تويت
نلوم الوقت كن الوقت يتغير وحنا (لا) !!..
،،
نلوم الوقت كن الوقت يتغير وحنا (لا)
........................وحنا اللي تغيرنا واكيد ان البلا منا
ضمايرنا نحاسبها نراجع نفسنا أولى
........................نصفي قلوبنا أول ترى كل البلا : حنا
ولو ننظف من الداخل بنحلى وبعدها نعلى
........................نقانا فيه يحلى الوقت وشين الوقت لو شنا
سواد قلوبنا حتى بنور الشمس ما يجلى
........................وحتى الحظ لو نخطي فلا يسلم من السنا
يا ناس الوقت هو نفسه سنين لبعض تتلى
........................ظلمنا الوقت بانه خان وحنا من معه خنا
وإذا الدنيا بنا شانت بنا لا شك هي تحلى
........................يشين الوقت بيدينا ومثله لو ترى زنا
وكل امالنا بالله إذا خربت فلا تخلى
........................ولو تخرب فلا نعمي فعايلنا بها بنا
ولله الشكر والحمد ما يكتب نقول : اهلا
........................رضينا بكل ما قدر ولو ما فيه يحزنا
لا نتشاءم يجوز اللي علينا مقبل احلى
.........................عسى بكرة لنا أحسن من اللي فيه نتمنى
الا يا وقت لك اسف تغيرنا وقلنا : ( لا )
.........................وحنا اللي تغيرنا ولو به عيب هو منا
/////////////////////////////////////////// مثمر
تعليق