سكون وريح خرسى<< رائعة نايف العنزي


السلام عليكم

حبيت تشاركوني ارائكم في هذه القصيدة الجميلة والفاخرة للشاعر // نايف العنزي


والقصيدة كاملة :



سكون.. وريح خرسى والمكان يفوح بالفخار
تطايرت وتعبت ونمت في حضن الدرايش..طل

على خدك ياريم افطر سحاب وبعض مني طار
صباح كانت احلام الحياه الفانيه في حل !!

مسافر..في يدي شنطة دموع ودفترين اعذار
خذي واحد..وواحد لو رجعت اقطعه وابتل !

اذا وقفتك هذي(لاتروح)اكنسل المشوار
واذا هي(رح) تعالي جربي وشلون يقفي خل!

احبك من..تمادي لايهمك لونكون صغار
الى..ياريم شوفي للشقا صرفه وشوفي حل..

كأنا حزمتين من حطب والعام الاول نار
والى البارح وحنا من رماد الذكريات..انطل !

وانا وانتي وجوه مسرحتها لعنة التكرار
تحركنا ثقافة حب هشه..مجتمع في الظل !!

علشانك صدقت وصرت ارتب فالرفوف اسرار
رغم إيماني بفوضى العلاقه بين خب..وقل !!

وعشاني لاتحسبين القصايد همسة الاحرار
كثر ماهي صراخ مكبل من هاجسه محتل !

ياقطرة طفل مع قطرة شعر وشوي صرتوا امطار
متى هذا الورق من طيشك الفاتن لعقلي مل!

واذا صدرك سما..والغيم معطف..والهلال زرار
متى كان الهلال يزرر الدنيا ويبرد غل ؟!

انا اذكر خافقي سجادتك وضلوعي الاذكار
وفي نفس الصدر فيروز غنت(اوعك انت اتفل)!!

أجل من حدني يم الخضوع وقال لي اختار
وانا من يومها ادور بديل..يكون غير الذل !!!



مع تحياتي
جروح.البشر