حبتين ツ

**نفركويس** · 07-12-2015, 11:42 AM

رد: حـبـتـيـن ツ

يسعد صباحكم
الحين لو دار كلام بين شخصين سواء خاص او تقييم او غيره
وقام واحد من هالاثنين وطلع هالكلام لشخص ثالث
ما ادري وش يسمونه
حسافه على بعض الثقة
-
الف الف الف مبروك يالخوي
مبروك الوسمي الفوز والوسام القميل اوي اوي
اخيرا فاز اثنين من الشباب بمسابقتين ورى بعض
بركان المشاعر والوسمي
كل المسابقات لازم فاصل بنت
هم الصراحة نشيطات
لا وبعد كلامهم بينهم شي شي
تدخل الوحده هلا غلاتي
ترد هلا ياقلبي
مو مثلنا الخوي تقول مداومين بالديوان الملكي
واذا مره تهورنا قلنا الحب وتلقى الثاني منحرج من ورى الشاشة
ماعلانا اهم شي الاخلاق
-
يقول نفرانشتاين
كل كلمة جميلة لها ردت فعل مساوية لها في الجمال معاكسة لها في الاتجاه
كونوا جميلين في عباراتكم حلوين طيبين
لان اللي يستخدمون العبارات الشينة مسكينين

واخر صفحة للي تحبه
يشهد الله مافي قلبي شي على احد
واحمل للجميع الحب والتقدير والاحترام

**نفركويس** · 09-12-2015, 11:45 PM

رد: حـبـتـيـن ツ

سالخير
العالم اختفت مع البرد مافي غير شهرزاد تهربت بهالاجواء
وماشاء الله سوت جلسه بحوشهم وعزمت المهربتين
وماعزمتني شكلي انا السواق جالس برا في البرد مسكين لحالي
ماعلانا هذا حال الاجانب
-
دخل جو البرد وتدخل معاه الذكريات الجميلة
كل جلسات السوالف والضحك والسمر واجملها تكون في الشتاء
اتوقع السبب لاننا يجبرنا البرد بان نكون قريبين من بعض لاجل الدفى
المهم بذا الجو البارد تشتعل الذكريات نذكر تفاصيل كل جلسه كل الضحكات
والكلمات والغمزات والحركات
لو مافي الشتاء الا الذكريات لكان يكفيه بان يكون اجمل الفصول
في جمعت الاحبه ماتشعر بالبرد تدفيك نظراتهم وضحكاتهم

البرد ماهو برد عرعر وﻻ الجوف
وﻻتبوك الثلج. .وجبال حايل
البرد برد القلب في داخل الجوف
ﻻحال بين المحبين حايل
-
موسم الجنزيبل
زمان كنت اقول الزنجبيل
عندي مشكله بالجيم والزين اذا جت مع بعض
مثل التزاوج والتجاوز كثير الخبط بينها
عاد شوف لما اكون معصب على صاحب سيارة
واقول انت اللي جاي طاير ومتزاوج وانا اقصد متجاوز
ما يدر ي يضحك والا يرد علي
المهم اليوم زحمة عند الجنزبيل
بالنسبة لي باقي لي شوي وينبت ببطني جنزبيل
-
وش فقدت بالشتاء
ابد ما فقدت الا صوت المكيف فقط والباقي مثل ماهو
مدري وش هالحكي وش اقول يمكن عشان داخل من لاب مو لابي
لا وبعد لاب بناتي احمر ومنقش وفيه لصقة ع الكام
مادري تحسون مثلي عبير احس لابد له طقوس خاصه للكتابة ولاب متعود عليه
-
لفه سريعة على المنتدى واجيكم
هذا اذا مانمت
دمتم سالمين

**نفركويس** · 10-12-2015, 01:13 AM

رد: حـبـتـيـن ツ

خل اتفلسف عليكم بذا الليل
الحب اللذي يبدا في الشتاء لا يدوم لان اجمل ايامه كانت في البداية
ويجلس المحبين باقي السنه يتذكرون هذه الايام ويرثون حالهم في باقي الفصول
-
في الشتاء كان السلف يفرحون بطول الليل وقصر النهار
يصومون النهار ويقومون الليل وقولون الغنيمة الباردة
ونحن نفرح بالشتاء لطول الليل للسهر وقصر النهار عشان يخلص الدوام بسرعة
لو اننا ناخذ لو ليلة من ليالي الشتاء قيام ونهار من ايامه للصيام
الرجل مع من احب فان لم تستطع العمل مثل عملهم فتعبد الله بحبهم والدعاء لهم
اللهم اغفرلنا ولاخواننا الذين سبقونا بالايمان
-
كتبت مدري كم تدوينه ومسحتها
لكن بقول للاخوة والاخوات مبدعي الخواطر والاشعار
خفو علينا في الشتاء من الخواطر الحزينة واشعار الوداع والفراق
تبسموا يالربع
عيشوا اللحظه السعيدة
حتى لو دخلت ع ناس ما يبتسمون الا بالعيد
حاول تصنع لهم عيد ليبتسموا
قال ايليا ابو ماضي
فلعل غيرك إن راك مرنما
 طرح الكابة جانبا وترنما

افرح واملا الدنيا اماني
هل عندك شك ان الله يريد بك الخير
اذا ليش الحزن والقهر والهم
الطبيعة البشرية تجبرك على الحزن والهم والكدر
لكن بقدر
يقول الشافعي من استغضب ولم يغضب فهو حمار اي لا مشاعر لديه
اذا حصل موقف محرزن احزن واذا صار موقف مولم تالم واذا مر بك ما يكدر الخاطر فهو شي طبيعي
لكن الغير طبيعي ان تحبس نفسك داخل هذا الشعور البائس
سجن هو هذا الاحساس الدائم بالحزن والقهر
صحيح ان القلوب الطيبة لا تاذي احد لكنها تاذي نفسها كثيرا كثير كثيرا
ومع ذلك ترجع وتقول كل شي بقدر واجر ونسال الله الصبر
تمنياتي لكم بيوم جديد سعيد
ونترك يومنا الماضي كما هو ونترك ملفاته مغلقة لا نفتحها الى يوم الدين
ونفتح ملف الامل والتفاؤل والحب
كلا منا وله امنية لم تتحقق ولكن لا يعني هذا ان الله لايحبنا
ولا يعني اننا لا نستاهل ما تمنيناه
ولكنها مشئية الله تعالى
(والله يعلم وانتم لا تعلمون )
انظروا الى قصة موسى مع الخضر خرق السفينه وقتل الغلام واقام الجدار
وكلها في ظاهرها مصائب ونقائص ولكن لما عرفنا ما اراد الله من خير لاهل هذه القصص
ارتاحت قلوبنا وهكذا ما يحصل معنا من احداث فاذا اخذنا بالاسباب وتوكلنا على الله ولم نحقق شي فاعلم ان الخير قادم لكن اصبر
واحسن الظن بربك واسعد نفسك واجعل يومك افضل من امسك
دمتم سالمين

**نفركويس** · 10-12-2015, 12:07 PM

رد: حـبـتـيـن ツ

“حافظ على غرابتك، لا شيء أسخف من أن تكون مألوفا”

كرما لا امرا تعليقاتكم على هذه المقولة
خذوا راحتكم تعليق طويل قصير
باي شكل من اشكال التواصل شئتم
عطوني تصوركم للعبارة ورايكم فيها
اكون لكم من الشاكرين

**نفركويس** · 11-12-2015, 12:50 AM

رد: حـبـتـيـن ツ

عيناها بيتي وسريري ووسادة رأسي أضلعها
تمحو كل هموم حياتي لو مس جبيني إصبعها
ضميني يا أحلى إمرأة لو صمتت قلبي يسمعها
أماه.. وهل خلق الله مثلك في الدنيا أجمعها ..؟

**نفركويس** · 11-12-2015, 01:25 AM

رد: حـبـتـيـن ツ

خاص جدا

“ليتك معي في ليلة البرد وندفا..
 من جمر شوق القلب اضمك وأدفيك 
تغط عيني واتوسلك تكفى
 وراسك على صدري وشوقي يحازيك
تنعس عيونك والنظر فيك يغفى
 والليل توه ميت"حيل يبغيك
وابوس لك عينك وشوقي لك غطى
واقولك بموت بموت بس فيك”

