رد: بقلمي لا يفوتكم .. رواية .. ما همني زماني لو كشر أنيابه .. حماسية رومنسية

اللي أتذكره أبوووي وشخص معه .. منو بعد ,, ميس انتي بديتي أكيد تخرفي .. لشنو انتي مهتمه بهالشي ؟؟ امج بخييييييييير وعافيه .. وهالشي المهم .. والأهم ..

برررررررررررررررررررررررررر .. برد برد .. منو زاد المكيف جذي ؟؟ .. ما فيني تييني نوبة الربووو مررره ثانيه ..

أصبحنا وأصبح الملك لله .. ياربي هالكلب ما يسكت عن اللعيان .. والله هالجيران ما يراعو .. يعله الخرس ان شاء الله .. استغفر الله من الصباح أدعي .. وعلى منو ؟؟ على كلب هههههههههههههههههههههه.. يلا بجهر عمري بسرعه .. أحس عمري بعدني متروعه .. وتحت تأثير الصدمه .. شنو رايكم أغير الوضوع اشويه ؟؟ شو رأيكم أعرفكم بنفسي ؟؟ .. اممممممممممممممممممممم .. ولا أقول .. لا تصدقووون ..

بعد فاضية اشرح لكم نفسيتي من الصبح .. أحسن أخليكم تتعرفون علي بروووحكم .. في قصة حياتي تراها مب طويلة .. بس أنا حاظرة لأي ملاحظة ..

هع ههع ما لايق اني أكووون محللة شخصية .. جفت عالساعه .. ما شي وقت حق السوالف .. يلا ميس خلي عنج الكسل .. يلا يالدبه ..
........

فتحت الستاره .. ليدخل النوور اشويه عالمكان .. الجو فظيع .. حاسه بصداع ..

أكيد أجوف أمي بالحلم اتموووووووووووت .. ها شي ثقيل علي ..

اوووووووووف ميس .. حبيتي .. الغاليه .. ها مجرد حلم .. فسكري الموضووووووع لو سمحتي .. شو أسوي .. ؟؟

اتخيلو لو كنتو مكاني .. وين زلاغي ؟؟ .. وين فريته ؟؟ .. شو انا اليوووم جني فقدت عقلي وخرفت مره وحده ؟؟ ..

كله ها من حلم .. اي حلم .. ها كابوووس .. هيه انا أمس ناسيه اقرا المعوذات ونا أنام ..
طالعت الدنيا برا الشباك .. انا هبله لو يفوتني هالجو ..

سمعت صوت من برا الدار : ميس رديتي تنامي ؟؟
هاي امايه .. ما بترتاح الا إذا طلعت ارقص بنشاط قدامها : لاء

ما سمعت ردها .. يا ربي وين فريت زلاغي ؟؟ .. طالعت تحت السرير .. ماشي .. فوووق الطاولة .. لا أثر .. لحظه .. لحظه .. أجوووف الساعه .. وويييييييي .. إذا كملت سوالف بروووح عني الباص وتبدي مذلة أخوووووووي .. خلوووني اسررررررررررررررررع ...

دخلت الحمام بركض .. حشى جني بسباق ..

اتسبحت .. ولبست لبسي وعدلت عمري .. عاد مهوووب لازم بعد أقوووووول بشو تعدلت .. ما من زين اللبس .. تراه لبس مدرسه .. بعدل الشيله اشويه .. هاي شعره طالعه ..

طالعت المراية اللي تعكس صورتي .. كنظره أخيره .. اتأكد لو شي ما متعدل .. واثقه كل شي تمام اووووف أكره نفسي لما أجوفها بالمراية .. كل بنت صديقتها المراية .. إلا أنا .. المراية عدوتي اللي تفضح حقيقة جسمي ..

تنهدت .. اييييييه مب فاضيه لويهي وجسمي احينا .. يلا قوومي نزلي ..

طالعت موبايلي .. ما فيه جرج كثير .. بجرجه بعد ما ارد من المدرسة .. بطني يصول .. بنزل ما فينا على حشرة أمي .. اسمعها تزاعج بالممر .. فديتج والله امي ..

شليت جنطتي ونزلت تحت ونا اراكض .. اونه سباق بيني انا ومشاري .. من ييلس في الكرسي الكبير قبل .. خخخخ جنا يهال .. ان شاء الله ما أطيح .. قابلت أمي .. بست راسها ..

قلتها بفرح : صباح الخير يما ..
أمي بابتسامة الصباح : صباح النور .. يلا تعالي تريقي ..
قلتلها : يعل عيني دوووم تجوووف هالابتسامة
أمايه : تسلم عيووونج .. يلا تعالي كلي قبل لا يبرد الريوووق

هزيت راسي .. ما جفته أخوي وينه .. يمكن طلع قبلي .. زين بعد .. ما فينا مغايض من الصبح ..

سمعنا صوته العميق من وراي : صباح الخير ..

حشى .. مسرع ما ظهر من طريته ....
ردينا أنا وأمايه : صباح النور

طالعته .. شكله يهبل .. لشنو كاشخ بزيادة بعد اليوم ..

سألته : شو هالكشخه ؟؟ شو ؟؟ لا يكون رايح تخطب ولا شي ؟؟ وحنا ما نعرف ..
ضحك : ههههههههه لا معي أجتماع بالموظفين وبس .. ضيوف مهمين من الخارج بيحضرو ..
أمايه : متى أجوفك بعرسك بالهكشخه ؟؟ انت متى بس بتعرس ؟؟ متى ؟؟

جاف علي بنظره .. جنه يقولي شاطرة .. وشحقه فتحتي الموضوع ؟؟ اشلوون بتسكت احينا ..

تلومت ونزلت راسي ونظراتي للأرض .. ايه صح .. كل مني فتحت الموضوع جدام امايه ..

مشاري : الله يهداج أمي .. بنفتح الموضوع مره ثانيه .. تو جم مره أنا أقول إني ما أفكر بالزواج موليه .. وبعدين لما أبي بعلمج انتي أول وحده ..
امي : يعني شيماء شو فيها أبا أعرف ؟؟؟
نقزت ورديت علطول : لا مستحيل مشاري يرتبط بوحده مثلها ..
مشاري بنظره خلتني اصخ عن الرمسه : ميس .. (وصوب كلامه لأمايه) .. امايه أنا ما أبي شيماء ماأبيها .. بنت خالي عالعين والراس .. بس ماأبيها ..
امي : شو فيها ؟؟
مشاري: ما فيها شي وألف من يتمناها .. بس ما أبيها .. عنبوه يعني الدنيا انخلت من البنات امايه ؟؟ وبعدين أنا حاط عيني على وحده .. بس مب الحين .. بعدني ما مفكر أتزوج .. وبلا وجع راس .. تونا الصبح ..
امي : الله يوفقك يما .. وتعرس وتقر عيني ..
مشاري : ان شاء الله بس مب الحين .. بعدين اشويه .. زين يالغاليه ؟؟

امي تهز راسها .. زين بعد قدر يسكت الموضوووووع .. لانها بتفتح الموضوع بجديه بعد كالعادة .. يلا بقوووووووم .. تو بيي الباص ..

كليتلي ريوق وطلعت بعد ما ودعت أمي .. طلعت من الباب العووووود للحوي ..

ها يا الباص .. باص أبيض بس وسخ مثل ويه صاحبه .. ركبته .. شيييت كنت بطيح .. كله من عيوووووون هالسايق .. تف تف أعوذ بالله من كل شر ..

أول ما دخلته .. السايق عطاني (كالعاده) .. نظرة من اللي تعود يعطينا اياهم .. أعيون جني .. نفسي بيوووووووم أقوله .. شو تناظر .. انا بغيره هالباص ..

هالسايق لوووووووث .. اوف أكره هالنظرة .. رحت قعدت بكرسي منعزل .. وسلمت عاللي جنبي .. ردت جنها صاحية من حلم .. ولا تحاول تحلم .. ولا شو بالضبط .. يعني شكلها اليوم ناسية مخدتها .. اههه طوفت .. ما صحيت من أفكاري إلا عصوت وحدة من رفيجاتي ..

روان : ها صباح الورد ..
رديت عليها : صباح الفل ..
روان : شحالج أجوفج اشوية تعبانة ؟؟
قلتها بهدووووء : لا انا تمام ماكو فيني شي
روان : انزين فرفشي اشوية .. تونا الصبح .. خلي عنج الهدووووء ميسوووووووه ..
رديت : هههه شنو اسوي طبيعتي جذي ..

وراحت عني .. بصراحة .. أعتبر روان وحدة من صديقاتي .. ما من كثرهن .. صديقاتي ينعدن عالاصابع .. بس المقربات 1 بس

وأعتبر روان وحدة من البنات المسالمات اللي ما يهتمو بالمظاهر .. جنه عندي عدو .. بس مادري لشنو يحبون يغايضوني ويكرهوني .. جني انا ما عندي احساس .. تنهدت .. ها وصلنا للمدرسة

نزلت .. واتجهت صوب طريج صفي .. اليوم الجو مغيم وحلووو .. غمضت أعيوني استنشق الهواء النقي .. محلى الجو .. ان شاء الله تمطر علينا بشوية ماي تسقي هالارض اليابسة
.. اه .. وجعععع .. اوبس ..

جفت على اعيونها انتظر منها ردة فعلها .. تو بتحرج .. أصبحنا وأصبح الملك لله .. بداية حلوة لصباح الله خير .. اه ..

فاجأتني بصراخها : ما تجوفي ؟؟ عورة ؟؟
ليش الصراخ اصددمت فيها بدون قصد : أسفة ما قصدت ..
كملت : أكيد دامج بهالجسم .. أكيد بتصددمي بكل أحد .. ههههه
حسيت بخدودي يحمرن .. طنشت كلامها وطوفتها .. مشيت بهدوووء ونا عارفه انها ما بتسكت .. لعيان
ضحكت : روحي روحي .. مدري اشلون ريولج اتشيلج ؟؟ ههههههههه
قهرتني ضحكتها .. بس طنشتها ..

طوفت وانا مليانة هم وغم من سمعت كلامها السم .. ناقص أحد يجوفني بهالموقف .. تعودت اسمع هالكلام .. أحلى بداية لأحلى صباح .. يلا تنوكل ..

وصلت الصف .. سلمت عالبنات .. ولويت عرفيجة صباي بحنان .. كنت محتاجة لحضنها ..هيه الوحيدة اللي أرتاح بجوفتها ..

حلا : بلاج جنج ما جايفتني من دهر ؟؟
قلتها : ولا شي .. مشتاقة احضنج
حلا وجنها شكت : ميس .. احد قالج شي ؟؟
رديت عليها بنبرة حزن : ماكو شي صار .. يلا نمشي للطابور
حلا : اوكي

الحلو بصداقتي بحلا .. انه هيه صج تحبني لشخصيتي وحقيقتي .. وما تهتم للمظاهر .. رغم انا احنا فمدرسة مليانة بنات معاشات اسرهم محدودة .. يعني ويووووووووووه قفر ورفضت إني انتقل لمدرسة خاصة .. بس انا وياها ما نهتم لهالشي .. وانا وياها مختلفات بالشكل ..

اهيه رشيقة وجميلة ما شاء الله عليها .. انا حلوة بس عقدتي اني .. (متينة) .. وهالشي مضيع على جمالي .. ورغم جي أحسها اجمل عني بوايد .. بس احنا كثير متعلقات ببعض .. احينا بكمل بصداقتي بحلا سبع سنين

وايد البنات يضايجوني ويعقون نغزات على جسمي .. وهيه بعد يضايجونها لما يعرفو انها رفيجتي .. وهالشي يخلينا نتعلق ببعض أكثر ..

صفينا للطابور ولتحية العلم .. كنت ناسية الموقف اللي صارلي ومستانسة اني مع حلا ..

حلا : متى افتك من هالمدرسة ؟؟
ميس : ما باقلنا غير جم شهر .. ونخلص وجع راس ..
حلا : وندخل تخصص مع بعض .. ما أتخيل ادرس بدونج
رديت : ونا بعد ..
حلا : خلينا بالاول ننجح .. وبعدين اللي وراه

ودخلنا الصف .. يلا بأمان الله بخيلكم لنهاية اليووووم الدراسي .. ما اعتقد تبوووون بعد اتجووووفوووون وتسمعوووون شرح الدروووووووووووس؟؟ .. إذا تبوووون حياكم الله ..
.. كنت سرحانه بالحصص .. بالي مشغول بشو صارلي ؟؟ هههه شكله هالحلم بيفر براسي ..
وحشتني أبووووووووووي ..

صحيت من أفكاري عصووت الاستاذه : ميس ؟؟
لفيت لها وقمت : نعم استاذه ؟؟
هزت راسها : انتبهي .. ما بعيد مره ..
علبالي شي جايد .. طلع انتبهي : ان شاء الله .. اسفه استاذه ..


.................................................. .................................................. .......................



حلا : ما بتردين وياي ..
امممممم: لا ..
حلا : براحتج .. مادري شلووون تحبي تركبيه هالباص ؟؟ ..
ميس : أصلا بغيره .. يلا الباص بيروووووووووح .. مع السلامه
حلا : باي


نزلت بكل تعب .. جني يايه من سباق .. هو منو بالبيت ؟؟ .. شكله وحده من الجارات .. دخلت من الباب العوووووود ..

استقبلني أخوي الكبير والوحيد .. ما عندي أحد غيره .. ويعتبر اقرب شخص لي فالبيت .. استقبلكم اليووم الصباح كاشخ خخخ .. ورغم انه بعمر صغير (22 سنة) بس عقليته كبيرة ..

مشاري : هلا وغلا .. منورة البيت ..

وباسني براسي

رديت : منورة بنورك .. شحالك ؟؟ .. شلون الشغل ؟؟
مشاري بتعب : تمام والله .. الشركة تزيد الارباح ولله الحمد ..
ميس : الله يزيد ويبارك ..
مشاري : خلصي يلا تراني ميهووود ودي انام .. يلا نترياج عالغدا
رديت وأنا اركب الدري : تو .. تو .. بديو .. بييكم بعد اشوية ..

مشاري دوم يحاول ينسيني معاناتي بالمدرسة .. يدري بهمي اللي يختلج بقلبي .. بس يحاول قدر الإمكان انه ما يذكرني .. واللي يجوفني انا واخوي .. يقول أكيد ولد من ام ثانية .. لأنه عكسي تماما .. رشيق .. ومرة اخووي يهبل .. لكن أخوووي أنسان أجتماعي جاد بحياته .. ومو مفكر بالحب وبهالخرابيط .. يعني مب جنه عمره22 اللي يجوفه يقوول مررره جنه بعمر 30 ..

رحت لداري .. خذيتلي رشة ماي ولبست ابسرعة وتييدت وصليت .. عقب ما خلصت نزلت ابسرعه .. ما فينا على حشرة مشاري .. اسوأ وقت عشان يحرج فيه ..

دخلت غرفة الطعام .. لقيت امي تخبص ويا البشكارات .. سلمت عليها وبست راسها ..
قعدنا ناكل الغدا ..

سألت امي : يما .. ؟؟ متى بيي أبوي ؟؟
ردت علي : مادري .. يا الاسبوع الجاي .. يا اللي بعده .. واحتمال كبيرما يجي .. قال يعتمد عشغله هناك ..

بوزت ..

مشاري : يما .. زين اليوم مسوية برياني .. كنت مشتهي ..
أمي : عيبكم ؟؟
رديت : ايه .. كثيير ..
ام ميس : تسلم عيونكم
قلتلها : بس خلاص .. ودي اتعلم أطبخ
مشاري : زين بعد جان بتحركي يدج الدلوعة ..
أمايه : مشاري بعدين ابيك اترووح تشتري سامان البيت وفواكه .. حريم الفريج بيتعشون عندي ..
مشاري : ان شاء يالغالية ما طلبتي شي
أمي : بطرش معك سيتي .. لاني اريد اشياء معينة .. وهيه تعرفهن ..
رد بسرعة : لاء .. ما باخذها هذي .. قصوري بعد تركب هاذي وياي ..
امي : هههههه زين ميس .. روحي انتي وياه
مشاري : ميس .. انا باخذها هذيك ؟؟ مستحيل .. بتصم اذني .. وججع
رديت : انزين .. انزين .. بيي
امي : دامج بتروحين .. خلاص سيتي ما بتروح ..
تفاجأنا من صوتها ورانا : انا اريد اروح

يا ربي .. مادري من وين طلعت هذي السمجة .. كل شي بتحشر عمرها فيه .. حتى في نقاشنا .. وجع

امايه : لا خلاص ميس بترووح ..
سيتي : ماما انا كل يوم جول ريد رووح ..
مشاري : انا بخذ ميس فيج صمم ؟؟ ما تسمعي ؟؟
امي : روحي خلاص للمطبخ ..
ردت بلسان طويل : ما على كيف انتي ..
مشاري بدا يحرج .. : شو قلتي ؟؟ عيدي كلامج ..

مثل ما قلت .. اسوأ وقت عساس يعصب فيه .. وقت ما يرجع من الدوام .. واغياب سيتي .. راحت فيها ..

صرخ عليها : اعتذري .. دحين ..
امي : بس مشاري .. ما قاصدة
مشاري : لا لا لا .. بعد تمد لسانها عليج .. ونا موجود .. هذا اللي ناقص ..
وكمل يصرخ عليها : قلت اعتذري

صخت من نظراته .. بس ترا بياكلها ان ماتكلمت .. امبونه يفكر يسفرها على لسانها الطويل

سيتي : سوري ماما .. انا مافي سوي مرة ثانية ..
مشاري : اياني وياج اسمعج بس تفكي حلجج ونا موجود ولا لاء .. فاهمة ؟؟

سيتي تهز راسها

وبديت اتصيح .. ياربي مشاري اشوية بالغ .. بس ترا يحرج بسرعة بهالوقت .. لأي سبب سخيف

امي : حرام عليك مشاري .. بس زودتها

قمت من مكاني وخذيت سيتي المطبخ ..

قلتلها : بس ترا مشاري ما قاصد .. بعدين بيعتذر ..
ومديت لها منديل : اندوج .. مسحي عيونج

عاد خليتها مع بقية البشكارات يسكتنها .. خبلة هذي .. مادري بشو معجبة بأخووي .. كل ما جافها يحرها .. اونها عاد معجبة فيه ..
رديت مكاني وقعدت على كرسي
كملت أكلي بهدوء ..

مشاري : سكتت ؟؟
هزيت راسي : ايه
أمي : شبلاك .؟؟ حرجت عليها المسكينة ؟؟
مشاري : انتي ما تدرين شو مسوية البارحة ؟؟
امايه : وشو سوت ؟؟
رد : بس ما لازم .. انتي وحدج بتحرجي عليها .. بس خليها .. امبوني ساكت عنها
امي : اه استغفر الله العلي العظيم
سكتنا فتره .. بس تفاجأنا مرررة ثانية بكلامه : بقولكم كلمه .. وماشي نقاش فيها .. ولا أبي أسمع حس اعتراض ..
طالعناه والحيررره ممتلكه اعيونا .. صخينا ننتظر يرمس : ارمس ..
مشاري بتررد : خالي طلال بيرد البلاد ..

فجينا اعيونا .. خالي طلال اللي سنين ما جفته بيرد .. لحظه لحظه .. ما قالولي انه ميت .. ولا ها خال ثاني .. ونا مدري ..؟؟

طالعت امايه لما طيحت الشوكه واللي بيدينها .. منصدمه عالأخر ..

سألت : خالي طلال .. مو ميت ؟؟
هز راسه بلاء : لا ء .. هاك خالي عبدالله الله يرحمه ..
مشاري يكمل : وبيي يسكن اهنيه ..
حرجت أمايه بسرررررررعه : مستحيل ..

طالعت أمي مستغرربه من ردة فعلها ..

مشاري : أمايه .. أنا قايل كلمتي وقراري ماله رجعه ..
أمي : وحنا وين يعني .. شو دورنا بهالبيت .. مالنا راي يعني .. أخوووي ما بيدخل هالبيت ..
مشاري : خلاص .. أنا قايل كلمتي للريال ..

جفت السالفه بديت تكبر .. خالي طلال تقريبا ما جفته من يوووم ما عمري 6 سنوات .. يعني 11 سنه ما جفته ولا سمعنا خبر عنه .. عايش حي ولا ميت ..

نقزت على صرخة أمي : أنا ما محرمه انك تتواصل معه ؟؟
صخ مشاري .. بس بعدها اتكلم : أمايه .. ها أخوووووووووج ..
أمي مفووووووله عالأخر : أخووووووووي ؟؟ .. أخوووووووووي .. الحين يطلع أخوووي ؟؟ الحين أخوووووي .. وينه أول وينه ؟؟ وينه يوووم توفى أبووووي .. ما تذكر السالفه .. ما تذكرها ؟؟
مشاري منزل راسه : أمايه .. مرت سنين عالسالفه ..

كنت أطالعهم مثل الهبله .. ما فاهمه شي بالسالفه .. شو السالفه اللي مرر عليها اسنين .. وليش ماماتيه محرجه جي .. شو مسوي خالي طلال ؟ وليش محرمه نتواصل معه ؟؟ .. كنت حاسه انهم بيطولوها السالفه ووجودي ماله فايده .. فقمت أشل عمري شلال .. وخذيت صحني للمطبخ ..

ركبت الدري ونا أطالعهم يتناقشووون .. ورحت لحجرتي اذاكر .. اتجهز للامتحانات .. وحاولت انسى المنافشه اللي حضرتها ..

سكرت الباب .. وفتحت الانارة .. لانه موقع غرفتي ما توصل له الشمس كفاية ..

خالي طلال أكبر خوالي .. أكبر واحد من عيال يدتي .. هاللي أعرفه عنه بس .. وأمي عمرها ما طرت اسمه ولا خبر عنه .. بيي يسكن اهنيه .. معنا .. نفسي اجوف ويهه .. شخص من العايله قطعنا أكثر من عشر سنوات .. شكله السالفه كبيره ولا ليش امايه محرررررررجه .. ؟؟

جفت صورة لابوووي فووووق الرررف .. وحشتني أبوووي .. " ترا ابوي مسافر لايطاليا .. من ثلاث سنوات .. يكمل خرابيط شغله .. ودورات .. مادري .. بس بكل مرة .. تزيد مدة دوراته " .. طالعت روحي بالمراية .. متى اتخلص من هالجسم ... اوووووووووووووووف ..

ايييهيه خليني أذاكر .. احسلي من هاي الخرابيط ..
خلصت شغل المدرسة .. واسترجعت كامل الدروس للايام الماضية .. وبديت أذاكر كتاب .. كتاب كعادتي .. وذاكرت الدروس للحصص الجاية .. لين ما حسيت انه الكتب اتعفنت بيديني ..

رد: بقلمي لا يفوتكم .. رواية .. ما همني زماني لو كشر أنيابه .. حماسية رومنسية

الحمد لله ذاكرت .. طالعت الساعة .. ياربي .. قريب وبندخل وقت المغرب .. ويييييييييييييييييييييييييييييي
انا ما مصلية العصر .. وشلون نسيتها .. المذاكرة شغلتني ..

دخلت الحمام علطول وتوضيت
فرشت السيادة وصليت ..
عقب ما خلصت .. طويت السيادة .. وظهرت من الحجرة .. ونزلت للحوي .. أغير جو .. قعدت بالكراسي .. والهواء يضرب بويهي ..

اليوووووووووم الجووو جنان بصراحة .. يكفي الهواء البارد ..

يلا بيأذن قريب .. احب أكون بهالوقت برا .. اطالع وقت الأصيل .. الحين بتغيب الشمس .. لليلة يديدة .. .. مسكت الكتاب اللي قاعده أقرأ فيه .. تلوعت .. كافي كتب .. ما يكفي كتب المدرسه ..
هههههه أوني مثقفه العايله .. الوحيده اللي تحب تقرأ ..
مدري على منو طالعه .. رغم انه ميووولي علميه .. بس كثير أحب أقرأ بالأدب .. يلا ميس .. اتعفنا من الكتب .. القراء أحينا ما يفكروووووووون بالكتب والأدب شراتج .. وحليلج .. خخخخ

طالعت المسبح .. أذكر مرة وانا صغيرة .. خذيت صيصان الدياي .. وجتطيتهن بالماي .. اوني اسبحهن .. هههههه .. احلى طفولة .. طبعا .. لأنا سكنا مع قوووم عمي .. وحشتني مروووة الطفسة .. بتصل فيها بعدين ..
اه يأذن .. ما قعدت كثيير .. يلا بدخل .. ما زين اقعد برا بهالوقت .. زين غيرت جو .. احس ركبي يعورني من جلسة الكرسي ..

دخلت للصالة .. قابلت أمايه .. بست راسها ..

امايه : ذاكرتي ؟؟
رديت : ايه
امي : الله يوفقج ..
رديت : امين
امي : اذن ؟؟؟
ميس : ايه ..توني دخلت عقب ما اذن
امي : عيل خليني اقوم اصلي
انا : يتقبل الله ..
امي : منا ومنكم ..

حسيت بأمايه هاديه مب جنها كانت محرجججه ومفووووله .. شكله مشاري قدر يهديها ويقنعها ..
قمت لداري .. وصليت ..

فتحت اشوية اللابتوب .. اتسلى اشوية ومن بعدها برد اذاكر .. الله وأكبر على تسليتي .. مالي حاجه فيه غير اني أكمل أقرأ روايات ..
طالعت موبايلي .. وحشتني مروة .. بتصل اشوية اسأل عنها .. من زمان ما أسمع حسها .. من الاسبووع الماضي .. احينا بتقولون .. الاسبوع الماضي ؟؟ .. اشوية .. بس تراني كثير اشتاق لحبايبي المقربين ..

دقيت على رقمها .. اوهو .. ما ترد .. ها تلفونها بلا فايدة .. كلما أتصل .. يا مشغول .. يا ما ترد .. يا خارج الخدمة ..

بتصل عليها مرة وحدة وبس .. ان ما ردت خلاص .. ابروحها تتصل فيني .. دقيت مرة ثانية .. ما ترد ..
ابي أكلمها بيسافروون عقب يومين .. باجازة نص السنة وما عاد بقدر حتى أودعها غير بالمطار يمكن .. وحشني صوتها .. ما عليها .. خليها اهيه تتصل .. المشكلة انه بيتها اشوية بعييد .. فما دايما نتجاوف .. خصوصا هاي السنه .. عساس أخر سنه النا في الثانوية .. ويبالنا انشد حيلنا عشان النسب ..

فيني رقاد .. سهرانه البارحة .. بنزل اتعشى وبصلي وبذاكر اشوية وبنخمد .. تثاوبت .. يمكن بعد ما اذاكر من التعب ..

اتمنى البارت يكون عيبكم .. لا تحرموني من ردودكم .. ولا تراني ما بحط بارت ثاني ..

رد: بقلمي لا يفوتكم .. رواية .. ما همني زماني لو كشر أنيابه .. حماسية رومنسية

يا هلا مررة ثانية .. عودة اخرى مع باقة باراتات ثانية خخخ .. (اشكر كل من ساهم في الردود ) أصلا محد رد علي هىء هىء .. حرام عليكم .. احد يشعجني ..شكلي بسجن كل أعضاء هالقسم ..
هاذي تكملة البارت الثاني



..$* (( الحلقة . 2 . الثانية )) *$..



~ لو يطلب اعيوني عطيته ما عندي فدوى ويفداه ....
.... أقول لبيه وفديته ما دام صار القلب يهواه ~


ها جرس الباب .. منو بيكووووووون ؟؟ .. يمكن مشاري راد من المسيد .. خليه ما يطلع .. يمكن يقدر يطلعني مكان ..

كنت قاعدة أمشط شعري الطويل .. نفسي ادخل في مسبح ساخن يريح فوادي اشوية من هالنكد اللي عايشتنه .. يا مذاكرة يا نايمة يا أتابع التلفزيووون .. يا تسوق .. يا ليت يكوون فيه شي ثاني يحمسني من هالملل اللي انا عايشتنه ..

من زمان ما تسوقت .. ما احب المولات وهاي الاشياء .. من كثر نغزات الناس على جسمي .. رغم اني أجوف دايما اللي أسوأ بس الناس كلش تذم كل شي ..

سمعت دقة الباب

قلت علطول : من ؟؟
سمعت صوت البشكارة : مدام .. في بابا سعيد ييجي ..
رديت : اوكي .. احينا بيي

وما عاد سمعت ردها .. ها عمي ياي .. كنت أحسب أخوي .. شكلها مروة مب ياية .. لانه من العادة تييني فوووق لداري ..

لبست شيلتي .. اروح اسلم على عمي الوحيد .. أخو أبوووي .. يا رب يكون راشد ياي .. اجوفه ولو من بعيييد .. زين ايو عندنا .. قبل لا يسافرووون ..

طلعت من الغرفة بعد ما سكرت الليت .. ونزلت لين تحت ... جفت عمي وحرمته ومعهم راشد قاعدين بالصالة مع أمي .. سلمت على عمي وحرمته وبست راسهم .. كنت مستانسة حيل بجوفة رشوووووود
.. سلمت عليه من بعيد ونا اقعد بالكرسي ..

كثييير كثييير متغير .. بشكل كبير .. صار أحلى .. شكله الجو ببريطانيا مغيرنه .. بس مبين عليه مغرووور .. لاه لاه .. انا اعرف راشد .. انسان طيب وخلوووق .. ومتواضع ..

صار لي هاي المرررة الثانية اللي أجووووفه من بعد ما رد من السفر .. جم سنه ياربي ما جفته ؟؟ اه ثلاث سنوات .. رد من ثلاث أسابيع بس تراني امووووت عليه .. خخخخ ما خبرتكم بهالشي .. ايه راشد يكوووون حبي الأول والقديم وللحين أموووت عليه .. بس شو بيعطيني أنا الدبة ويه ؟؟ مالت على حظي ..

تفاجأت من صوت عمي اللي خلاني اصحى من أحلامي .. ولا أنا كلي بويه راشد ..

عمي : شخبارج ميس ؟؟ شلون الدراسة ؟؟
رديت بحياء : الحمد لله .. كل شي تمام .. ونت عمي ؟؟ .. شحالكم ؟؟
عمي وحرمته : ابخير دامج بخير ..
سألت : عيل وينها مروووة ؟؟
ابتسمت حرمة عمي وجاوبتني : ما يبناها ..

كنت بتكلم بس صخيت من حيائي من راشد .. كنت متوقعة منه يسألني عن أخباري بس ما رمس ..
اه .. انا احب انسان مستحيل بيوم يرد لي بطرف عينه ..

بروح المطبخ بيييب فوالة .. ها هو مشاري واصل ..

دخلت المطبخ وسكرت الباب من وراي

سمعت صوووت فجأة من وراي
بووووووووووووووو

نقزت علطول وصرخت من الخرعة : ا اء
مروة : ههههههههههههههههههههههههههههههههههههههههههههههه
لفيت أطالعها .. طلعت مروووة الطفسة .. ضربتها بكتفها .. ونا أشاهق من الخرعة .. روعتني ..
مروة : ههههههههههههههه لو جفتي شكلج ههههههههه
قلتلها : تبين اتذبحيني انتي .. قلت بخاطري يا روح ما بعدك روح يالهرم ..
مروة : هههههههههه سوري .. لقيتها فرصة ههههه
طوفتها .. هاي الملسوونة ما تحب تجوفني الا اتناقز طوول الوقت من مقالبها : جذي سلامج ها ؟؟
اونها عاد يت تلوي علي .. تو تفيجت ... : سوري .. حقج علي
ميس : شحالج ؟؟ .. وحشتيني حييل ..
مروة : بخييير ربي يعافيج .. والله اشتقتلك كثييير
ضربتها بجتفها : باين .. من زووود ما تتصلين .. وينج عن تلفونج ؟؟
مروة : عذريني .. بس تراني ضيعت تلفوني بالبيت ..
قلتلها : كالعادة .. اقول تلفونج ضايع ولا مو ضايع .. اهو بلا فايدة ..
مروة : فاضية بعدج تهزبيني على موبايلي .. إلا أقول .. شلون الدراسة والمذاكرة ؟؟
رديت : إلا نكد .. ارجووج لا تسألي عنها .. لوعتلي جبدي ..
مروة : ونا بعد .. احاول اني اذاكر طول الوقت عساس ما تفوتني المذاكرة ونا مسافرة .. وبعدني بذاكر بالسفر ..
سألتها : جم يووم بتيلسووو ؟؟
مروة : وين ؟؟
جاوبت وانا اتطنز : وين يعني .. ببيتنا ؟؟ طبعا اعني فبروناي يالهرم ..
مروة : اها .. يمكن مال ثلاث اسابيع واذا اكثر .. بيكوون طوووول الاجازة ..
قلتلها : تهنيو .. الله يسعدكم ..
مروة : اميييين .. الا .. شو رايج تييين ويانا ؟؟
رديت وانا تطنز : تبييين امي تذبحني قبل مشاري ؟؟ .. ولا قاعدة تنكتيين انتي ؟؟
مروة : شو فيها ؟؟ ما رايحة مع احد غريب .. رايحة ويا أهلج .. احنا شرات اهلج .. ولا تستحين من رشوووووووود ؟؟
تنهدت : لا بس تعرفيين مشاري .. ونتي عندج راشد .. يعني .. ولا بالاحلام ..
مروة : وناسة بتكون لو ييتي ..
ميس : الايام الياية .. الا سمعت ابوي لما كان ياي أخر مرة .. يرمس ابووج .. احتمال انرووح اسبانيا بالاجازة الصيفية .. فبيتنا القديم هناك ..
مروة : اتمنى .. تذكرين أول زمان ؟؟
رديت : ايه .. كان معاناة لين اتعلمنا الاسبانية .. بس فادنا بالانجليزي .. أحلى سنتين بصراحة ..
مروة : اييييه .. خلا انرووح ويا اهلنا ..
قلت علطول : امبيه أنا ياية اسوي الفوالة ونتي نسيتيني .. تعالي ناخذها ..
مروة : روحي سبقيني .. تو بيي بشرب ماي .. خلي الفواكه .. انا بيبها
رديت عليها ونا بطريجي : اوكي ..

