حبتين ツ

**نفركويس** · 17-09-2012, 05:24 PM

رد: حـبـتـيـن ツ

مساكم فله
كيفكم يا ربع عبير
وشمسوين وشعلومكم
كيفكم مع الاستايل الجديد عساه راق لكم
تراه زين وفيه اشياء كويسه كتير اكتير
بس عاد مو لازم كل شي يجي عالمزاج
ماعمرك فصلت ثوب او فصلتي فستان وتطلع فيه عيوب
والا حولك يقولون لك والله حلو ( ما تدري من جدهم والا مجامله
المهم الحين الادارة تجاوبة مع طلبات الاعضاء عشان اللون الوردي
وجابت اخصائي اللوان من بنقلاديش وتقاولت معاه يرش حدى الاستايلات وردي
وابشركم طلع اللون نفس اللون بس عاد مو نفس الاول واهم شي الاخلاق
واللي يبيه ينزل تحت اخر الصفحه ويختار بدال 2011 يختار عبير (v4 )
ويطلع له اللون الوردي خلاص رضيتوا عشان ما تقولن ما فيه حرية
والراي والراي الاخر
ادارة ديمقراطيه ومتعاونه وكل شي كويس
واهم شي تكون الادارة راضيه عن الاعضاء والاعضاء راضين ع الادارة
ما عليكم من المراقبين خلوهم ولا كانهم موجودين استمتعوا بس
وبس خلاص اكثر من كذا بجيب عيد الحج

**نفركويس** · 17-09-2012, 06:33 PM

رد: حركات ^_*

في كل العالم تجد اكبر راس في الوزارة موجود عند بدء العمل
الا عندنا بالسعوديه ماشاء الله تبارك الرحمن
وزير التربيه في اغادير
ونائبته في لندن
وميدر الشئون المدرسيه في ماليزيا
ياحبيبي اجل من يدير دفة التعليم حارس مدرسة 104 بنات

اعلن وزير التربيه ان كل شي كويس في التعليم
وش دراك ياحبيبي ان كل شي كويس
مين اللي قال لك مين اللي نقل لك هالكلام
يا انه هو بكاش او انت ب.. بردان

قالت نائبة الوزير ان المعلمين والمعلمات ادو اول يوم دراسي بنجاح
اي نجاح ياست هانم بدت الدراسة ولا فيه جداول جاهزه ولا صفوف كامله
ومدارس لسا رائحة البويه فاقعه فيها وجاء للطلاب والطالبات ربو من غبار الماصات
ابي اعرف المعليمن والمعلمات مداومين قبل الدراسه باسبوع وش يسون
يمكن
المعلمين يمرنون بطونهم ع الفول
لهم فتره ما اكلوه .... فلو اكلوا فول دفعة وحده يمكن يروح فيها
فاسبوع يادوب تتعود الكرش ع الفول والمعصوب

والمعلمات يفرغون طاقتهم من الحش والكلام في خلق الله
ما تبداء الدراسه الا ومعدل الحش منخفض
فيستقبلون الطالبات
.
.
.
عندي سوال يقرقع براسي
الحين لما المدرس او المدرسه يذلون الطلاب ويقولون ترانا تاركين اولادنا واهلنا عشان نعلمكم
الحين هم يدرسون بلاش
مو تاخذون على قلوبكم الوف
ياعم لولا هالطلاب كان الحين تدور بملفك الاخظر وصورك المليحه من مكان لمكان تدور وظيفه
وكان ذالك حافز وكل اسبوع تحدث بياناتك
فاحمد ربك وابلع العافيه اصلن معاد فيه تعليم ولا تربيه الشغله كلها مشي حالك

وايش سالفة التطوير بالكتب الا صارت التطيير من الكتب
سالفه صغيره كلوها 3 صفحات وطباعت كتب وخسارة وحوسه

ويجيك المدرس ويقول لا تذاكرون من الكتاب ركزوا ع دفتر الفصل او الملخص
ياحبيبي ترا الحكومه جايبه مختصين من خارج المملكه عشان تشرح لربعنا
ذهب سمير الى صديقته ليلا
وانت تقول ماله داعي