**نفركويس** · 11-12-2015, 02:02 AM

رد: حـبـتـيـن ツ

سبحان الله من يومين افكر اسوي لقاءات مع ابرز الاعضاء في التدوين وانزلها في المدونة
واليوم افكر اكنسل المدونة واكتفي بالمتابعة
تقلب المزاج شين وبعض الاحداث تقلب المزاج وبعض المواقف تعكر المزاج
يالا مو مشكلة مافي اصعب من فوز الاهلى على الهلال وفاز اليوم
يعني لا مستحيل في الحياة
ونقول هارد لك للهلال ومبروك لاهلى الصدارة
وقرب الاتحاد منكم بيننا 4 نقاط بس
اما هذا الفريق اللي بالسادس يستريح
-
الفنون جنون مدري الجنون فنون
يعني توقعنا كل شي يصير عن النسوان
خاصه بالزفة وحفلات الزفاف ( اللي هي الزواج للي ما يعرف )
اللي سوت زفة بتابوت واللي ع دراجة نارية واللي انزفت بحبل نزلها من فوق الىالكوشة
لكن زفة تحت الموية ذي جنان حريم بصراحة
ويقولون ليش الحريم ناقصات عقل ودين

واللي انقص منهم الثور اللي يوافق على هالزفات
بس احنا كذا اذا انفتح لنا باب شي سوينا العجايب فيه
-
ايوه صح
افكر اكنسل المدونة واغير النك ( مايقلد احد )
مو اكيد يمكن بكره اصحى رايق وافتح مدونة ثانية

**نفركويس** · 11-12-2015, 02:37 AM

رد: حـبـتـيـن ツ

هههههههههههههههههه
ناس ماتجي الا بالعين الموفي

**نفركويس** · 11-12-2015, 03:20 AM

رد: حـبـتـيـن ツ

حين أقرأ رسالتك إلي
يخفق قلبي
تتسمر عيناي في مكانها،
ثم أبتسم؛
بالله عليك كيف تصنعين لي كل هذه المشاعر برسالة؟

**نفركويس** · 14-12-2015, 04:52 PM

رد: حـبـتـيـن ツ

يسعد مساكم
وشب المدونات كذا شكلها صار تقول محطه على خط الجنوب
وين العربان العربات
كل الرجال ماتوا .... ماتوا
ومخزنين قاتوا ......قاتوا
كل ذا دفارة والا سبات شتوي والا ليالي عاشقين يتقابلون من ورانا
عاد ليالي العشاق بالشتاء شي شي
خاصة بالطلعات العائلية
كل شوي تقول ودو للحريم وتقوم توصل انت يوم توصل تقول عندكم .....
عاد كلهم يردون باصوات الا شخصه وحده ترد بنغمات موسيقية
وانت من زود الموسيقى تمشي فوق الجمر والحطب والمواعين فناجين مكسرة
ويمكن داعس على ورع امه منومته بعيد عن الرجة
تناولهم اللي بيدك وترجع وبعد ماتجلس تحس انك تعورت برجولك
ما علانا من حركات المجانين
كل مكان وله اهله الذين يحيونه ويحركونه
والمدونات لها ناسها واهلها بس شكلهم مشغولين هالايام بالاختبارات
يارب توفقهم وتنويلهم مرادهم
-

واشكر ولد العم الي اصلا من عرفت عمره وودي اقول له عمي لانك اصغر من ابوي بسنتين بس
تدري لزوم الاحترام بس شكلك ما تبغى احد يكبرك ف يلا نناديك ولد العم .. امزح امزح

هلا ببنت ولد العم
دام كذا يابنيتي بعطيك مفتاح المدونة وكل صبح زيني القهوة والمعاميل وحطيه بالمقلط
عمك لازم تسوين له قهوة وشاي وفطور وكذا يعني ( صلة رحم )
الله يسعدك يابنتي ويحفظك ويحرسك
ولا عاد تغيبين لا اقوم اهبدك بعكازي
-
اذا زان القلب زانت التصرفات والكلمات
اذا شفت واحد كلامه زين وتصرفاته زينه فاعرف ان قلبه زين
والعكس بالعكس
خلونا نهتم بقلوبنا حبتين
-
الاسبوع الجاي عندي دورة بمكة
الاعضاء اللي في مكة حلفت محد يعزمني
مابكلف ع احد دورتي صباحية وقت سبات
وبرجع ع الساعة 11 تقريبا
الدورة رغم قصرها الا انها مهمة للترقية
هالترقية عليها منافسة من جميع انحاء المملكة لكن هالسنة اللي يترقى يجلس في مدينته
والمنافسين كثر انا من العشر الاوئل باذن الله اذا اخذت هذه الدورة وبضمن الترقية
دعواتكم يحلوين
اللي ما يدعي معروف مو حلو مافيها كلام

دمتم سالمين

حبتين ツ

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget