حبتين ツ

**نفركويس** · 29-11-2012, 08:31 PM

رد: حـبـتـيـن ツ

مساكم اكوس شي بالعالم
اخبارك العربان والعربات
اول شي نرحب بعودة الاخت سساكورا لمدونتي وكثرة اللايكات وعقبال التقيمات
منذ مبطي وهي مختفيه من ايام اتفاقاتنا زمان مدري وش سار لها
حياك سساكورا ويكفي ان الوسمي مدحك ماقدر ازود عليها ملك التدوين

ويضا
ارحب بقنكت العفاشه وملك الدخول عرض لنو هانم بيه
حياك وان شاء الله متواجدة دوم
وترا لسا ابيك بسالفه بس خل نشوفك ع طول

ويضا
نرحب بعودة المهجدة
مهجدة المنتدى وخبيرة التدوين مرامي البدر
حياك مرامي واخر الغيبات

وش بعد يانفر
ايه صح
لايك وتقيم اسعدني واجد كثير مره مره اكثر شي بقوة
الاخت مزون بعد انقطاع منذ تم اعفائي من المراقبة
قلت ياولد لا يكون زعلتها بشي وفرحانه فيني ان رحت من الرقابة
حياك مزون والتخلينا سيري كل ماسنحت لك الفرصة

وش وش وش وش
ايه
اليوم بكتب عن مذكرات مراقب وزي ماقلت بحاول اعدي كثير من التفاصيل
فلاحد ياخذ بخاطره لو ماذكرته لانه قد تكون علاقتنا كويسه ولا صار بيننا شي يمس المراقبة
على طاري يمس
ترا لها معنى عندنا يالزهارين مو زين وقليل ادب بعد
بس انا كتبتها هنا لانها تستعمل في اللغة العربية كذا
لا يجي واحد مدرعم ويحذفها ويسوي لنا فلم اخلاقي

برب وراد باذن الله

**نفركويس** · 29-11-2012, 08:37 PM

رد: حـبـتـيـن ツ

بالنسبة للربع الي مضيعين السري بتاع التويتر هاي الطريقة

سو استرجاع لكلمة السر ادخل على الرابط التالي
https://twitter.com/account/resend_password

ثم ادخل ايميلك
واكتب الكلمات في المستطيل
ثم اصغط نكست
وان شاءالله ترجع لك الباسوورد

لمتى بقعد عايش اعلم هالناس ( مع نفسك

**نفركويس** · 29-11-2012, 09:18 PM

رد: حـبـتـيـن ツ

مذكرات مراقب

وصلنا المره الماضية عندما تعينت مشرف على القسم العام
ومثل ما قلت ان الدور الاكبر في الترشيح والوصول للاشراف
هو للاخت فجر المحبة واذكر في ذيك الفترة كانت عينها على ابوي تبي تتزوجه تخطفه من امي ههههههههه
فقالت خل اشغل الولد بالاشراف واتفرغ للابو والام
المهم
مسكت الاشراف وكانت من افضل المناصب الادارية
بصدق اشعر ان الاشراف هو اقرب منصب من الاعضاء واكثره احتكاكا بالجميع
وبنفس الوقت مهامه مختصرة على قسم واحد ويوجد وقت كافي للتسدح في الاقسام الاخرى
ومثل ما ذكرت كان فيه مشرفين من افضل المشرفين الذين مره على عبير بشكل عام والعام بشكل خاص
وتحت ادارة الاخت نوارة واللي كانت مثال للمسول المخلص الذي يهتم باقسام ويطورها
وكان البرستيج المتبع ان المشرف الجديد يكون اثكر شغله بتنظيف القسم من المواضيع المكرره والمخالفه
وطبعا اخوك انكرف كرف ع كيفك
وكنت كل ما دار بيني وبين الاخت الامبراطورة حديث تختمه يالا روح اشتغل ونظف ههه
ولا يخفى على الكثير ان القسم العام كان من افضل الاقسام واكثرها نشاطا وحساسية بنفس الوقت
ثم انظمت لنا الاخت تك تك ( بالعربي )
وبذيك الفترة كونت علاقات اكثر جدية من الالعاب وللامانة كان بعضها بالنسبة لي شرارة الانطلاق في الكتابة
طبعا استفدت كثيرا من الاخ عبدالعزيز وهو كان مشرف قبلي بالقسم والاخت الامبراطورة وكان لهما الفضل
بعد الله في التعرف على طريقة العمل والتعامل مع المواضيع وطريقة البحث والحذف والنقل
وكان خبر طلب اعفاءهم شي محزن لي شخصيا ومؤثر على القسم وكان واضح جدا
وكانت الصدمة بعدهم بفترة هو طلب الاخت نوارة الاعفاء وخسر القسم افضل ثلاثة على مستوى المنتدى
طبعا في هذه الحال لم يبقى من الفاعلين غير انا والاخت تك تك في هذيك الفترة
وجتني رساله من بدر العلا مفادها استبيان الترشح للمسؤلية
طبعا استشرت من اثق فيهم ومنهم طبعا الاخت بنت الجزيرة
وايدني الجميع
ورديت على الاستبيان بالموافقة وانتظرت الرد او التعين
ولكن تفاجاءات بان الادارة عينت الاخت تك تك مسؤلة
ما اخفيكم اخذت موقف ورديت على بدر برساله فيها عتب شديد
وكانت هذه الرساله هي اول احتكاك سلبي مع الفريق الاحمر
بعدها بيومين طلبت من الاخت تك تك الاعفاء
وانا كلي خجل من موقفي هذا ولكن لم استطيع ان استمر في الاشراف
بعد ماحصل ليس نقصا في الاخت تك تك ولكن ماهظمت الطريقة
وكان اول شي فعلته اول ما سرت مراقب اني اشرت على الاخ وليد بتعديل الاستبيانات
بحيث ان اللي يقراءها يعرف انها ارسلت لغيره وان الادارة سوف تختار واحد منهم
حتى لا يتفاجاءة بتعين غيره
وفعلا تغيرت الاستبيانات مع فائق الشكر للاخ وليد
المهم
ردت الاخت تك تك على رسالتي بطلب الاعفاء انتظر شوي
وبعدها ردت برساله مفادها ان الادارة قالت بعد رفع الطلب لهم
بان رغبتهم في استمراري ان لم يكن هناك مانع واذا عندي ظروف ممكن اغيب فترة قصيره
رديت عليها خلاص باذن الله استمر
وهذا ماشارت به علي الاخت بنت الجزيرة بان استمر وانا وتك تك واحد وهي صادقه انا وتك تك واحد
لكن مثل ماقلت ان الطريقة ماهظمتها
فترة ورجعت النفسية وراحت الطنقرة اضن اسبوع او 10 ايام ورجعت طبيعة تحت ادارة تك تك
وكانت فترتها اكثر اخوة وترابط بين الاعضاء في القسم رغم بعض التنغيصات
على ذكر التنغيصات لا يخفى على الجميع ذاك العضو الذي اشغل خلق الله في العام
ولم ياتي مشرف او مسول بالعام الا اشتكى منه
طيب
جلسنا فتره على هذا الحال
الى ان تفاجاء الجميع باعفاء الاخت تك تك من المنصب بدون اي مقدمات او مبررات
والجميع شعر ان هناك شي صلير في الادارة
واي واحد كان بمكاني تصبح هذه فرصته لاني انا المرشح الاول لاستلام المسولية
ولكن ويشهد على الله في ذيك الفترة كنت احرص واحد ان يتم اعادة تك تك
وكانت بيني وبينها مراسلات ومفاهمات ولكن كانت مصره على موقفها
وفعلا تم تعيني مسؤل الاقسام العامة بدعم كبير من الاخت مرامي البدر التي كانت وقتها مسؤلة الاقسام الاضافية
ونزل لي تهنئة انا والاخت شيخة قلبه بموضوع واحد وتعينا مسولين بيوم واحد
وكان تعليق البعض كانها دعوة لعرس هههههههه
ونتقلت من مرحلة الى مرحله اكبر ومسوليات اتكبر وتعب اكبر

هناك احداث جانبيه حدثت لكن ليست لها علاقة بالمسوليات
وقد ياتي يوم اتطرق لها على حده
نقف هنا ونكمل في شخبطه جاية باذن الله

**نفركويس** · 30-11-2012, 07:23 PM

رد: حـبـتـيـن ツ

صورة من الزمن الجميل

مثل ماهو واضح التاريخ
طلبت الانظمام للقسم العام
بعد سنة من تاريخ التسجيل

بس خساره ماهي بالتوقيع القديم
ايام السكسوكة والنظارات ههههههههه
محد يعرفها غير القداما مره ايام الالعاب

**نفركويس** · 02-12-2012, 09:29 PM

رد: حـبـتـيـن ツ

صباح الخير بالليل
وش العلوم
بقول لكم حاقه
نفسي اروح اصوت عالدستور المصري
اللهم انصر الحق واهله

ننتقل من الاخبار العالميه الى المحليه
نبارك لطيف بنت عابر دخولها عالم الدجة
واصبحت مدونتها في طريقها الصحيح نحو الدجة
وهذا ليس بغريب عليها دامها تخاوي لنو والوسمي
الا انا ماشاء الله عليه مدونتي هاديه وش حليله بسم الله علي

ويضا
همس الخلود مرسي قد الدنيا على السياره واللايكات منوره ياحقه
ويضا
ارحب بشيخة قلبه منذ مبطي ما سيرت علينا مدري مقاطعه والا وش السالفه هي وربعهم
المهم تشرفت بمرورك
ويضا
ابي اقول لنبرة حزن سقا الله ايام اول من صرت موفي معاد شفناك عسى خير
ويضا
انا2 فديت نخرتك يافانوس المنتدى
ويضا
اخوي عز نورت يالغالي ويشرفني متابعتك
ويضا
اسير في حب عبير منور ياولد ويمدحون التقيمات

وتشكرات لكل الللي حاولوا يرسلو عالخاص وكان فل
ما بعد تعودنا على 50 رساله يمتلي بسرعه
من اول كان الصندوق يشيل 500
فرق يعني عطونا وقت نتاقلم عالرسائل
اممممممممممممم
ايه صح
ارحب باتعبت حسادي وعودتها للمنتدى
وش باقي يابو الاكواس وش باقي
افكر وارجع لكم
برب

**نفركويس** · 02-12-2012, 09:41 PM

رد: حـبـتـيـن ツ

يقال
من ابتلي بقراءة النوايا والشك
سيعيش في عزلة ويكره الجميع

**نفركويس** · 02-12-2012, 09:52 PM

رد: حـبـتـيـن ツ

ب أقص لك قصة قصيييرة ونامي
عن بنت كانت تسكن ف قلب رجال
وسرقها!! منه واحد حرامي
اسمه فراق وشغلته ؟ قتل الامال

**نفركويس** · 02-12-2012, 10:09 PM

رد: حـبـتـيـن ツ

من مشاكل المنتديات انه اصبح لها منافسين اقويا
تويتر ، فيس بوك ، اسك ، انستقرام ، بلوقر ، وفيه شي ماعرف اكتب اسمه

وهذا يستوجب على ادارات المنتديات بحث سبل جديده تستقطب الاعضاء
لان العضو في مواقع التواصل الاجتماعي هو من يضع شروطه على صفحته
وهو المدير والمشرف والمراقب والمسؤل يستقبل من يشاء ويبلك من يشاء
فصعب يترك مملكته لينظم الى منتدى يفرض عليه شروطه
الا اذا كان هذا المنتدى لديه شي يجذب
فتحتاج المنتديات الى ذكاء في التعامل مع الاعضاء وخاصة المبدعين
واتباع القول المعروف
لاتكن قاسيا فتكسر ولا تكن لينا فتعصر

**نفركويس** · 02-12-2012, 10:36 PM

رد: حـبـتـيـن ツ

مساء النور
احس الاعضاء المتواجدين متجمدين مافي حركه بالمنتدى
وشسمه اي احب اقول خوي نفرات صدق ضرسك يمدحون التقاييم بس من يسمع هههه
قسم كنت ابي اقيم بس ياخوك سمعات دابله كبدي بس مانقول الا صبرا جميلا والله المستعان
بعدين وراء ماتكملنا المذكره تراني متابع احس بتحقق اكبر نسبة مشاهده

مساء المبه

يب يب الحركة قليله
تعرف الشتاء والبراد وكل واحد جالس تحت بطانية
المشكله في كل الاحوال هو نفس اللبس بس نحط عليه بطانيه

يابن الحلال وش نفرات شايفني خمسطعشر
صدق ضرس العقل ياخوي
ايو الله ياخوك هالسماعات صايره ناشبة
صار الواحد عنده 10 تقيمات باليوم
تقول مكتتبين فيها
شكلي بعرض تقيماتي للبيع
ابشر بسعدك ولا يهمك
بكمل المذكرات بس تعرف التشويق
والمخرج عايز كذا
تسلم ع الحفله وعقبال عيالك

**نفركويس** · 04-12-2012, 08:12 PM

رد: حـبـتـيـن ツ

مساكم كويس
وش الاخبار
فيه ذبانه جت على يدي وهشيتها وطارت
لكنها ترجع كل شوي وش السواة معاها

حبتين ツ

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget