تويت
تارت الجاناش
تارت الجاناش
المكونات للعجينة الحلوة :
١ ونص كوب طحين
أصبع زبدة دافي
١/٤ كوب سكر
بيضة
رشة ملح
مكونات الجاناش :
٣٤٠ جرام شكولاته غامقة !! من نوعية جددددددددا ممتازة
نص إصبع زبدة دافيه مقطعة
كمية قشطة خفق من نوعية جيدة تكفي إنك تسوين جاناش خفيف
ثلاث ملاعق كبيرة سكر
رشة كبيرة ملح
الطريقة :
أول شي نخلط السكر و الزبدة إلين ما تسير ناعمة طبعا هنا راح نستخدم ملعقة خشب عشان ما ندخل هواء كثير عالخلطة .
بيسير شكلها زي كذا ....
بعدين إخلطي البيضة مع الخليط اللي فوق و أخلطي مرة ثانية . شكلها راح يكون غريب في البداية بس بيظبط بعدين .
الحين إخلطي معاهم الطحين و الملح و إخلطي إلين ما ينخلط الطحين معاهم بس لا تزودين خلط ولا بتيك مشكلة بعدين .... إنتبهي إخلطي بس إلين ما تلاقين تقريبا كل الطحين إنخلط ويسير شكله زي كذا ...
الحين جمعي العجيمة و إعجنيها بسسسس شوي هدفنا هنا إننا نغلف الطحين بالزبدة بس موب نعجن نعجن بس شوي . حوالي ٣ مرات يكفي ...
بعدين شكلي العجينة على شكل مربع و غلفيها بنايلون و حطيها في الثلاجة أقل شي نص ساعة .
بعدين طلعي العجيمة من الثلاجة وإبدي أفرديها ... أول شي رشي شوي طحين على الطاولة ، حطي فوقها العجينة بعدين إفرديها وكل شوي حاولي تدورين العجينة ربع دورة عشان ما تلصق وعشان تنفر وتسير دائرة ، يعني لا تحركين يدك بكل الجهات عشان تسوين الدائرة لأ حركي العجينة نفسها .
طبعا العجينة هذي مليانة زبدة وكل ما دفت كل ماصارت صعب تشتغلين عليها عشان كذا كل ما لقيتي إنها بدت تسير لينة حطيها على صينية مرشوشة بطحين وحطيها في الثلاجة أو الفريزر بس شوي .
إفرديها إلين ما تسير أكبر شوي من حجم صينيتك حقت التارت زي كذا .
الحين شيلي العجينة وحطيها في صينية التارت و رصيها زيييييين ولو إنشقت ترا عادي خوذي قطعة عجين زايدة و زينيها العجينة ذي حبييييييييييييبة ترى .
تأكدي إنك تضغطين العجينة على الأطراف عشان تعطيك الشكل الحلو .
الحين رجعي الصينية للثلاجة مع العجينة حوالي ساعة .
بعد ساعة شغلي الفرن على حرار ٣٧٥ فهرنهايت . و بعدين طلعي الصينية من الثلاجة وخرمي العجينة بالشوكة في أماكن متفرقة عشان يطلع الهوا من العجينة وهي في الفرن .
الحين الخطوة الغريبة على ناس كثير .....
غطي الصينية بورق زبدة أو قصدير و إمليها حبوب أو رز عشان يمسك القصدير زي كذا ..
وحطيها في الفرن حوالي ١٣ - ١٥ دقيقة . بعدين طلعيها من الفرن . شيلي ورق الزبدة و الرز أو الحبوب و رجعيها الفرن ٥ - ١٠ دقايق إلين ما تكمل طبخ وتبدأ تقلب بنية .
طيب ليش سوينا ذي الخطوة ؟ عشان لو ما سويناها راح تستوي العجينة من برا بس تكون نية من جوا .
الحين خلي القشرة تبرد شوي عبال ما تسوين الجاناش .
طريقة الجاناش منيب عايدها موجودة في موضوع الماكرون طبقوا اللي تعلمتوه .
طبعا لو تبين يمديك تطعمين الجاناش بأي شي ( بندق ، نعناع ، برتقال ، ملح ) أو لو عندك أنتي شي تبين تطعمينه فيه .
بعد ما تبرد القشرة صبي الجاناش جواها و خليها تبرد أقل شي ساعتين إلى يومين في الثلاجة بعدين رشيها ببودرة كاكاو و شكولاته مبشورة وذوقي أحلىىى تارت .
ملاحظة : أنا أستخدمت هنا صينية تارت من النوع اللي تنشال القاعدة حقته تلاقونها موجودة بس لو موب موجودة أي صينية تنفع .
حجم الصينية اللي أستخدمتها هنا ٩ إنش ، لو صينيتكم أكبر إنتبهوا يمكن العجينة ما تكفي ويمكن الحشوة ما تكفي .
يمديكم تسوون ٤ تارتات صغار بنفس العجينة ونفس الحشوة لو عندكم صحون التارت الصغيرة طبعا .
المكونات للعجينة الحلوة :
١ ونص كوب طحين
أصبع زبدة دافي
١/٤ كوب سكر
بيضة
رشة ملح
مكونات الجاناش :
٣٤٠ جرام شكولاته غامقة !! من نوعية جددددددددا ممتازة
نص إصبع زبدة دافيه مقطعة
كمية قشطة خفق من نوعية جيدة تكفي إنك تسوين جاناش خفيف
ثلاث ملاعق كبيرة سكر
رشة كبيرة ملح
الطريقة :
أول شي نخلط السكر و الزبدة إلين ما تسير ناعمة طبعا هنا راح نستخدم ملعقة خشب عشان ما ندخل هواء كثير عالخلطة .
بيسير شكلها زي كذا ....
بعدين إخلطي البيضة مع الخليط اللي فوق و أخلطي مرة ثانية . شكلها راح يكون غريب في البداية بس بيظبط بعدين .
الحين إخلطي معاهم الطحين و الملح و إخلطي إلين ما ينخلط الطحين معاهم بس لا تزودين خلط ولا بتيك مشكلة بعدين .... إنتبهي إخلطي بس إلين ما تلاقين تقريبا كل الطحين إنخلط ويسير شكله زي كذا ...
الحين جمعي العجيمة و إعجنيها بسسسس شوي هدفنا هنا إننا نغلف الطحين بالزبدة بس موب نعجن نعجن بس شوي . حوالي ٣ مرات يكفي ...
بعدين شكلي العجينة على شكل مربع و غلفيها بنايلون و حطيها في الثلاجة أقل شي نص ساعة .
بعدين طلعي العجيمة من الثلاجة وإبدي أفرديها ... أول شي رشي شوي طحين على الطاولة ، حطي فوقها العجينة بعدين إفرديها وكل شوي حاولي تدورين العجينة ربع دورة عشان ما تلصق وعشان تنفر وتسير دائرة ، يعني لا تحركين يدك بكل الجهات عشان تسوين الدائرة لأ حركي العجينة نفسها .
طبعا العجينة هذي مليانة زبدة وكل ما دفت كل ماصارت صعب تشتغلين عليها عشان كذا كل ما لقيتي إنها بدت تسير لينة حطيها على صينية مرشوشة بطحين وحطيها في الثلاجة أو الفريزر بس شوي .
إفرديها إلين ما تسير أكبر شوي من حجم صينيتك حقت التارت زي كذا .
الحين شيلي العجينة وحطيها في صينية التارت و رصيها زيييييين ولو إنشقت ترا عادي خوذي قطعة عجين زايدة و زينيها العجينة ذي حبييييييييييييبة ترى .
تأكدي إنك تضغطين العجينة على الأطراف عشان تعطيك الشكل الحلو .
الحين رجعي الصينية للثلاجة مع العجينة حوالي ساعة .
بعد ساعة شغلي الفرن على حرار ٣٧٥ فهرنهايت . و بعدين طلعي الصينية من الثلاجة وخرمي العجينة بالشوكة في أماكن متفرقة عشان يطلع الهوا من العجينة وهي في الفرن .
الحين الخطوة الغريبة على ناس كثير .....
غطي الصينية بورق زبدة أو قصدير و إمليها حبوب أو رز عشان يمسك القصدير زي كذا ..
وحطيها في الفرن حوالي ١٣ - ١٥ دقيقة . بعدين طلعيها من الفرن . شيلي ورق الزبدة و الرز أو الحبوب و رجعيها الفرن ٥ - ١٠ دقايق إلين ما تكمل طبخ وتبدأ تقلب بنية .
طيب ليش سوينا ذي الخطوة ؟ عشان لو ما سويناها راح تستوي العجينة من برا بس تكون نية من جوا .
الحين خلي القشرة تبرد شوي عبال ما تسوين الجاناش .
طريقة الجاناش منيب عايدها موجودة في موضوع الماكرون طبقوا اللي تعلمتوه .
طبعا لو تبين يمديك تطعمين الجاناش بأي شي ( بندق ، نعناع ، برتقال ، ملح ) أو لو عندك أنتي شي تبين تطعمينه فيه .
بعد ما تبرد القشرة صبي الجاناش جواها و خليها تبرد أقل شي ساعتين إلى يومين في الثلاجة بعدين رشيها ببودرة كاكاو و شكولاته مبشورة وذوقي أحلىىى تارت .
ملاحظة : أنا أستخدمت هنا صينية تارت من النوع اللي تنشال القاعدة حقته تلاقونها موجودة بس لو موب موجودة أي صينية تنفع .
حجم الصينية اللي أستخدمتها هنا ٩ إنش ، لو صينيتكم أكبر إنتبهوا يمكن العجينة ما تكفي ويمكن الحشوة ما تكفي .
يمديكم تسوون ٤ تارتات صغار بنفس العجينة ونفس الحشوة لو عندكم صحون التارت الصغيرة طبعا .
~ 
تعليق