لعبة تحدي الشعراء

**بـــــــــرق** · 25-11-2016, 01:40 PM

رد: لعبة تحدي الشعراء

بدع
.
.

ودي اعلنها وحكم العقل عيا
خوفي اللوام يجزل بالشماته

تو مطبوخ الفكر لازال نيا
والقلم عن مايبي تقصر دواته

**تنهيدهـ** · 25-11-2016, 02:28 PM

رد: لعبة تحدي الشعراء

رد ..

دام جزل القافيه مازال حيا
قولها والعاذل يسوي سواته

يا سلام الله على ذاك المحيا
ملتحف قلبي وغارق في سباته

**تنهيدهـ** · 25-11-2016, 02:30 PM

رد: لعبة تحدي الشعراء

بدع ..

الممطر عانق تفاصيل الأماكن
والأحاسيس الجميلة عانقتني

ياخشيف الريم قلي وين ساكن
تدري ان عيونك الحلوه سبتني !!

**بـــــــــرق** · 25-11-2016, 02:59 PM

رد: لعبة تحدي الشعراء

رد

وش بلاكن وش بلاكن وش بلاكن
يالخشوف اللي سوالفكن دعتني

أرفقن وجاوبن عود دعاكن
كفن أهداب مزارقهن رمتني

**بـــــــــرق** · 25-11-2016, 03:00 PM

رد: لعبة تحدي الشعراء

بدع

والله اني والله اني والله اني
كنت اظن اللي هنيا مايحرك

لين ذاك الرمح يوم انه طعني
ثم لان الصلب من كرك وفرك

**تنهيدهـ** · 26-11-2016, 12:45 AM

رد: لعبة تحدي الشعراء

رد ..

مفردات البوح أقبلت و دعني
سلهمت عيني هنا واثري اضرك

والله اني ماقصدت وكان ظني
ان سهم العين عندي ما يغرك

**تنهيدهـ** · 26-11-2016, 12:47 AM

رد: لعبة تحدي الشعراء

بدع ..

تزين بك دنيا و عشرة و مجلاس
دامك معي فالعمر كله ترى عرس

عساك ما تشقى و لا تشتكي باس
يافرحتي الكبرى و يا مالك الحس

**بـــــــــرق** · 26-11-2016, 02:24 AM

رد: لعبة تحدي الشعراء

رد

قام يتلقط مابقى له من انفاس
وأمواج وضعه خلته ينثر الهمس

واللي مقيد من زمن بين الاقواس
فز وترك صفق لخمس على خمس

**بـــــــــرق** · 26-11-2016, 02:25 AM

رد: لعبة تحدي الشعراء

بدع

صارت علينا ليلة منكوبه
وامسى الشمت باسماعنا له رنه

من عقب مانار الونس مشبوبه
اطفو سناها شلة منجنه

**تنهيدهـ** · 26-11-2016, 03:49 PM

رد: لعبة تحدي الشعراء

رد ..

العاذل اللي لبسنا ثوبه
من عقب ما كان يتشكى منه

بكره تدور الدايره والنوبه
ويبات مجروح(ن) يجر الونه

تعليق