طلعت وخذيت اللي بيديني لوين ما قوم عمي سعيد قاعدين .. طالعت راشد .. ابيه ولو بنظرة .. يفيسني .. تبعتني مروة عقبها .. رحنا لحجرتي .. قعدنا انسووولف .. ونا العب بشعري ..

كنت أستمع لكل سوالفها .. من مقالب وأخر سوالف المس مروة .. لين ما زقرتني بنبرة حزن .. طالعتها .. مو لانها زقرتني .. لاني اتنبهت انه نبرة صوتها اتغيرت ..

مروة : تدرين اني انخطبت ؟؟
عدلت بيلستي .. وفجيت اعيوووني وصرخت بكل قوتي : مبروووووووو وووك
مروة بنفس النبرة : الله يبارك فيج .. بس ما تستغربين اني انخطبت بهالسرعه ؟؟ يعني بعدني ما خلصت أخر سنه لي ؟؟
هزيت راسي : ممممم شوية ..
مروة بأسى : الله يعيني ..

غمضتني نبرة صوتها .. حاسة بيها شي .. اكيد بالسالفة ان ..

سألتها : منو تعيس الحظ هذا ؟؟ ههههههه اللي رضى فيج خخخ ؟؟
فرتني بالوسادة : اتا تعيسة الحظ مب هو ..
استغربت منها تمام الاستغراب .. لاحظت عليها سكتت .. اتقربت منها ولويت عليها : مروة ؟؟ حبيبتي اشفيج ؟؟
مروة : ماكو فيني شي ..
قلتها : عيل وشحقه مرة وحدة انقلبتي ؟؟ شو صابج ؟؟ متعلقة السالفة بخطبتج ؟؟

هزت راسها ..

كملت : منو ؟؟ .. منو اول شي ؟؟
ردت على سؤالي : حمد .. ولد خالوه نوال ..
بديت اخمن بالسالفة .. شكلهم بيغصبوها توافق عليه : وشو السالفة ؟؟
مروة : علمي علمج اني ما أطيقه ولا اطيق وحده من خواته .. ما ادانيه .. رفضت .. بس بيغصبوووني عليه .. خصوصا هالراشد .. ما على كيفهم ما على كيفهم .. انا اللي هاتزوج مب هم .. هاي حياتي اني .. ليش يدخلون بقرار حياتي ؟؟
لويت عليها أكثر : انتي حاولي ويا أهلج باللين .. تمام ؟؟ والله يوفقج .. وان ما صار .. ارضي بالنصيب .. يمكن غلطتي لما حكمتي عليه ؟؟
مروة : انتي تعرفينه حمد ميس .. واعتقد فهمتي قصدي ..

سكتت : .......................

شوا قولها احينه ؟؟ اكره هاي الحركات .. لما الاهل يغصبوووون الواحد على شورهم بدووون سبب .. شو احنا .. بزمن العبوووديه يعني ؟؟

اعرفها مروة .. ما أدانيه حمد من يوووم صغير .. وبالكثييير تسلم عليه .. اعرفها .. وايد تخاف منه .. رغم انها ما كانت تبين .. كانت أتحب تهاوشه .. اه .. بس الله يعينج مروه وحليلج ..غمضتيني كثييييير ..

قلتها وانا اقومها : يلا خلا .. ما حلوة اقعد اهنيه وعمي وحرمته تحت .. يلا .. نمشي
مروة : ايه ..

قلتلها أغير الموضوع وافرفشها اشوية ..

تكلمت بعد تفكير .. لاني اعرف انه كلامي بتقلبه طنازة .. بس يالله .. اذا عالاقل بتنسى الموضوع ..

: والله رشود يزيد حلاوة عن كل مرة اجوفه .. والله فيه رحامة تهبل ..
طالعتني مثل الهبلة .. انفجرت تضحك .. : ههههههههههههههه .. مدري يالبغام شو تحبي فيه هالراشد هههههههههه ما من زينه .. قلت بيسافر بتنسيه ههههههههههههه بس بعدج
شهقت : مستحيل انساه .. كل شي فيه يجري بعرووقي ..
مروة : يا عيني عالرومنسية .. ما نرووم ما نروووم .. يا حظه اخوي فيج مع إنه ما يستاهل ..

طنشت كلامها لأني عارفة إنها قاعدة تحرق اعصابي ..

ضحكت لأنها فهمت المغزى من سكوتي : فديت المنقهرين .. اطمني اطمني حبيه على كيف كيفج انا مالي خص ..
رديت عليها : ما برد عليج ياللوتية ..
مروة : يعني دحين من جفتيه .. حبيتيه اكثر ولا شو ؟؟
رديت : إلا زدت عشق فيه ..
مروة تتأفف : مالت عليج وعليه ..
تنهدت بتعب ونا اعيد صورة لنا وحنا صغار : تذكرين أول مرة خابرتج فيها إني احب راشد ؟؟
مروة بملل " مممممم لاء ..
تكلمت بهدووء : يوم عمرنا تقريبا عطينا 11 وهو عمره 16 رادين من المدرسة ومريتو علي بمدرستي عسب غدانا كان معكم .. كنت راكبة السيارة ونا احبس دموعي بسبة امتحان خبصت فيه ويبت درجة زفتة مع إني كنت مذاكرة .. المهم تم يحاول يشيل ذكرى الامتحان من بالي ويحاول يسكتني .. اشترالي حلاويات عسب اسكت .. ونا استانست وحبي له زاد .. ساسرتج بالسيارة وخبرتج إني أموت عليه .. ما تذكرين ..
مروة تفكر : مممممم لاء .. لأنه في وايد مواقف اجووف حبج بعيونج .. حشى عيونج دووم تفضح حبج .. اخاف اخويه بس يشك لأني حاسة إنه يعرف ..
شهقت : لا يما .. بموووت .. بيفكر في انه وحدة دبة شراتي تفكر منه يعطيها ويه ..
مروة تبا تسكر الموضوع : ما يعرف ما يعرف .. يوم إنه يشك أنا اصده ..
ارتحت شوية : زين بعد

سكتنا ونا سرحت بذكرياتي اللي تجمعني معه .. من كثر المواقف اللي تبين عطفه علي ما اقدر احصيهن ..
صحيت من افكاري عصوت مروة ..

مروة : وين رحتي ؟؟ اها في بال رشوود ..
رديت علطووول منحرجة : معاج .. انروووح يلا ..
مروة : اوكي

طلعنا من الغرفة .. ونزلنا تحت عند قوووم عمي .. رحت المطبخ أسوي أشوية عصيييييير .. واجوف العشى اذا جهزنه البشكارات ولا لاء ؟؟ .. حطيت العصير بصينية عساس اشيله .. فجيت اعيوني لما جفت راشد داخل المطبخ .. عدلت شيلتي .. بس شكله خلاني اروووح ويا أحلامي .. كل شي فيه يهبل .. بس .. ليش جذي رافع راسه ؟؟

انتبهت لنفسي اني بعدني واقفة أطالعه .. طوفته .. ورحت صوب الباب .. ابي احدر للصالة .. تفاجأت من صوته

راشد : ميس ؟؟
صديت أطالعه : لبيه ..
راشد : وين ثلاجة الماي ؟؟
أشرت على ممر قريب ونا محبطة : اهنيه ..

طلعت .. قهرني انه ما رمسني بشي جايد غير الماي .. عالاقل يسألني عن أحوالي أخباري .. شو أسوي .. لما الواحد يعشق ويحب .. يتمنى كل شي لصالحه بس ما يحصل إلا العكس ؟؟

خلصت قعدة قوووم عمي ,, ويا وقت الروحة .. لويت على مروة بقوووووة .. وبست راس عمي وحرمته .. وطالعت راشد بنظرررة وداع ..

زين محد منتبه لي ولا انا شاردة في ويه راشد .. اه .. خليني اتعشى وافك عمري وانام ..

تعشيت مع أمي ومشاري .. وودعتهم .. لاني بروووح أنخمد ..

رحت لداري .. وغيرت ثيابي وصلييت العشى .. مسكتلي قران .. اقرأ اشوية .. شي يريح فوادي ..
حسيت بالراحة وبالنشوة وانا أقرا .. سكرت الختمة وبستها .. وحطيتها بصوووب ..

حطيت راسي على الوسادة .. وغفلت لنوووومتي .. وما عاد سمعت صووووت عقلي .. يعني أنخمدت خلاص ..


.................................................. .................................................. .....................................



حطيت إيدي على المنبه .. مادري ليش اشتريته دام انه بهالازعاج ؟؟ اوووووف .. سكرته بكل رقة وبسرعة .. نشيت علطوووول من السرير .. اليوووم يمكن بداوووم كأخر يووووم قبل الإجازة .. عادي باجر أغيب .. لا احسلي اروح .. شو بسوي بالبيت ؟؟ بيكون نكد ..

يلا برتب السرير .. كنت قاعدة أغني على إغنية الفنان ( ) .. أستغفر الله .. توني قايمة وبدل ما أدعي ربي .. قاعدة أغني أستغفر الله .. سمعت دق الباب

سألت : منو ؟؟
أمي : يلا ميسووووو .. نشي
صرخت بكل اللي عندي : نشيت ..
جفتها تزاعج : أخووج مسولنا حشرة .. نشي جوفي شنو يبي بعد ..
فتحت الباب : صباح الخير يما .. وبست راسها ..
أمي : صباح النوووور .. جوفيه أخووووج .. شنو يبي .. مادري .. اونه مضيع فايل ..
رديت ونا أدخل : ان شاء الله ..

حلوة هذي .. مشارري مقيم البيت على حشرته وصراخه .. بسكر الباب ..
لفيت أبي أسكر الباب .. شنو يسوي ها بعد أهنيه ؟؟ وشحقه راز بعمره بداري ؟؟

قلتله : صباح الخير ..
رد علي بدووون ما يطالعني : صباح النوووور

وقعد يفتش بغرفتي .. هاللي قاصر بعد .. سلامه مثل ويهه .. وما معطني ويه .. وإلا بعد يفتش جدام أعيوووني ..

دزيته : إطلع براع ..
طوفني .. صرخت : مشاري إطلع براع

تكلم لما تفيج عاد

مشاري : سوري يالغالية .. الغبية سيتي مادري شو اللي مدخلنها مكتبي تلعب وتخبص فيه .. جفتيه الفايل ألازرق ؟؟
رديت : لاء .. عالاقل أستأذن ..
باسني براسي : سوووووووووووري ..
قلتله : وشو خص فايلك بداري ؟؟
مشاري : انتي تعرفينها سيتي .. والله لأسفرها .. تبي ما تبي ..عرفنا عنيدة وهبلة بس ما مثل بقية البشكارات .. وجع ..
دزيته براه الحجرة ... : يلا أبي أتجهز .. خليني بحالي
مشاري : انزين بعدج جوفيه الملف .. ضرووري فيه شي مهم
قلتله : انزييييييييييييييين حشرتنا ..
مشاري : جوفيه .. ضرووووري
هزيت راسي ونا اسكر باب الغرفة : انزين .. انزين .. يلا فكني ..

وراح .. من الاشياء اللي خلت مشاري كبير بعيني .. تحمله للمسؤلية .. يعني أبووووي دايما مسافر .. فمحد مقيم البيت غير أخووووي .. حتى قبل لا يخلص الثانوية .. من بعد ما خلص الثانوية .. دخل بشركة العايلة .. مالت أبوووي وعمي .. اللي ورثوها عن يدي الله يرحمه .. وبعدين فتح لنفسه شركة تابعة لشركة أبووووي وعمي ..

اييييييييييييييييهيييييييييه بتأخر عن الباص .. خليني ادخل اسبح .. احسلي من هالقعدة ..

رد: بقلمي لا يفوتكم .. رواية .. ما همني زماني لو كشر أنيابه .. حماسية رومنسية

جهرت عمررري كعادتي .. ايه صح .. بذكر مشاري يطلعني اليوم .. يعتمد على مزاجه .. شكله سالفة سيتي بتستمر لين بعدين .. احيانا أحسها تستاهل اللي يصيرلها .. شنو بعد معجبة بأخوووي .. عاد ما تقترب له لهاي الدرجة .. بس شكلها اليوووم مخبية الفايل ماله انتقاما من أمس ..
خذيت جنطتي .. ونزلت تحت ..
لقيتهم قاعدين يتريقووو .. وينتظروووني وشكله مشاري حصل الفايل ماله ..

قلت بنشاط : صباحكم ورد
مشاري : صباحج فل ..
أمي : صبحج الله بالخير يما .. تعالي قربي .. خذيلج ريوووووووووق .. سويته اليووووم بروووحي

بيلس أكيد دام أمي مسوية الإفطار .. دايما أحس عمري مشتهية لما أعرف انه أمي طابخة ..
خذيت مكاني المعتاد بين الكراسي عطاولة الطعام ..

سألت أمايه : ماما .. فيه علبة حلاوة باتشي أو جالكسي ؟؟
أمايه : جوووفي بالمطبخ .. ليش ؟؟
جاوبتها : معنا اليوووم .. استاذة رادة من أجازتها .. وودي أعطيها شي بسيط عالاقل ..
مشاري : فاضية أنتي والله ..

طوفت تعليقه .. انت اللي ما فاضي تبين ذوقك ..

مشاري : بروووح أشترري اليوووووووووووم تذكرة لهاي الطفسة سيتي ..
أمي : حرام عليك مشاري ..
مشاري : أمايه .. انتي لو عارفه شو مسوية .. بتسفرينها اليوووم قبل باجر ..
أمايه : زين شو مسويه .. ؟؟
مشاري : بعدين مو احينه ..
قلتله : لا والله .. اتقوول مسوية شي .. وبعدين أتقووول مو لازم اتعرفووون ..
أمي : قول شنو مسويه ؟؟
عادت نفس موالها : مشاري .. شو مسويه ؟؟
مشاري : هاي الواطيه مدخلة هندي بحيرتها .. يتني وحدة من البشكارات تخبرني .. وبعدين .. تدلع عندي الغبية .. بس خليها .. ساكت عنها ..
شهقت أمي : أحلف بس ...

فجيت أعيوووني .. ما ألووومه مشاري عيل .. خسفة هذي .. مدخلة ريال للبيت ..
خلانا نسكتت أنا وأمي

مشاري : أحينه قولولي حرام عليك مشاري ..
أمي قامت : وينها هاي الواطيه .. أخليها تطلع على كيف كيفها .. وجذي أتسوووي
مشاري : خليها .. خليها أمي .. اتحمليها اليووووم .. بسفرها ..
أمي : استغفر الله العلي العظييم .. الله يعافينا من بلواها .. هاي كافرة .. المفروووض أفرها أحينه براع البيت ..
مشاري : يما .. خلاص .. اليوووم بسفرها ..

تنهدت .. تستاهل .. لو بدل مشاري .. فريتها براع البيت .. مع الهيئة اللي حصلها .. يلا بروووح .. الباص بيي بعد اشويه ..
ودعتهم وهم على حشرتهم .. وطلعت للحوي .. قابلت البواب عمي كريم .. شايب عيووووووووز

سلمت عليه : السلام عليك عمي ؟؟
رد السلام : وعليج السلام بنتي .. شحالج ؟؟
رديت ببراءة : ابخير ربي يسلمك .. ونت شحالك ؟؟
جاوبني : بخيير يما بخير .. الله يعافيج
سألته : شخبار ريم ؟؟ ( بنته المتزوجه )
البواب : الحمد لله بخير .. تسلم عليج
قلتله : الله يسلمها .. سلم عليها
رد علي : ان شاء الله يوصل
قلتله ونا أمشي : يلا مع السلامة .. الباص ايا ..
عمي حمد : داري على عمررج ..



ما سمعت كلمته .. لاني كنت راكبة الباص .. هالسايق امتى بيفكنا من نظراته ؟؟ ما من زين اعيونه يعرضهن للعالم .. ها هي روان .. محد ينبها .. بروووح أيلس معها ..

سلمت : السلام عليج ...
ردت علي السلام : وعليكم السلام .. هلا بالحلوة شخبارج ؟؟
رديت عليها وانا اتثاوب : عايشيييييييييييييييييييييييين
روان : عاشت أيامج .. ناقصتنج المخدة هههههه
رديت : ههه تراني أحب شي اسمه نووووووووووووووووووم .. بس ماني وحدة أنام كثير ..
روان : سمعتي أمس شنو مسوية أمل ؟؟
هزيت براسي بمعنى لاء : شنوا مسوية الملسووووووووونة ؟؟ كل يوم بلوة
روان : أمس حضرتها هاربه أو ممكن انقووول حاولت تهرب من المدرسة بس ما قدرت .. الحارس جافها .. ومسكوها .. المهم قعدت المديرة تهزبها .. عاد أمل أهنينه ما تحملت الإهانه مثل ما تقووول .. وخذت جوتيها ورمته بويه المديرة هههههههههههههههه .. والله لو تجوووفي الحالة وحالة المديرة .. صارت هواشة بالأيادي ..
فجيت أعيوووني : ههههههههههههههههههههههههههههههههههه عاد أمل بالغت .. جوتي بويه المديرة .. معقولة ؟؟ هههههههههههههههههههه
روان : ايه تراها بصفنا .. ولما كانو يهزبوها .. كنا انجوووف الموقف .. والله كل الإستاذات ماسكات ضحكتهن من ردة فعل أمل ..
قلتلها : شيطانة هاي أمل .. ههههههههههههههههه .. أتمنى اجوف ويه المديرة بهاك الوقت ههههه
روان : عيل حضرتج .. احنا بالصف شلووون متحملينها .. لا تقوليلها كلمة ترد بعشرة .. عافانا الله من لسانها .. مادري من وين يايبتنه ..
حطيت إيدي على حلجها : اوهووو هب من صوت عندج ؟؟ خفي صووووتج .. ترا في أحد ورانا .. ما فينا على هواشه بهالحزة .. أبي صباحي يكمل على خير ..
روان : اووو صج نسيت وجووود منال .. ذيل الست أمل ..
قلتلها بهمس :ههههههههه اش خفي ههههههههههههههه
ضحكت : ههههههههههههه ..
طالعتها .. لاحظت بقعة خضراء في خدها : شنو بويهج .. جنه قلم ؟؟
روان : الله يسلمج هاأخوووي الطفس الصغير .. حضرتي راقدة وما قصر .. حول ويهي لوحة فنية ..
ضحكت : ههههههههههههه .. أنا اصغر وحدة ما عندي ..
روان : حظظظظظظظج ..
قلتلها : لا .. أنا اتمنى بيوووم يكووون عندي أخ أو أخت .. أصغر مني .. يملي البيت ويقلبه من ممل لفووضى .. أحس بالفراغ ..
روان : أرجووووج .. انتي بس جربي خواني وحشرتهم .. بيطلعولج قروووون ..
ضحكت : عادي دام اني بسمع حشرتهم اربع وعشرين ساعة .. انتي تعالي جوفي بيتنا شنو كبره وهو فوووول ملل .. ما حلو .. تحسين بطفش ..
روان : احسن لج .. يكفي انهم متخذين غرفتي ملعب لهم ..
ميس : ههههههه .. ها وصلنا للمدرسة .. خلينا ننزل
روان : اوكي ..

نزلنها وودعتها .. وكل وحدة راحت بطريقها .. اللي أعرفه عن روان رغم إنها هب قريبة مني وايد إنها عايشة بروحها هي وأخوها العود واخوانها الصغارية بشقه من الشقة .. ووايد تعاني بعد طلاق امها وابوها وبعدها وفاة امها .. مالها حد غير اخوها اللي يكبر عنها بجم سنة .. ورغم إنها اتقول إنه ما مقصر معها شي من الفلوس إلا إنه ما تجوفه إلا الصبح ووقت متأخر من الليل .. يعني ساكنة بروحها وتصرف على عمرها وتعتمد على روحها .. أبدا ما توقعت إنها تعيش هالحالة إلا عقب ما يتني تصيح بيوم عن حالة البيت وانهارت عقبها اتطلع همومها .. ويمكن هالمعلومات .. الشي القليل اللي قدرت اطلعه من ثمها ..

لاحظت أيمان بوسط طريج صفي .. اتجنبت الطريج .. ورحت من طريج ثاني .. ما فينا على إحراج منها من الصبح .. أذكر شنو كانت اتسويلي لما كانت بصفي .. الحمد لله نقلوها من صفي ..

دخلت الصف .. طالعوني البنات بنظرة .. وطنشوني وردو يكملو شغلهم .. حلا بعدها ما واصلة ..
اليووووم شكله ما بندرس كثير .. أحسن .. ملينا من هالنكد ..

اليوم الثلاثاء .. باجر أخر يوووووووووووووووم .. وتبدي الاجازة .. بس لشو فرحانة يا حسرة .. ترا بنيدي مذاكر شو بعد ؟؟

سمعت صوتها وهي تدخل الصف ..

حلا : صباح الخير ..
قلتلها : صباح النور
حلا تتدلع : اشلووووووووووونج .. حياتي ؟؟
ضحكت لانها قاعدة تقلد وحدة من البنات .. رديت عليها بنفس النبرة : تمام عمري ..
حلا تتغنج وملينه صوتها علاخر : أمس حبيبي جابلي وردة .. وانا عطيته بوسة .. ( تراها تمزح .. حلا ما عليها هالسوالف )
ضحكت من الخاطر على نبرة صوتها : هههههههههه لايق عليج اتكوني ممثلة
شهد من ورانا : أيوا مسودات الويوووه .. اتقلدوووني ما عليكن ..
ضحكنا : هههههههههههههههههههههههههه
حلا بنفس نبرتها : سوري .. انتي بترمسين منو ؟؟
شهد : ما عليكن .. بوريكن
وانا قاعدو بزاوية أضحك عليهن .. :هههههههههههههههههههه
حلا : شو هالحكي ..عم بمزح ..
شهد : لا والله .. متخذتني مادة للسخرية ؟؟
حلا : فديتج .. تراني أسووولف ..
شهد مبرطمه .. أونها زعلانة : مابى مابى .. ما عليج ..
حلا تلوي عليها : فديت الزعلانين ..
شهد نضحك : فديت اللي يفدووني ..
قلت بهمس : أحم أحم وانا وين رحت ؟؟
شهد : خذيت مكانج .. وطلعت لسانها ..

كنت بالأول أنقهر من شهد لانها كانت دووووم تعيرني ودووم تحاول تفرق بيني انا وحلا .. تغار من علاقتي وصداقتي من حلا .. بس أحينه تحاول تعدل من سلوكياتها .. وتقترب من حلا بطريقة غير مباشرة .. وعلى شكل فكاهي .. بس حلا أتطوفها .. وتخلي علاقتها معها محدودة ..

قلت بثقه : حلا .. ؟؟
حلا : لبيه ..
قلتلها : .. لبيه بمكه .. بتخلين هاي الحلوة تاخذ مكاني وانا أجووووووووووف
حلا بضحك " اليووووم بس .. هههههه
شهد تطلع لسانها أكثر .. ما شاء الله طويل .. : جفتي .. حلا تبيني .. يلا حلا خلا .. اليوووم ميس ماخذه إجازة منج ..

وقامت تسحبها ..

ميس : نعم والله ..
وقمت من مكاني وسحبت حلا .. حسينا بعمارنا يهال ..

وشهد تسحب حلا من الجهة الثانية
حلا : ايه فكوني ..هههههههههه ( عاجبنها الوضع المدام حلا .. بس تراني أعرف نية شهد .. تبيني أخذ أجازة من حلا بصدج .. )
وقفت حلا : هههههههههههههه ميس يلا نمشي هههه
شهد : ونا وين رحت ؟؟

طالعت حلا .. هاي شهد ما بتعديها على خير اليوووم .. الشر منا يوووم فتحنا سالفتها جدامها .. بس حلا ما تبي اتقولها شي يزعلها ..

حلا : انزين تعالي معنا ...
شهد : زين زين ..

قمنا واحنا نضحك ونسووولف .. كنت اتجنب نغزات شهد .. بس يلا عالاقل ما ننزل لمستواها ..

شهد : حلا .. شو رايج تيين اليوووم عندي .. للبيت ؟؟

ما عليج شهدوووه .. جني ما موجووودة ينبج .. مصدقه رووووحج .. حلا ما بتفيسج كثير .. طالعت حلا بنظرة .. وفهمتني ..

حلا : أسفه عيوني .. ما اقدر .. اليوم عندي عزوومة ..
شهد : عيل باجر ؟؟
حلا : ولا باجر .. معي أشغال كثيرة .. وثانيا ما بكووون بالبيت .. بكووون بيت أختي .. لازم نتجهز .. معنا سفرة ..
شهد بفضووول : وين ؟؟
اتكلمت بعد غياب طويل لصوتي : بتروووح العمرة .. وبرووووح معاها .. ( كنت أجذب عساس أقهر شهد وأسكتها )

طالعتني حلا .. وابتسمت ..

شهد : ما عزمتوووني عيل ..
حلا : ههههه افا عليج .. تبين تيي .. تعالي محد مانعنج ..
ابتسمت : واليووم برووووح معها بيت أختها .. ترا أهلي واهلها مخططين مع بعض عن طريجنا

جم ذنب كسبت اليوووم ما شاء الله علي من جذباتي الصغيرة ؟؟ ..

