حبتين ツ

**نفركويس** · 08-09-2019, 11:47 AM

رد: حبتين ツ

صباح الورد

أشوفك بعيني و اناديك بسكات
‏وأقول أحبك بين قلبي و بيني
-
علومكم يالربع شالاخبار
مدري وشفيها صفحة الصراحة حتى انا حالفه علي ماادخل
شكلة معلمة داومها قبل الطلاب باسبوع
ماعلينا بشوف ان زانت اليوم او بسوي غيره
فقدنا التواصل مع بعض العربان
المهم طمنونا عليكم
هاليومين على طول جاي ببالي شغب مدري وينها هالبنت طمنينا عليك ياهو
والا باسال عنك د عادل اقول له اخبار مروحه هههههه
مدري فيه احد ضحى وتزوجك وكيف وضعه يارباااااااه
بالله عليك اذا تقري كلامي هنا طمنين عليك يابنيتي ههههااااي
-
مرحبا مليون بالدكتور المهربته (وردة الامل )
اسفرت وانورت وفالك التوفيق يالا شدي حيلك خن نقول عم الدكتورة
.
مرامي علومك مايصير يبه وين الناس اقلب مدونتك نحتري اليديد
عطينا من وقتك شوي
-
طيف بلغتي سلامي لربعك الينانوه اتوقع انهم بيداومون الاسلوع الجاي مع الروضه هههه
مدري وش الرابط بس تذكرت كلمة لوحده معلمة روضة وطفشانه تقول الاسبوع الجاي
بيداومون الشياطين عاد مدري تقصد الشياطين والا الاولاد
المهم ربي يوفقك باختبارك ويحقق امانيك
-
اليوم كنت بقول مفاجاءة وعلم غانم بس عاد طيف واختباراتها قلت ناجل عشان لا تنصدم البنت وتاثر ع اختبارها منشان هيك ناجل السالفة
-
شمس الشتاء صدق من قال الفلوس تغير النفوس
يعني يوم صارت المصاري تجري بيدك تكبرتي علينا
الله يالدنيا صديقك ينساك اذا صار عنده كم الف
خليك مثلي ماانسى اصحابي الا اذا صار عندي ١٠٠ الف ههههه
ربي يوفقك ويرزقك
يالا خن اطلع وبرجع باذن الله اليوم او بكرة
عاد قسم التدوين صار قريب بالمقلط خطوتين وانا بالمدونات
مو مثل اول مشوار وانا شايب مافيني طلوع ونزول الدرج

بشوفكم

**نفركويس** · 16-09-2019, 12:24 PM

رد: حبتين ツ

صباح الورد

دقايق.. لوسمح وقتك دقايق
انا مشتاق لك بالحيل وضايق
وحشني صوتك وخوفك عليه..

ليالي غيبتك مرة وتضايق

-
كيفكم يالربع شخباركم
هذا اللي يقول لاتبعدون شوي وبيجي ..تو وصل
عاد تعرفون شايب يمشي شوي ويريح شويات وكمان مع نزول السوق مع الحريم تعودت على طريقتهم
كل ماشفوا مكان خن ندخل نشوف ايش فيه جديد وكمان اوقف بس اطالع زيهم شفتي ذا زي فستان نورة يوم الملكة ومن هالاشياء فسرت امر ع الاقسام اشوف موضوع اوقف عنده واذا مكرر اشيلة ومن هالعلوم واتعب وارجع مره ثانية ما اكمل للمدونات اييييييييييه
الا ليت الشباب يعود يوما . لا يحزنك أنك فشلت ما دمت تحاول الوقوف على قدميك من جديد
ماعلينا
خلونا في التقييمات
جاكي ياخي قسم بالله فرحت بشوفتك بس وانا اخوك جاني فوبيا من الترحيب بالاعضاء القداماء
اول مانرسل لهم او نفيمهم بترحيب وكيذا يجلس يومين ويروح فقلت يلد خله يشخبط لا انكبه وارسل له وينقطع هههه
ربي يسعد هالوجه ويحفظه لاعدمتك يالحب
-
بقايا حنين مرحبا مليون حياك ربي مرسيه اوي اوي ع الاطراء ع المدونة والدعاء
عاد هاليومين اجتاج دعاء ان الله يثبت عقلي مع تسوق هالبنات كثري منه
تسلمي الله يسعدك
-
طيف لا تشكي تراني مطوع ماشي مع رؤية ٢٠٣٠ ههههههه
الله يثبتنا بس ويخارجنا
-
نسيت وش كنت بكتب وليش دخلت اصلا بس خن نخرج قبل اتذكر ههه
دمتم سالمين

**نفركويس** · 16-09-2019, 10:35 PM

رد: حبتين ツ

مساء الفل
عاد بالصبح ورد وبالليل فل
دخول ليلي ماشي كماه

يقال:
بأن مخترع آلة الكمان شاب فقد عشيقته
فوضع في الكمان خصرها النحيل ورقبتهاالطويلة وصوتها الحزين
وبعد ذلك ظل يحتضن آلته كلما أفتقدها -
ماعلينا من هالمفار اللي ماعندهم الا ضم وحضن
خلك عند ربعنا الي ازعجوني اذا جاء سهيل مدري وش يصير
واذا جاء البرد علق مدري وشو واذا دخل الخريف قول يالطيف

هذا اللي عندنا عجبك والا رح لحقوق الانسان وفي الاخير مردك عندنا

المهم
طيف سلامتك يابنيتي الكهلة وش صابك ماتعودنا عليك كذا صراحة انا من الناس اللي انتظر تدوينك عشان يتغير مزاجي هالمرة غير بعدين تعالي وش ذنب الاسد المسكين ياكلك هههههههه دعابة
شفي يابنت لابد تكوني قوية ياتكوني قوية وتاخذي حقك او تكوني قوية وتتحملي لين تزين الامور
اما شغل التحلطم ماهو بزين الا بحالك وحدة اذا كان لمجرد التنفيس واستراحة محارب ( جالس يحرضها )
والصدق ان كل واحد عنده اشياء وده يسويها لكن تجي عقبات تافهه ماتستاهل ولا لها اي علاقة بالموضوع اصلا بس الناس يخلونها حاجة كبيرة وتمنعك من انك تسوي شي
فهونيها وتهون
وتشاء أنت من الأماني نجمة
‏ويشاء ربك أن يناولك القمر
-
كالعادة نسيت السالفة
دمتم سالمين

**نفركويس** · 17-09-2019, 11:28 AM

رد: حبتين ツ

صباح الورد

يقربنا الحنين إذا ابتعدنا ‏
وسوف يزيدنا البعد اقترابا ‏
يراودنا كلام عن غرام‏
بحضن الصمت نختصر الجوابا
‏وتحملنا الظنون غيوم شك ‏
لنمطر فوق صفحتها عتابا ‏
ويرمينا بأرض العفو حلم
‏لنحيا بعد عودته مآبا ‏
ولا نقسو بعمر الحب يوما‏
ولو تبنا تجافينا الصوابا
-
ايوه وش السالفة. اللي كنت بقولها امس ونسيتها والحين الحمدلله ماافتكرتها لسا
ليه دائما اذا تبي شي يسير عكسه
تبي تتذكر سالفة تنساها تبي تتذكر اسم شخص او مكان وتحسه على طرف لسانك لكن مشفاكر حاقه
واللي يقهرك كمان لما تدخل مكان وما نبغى تطلع اي صوت وبمجرد دخولك تطلع كل الاصوات
المهم
بقي تدوينتين ونقلب الصفحة لان الصفحة الجديدة بتكون مختلفة عن جميع الصفحات
مو بنظري انا بالعكس انا مثل ماانا وعاجبني انا حقي لكن اتوقع البعض بيكون قراته بتكون بنظرة محتلفة
ما علينا لا نستبق الاحداث وخن نعيش جو هالتدوينتين
-
هل التدخين حريه شخصية تمارس بكل حريه باي مكان
ام حرية شخصية لكن ليس لك حق ان تمارسها الا في اماكن مخصصة
المشكلة ماهي في رايي انا ولا رايك انت
المشكلة في وجهة نظر المدخن اللي يشوف انه من حقة الفلوس فلوسة والصحة صحته والارض ارض الله
واذا بلغت عنه او ذكرته بالنظام اعتبر هذا تدخلا سافر فيما لا يخصك
بينما هو في الحقيقة يخصني من حقي اتنفس هواء نقي
قس على هذا اشياء كثيرة نراها انها من حقنا بينما يراها الغير مضرة به
اليوم تو مغسل سيارتي وفرحان انها نظيفة وماشي بالطريق وكانه فيه مويه
والناس تتحاشى الماء وتمشي بشويش وكيذا جاء واحد معاه جيب مسرع وغرق نص السيارات
وتعال ماتسمع الا اصوات بواري وسب اما اخوكم متحسف على ال٣٠ ريال حق الغسيل
صادف وقفت جنبه عند الاشارة فاقول له عدمت السيارات بالموية لو انك هديت شوي
قال الطريق للجميع والحكومة حددت السرعة ٨٠ قفلت القزاز ومشيت
اول ماعدينا الاشارة جاء واحد وقرب منه واسرع مع حركة بالسيارة غرق اللي غرقنا
قلت ببالي الطريق للجميع هيا اشرب الحين
مدري وش الهدف من السالفة بس جاء ببالي لو كل واحد راعى ظروف او مشاعر او احتياجات الاخرين
بتكون الامور تمام اما لو كل واحد قال هذا من حقي وكيذا حيكثر المتضررين ويقابلهم ازدياد في عدد المنتقمين
-
شكرا ياسمينة الغربية ع المرور الجميل ربي يسعدك
حلو لما واحد يدخل بعد فنرة غياب يمر ويذكر بانه حي يرزق
ليس مجرد حياة يتنفس فيها وياكل ويشرب
بل حي المشاعر والوفاء والذكريات والصدق
كبرت السالفة صح
عاد احنا يالشيبان حساسين مره ( ذبحت اهلنا بالشيبان )
قبل انسى طيف عابر وفكرة التلقرام مدري شو قصدك قناة تفاعليه او قناة تحلطمين فيها والمتابعين يتفرجون بس ما يعلقون
انا متابع لقناتين لاثنين من اعضاء عبير وصراحة جميلين اوي
لكن مادري كيف ما يرغبون في معرفة انطباع المتابعين لان فعلا فيه اشياء تحتاج ان نوصل لهم بقية الفكرة
او توضيح معنى وكيذا
كمان وش بتكون قناة خاصة للبنات والا عامة
المهم لا تخلي الاسد ياكلك
دمتم سالمين

**نفركويس** · 22-09-2019, 01:58 PM

رد: حبتين ツ

مساء الفل

اسفرت و أنورت من قدرة الوالي
أسعد أيامنا وأحلى ليالينا
يا هلا با عزيز الطيب الغالي
يا هلا بالذي جانا يهنينا
أنتم إلى لكم بالقلب منزالي
مرحبا ألف والله ما تكفينا
.
يالربع
حياكم الله يوم السبت القادم ٢٩ /١
اتشرف بدعوتكم لحضور زواج بنتي
-
طمنوني على طيف بعد هالخبر

**نفركويس** · 17-10-2019, 10:55 AM

رد: حبتين ツ

صباح الورد

شكرا من نخاشيش قلبي لكل اللي باركوا لزواج بنتي
عقبالكم يالربع
عقبى الافراح لديكم
وشكرا كمان للي باركوا لي بسرهم ماعلموني هههههه
دمتم سالمين ياعيالي

**نفركويس** · 27-10-2019, 12:13 PM

رد: حبتين ツ

صباح الورد
لك في غيابك قصايـد و اشعار
‏ولك داخل القلب حب ماينتهـي

امي تدرس عنقايزي
الله يعين ام مازن ماتخلص من الطالبات بالمدرسة الا وتطب بامي بالليل
المهم دعواتكم لامي
عاد لا صارت بلبل انقليزي بسجل لكم هروجها
-
من اول ايام العمل جاني واحد يشتكي من سلوك اولادة
ويبغى طبيب او اخصائي سلوك ونصيحة في التعامل
المهم جلست معاه وقلت هات العلم
حكي لي الوضع بالتفصيل وكيف يتعامل معاهم وايش يسوون
قلت له اقول لك نصيحة بدون زعل ولا انفعال قال ايه
قلت صراحة الوالدين اللي يحتاجون طبيب واخصائي سلوك
كثير من شقاوة وتصرفات الاولاد ( بنين - بنات ) هي عبارة عن رد فعل للتربية
او الاشياء اللي يشوفها وتمارس يوميا
المهم خوينا ماعجبه الكلام قلت هذي اكبر مشكلة بتعديل سلوك الابناء عدم اقتناع الاباء انهم سبب او جزء من السبب
عطيته رقم واحد معروف بتعديل السلوك والتربية ومدري وش صار معاهم
من هنا ودي اذكر الشباب والشابات كمان اللي باعمار الثمنطعش والعشرين وحتى اللي بالخمسين ولساء اباءهم احياء انهم اذا وجدوا منهم تصرفات ماتعجبهم ومستغربين من تسلطهم وعنفهم واسلوبهم
تراهم يعانون من مشكلة سلوكية او نفسية فتعاملوا معاهم على هذا الاساس ولا تتركوهم ولا تهجروهم
لا تتنمروا عليهم هم مجرد ضحايا يحتاجون منكم الاهتمام والعطف رغم قساوتهم
حاولوا تكونوا اكثر تعليرا عن الحب والاهتمام والعطاء واخذ اوامرهم على قدر المستطاع
والذي يتعارض مع طموحكم واهتمامكم السليم الصحيح حاولوا انكم ماتدخلوا معهم في جدال
اللي تقدر تسويه سوه ومع الاصرار والعمل والحب والاهتمام راح تتغير الاوضاع باذن الله
الموضوع يحتاج تفصيل لكن هذا اللي طلع معاي الحين
-
شكرا للي باركوا متاخرين شفت كيف كبرت وكبروا عيالي وتزوجوا كل ذا بس من ٢٠٠٩ الى ٢٠١٩
زمن السرعة ياحبيبي هههههه

دمتم سالمين

**نفركويس** · 02-11-2019, 12:41 PM

رد: حبتين ツ

صباح الورد

قالت احبك قلت والتقصير
‏قالت دلع انثى على الفطرة
‏ثورة مشاعرها بلا تفسير
‏وارفق عليها مالها قدرة
‏وانت الذي ف الروح والتبربر
‏بوح الخجل والصمت والحمرة
‏لما تغازلني شعر وتصير
‏كلمة احبك صوتها نظرة
-
شالاخبار يالربع
عادي لو اقول وحشتوني يا عيالي
المهم
في لقاء مع وحدة ممثلة مشهورة في هيوليود ومعرفه لها افلام وكيذا
المهم في اللقاء كانت تقول بدايتي كان المخرجين يختاروني من اجل جسمي المغري
حتى في الادوار العادية وادوار الاكشن وكنت عارفه ان اكبر موهلاتي هي جسمي
وكان كثير من التصوير يركز على صدري وبعض الاماكن الحساسة ( هي قالتها بالاسم ) بس مايصلح اقولها
الناس اللي علمتهم وش اسم هالمناطق بالزهراني حاول تنطقها الحين هههههه
المهم البنت مدري الممثلة فقدت كثير من العروض مع تغير شكلها لكنها تكافح
الشاهد بالموضوع طبعا من قصتها وقصص غيرها
لا تخلي احد يستغلك ويفهمك ان النجاح يكون بالمظهر
النجاح يكون بالمواهب والقدرات
اقول هذا الشي لانه بدت تنتشر اعلانات توظيف للبنات خاصة
يشترطون الجمال والمظهر الجميل وكشف الوجه وتناسق الجسم ( مايبون دبه )
ماادري كيف تقبل الانثى بهذي الاهانة في زمن هي نفسها الانثى اللي تقول للزوج انا لست جاريتك
فكيف تقبلين تكوني جارية في العمل كيف تقبلي ان يكون سبب توظيفك هو ابراز انوثتك وليس ابراز مواهبك وذكائك وشهادتك
الحرية والكرامة والتحرر اشياء لا تتجزا

عن الانوثة تقول علية بنت المهدي
‏أخت هارون الرشيد حينما قالت
"نحن نساء مع رجالنا، ورجال مع غيرهم".

مدري بهالزمان يمكن فيه بنات عاكسين السالفة
صايرة برا اسمها حنان وفي البيت عبدالمنان
المهم لا تخلي احد يستغل حاجتك ويشتريك

ودمتم سالمين

**نفركويس** · 15-11-2019, 08:38 AM

رد: حبتين ツ

صباح الورد

فإذا وقفت أمام حسنك صامتا
‏فالصمت في حرم الجمال جمال
‏كلماتنا في الحب تقتل حبنا
‏إن الحروف تموت حين تقال
‏حسبي وحسبك أن تظلي دائما
‏سرا يمزقني و ليس يقال
-
ماعلينا من نزار خلونا في ربعنا
من بدت قيادة المراة للسيارة وانا انتظر تلك البنت الجميلة التي تصدمني بسيارتها
وتنزل من سيارتها وهي خايفه وتقول اسفة لم اراك دعني اساعدك وتنقلي الى المستشفى
وتبدا قصة حبنا وتقول لي اريد امارس الحب معك

-
بقول لكم شي
الحين لو جاء واحد وقال لواحدن ثاني خلي بنتي او اختي او ولدي عندك اهتم فيه
وساعده وقوم على احتياجاته واذا احتاج لنصيحة او تعديل او توجيه ساعده
وهو راح يبادلك بالمثل واكثر
تخيلوا لو لو هذا الواحد وافق واخذ واحد منهم بس ظلمه واهانه
وخلاه خادم عنده وما حفظ الامانه زين
وش نظرتكم لها الشخص وش بتقولوا عنه
اتوقع انه بيكون في نظركم خسيس نذل ماهوكفو و و و و
بالنسبة لي هذا هو المعنى الحقيقي الرجال قوامون على على النساء
تاخذ بنت الناس تهتم فيها وترفع قدرها وتقوم على امورها
مو تهينها وتضربها وتفرض رايك عليها وتتسلط عليها وتقول هذي القوامة
عاد شوف نفسك انت مين بالضبط الكفو والا الخسيس
-
عارف ماراح ترتاح طيف اين توديني الحاير
تسال وتبيني اجاوب اجابه مباشرة
السبب طال عمرك ان المخرج عاوز كذا
على طاري التدوينة السابقة بسالكم من راح اشترى عسل من سديم المالكي

على فكرة طيف شفت رسالتك وبرد عليك بالصراحة دام يمكن غيابك يطول
-
اللي منصدمة من زواج بنتي عادي فيه قسم حوادث يعطيك ورقة اصلاح وصلحي الصدمة ههههه
عموما دخول لاثبات الاستمرار هنا
ودمتم سالمين

**نفركويس** · 01-12-2019, 09:34 AM

رد: حبتين ツ

صباح الورد
ادري ادري النصراوية بيقولون من وين يجي الورد والهلال وصل العالمية

تسوى إيه الدنيا و أنت مش معايا
هي تبقى الدنيا دنيا إلا بيك
الاربعاء الماضي كان ذكرى ماشي كماها

<font color="#454545"><span style="font-family: &quot">

ايوه بالضبط ذكرى زواجنا انا ومريم وقصتنا اللي اكتملت بالزواح
واللي الان ماتغير شي نفس شقاوتنا وطيشنا وهواشنا ومزحنا
الشي الوحيد المتغير هالسنة انو صار عندنا بنت متزوجة
هالشي اللي خلانا بالفندق نعيد شريط حياتنا كله من اول ما مسكت يدها بالزفة الى يوم مسكت يد بنتي وزفيتها لعريسها
كانت اجمل ذكرى زواج يارب لك الحمد والشكر على نعمة الحب
وعقبال سنين عديدة وازمنه مديده ومدري وش يقولون كمان
المهم ادعوا لنا مو تصكوا بعين
-
طبعا هالسنة بالذات صادف اهتمامنا بذكرى الزواج
يمكن تذكرون من اول قلت عشان ماندخل في سالفة البدع والاعياد وكيذا
فاحنا على حسب وضعنا مره ذكرى ميلاد مره ذكرى ملكة مره ذكرى زواج مره ذكرى اول لقاء
مره ذكرى اول قبلة ( اغدي عصيده )
وكل واحد يسوي شي يفاجي الثاني هديه طلعة عشاء فندق
هالمرة مصادفة طلعنا الاثنين مركزين ع ذكرى الزواج
وصادف انه يوم الاربعاء وزواجنا كان يوم اربعاء
فكانت حتجي ١٠٠ بالمية على قولتهم الاربعاء ٣٠ /٣
لكن وش اللي لخبط علينا ان هالاربعاء كان يوم ام عبدالعزيز
فصعب اقول لها معليش نبدل اليوم بروح هناك وانت بكره
شكلها مش حلو وما ودي اجرح مشاعرها واعرف انها بتوافق بس ماراح ترتاح
عاد تعرفون الحريم وتفكيرهم الدقيق
فكلن حجزي على الخميس وكان اروع وافضل من لو كان حجزت الاربعاء
المهم انكم مالكم بالسالفة بس مدري ليش قلتها هنا
يمكن لان فعلا هالسنة ذكرى كانت غير
وعادي رجعنا البيت والسبت تهاوشنا كالعادة هههه
حب بدون هواش ماهو حب
-
شكل هالدوينة طويلة خن نوقف ونكمل بسالفة ثانية بالتدوينة الجاية

حبتين ツ

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget