تويت
مساء الخير يا أرض الخير و الخيرات يالبحرين
مساء الحب يا ارض الحب و ألأمجاد و الأبطال
أنا أول ما وطت رجلي تراب أرضك سمعت: أهلين
صداها فى السما مدري صداها فى البحر و الجال
أنا من قبل ما اشوفك و أنا أحبك و أعرفك زين
تسولف لي محارات البحر عن قصة اليامال
و تحكي لي رياض العز عن جيرانها الغالين
توصيني تقول : إخذ السلام و وصله بالحال
عزيزه يالديار اللي سكنتي كل قلب و عين
عظيمه شامخه تبقين مال الوقت أو ما مال
تعليتي على ذيك النجوم العالية ترقين
بنيتي لك على صدر القمر من سيرتك منزال
حمد قادك على درب التطور و الحضاره لين
تربعتي و صرتي مثل درة في البحر تختال
بهرتي كل من شافك بفعل شيوخك العالين
شيوخ كل ما مرت تواريخ الفخر تنقال
عسى الله يحفظ البحرين درة يا هل البحرين
أنا جيت أهدي ورودي لدار المجد و الأبطال
تعليق