حبتين ツ

**نفركويس** · 17-12-2011, 11:29 AM

رد: شخابيط نفر

لامن قلت تم خلك قد تم
ولا من قلت بح خلك قدها
ترى مو كل تم تقدر تتم
ولا كل بح ينتهي من الخاطر همها

نفر بن كويس

ولا احد يرسل يقول اشرح

**نفركويس** · 17-12-2011, 12:01 PM

رد: شخابيط نفر

ياشيني لامني اخذت في خاطري من احد
يصير وجهي كله براطم

وكل كلامي ايه , وصح ، ومافيه شي
لاتدور عندي غير الكلمتين
واخر شي اقول بنام
وشوي تختفي البراطم
وترجع الامور زينه
بس يالربع عطوني جوي وخلوني ازعل

**نفركويس** · 17-12-2011, 12:08 PM

رد: شخابيط نفر

باخذ من وقتكم دقايق ممكن
ايها الناس اني داع فامنوا

اللهم يارب الارباب ومسبب الاسباب
اللهم اكتب لاخي T w i x كل خير ويسير له اسباب الخير
واصرف عنه كل شر
اللهم يارب يامن بيده ملكوت كل شي وهو يجير ولا يجار عليه اللهم اجره من خزي الدنيا وعذاب الاخره
اللهم يارب
اني احببته فيك فارفع درجته واكرم نزله وحقق امانيه واشرح صدره ويسير امره
اللهم يارب
اجعل له في كل خطوه سعاده وكل عمل عباده وبكل موقف خير الجزاء
اللهم انك انت الله لا اله الا انت مالك الملك تاتي الملك من تشاء وتنزع الملك ممن تشاء ترزق من تشاء
بيدك الخير وانت على كل شي قدير
اللهم ارزق من خيري الدنيا والاخره وغنه بك عمن سواك واغنيه بحالك عن حرامك
اللهم يامن وسعت رحمته كل شي
ارحمه فوق الارض وتحت الارض يوم العرض
يارب يارب يارب
اسالك ان تنفعني واياه بهذا الحب وتجمعنا في اجنة على كثبان من نور
وتجلعنا ممن يتذاكرون هذه الايام في الجنه

امين

**نفركويس** · 18-12-2011, 11:56 AM

رد: شخابيط نفر

صباح الخيرات والسرورات والفرحات والسحبات
وش لون الربع والربعات والسنعين والسنعات
والكولين والكولات
شفوا يابعدي
به ناس كول باخلاقه ودينه حتى لو كان لك عليه
وبه ناس كول بطرف لسانه وتحس الكولنه تقطر قوطره منه
بس من جوه لك عليه وعلى قولتهم من برا هالله هالله ومن جوة يعلم الله وبعضهم يخلف الله
فالشاهد
مع الاحتكاك ( الاحتكاك العادي وليس الممتاز

)
ومع طول المعرفه ينعرف الواحد
عشان هيك خل لك ترتيب معين للصداقات
يعني بالاول يكون عضو عادي
بعدين فريق عمل
بعدين مشرف
لا ترمي كل شي مره وحده وتثق بالناس طوالي
نصيحه لاتسير مثلي ( مثلي يعني زيي مو مثلي هذولاك اللي ما ابي اقول )
وقالوا اسال مجرب ولا تسال طبيب
وعلى قول المثل الباب اللي يجيك منه الريح لا تلحسه كله
وسلامتكم

لحضه لحضه لاحد يروح
بقول كلمتين
اجلسوا
ملاك الجنوب اجلسي مسرع قمتي
اقول يالربع
به اشخاص بعد ينحطون عالجرح يبرا
ويحتلون مكانهم بالصداره غصب باخلاقهم وطيب روحهم
معليش بذكر بعض الذين لهم فضل علي
ومن لايشكر الناس لا يشكر الله
الاخت صمت مسولة الاقسام الاضافيه سابقا الله يحفظها وين ماكانت
الاخ عبدالرحمن ( كيحلان ) مشرف المذكرات سابقا الله يحفظه
الاخت تك تك المشرفه القادمة باذن الله ( هذي لحالها قصة من الدعم والمؤازة
الاخت كوين ولو ني احس انها برطمت مره وسحبت علي لكن لا انسى فضلها
الاخ عبدالعزيز ( لا شي يستحق ) له كلمات موجه لي كانت بمثابة شحن معنوي
الاخت فجر المحبه ( مرت ابوي

) يالها من داعم واخت ومعين يكفي انها هي الي طلبت تعيني مشرف هنا وهناك
الاخت مون 14 وهذي لحالها قصة تحتاج لمجلدات

هؤلاء هم من القداماء ولهم فضل علي لا انساه
وهناك ايضا كثير من الموجودين لا انساهم دائما من الدعاء

اقول حاسس كان مدونتي الحلقة الاخير

**نفركويس** · 18-12-2011, 01:00 PM

رد: شخابيط نفر

الله يعين
دخلنا بجو الاختبارات
من السبت تبدا اختباراتي
دعواتكم يالربع
واذا به نفر او نفره يعرف يفك الخط بالرياضيات

لا يبخل علينا
اخوكم مزنوووووووء

والانقلش بعد بعض العربات تقول بتعطي دروس ولا شفناهم

المهم لاتنسون من الدعاء
ونعتذر عن قل التواصل مع الجميع الى بعد الاختبارات

**نفركويس** · 19-12-2011, 09:11 AM

رد: شخابيط نفر

صباح الخيرات
ياشين جو الاختبارت
والمشكله ما اعرف اسوي دافور
اذا مو بكره الاختبار معرف اذاكر
مو مثل قلب مراعي لها شهر تذاكر ( ماشاء الله )
على طاري صافي شكلهم هي وجماعتها وعيال خالتها بيحتكرون القسم العام
شفتو كيف التخطيط ناس تخطط
المهم صافي لو انك بعد هالغياب كله والدفاره الي مقطعه بعضها
ولا تجيبين درجه زينه ياويلك ويلاه لا يغرك حنين مسوله القسم
وعلى طاري الاختبارات
مابه احد يعرف بفك الخط بالرياضات
من امس مسوي اعلان ولا احد تقدم
ترا فيه رواتب مغريه وتامين صحي وبدل سكن
ولا نرسل اوراقك لحافز \يعني تاخذ راتب من هنا واعانه من هناك
وش تبي بعد محد قدك
فزعه يالربع الانقليزي وش اسوي فيه
واللي زاد الطين بله
انه قسم الانقليزي طالبين مني اكتب جمله مفيده بخط يدي
وانزلها عندهم بالقسم
ياحبيبي انا ناقص
بس تكرمون الليله احاول انزلها ولا يهمكم

**نفركويس** · 19-12-2011, 09:30 AM

رد: شخابيط نفر

احلى صباح صباح واحد طاح اي فونه بالماء وفقد الامل فيه
وبعدين اشتغل ( قابلني اذا اشتغل )
المهم
الحين على قولة اخوي وصديقي وصاحبي وزميلي واستاذي ومعلمي ومديري الوسمي
وش قصة هالاعجابات اللي طاحوا فيها
يعني اعجاب بشي يعجبك مانقول شي يمكن عجبك ولا عجب الوسمي ولا عجبني ولا عجب اي نفر اخر غيرك
لكن انك تعجب وتتعب حالك وجايب لابك ومن احسن المواصفات ولون حركتات وفاتح اللاب ومسجل دخول عشان تسجل اعجاب على
بروح وارجع
او برب
او صباح الخير
ياخي اعمل خاطر للشركه اللي مصنعه اللاب لو هي داريه سوت لك بلوك من اجهزتهم
.
الوسمي ذا يجيب كلام زي وجهه حلو بس للحولين يعني
سقى الله ايام الاعجبات والتقييمات يوم كان لها معنى
من يوم اجي القا اعجاب او تقيم اجي جري من فوق المدونات
وكم مره طحت بكم مدونه وانا رايح لمدونتي ابي اشوف كم وصل التقييم او الاعجاب
وعلى قول حنونه الحسافه كلها على التقييمات اللي راحت لو اني متصور جنبها للذكرى ( اقصد اتصور مع التقيمات مو حنوته ) لاتوهقونا
وعلى طاري الطيحات ياني شفت علوم بمدونات بعض الاعضاء وهم نايمين مايدرون
وشفت سعابيل وكشش وملابس معلقه عالدواليب
خليها على الله
خل نستر على الناس بس

**نفركويس** · 19-12-2011, 12:18 PM

رد: شخابيط نفر

عندي موضوع ابي اكتبه
يتكلم عن العلمانيين ودعاة الحريه
وخراطهم الفاضي على مستوى العالم العربي
بس العنوان له ريحه شينه

بعلمكم بالعنوان بس البسو كمامات
والا غطوا خشومكم
العنوان
هو
الديموضراطيه

**نفركويس** · 20-12-2011, 09:09 AM

رد: شخابيط نفر

صباح الخير
دقايق بروح اتمغط واجيكم
لا احد يسجل اعجاب ويزعل الوسمي

**نفركويس** · 21-12-2011, 11:02 AM

رد: شخابيط نفر

صباح الخير
فيني اليوم شي مجنون
فيني شجاعه ودي لو انهم يعطوني رشاش وادخل على القدس واحرره بلحالي
وفيني جبن لو طلع لي بس من الشباك فزيت
وفيني جراءاه اقول لاوباما انقلع ياكور
وفيني خجل لو قال لي طفل تسلم انحرج
فيني عناد او تجمع العالم مارجعت عن قراري
وفيني لين لو طلبت عيني عطيتك

حبتين ツ

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget