تويت
خالد والأيام
خالد ..
تبقا خالد في القلب مهما أصابك .. ل . (مقابر الأحياء) معنى لم اعرفه الا منك
ياخالد الأيام والدنيا تروع
شف وش كثر ماراح منها وش بقا!!
تجمع شتات احيان ..وتفرق جموع
واليا اغدرت تغدر على وضح النقا
اليا اقبلت لك .. (مبسم البنت الفروع)
وأتضيع هقوة كل من فيها هقا
وان كان قفت عنك لاترجي الرجوع
(وجه البخيل اللي عن الضيف اتقا) !!
وان زان منها نوع شان الفين نوع
يابئس من دنيا وصحبتها امحقا!!
ياصاحبي ..خلك من الدنيا قنوع
وقل لاكثر الأصحاب فالوقت أعتقا
شف كيف ملوا منك شينين الطبوع
اللي منول لك رفاقه وأصدقا
رفقة سنين اطوال راحت في سبوع
سراب لا بل العروق ولا سقا !!
مامن وراها الا الأهانه والخضوع
واللي ترفع عن مرافقها رقا
رجل تلوعه ساعة الشدات لوع
واخر يحصل له عن الجمره وقا
وان كان ماقلبي لما صابك جزوع !
لاعاد ينقل هم لفراق ولقا!!!
احزن واشاطرك الألم واظما واجوع
واعطيك موجز وانتبه .. (واللي بقا) !!
(مقابر الأحيا) ورى حدب الضلوع
اللي حناها الوقت واسنين الشقا !!
منقووووول
للشاعرمحمدبن رشيدالعتيبي
_
_
تعليق