حبتين ツ

تقليص
X
تقليص
 
  • الصفحة لـ 332
  • الوقت
  • عرض
إلغاء تحديد الكل
مشاركات جديدة
السابق 1 44 94 134 135 136 137 138 139 140 141 142 143 144 145 146 147 148 149 150 151 152 153 154 194 244 332 template التالي
  • نفركويس
    V - I - P
    • Apr 2009
    • 3674
    •
    #1431
    رد: شخابيط نفر

    واذا نسيت بألف لكم من راسي تخبرون النت
    مكان واسع للكذب ومحد درى عن احد

    ركزو ع الاخير اهم شئ ولحد يدف

    حيبي البي الوسمي
    عليك الله ماتزعل
    لا يسر فيك مثلي زعلت وخربت اوم الشغله
    المشكله ما لقوا الا انا وانت احسن ناس في المنتدى ( مادح نفسو

    خليك ريلاكس اوي اوي اوي ياقعدع
    والصدق له اهله وناسه
    والكذب له اذنابه واتباعه

    اقول عطني سيجاره خل اخربها مره حده
    بس سيجاره عاده مو من اللي تحت
    وعلى قول المثل
    الباب الي يجيك منه الريح صك خشمك وتوكل على الله

      تعليق

      • نفركويس
        V - I - P
        • Apr 2009
        • 3674
        •
        #1432
        رد: شخابيط نفر

        احس اني متنح اليوم ومضيع علومي
        نمت نومه مدري كيف
        وصحت والظاهر مخي ما بعد صحى
        ردود من جنب القده ومخربط وحاله
        بروح اصحيه واجي
        اذا ما جيت اعرفوا اني انسدحت جنبه ونمت

          تعليق

          • نفركويس
            V - I - P
            • Apr 2009
            • 3674
            •
            #1433
            خبر عاجل

            علماء يكتشفون طريقة لمسح الذكريات المؤلمة



            هذا خبر عالصبح


            لو صدق اتوقع يصلح للكثير


            وفي اخر الخبر شوف وش كاتبين


            وأوضح العلماء أن ذلك البحث سيعود بالكثيرمن النفع على البشرية،
            فمن خلاله يمكن التوصل لطريقة ما لمعرفة المكان المحدد في الدماغ الذي تخزن فيه الذكريات،
            ومن ثم سيتمكنون من تعقب الذكريات، ومسح الأليم منها، أو إضافة أخرى سعيدة



            يعني ياحبيب البي ازهلها لاتجي وحده مجروحه من خمسطعشر حبيب وتقول ذكريات مؤلمه


            تروح تسوي فرمته بس وينتهي كل شي


            لا وبعد تبي تضيف ذكرات زينه


            يعني تضيف انه كانت مع يحيى وعاشت معاه قصة حب


            او انها هي نور وعاشت مع مهند الرومنسيه



            تدرون وش المشكاله والي خسران بهالسالفه


            هو نحن الشباب


            تزوج وحده مسوين لها فرمته

            تغير بالوجه قلنا نعدي


            تغير بالجسم قلنا احسن لا تطيح عليك وتكسرك


            تغير بالبراطم يجي على الاقل الواحد يحصل لحاف يتغطى فيه


            يسحب برطم وينام


            تغير في مممممممممم هناك يعني وعمليات ويسير ماكان شي صار


            نقول عفا الله عما سلف ولا ندور في الماضي


            بعد تغير في الذاكره وش بقي من الانسان العادي



            والحين الواحد لا بغى يخطب
            يتاكد من الذاكره اذا هي مفرمته او لا


            المشكله لامن تزوجها وعاشوا مع بعض فتره


            وطلع برنامج يطلع الذكريات المحذوفه وبان المستخبي


            وش السوات


            على فكره
            تنفع هالطريقه لمسح الخزعبلات والاعتقادات الخبلانيه في الاشخاص
            التعديل الأخير تم بواسطة مرامي البدر; 10-01-2012, 12:10 PM. سبب آخر: ^-^

              تعليق

              • نفركويس
                V - I - P
                • Apr 2009
                • 3674
                •
                #1434
                رد: شخابيط نفر

                اول تعليق عالخبر
                الله يعين البنات صايرين اسهم مداوله ع طاولتكم


                الله يسعدك هذي مجرد دقه بالرفرف يعني مو القصد الاهانه والتنقيص
                ودعابه نفروايه على وزن نصراويه * سوري وسومي
                وبامكانكم تعقلون على الخبر على طريقتكم الخاصه
                بس لو ما تذكرون فلينه وسروال
                وبساعدكم بهالكلمتين
                خليها تمسح من ذكرياتها الرجل السعودي الي مايعرف للرومنسيه طريق
                بل انه الرومنسيه بديره وهو بديره
                الا فيه احد يقول لحبيبته بعد خروجها من دورة المياه ( خلص القمر )
                امحق من رومنسيه

                  تعليق

                  • نفركويس
                    V - I - P
                    • Apr 2009
                    • 3674
                    •
                    #1435
                    رد: شخابيط نفر

                    ‏​‏​‏​ما أجمل أن يتقاسم الزوج وزوجته الأعمال المنزلية :



                    هي تطبخ وهو يأكل
                    هي تغسل وهو يلبس
                    هي تعدل السرير وهو ينام



                    يا له من دورعظيم يؤديه الرجال


                    ولكن بعض النساء مع الأسف ناكرات للجميل ! مسائكم بسمه ..~

                      تعليق

                      • نفركويس
                        V - I - P
                        • Apr 2009
                        • 3674
                        •
                        #1436
                        رد: شخابيط نفر

                        صباح الخير
                        يا اخي هالوسمي صار خطير من يوم طق هاللثمه
                        والناس ورا ه عيونهم مبققه مدري وش عندهم
                        يمكن عشان الحلى حق حنين
                        ياخي عط الناس خاس الحلى ولا احد اكل منه غير انت وقلب مراعي
                        على فكره
                        اختباراتي مالطلع لي ولا ماده لسا
                        شكل الدرجات صغيره ويبونها تربى عندهم لين تكبر شوي ويعطوني النتيجه

                        سير عالمسجد النبوي وسولي لنا دعوتين يحبها قلبك
                        ولك مثله

                          تعليق

                          • نفركويس
                            V - I - P
                            • Apr 2009
                            • 3674
                            •
                            #1437
                            رد: شخابيط نفر

                            صباحكم كويس
                            احلى ما في الربوع انك تعرف ان بكره ماعندك شي
                            واسو مافيه انك تقعد تدور مدونتك ما تحصلها الا بالدور الرابع او الخامس

                            صباحكم احلى شي

                              تعليق

                              • نفركويس
                                V - I - P
                                • Apr 2009
                                • 3674
                                •
                                #1438
                                رد: شخابيط نفر

                                قال تعالى : "والذين يؤذون المؤمنين والمؤمنات
                                بغير ما اكتسبوا فقد احتملوا بهتانا وإثما مبينا".


                                قال العلامة ابن كثير في تفسيره:
                                وقوله تعالى: {والذين يؤذون المؤمنين والمؤمنات بغير ما اكتسبوا}
                                أي ينسبون إليهم ما هم براء منه لم يعملوه ولم يفعلوه
                                {فقد احتملوا بهتانا وإثما مبينا}
                                وهذا هو البهت الكبير أن يحكى أو ينقل عن المؤمنين والمؤمنات ما لم يفعلوه،
                                على سبيل العيب والتنقص لهم،

                                  تعليق

                                  • نفركويس
                                    V - I - P
                                    • Apr 2009
                                    • 3674
                                    •
                                    #1439
                                    رد: شخابيط نفر

                                    مساكم سعاده كويسه
                                    بقول لكم شي
                                    احس ان شخص خذلني
                                    وثقت فيه وحطيت فيه امال كثيره من اجل قسمه
                                    اول مابدا الاشراف قلت الحمد لله انه ماخاب ضني
                                    لكنه اليوم متقطع العمل متغير متهاون
                                    الصدق اني من صدمتي ماني عارف اكلمه والا اخليه
                                    والا هي فترة وتعدي والا هو من الربع الي جاهم كلام عني
                                    بس الصدق الصدق الصدق اني ماتوقعتها كذا

                                      تعليق

                                      • نفركويس
                                        V - I - P
                                        • Apr 2009
                                        • 3674
                                        •
                                        #1440
                                        رد: شخابيط نفر

                                        سقى الله ايام التقيمات
                                        الحين الواحد ماعنده وقت يصك بهالاعجاب ويمشي
                                        كان على ايام زمان تحس انك سويت شي للعضو يوم يعجبك كلامه
                                        تروح وتفتح التقييم ومن ثم تسجل له كلمتين تتعب لين يطلع معاك الكلام
                                        وتجيك شكرا تم مدري ايش وتضغط موافق
                                        ومن بعدها موافق وتروح للصفحه مره ثانيه
                                        الحين الله يعز الحكومه خلت خل شي مسير
                                        في عهد ابو متعب كل شي سهل ماشاء الله
                                        صدق كنا نتعب زمان
                                        الحين طلع جيل مدري كيف حتى اعجاب ما يب يسويه
                                        اجل لو كان على ايامنا وش بيسر كان ترك المنتدى من زمان

                                        اييييييييييييييييييييه يازمان اول

                                        حسيت نفسي شايب يتكلم عن ايام الابيض والاسود
                                        على طاري الابيض والاسود
                                        مو كانه به وحده سوت لنا فلم هندي عشان ركبها البيض
                                        وقالت بتجيب دليل قاطع
                                        وين ما شفنا شي لا قاطع ولا قاص
                                        والا الشغله بيع كلام

                                        برب نشيك
                                        التعديل الأخير تم بواسطة نفركويس; 12-01-2012, 09:32 PM.

                                          تعليق

                                          السابق 1 44 94 134 135 136 137 138 139 140 141 142 143 144 145 146 147 148 149 150 151 152 153 154 194 244 332 template التالي

                                          google Ad Widget

                                          تقليص
                                          يعمل...