ما دري ليه ما تستعين الوزارة بمدرسين لهم خبره ناس عاشوا جو الدراسه
وعارفين وش اللي يصلح لنا مو تجيب ربع ماعندهم غير افكار وخطط ع الورق
ويوم تجي ع ارض الواقع ما يصير شي
وننصدم ونقول السعوديين ما في معلوم كثير
وفي النهايه مو مستفيد الا مصطفى
لانه يتاقلم مع كل شي اهم شي يطلع الاول ان شاء الله مكتوب في الكتاب
محمد ضرب سعيد هو يزود من عنده ضربا مبرحا
وتعجب المدرس كلمت مبرحا
لانه صار محروم من هالهواية اللي كان يمارسها اسلافه من المعلمين
راحت عليكم الفلكه والخيزرانه في الطابور
اتوقع اللي غني اغنيه
لاله والخيزرانه كان كل يوم ينجلد قدام الطابور

نرجع لوزيرنا المبجل
ماسك الوزارة وماسك لجنة التطوير وماسك لجنة التعليم وماسك مشروع الملك عبدالعزيز
وماسك قطعة ارض اقول يالحبيب ما ودك تمسك الباب

برب لحين ميسره

**نفركويس** · 24-09-2012, 11:20 PM

رد: حـبـتـيـن ツ

مساكم طيبه واحساس
معبي خمسطعشر كرتون قرقره
وودي اسدحها هنا بس ماهنا عمال اخر الليول
فقلت نام يابو الاكواس والصباح رباح
حبيت امر واسلم
طبعا اسلم ع المدونه مو عليكم خخخخ

تصبحون ع خير
هذي لكم

**نفركويس** · 25-09-2012, 09:06 PM

رد: حـبـتـيـن ツ

باك ياربعنا
الوطنيه واصله حده عندي
من قوة الوطنيه شفت باص مكتوب عليه
جمعية البر الخيريه
قلت الله يعز الحكومه حتى بالبر حطة جمعيات
وش يوزعون بالبر ضبان مثلا

ما علانا
وش هالدجه ياولد
الملك قال مافي احتفالات غنائية تضامنا مع سوريا
والناس مدهره اغاني لماذا ياقوم تحبون الملك ولا تسمعون كلامه
والا نحبه في اللي يعجبنا بس
عالعموم لعنا خير السبت ونزلنا كرامته الارض
ولا يقدر يرفع راسه بعد اليوم ابدن
اجزنا يوم السبت وصار الجمعه احلى يوم بالاسبوع

محتفلات مدري كيف ياربي
طالعه تحتفل ولابسه اسكيني وضيق وحوسه
وصاير جنبها تقول مطبات صناعيه
كله شحوم طالعه وش ذا استري نفسك
واللي تراقص مجدها قدام وامجادها ورى
تصدقون اني خفت عالناس منها لا تطيح فوق ادمي تجيب اجله
كفايه علينا ضحايا التفحيط والتكفيخ

بس اكتشفت شي مهم
اربع اشياء لايمكن تسير
الاوله ماتقدر تعد شعرك
الثانيه ماتقدر تغسل عيونك بالصابون
الثالثه صعب تنفس ولسانك طالع برا
.
.
..
.
.
.

.
.

.
.
.
.
.
.

اقول دخل لسانك انت واياه فضحتونا

برب

**نفركويس** · 26-09-2012, 08:44 AM

رد: حـبـتـيـن ツ

صباح الخير
تصدقون اني اكتشفت سبب الكرش عند السعوديين
هذا سلمكم الله اكتشفته من يوم داومت
ومتابعة بعض الزملاء
يصحى الصبح وينقنق بكاسة حليب ومعها شابورة
ثم اول ما يدخل المكتب
ينادي روح الاسلام سو لنا كافي وزود السكر
وعلى الساعة 9 يفرش السفره
والا ذاك الفطور اللي يحبه قلبك حتى لو منت جوعان بتاكل
ويقوم خوينا ويقول بنقنق معاكم وينسف اوووم السفره
وعلى الساعه 11 ونص عطونا الشاي وان بقي تميس والا خبز عطوناه
وبعد الظهر يجي ويلقى كاسة الشاي جاهزه وبجنبها بسكوت الشاي وينسفه لا وبعد يلحس اصابيعه من بقايا الشاي
ويوصل البيت بيكال العيال من الجوع ولا سلام ولا كلام اول شي وش الغداء تقول كان مربوط من الصبح
ويجلس عالصحن وياكل باخلاص كانها اخر وجبه ياكل اكل مودع
وينتفخ الكرش شوي وترتفع الفلينه وتبان الصره وقتها يحس انه شبع
يغسل يده احيان ويدخل ع فراشه ويحط راسه نوم
يصحى يلقى القهوة والتمر والحلى والمعمول ويجلس ينقنق عليها للمغرب
ويجي بعد الصلاه بقي قهوة يقولون له لا
قال اجل عطونا الشاي وهات اي شي معاه ينوكل
يصلى العشاء ويجي يناظر في البزارين ( وش تاكلون
ويخذ من ذا بطاطس ومن ذا فشار ومن ذا بسكوت ومن ذاك عسكريم
ويقول وين العشاء نبي ننام ورانا دوام
ويدفس في العشاء لين يقول بس
وينام وهو مرتاح الضمير
ويصحى من بكرا ونفس البرنامج
بذمتكم هذا ما تطلع له كرش
الا زين ما تطلع له كرش ثانيه بظهره

