سجناء في قفص الشعر

**نبرة حزن** · 06-05-2017, 02:43 AM

رد: سجناء في قفص الشعر

{تمديد}

‏ياعين لا تبكين وقت الزياره
‏تصبري ياعين حتى يروحون
‏
‏وليامشـوا ياعيـن هلـي عبـاره
‏ترا البكا فرض على كل مسجون
‏
‏⁧‫

**طير القوافي** · 07-05-2017, 02:55 PM

رد: سجناء في قفص الشعر

افراج

السجن ل راعي الكامري

ودى أجيلك ومتردد من أسبوع
ودى ولكن خايف(ن) كيف ردك

أخاف تحسب جيتى لك بها خضوع
وتزيد فى كبرك من الغيظ هدك

**"لحن الوفاء"** · 08-05-2017, 09:16 AM

رد: سجناء في قفص الشعر

وسط العيون اللي هدبها يغطيك،
نم ياحبيبي جعل نومك عوافي..

رمشي من البارد حبيبي يدفيك،
لك في عيوني مسكن حيل دافي.

ياكبر حبي لك وياكثر ماغليك،،
اول غرامي معك واخر مطافي..

تمديد .. لراعي الكاامري ...
.

**أوراق الخريف** · 08-05-2017, 08:58 PM

رد: سجناء في قفص الشعر

افراج
هزيت اوتار العنا وجاك لحني
بحة حزن توصف خفايا سنيني
هموم تثقل خافقي الهمتني
اكتب لو ان القافية ما تفيني
تبي الصراحة دنيتي علمتني
ارقص لو ان الدمع في وسط عيني

السجن. بياع الورد

**بياع الورود** · 14-05-2017, 02:28 PM

رد: سجناء في قفص الشعر

حـاضـر ومـسـتـسـلـم وكـلي فــرح بـسـجـني

عـل أوراق الـخـريـف تـخـضـر بـعـدي

الـسـجـن لـهـا طـبـعـا

**شمس الشتا** · 16-05-2017, 12:28 AM

رد: سجناء في قفص الشعر

ادري وش سر الجريده
به أحد .. يقطع وريده ..
وينزف أخبار جديده ..
وحنا نقراها الصباح ..
دنيا مكتوبه فـ ورق .. دنيا من دم .. وعرق ..
دنيا مجنونه ارق .. وهم ..
انسرق .. إحترق .. المهم
كلها أخبار سعيده
وحنا نقرلها الصباح ..
لو طبعنا .. صفحة ما فيها خبر ..
لا حروف .. ولا صور
صفحة يملاها البياض ..
صفحة تملانا بياض .. ما يعكرها الحبر

...
...

أفراج لاوراق الخريف
السجن للحن الوفاء

**طير القوافي** · 20-05-2017, 11:54 AM

رد: سجناء في قفص الشعر

تمديد

ما كساك البعد ب اشواق الرجوع
ولآ نويت تسأل ابد عن عاشقك؟

**گشمآء** · 20-05-2017, 01:19 PM

رد: سجناء في قفص الشعر

افراج وسجن لـلكل

من راح من كيفه وكيفه يوديه
خله على كيفه وكيفه يجيبه

**غطآس العرب** · 10-07-2017, 06:55 PM

رد: سجناء في قفص الشعر

المشاركة الأصلية بواسطة أوراق الخريف

((سجناء في قفص الشعر ))

هو سجن رائع وجميل

نسجن عضو ويدخل عضو اخر ويحرره

الكفاله لتحرير العضو هو قصيده منقوله او من كتاباته

نحرر العضو ونسجن اخر

أتمنى التفاعل ........

م/ن

ركزي على كلمة عضو يعني واحد فقط . كيف تسجني الكل !!

يقول غطآس العرب في موانيه
السجن في بعض المواقف كسيبه

يابنت راشد والعرب لك مشاريه
بعض الكلام اشلون مثلك يجيبه

اللي سجنته لازم انك تسميه
اما تقول افلان ولا تسيبه

حدد كلامك قبل تبدا بتويجيه
الكل مايدفع رسوم بالضريبه

الأووله جاتك عتابن و تنبيه
مثل الرصاصه يوم عدت قريبه

والثانيه زرعن زرعته بتجنيه
واللي يسوق البل يشرب حليبه

والثالثه من عاد ذنبه نجازيه
مصيبه اتصيبه...نصيبه مصيبه

مالزعل دربن فقلبي ولا اجيه
هذي وصايا الحر .. ماهي غريبه

حبيت اشارك واخذ القاف واهديه
لكن لي هاجس يداوي طبيبه

الحمد للخالق مميته و محيييه
صلوا على محمد نبيه حبيبه

السجن لـ/ رتيل راشد

**أوراق الخريف** · 12-07-2017, 06:45 AM

رد: سجناء في قفص الشعر

افرااااج

بديت باسم اللي على الدوم ندعيه
من يجزل الحسنى وهو من يثيبه
ثم صلاة(ن) مع سلام(ن) توافيه
على مدى التاريخ تاصل حبيبه
يقول غطاس العرب بيت واوعيه
وكلن على قرصه يقرب لهيبه
انشهد ان الشعر عنده وراعيه
من يبغى الجزلا ابد ما يخيبه
له التحية واصله لين اراضيه
وترحيبتن بالعود يزداد طيبه
والمعذرة لاخان قافي مباديه
يالشاعر انت بمنتدانا كسيبه

السجن. نبرة حزن

سجناء في قفص الشعر

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget