تويت
بارد مشاعر
بارد مشاعر
معذور ياقاتل احاسيس وشعور
ولك حبة عالراس بعد اعترافي
الكامل الله ما حصل منك اقصور
انت ابد مايصير منك تجافي
اضحك على نفسي وانا الف وادور
وكذا مع نفسي أسوق اعترافي
كل القضية عاشقة شخص مغرور
لا قلت احبك قال ارجوك كافي
مايمتلك حس (ن) ولا ذرة شعور
قلبه من الأشواق ياناس طافي
بارد مشاعر والهوى فيه مأسور
مشيت في وصله على الشوك حافي
واكبر دليل أنه على الناس مأثور
بحره غرق روحي وهد المرافي
هذي انا أوراق لا سقت لبحور
أدمج بيوت الشعر غصب توافي
أرقى بشعري لابغى يلمس كسور
واجر لحن (ن) للهوى كود شافي
كتبت تنهيد الشعر جملة اسطور
رسالة (ن) من قلب بالحب دافي
ودي يبادل لهفتي شعور بشعور
يقول احبك لين ما اقول كافي
يروي اشتياقي وصل وأفراح وسرور
ويبني سدود الود خوف انجرافي
فجأة توقف عقرب الساعة يدور
كني مع حلمي ندندن بكافي
وارجع احب الرأس وأقول معذور
لجلك أدين الروح وان كنت جافي
بقلمي /أوراق الخريف
تعليق