**نفركويس** · 26-09-2012, 08:57 AM

رد: حـبـتـيـن ツ

شوفو يالربع
واحد شاف وحده وعجبه شكلها وحبها بقوة
وصاروا مع بعض سنين وهو يحبها
صح تصير بعض الاشياء اللي تنكد عليهم
بس مع بعض ما يفترقون وحب متبادل وعطاء

وبيوم من الايام وهي بالمطبخ
انحرق الزيت وجاء على وجهها واعدمه
وتغيرت ملامحها مره وصارت شكل غير الاول مره
وتغير الاستايل كل ابوه
وش تتوقعون ردة فعل حبيبها
ماعجبه الشكل وقال مقدر اتعايش مع الشكل الجديد
شوفي لك حل ياترجعين شكلك الاول اللي تعودت عليه وحبيتك فيه
او انا بانسحب وادور غيرك
وش رايك في تصرف هذا الادمي
وهل هذا هو الحب
او ع الاقل هذا هو الوفاء

اسمحوا لي جميعا
ان هذا هو ماحصل مع منتدانا بعد تغير الاستايل
انسحب كثير وكثير يهدد بالانسحاب
وهم اول كانوا يتغنون بحب عبير
صح الاستايل الجديد مو عاجب الكثير
وصح انه فيه شويت لخبطه
وصح ان الجميع وعلى راسهم الادارة مضيعين فيه
وصح المفروض يكون هناك مساحة اكبر للاراء
وصح المفروض يكون الجميع مشرك في الاختيارات
بس لا ننسى ان هذا هو منتدى عبير
مهما تغير شكله يبقى المنتدى اللي حبيناه وجمعنا

وسلامتها ام حسن

**نفركويس** · 26-09-2012, 08:45 PM

رد: حـبـتـيـن ツ

**نفركويس** · 28-09-2012, 01:14 AM

رد: حـبـتـيـن ツ

صباحكم عسل
يقال ان بعض الناس عندما يكونوا في قمة الهم
يكونوا اكثر وناسه واكثر عبارات مضحكه
قلت يمكن يحاول يخرج من اللي هو فيه

ودي اكتب في مدونتي حركات بس المزاج مو بذاك
بحاول اكتب اي شي لا يسير فيني شي

صايرين انا والوسمي شيبان المنتدى
كل ربعنا هجوا
بنسوي لنا جلسه على دكة المنتدى
ونلعب ضومنه ونتذكر ايام اول
ونعلق ونقول راحوا الطيبين

برب تشييك سريع
ونروح على حركات

**نفركويس** · 28-09-2012, 02:44 AM

رد: حـبـتـيـن ツ

لا يؤذينا بعمق ... إلا من أحببناهم بصدق !!!
ليس لأننا مغفلين أو ساذجين ... لكن ..
لأننا وضعناهم في أماكن ضعفنا .

**نفركويس** · 28-09-2012, 02:47 AM

رد: حـبـتـيـن ツ

ذات مره وقع طائر في حب ورده
وقرر ان يصارحها بحبه ولكنها رفضت وقالت انا لا احبك
فظل يصارحها بحبه بشكل يومي وأخيرا قالت الوردة البيضاء
عندما يصبح لوني ا أحمر سوف احبك
وفى احد الايام أتى الطائر وقطع جناحه ونشر دمه على الوردة البيضاء
فتحول لونها الي ألاحمر فأدركة الورة كم احبها الطائر
لكن الوقت قد فات لان الطائر قد مات

حبتين ツ

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget