرحت منه يوم سمعته يرمس بنيه كانت تعرف انه يرمس بس كانت تقص ع عمرها واتاكدت وقررت انها تنساه وتشله من بالها بس وايد صعب لانها دووم تجابله ويتيمعوون بحكم انه ولد خالها والشي اللي ماكانت تعرفه انه سهيل توه بدا يحبها]

سهيل.. (عرف انها تقصده وحز فخاطره بس محد حس)..

مروان: يلالا قولن
رفيعه: الله يسلمكم

والكل اندمج

عفرا: ويييه اطاعي ويوههم هاذيل صج اندمجوو خخخخخخخخخخخخخ
رفيعه: ههههههههه

بس سكتووا عسب تكمل وماعلقوا

رفيعه : يدي حمد بن غيث عنده بس ولدين واللي هم عمي حارب وعمي حامد
عفرا:عمي حامد عنده ولد واللي هوه هزيم معرس وحرمته اسمها عذبه وعندهم سيف واروى... والبنيه عليا عمرها من عمر ظبيووه
ظبيه: وعمي حارب نفس الشي ولد وبنت حمدان معرس وحرمته اسمها حصه وعندهم زايد وريم , والبنيه خلود بعد من عمري
سعيد: اها يعني ماعندهم شباب من عمرنا
عفرا: بس حلوه القعده فياهم ماتنمل

,,,,,,

ونفس الحاله في بيت [بطي بن غيث]..

عياله كلهم متيمعين وعيال عياله لنفس السبب
وطبعا الشباب يسالون عن قوم حمد بن غيث بس هنيه مايسالون البنات ....لا ..يسالون اليد..

ويدهم يحب يطفربهم ...

وفنفس الوقت يريد يادبهم لانهم نفس الشي ..
يظهرون الخميس وماييون بيت حمد بن غيث..

هزاع: انزين يدي قول
اليد(بطي):انزين الله يسلمكم خويه حمد اللي يوم يابته اميه الله يرحمها..
ثاني: الله يرحمها ..يدي الله يهداك.. نحن قلنا لك منو عيالهم مب متى امك يابت يدي حمد

اليد..(مستانس من داخله وهو يطفربهم بس مايبتسم عسب مايخرب ع عمره
هههههه<<يدهم غير شكل بعد..(

سلطان: يلالا يدي كمل
اليد(بطي): انزين خويه حمد عنده ولدين الاول يابته حرمته يوم كنا في رحلة غوص احيد كنا سايرين..
مبخوت: يدي دخيلك خل رحلة الغوص عنك وقول شو اسم هالولد وخوه
اليد(بطي): الولد الاول اسمه حامد والثاني حارب ..(وسكت(
مطر: انزين مو معرسين؟؟
اليد(بطي): لالا وين معرسين وكل واحد منهم يد بعد
هزاع: انزين منو عيالهم
اليد(بطي) : حامد يوم عرس عقب سالفه ال......

وعرفوا انه بيفج سالفه ثانيه وتمووا عنده لين ماخبرهم وطبعا بعد ماطلعت ارواحهم خخخخخخخخ ...

<<اشكر فنك يدي بطي^^ زين عسب يتادبون...

في بيت [حمد بن غيث]

اليده (شيخه):والساعه جم بتركبون هالصندوق اللي بيطير بكم لجهنم؟
حارب(بوحمدان): لا اميه اسمها طياره
حامد(بوهزيم): ويديه .؟ اميه منو قايل لج اننا بنسير جهنم
اليده(شيخه: تراكم بتسيرون بلاد كفر يعني جهنم بعد اشوو؟
عليا: لايدوه الا جنه من حلاتها
خلود: خضرة وزرع
عليا: ومطر
خلود: وذاك النسيم البارد اللي يرد الروح
اليده(شيخه): صج ؟
خلود: والله يدوه , (وتغمز لعليا) اشو رايج نسير فياهم يدووه؟
عوشه (ام هزيم): وين تسيرن وراكن امتحانات انتن؟
هزيم : الا تحلمن
عليا: جيه ع كيفك هووه؟
هزيم: هيه
عليا: اولا ياخ هزيم الرعد اذا يدووه بتسير غصب(ن) عنك بنسير , صح يدووه
اليده(شيخه):اكيد فديتج
هزيم: وثانيا؟
عليا: وثانيا اعتقد اني كنت ارمس يدووه هب انته؟
خلود: مع احترامنا الشديد يعني بس لاتخرب علينا
هزيم: لاحياتي (ترا خلود خت هزيم وعليا بالرضاعه) لاحياتي انتي وهيه مابتسيرن يعني مابتسيرن الاّ؟!
عليا: الاّ شوو؟
هزيم: اول بوسي ريل حرمتيه وعقب بقوولج
عذبه(مرت هزيم): لا والله خلها تبوس ريلك انته
خلوود: اوهوو الاّ شوو؟
هزيم:وريلي ع ريلكن لالا واركب قبلكن الطياره وايلس يدامكن هذا يوم بنسير اما الحينه؟!
عليا: افف الحينه شوو بعد؟
هزيم: سيرن ودن عيالي الدكان واشترن لهن ع حسابكن
خلود: بنسير المهم نسافر
عليا: هات الفلوس وبنوديهم
هزيم: لا على حسابكن انا قلت
خلود: اوكي ع حسابنا اشو تتحرانا عيال زطووط

عليا (تغمز لخلود بمعنى استعدي للشرده) ..:لا وانتي الصاجه خوات زطي ههههه

ويشردن يسيرن صوب حجره الالعاب..

خلود: خخهخهخهخخهاي صج انه لسانج طويل
عليا :هههههههههههههه
خلود:ريماني زيووّد [(ريم وزايد) عيال خوها حمدان اراوي وسوّاف[اروى وسيف (عيال هزيم] ( تعالوا بنسير الدكان
عليا: يلالا بسرعه نحن بنلبس عبينا وبني نريد نشوفكم عند الباب وكل واحد لابس نعاله

,,وعاد اليهال ماصدقووا هههههههه صج يهال لووول..

ولبسن عبيهن
وظهرن صوب الدكان...

خلود: الله فديت هالسياره انا
عليا: ايه جيف نروح الحينه هاي السياره واقفه
خلود: فضيحه بيقولون بنات شكبرهن وسايرات الدكان هههههه
سيف: انزين ردن ونحن بنسير
عليا :هيه عسب ييكم هندي ويسرق فلوسكم والعابكم (تقصد ريم واروى ترا كل وحده شاله دبدوب في ايديها) ..بنترياهم يروحون وبنسير ..
زايد: انتن ترين نحن بنسير ويوم بتسير هالسياره تعالن
خلود: لا فديتك بنسير ضربه

ومرت خمس دقايق واليهال يتحرطموون...

خلود: اقول لج خل نسير شكلهم بيعسكروون اليوم هنيه
عليا: لالا اخاف
خلوود: كيفج خافي نحن بنسير
عليا: وياويهج ....يلالا .... بس اقول لج مابنتغشى
خلوود: جيه فايجه لهم انا بعد اتعب ايديه وارفع الشيله واتغشى بها وانزل يديه
عليا: خيبه سويتها سالفه ههههههههه يالخقاقه
خلود: هههههه

الجزء الثاني




.......................

في الدكان

عليا: تعرفين منوه في السياره؟
خلود: منو؟
عليا: صقر ,,,
خلود: اويه خليه يولي
عليا:هيه عيل حد قال لج مسوتله سالفه

وكان ماشي في الدكان الا اربع غرش بيبسي دايت !)الحبيبات مخلصنه ههههههه من قبل( وخلود شلتهن حقها وحق عليا وحق هزيم وحرمته

خلود: اقول لج بنخسس بهزيمووه بنيب له بيبسي دايت
عليا: هههههههههههه لا وبنقول له انت قلت بيبسي بس ماحددت
خلود: هههههههه
راعي الدكان: خلود هزا نفر برع (وقال لها ان اللي في السياره يريدون البيبسي وماشي غيره وقالت له هب مشكله قول لهم خلص<<(يعرف اسمها بعد والله حاله..
راعي الدكان:اوكي ...

.. وسار قال لهم وقالوا الشباب اوكي مب مشكله بس طبعا اتريوا قوم علايه يظهرون ههه صج شباب فاصين...

وخلصووا اليهال وخلود وعليا بعد ماخمن الدكان وطبعا يابين وياهم البشكاره عسب تشل هههههه حليلها..

وهن طالعات...

صقر شاف البيبسي في ايدين البشكاره ..

ويرمس بصوت عالي: طالعووا هاه يقول ماشي بيبسي وهاللي في ايدين البشكاره شو؟؟!

خلود وعليا سمعنه بس طاف....

راعي الدكان:لا هزا في اخر هبه
صقر :بس نحن طلبنا قبل بس دام انه الحب شالتنه هب مشكله

خلود حرجت *ها صج سخيف وقليل ادب يعني شو نسويله نحن شدرانّا انه طالب قبل مانشله شو اسوي اسير افر الجيس فويهه والله حاله الله يعينج ياعليوه*

عليا*سبال والله فاضحني في الفريج احبج واحبج والحب حبك برص*

خلود بصوت عالي يسمعه صقر: علايه عادي ارد عليه
علايه: لاتنزلين من مستواج اونه الحب اشكره ماخلالا بنيه في الفريج الا ويحبها حشى مب قلب ها لا ومطرش لي سوّاف يقول انه ربيعه يحبج
خلود:ياسلالالام كملت هو يحبج وربيعه يحبني حبته هنديه ان شاء الله
عليا(تصاصر خلود):ايه عيب يسمعون
خلود: نفاد

وسارن البيت وهاي اول مره عليا وخلود يطولن اصواتهن عسب يسمعهن صقر ومن عقبها ودرهن وعرف انهن مب مال هالسوالف...

وطبعا بدلن ثيابهن عليا لبست مخور [برتقالي] و اتجحلت .....
وخلود لبست مخور بعد [بنفسجي] واتجحلت بعد ...لوووول...

وزقرن ريم واروى عسب بيدلنهن ويكشخنهن وجيه يعني..

عليا: يلسي بسويج باربي.. [ترا اروى لابسه مخور وردي]
خلود:الله محلاتهن بالمخور .. [وريم لابسه شرات اروى لون وردي بس شويه مختلف اللون ..(وكلهن ,خلود وعليا وريم واروى نفس الخوار والقطع بس الالوان غير)..]

طق.. طق ..طق... (والبنات طاف هههه)...طق ..طقققق .طراخ طووووووووخ طراخ طق طراخ طق طوووق....<<خهخهخهخهخهخهاي...

عليا: افف اشو هالحشره حدروا

وحدرووا زايد وسيف والبشجاره وراهم ..

خلود: يلالا حطي كناديرهم ع الشبريه

ولبسووا سيف وزايد كنادير رصاصيه وعصموهم (ماشاء الله [خلود وعليا] مب بنات شباب يعرفوون كل شي لووول )..
وتعطرووا وتدخنووا..

وسمعن حشره برع وسياير واللي يصيح ويلالات..<< حضراتهن ماعرفن ان الشباب بيوون..

خلود: وييه شكلهم داشين بالغلط
عليا: لا شوفي يدي بطي وياهم !
خلود: وييييييه منو هاذيل يمكن شبابهم ويييييييه يخبلوون
عليا: هيه والله

وهنيه سيف ايول وزايد يرزف واروى وريم تمن ينعشن وعاد استانسن عليا وخلود عليهم وتمووا يدقن وجيه..

خلود وعليا: ياحي من بين لي الشوق وانا شراته صرت مشتاق...... وماكملن نصها الا ونقزن في اغنيه ثانيه ...... وين يا من تسهر عيوني مت ولا حي يالغالي اذكر انك مصدر جنوني وكل مايطري على بالي ...
وبعد ماكملنها فرقه ماشاء الله ....بكل الاوصاف ربي مكملنك .... دنيا بليا حب ماظني تنحب ,,,....ويسلاممم طموحي عروس معايا تسير شريفه بعفاف يجي شي غير مطيعه حنونه وتسعى لخير زواج جمعنا لانه المصير .... وينك حبيبي وينك طول بنا الغياب .... مشكلني حبك ...حط عقلك براسك..ياللي على البال تطري وانته ماتدري....انا الشاجي انا الباجي انا الحساس
<<مسوين عرس فووووق لوووووووووول وفاجين فرقه للاتصال والاستفسار يرجى الاتصال ع الارقام التاليه..::
........*******050 <<هخهخهخهخهخهخهخهاي....


اما تحت...

الكل حدر الميلس العود ...الا الفرقه بعدهم شغالين ..<<ههههههه..

اليده(شيخه):مب جنه حد ناقص ولا انا ماشوف؟؟

طبعا الشباب صخوا مايعرفون منووه؟..

اليده(شيخه): عوشه ,, ساره ويدي وين بناتكن ويال عيالكن ؟؟

اليد(حمد): فوق يترقصن ههههههه فاجات فرقه افف ياشويخ اصواتهن عذاب هالبنتين فديتهن انا

لا وسواف وزيود ايولون ويرزفون وريم واروى ينعشن افف والله انهم عذاب

وصوب الشباب والبنات

ذياب :خاطريه اسير اشوفهم
ظبيه: ايه شو اتشوفهن
سلطان:يلالا قومي بنسير انشوفهن
عفرا: لالا عيب نحن عادي بس انتوا
يقاطعها مطر:سبشل هههههههه
مبارك:لا خصوصي وانته الصاج
مروان:يلالا لا ظبيوه ودينا
مهره:بس اسكتووا بيين هن رواحهن هنيه
هزاع:بس مابنشوفهن يدقن ويغنن
سعيد:يلالا ظبيوه نشي ودينا
سلامه: رويض تعالي فيايه
مبخوت: وين بتسيرن
روضه :مالك شغل فيني مافيني يكفيني حل عن سماي وروح ابعد وخليني..

وقامن..

ذياب:وين وين بيي فياكن
روضه:وين بتي الله يهداك

وسارن وماسون لهم سالفه..
وحدرن فووق ولحقنهن ظبيه وهند عسب يفتكن من الشباب..

روضه: ياسلالالالالام ياسلالالالام
سلامه: ايوا
ظبيه: عاشوا
هند: صوبنا صوبنا

وبندت الفرقه هههههههههههههههههههه...
ويلسن يسلمن ع بعض..

سلالامه: الك شو هيدا الحلالالا
ظبيه: عم بتعادووا
عليا وخلود: تسلمووا كلكون زوء<<يعني ذوق خخخ

وينزلن البنات يدشن قوم ظبيه اول شي ..
وعقب يحدر سيف وبعده ريم وبعدها زايد وبعده اروى..
وخلود وعليا واقفات..

خلود: ويييييه وين ندش انا استحي
عليا:خلاص مابندش نرد انكمل شغلنا احسن ههههه
خلود: هههههههه لا بنسير المطبخ وبنقول اونه انساعد البشاجير لوول
عليا :بس فضيحه لازم نسلم
خلود:عادي بتصل ع موبايل حمدان بقول له يخبر امي عقب اننا ..
اليده(شيخه) تزاعج:دشن بناتيه دشن يعلني افداكن
عليا:وييييه فضيحه

ودشن وكل العيون عليهن طبعا خخخخخخ تعرفون اقصد عيون منوو...
وسلمن ويلسن عند يدتهن..

اليده(شيخه)تصاصرهن:جيه ماخبرتني انكن تدقن عسب ايي حمد يقول اصواتكن حلوه

عليا وخلود يطالعن بعض يدي ويدتيه اشعرفهم؟..

اليده(شيخه):ترا يقول ان حسكم كان واصل الين تحت ,
خلود: هههه شو نسوي شلنا الهوى يدووه خلينا نفرح باجر بنصيح صياح
عليا:هيه والله الله يعيننا
اليده(شيخه) غمضنها البنات:ويه فديتكن لاتصيحنّي
خلود تغير السالفه:انزين يدووه منو هالشباب؟
اليد(حمد):هذيل عيال عيال بطي وعيال عيال معضد خوانيه
عليا:ايوا

والشباب كانوا يرمسون فيا حمدان وهزيم ووايد ارتاحوا لهم ...

هزيم: وانا اقول منو هالشباب ماشاء الله عليكم
حمدان:اسكت هاك اليوم انا جايف سلطان في بن بطوطة يلحق بنيه ههههههههههه
الكل هههههههههههههههههههههه <<يعني الكل يضحك ^^...

[سلطان مايحب هالسوالف اصلا وبريء يعني هب مغازلجي ههههههههههه]..

حمدن:لا ويلحق بنيه تقول يلعبون كوك يريد يزخها هههههههههههه
سلطان:لا بعد قوول توم وجيري احسن ههههههههههههههههه
هزيم: ههههههههه وهاي علومكم
هزاع: اي واحد ولدك حمدان
حمدان:تشوف هذا... مو ولدي ولد هزيم هههههههههههههههه
هزيم: وتشوف هذا ...مو ولدي ولد حمدان هههههههه
ذياب: لووووووول ضج انكم تحف
راشد: واي وحده بنتك حمدان؟
حمدان: تشوف هاي ؟
راشد: مو بنتك
حمدان :لا بنتي ههههههههههههههههه
سلطان: خخخخخخخخخخخخخخ

سهيل [كان معاهم ويسمعهم بس يفكر في ظبيه ليش متغيره عليه]؟..
وظبيه [كانت حاسه بنظراته]..

سهيل* ياربي بلاها جيه تعامليني؟انا اشو سويت بها والله احبها بس مو بكيفي خل تمتحن والله باخذها رضت ولا لالا فديتها والله يالله متى بيي هاليوم؟]..
ظبيه بلاه يطالعني جيه؟ افف شو هالحاله ...

ميره: حوو ظبيوه نشي بنسير فوق يلالا
سلامه:يلالا اهنيه هب ماخذات راحتنا
عليا:هيه عسب ترتاحن
خلود:ونشوف ثيابكن بعد خخخخخخخخخخ
هند:ونسولف ع راحتنا

وسارن فوق..