شهد : والله .. فلح التخطيط عيل ..

طاحت عيني على بنت خالي نايف ( ليلى .. 16 سنه ) ما بتعبرني كالعاده .. حتى لو جافتني .. بطوف .. حتى أنا عيل ما بسلم عليها .. المعامله بالمثل .. بالأول كنت بعدني أسلم عليها بس دحين صرت أطوف لانها اطوفني .. مدري لشنو رافعة راسها علينا .. تراني بنت عمتها .. بس تزوووول .. فاضيه لها بعد ..


مسكت أذووني .. لانه الجرس يرن فوج روووسنا .. يلا عالطابور ..
رحنا ووقفنا في صفوفنا .. كنا انسووولف .. ولا حاسين بعمارنا .. سمعت اسمي يعرضونه عالملأ .. ( ميس بنت سعووود أل ... ) .. شكله تكريم ..

حلا : ها اسمج .. طلعي يكرموووج .. طلعي ..

طلعت ونا عقلي ما معي .. خذيت شهادة التقدير .. وحتي مادري بأي مادة .. حلو لما الواحد يطالعج ونتي تكرمين .. شعور حلو يتملكج ..
ورديت لوين أنا واقفه .. وعاد البنات .. أجوف .. أجوووف ..
وكرمو حلا بعد .. وكثير من بنات صفنا .. عندنا بنات كثير مجتهدات بصفنا .. وعاد وحليلي اطلع أوني شاطرة بدراستي ..
ردينا لصفوفنا بعد ما خلص التكريم .. كنت أنتظر الفسحة بفارغ الصبر .. وعقلي شارد مب معي أبد ..



.................................................. .................................................. .....................................


ما صدقت روووحي لما خلص اليوووووم الدراسي .. رجعت مع دريول حلا .. لانه الباص اتأخر علينا ..
ونا ما لي بارض اقعد أنتظر ..
داخل السيارة ..

حلا : مسرووور .. وقفنا بعد اشويه البقاله .. زين
مسروور (الدريول) : اوكي ..
كنت أطالع الدنيا من الدريشه .. اليوووم خليني أطلع مع مروة أو خالتي هند .. اشوية أغير جو عن المذاكره ..
حلا : ودي أنام بس ما بقدر ..
قلتلها : عساس العزومة ؟؟
هزت راسها : ايه

اشويه ووصلنا عند مدرسة أخوانها الصغار .. سيف .. (4سنوات) .. ومؤيد .. (9سنوات)
اتريناهم .. ما اتريينا كثير .. لانهم كانو طالعين بدري ..

سيف يركب : هيه ميس ..
قلتله ونا أبوووسه : شخبارك يالبطل .. كيف الروضه اليوووم .. شو سويتو ؟؟
سيف بفرح : اليوووم رسمنا أسد .. ارويج ؟؟
هزيت راسي .. : ايه ابي ..
حلا تهزب أخوها : مؤيد .. ما تسلم ؟؟
مؤيد بعالم بروحه : ها ..
حلا : سلم يالطفس ..
قلتله : شخبارك مؤيد ؟؟
مؤيد : بسم الله من وين طلعتي ؟؟ متى ؟؟ ييتي ؟؟
ضحكت : من بطن أمي ههه شخبارك ؟؟ شلون المدرسه ؟؟
مؤيد : بخير .. والمدرسه خايسه .. ونتي ؟؟
قلتله : تمام ..
مؤيد : مسرور وين لعبتي ؟؟
حلا : ما تشبع انت من هاللعب ؟؟
مؤيد : لا ..
سيف : ميس .. جوفي رسمتي ..
مسكت الورقه : الله .. اسد قوي مثلك .. انت رسمتها ؟؟
سيف يهز راسه : ايه ..
قلتله : كثير حلوة ..
سيف : وجوفي هاي بعد .. ارنب
بست بخده : حلوة .. تعرف ترسم زين .. بعدين علمني كييف ارسم .. زين ؟؟
سيف يهز راسه : زين .. تعالي بعدين البيت وبعلمج ..
ضحكت جوف العيارة : ههههه زين ..
حلا : تبين شي من البقاله ميس ؟؟
هزيت راسي بمعنى لا : لا ما ابي ..
حلا : بيي بعد اشويه ..
قلتلها : خذي راحتج ..

قعدت انتظرهم .. انا ومؤيد داخل السياره .. اشويه ودخلو ..
سيف : جوفي اشتريت حلاوه ..
قلتله : تهنى ..
حلا : متأكده ما تبين شي ؟؟
رديت : ايه ..

تحرك بينا مسرووووووووور .. ووصلوني للبيت .. نزلت بعد ما ودعتهم ..
سيف : تعالي معانا ..
بسته : ما اقدر .. مره ثانيه اوكي ؟؟
هز راسه : اوكي ..

وراحو .. دخلت البيت .. لقيت أمايه تهاوش سيتي .. سلمت بصوت عالي .. عساس يتبينو اني موجودة ..
: السلام عليكم ..
امايه : عليكم السلام ..
بستها براسها : شخبارج يالغاليه ؟؟
امايه : بخير .. يلا سيري غيري ثيابج .. ونترياج ..
سألتها ونا رايحه بطريجي : مشاري يا ؟؟
امي : ايه .. يلا سيري قبل لا يحرج عليج ..

غيرت ثيابي بسرعة .. وحطيت موبايلي بالجراجه .. هاي مروة متصله .. شلون متصله علي بهالوقت ؟؟ تدري اني بكووون بالمدرسه .. اتصلت عليها ..

سمعت صوتها : الووووو
قلتلها : مرحبا بالساع
مروة : مرحبتين .. شخبارج ؟؟
انسدحت عالشبريه : تمامو .. ونتي
مروة : دووووووووووووووووم مو اليوووووووم .. والله انا بخير ونعمه ..
ميس : غايبه اليووووم ؟؟
مروة : ايه .. شنو أسوي بالمدرسه ؟؟ لا دراسه ونص البنات غايبات
ميس : اها
مروة : ونتي رحتي ؟؟
رديت : ايه ..
مروة: إلا أقول شنو رايج اليووووم نطلع نتعشى مع بعض ؟؟ وهندووووه معنا ؟؟
قعدت أفكر : زين زين تراني حاسه بملل .. يصير خير .. خليني أشاور اللي عندي ..
مروة : اذا ما وافق مشاري بذبحه .. تراني بالغصب خليت راشد يوافق ..
ضحكت : خليه يسمعج .. بيرفض قهر لج .. بس من بياخذنا ؟؟
مروة : نجوووووووووووف يا اخووووج يا أخوووووووي .. بجووووووووف أخوووي اذا بياخذنا ..
ميس : خليني بالأول اجوف اذا بيوافقو ..
مروة : اوكي .. اذا صار .. اتصلي بهندووووووه وخبريها ..
قلتلها: ان شاء الله ..
مروة : غيرت قصة شعري ..
ميس : زين زين .. أي قصه ؟؟
مروة : اخليها مفاجأه .. بس كثير طلعت حلوة ..
ميس : عيل فيج نذاله .. متى قصيتي ؟؟
مروة : اليووووم .. رحت لصالون مدحولي اياه .. وجربت معهم .. بس كثير طلع روعه ..
ميس : زين زين .. حلو .. المهم يكووون طالع عليج حلو ..
مروه : جربي معهم قصه جديدة ؟؟
قلتلها : لا ما احب قصات كثير .. احبه يكوووووووووون طويل ..
مروة : براحتج ..

سمعت دق الباب

قلت لمروة : لحظة مروة .. برد بعد اشويه
مروة: تيك يور تايم ..
وقفت عند الباب : منو ؟؟
سمعت صووت وحده من البشكارات : مدام .. غدا جاهز ..
نسيت عمري .. اكيد يتريوووني .. ما فينا على حشرة مشاري دحينا .. : تو بيي .. خبريهم يبديو قبلي ..
حطيت الموبايل بأذني : هلا مروة .. بتصل فيج عقب ساعه .. تراهم يتريوووني عالغدا ..
مروة : اوكي .. يلا فأمان الله
ميس : مع السلامه .. سلمي عاللي عندج ؟؟
مروة : يوصل ونتي بعد .. سلمي على أمج .. واحسله مشاري يوافق .. احسله ..
ضحكت : هههههه يوصل .. باي

سكرت عنها .. غيرت ثيابي بسرعة .. زين اني اليوووم مصليه بالمدرسه .. يلا .. الغرفه حر بشغل المكيف عساس اتكوووووون بارده من أرد .. شغلت المكيف .. ونزلت تحت ابسررررررررررررررررعه

رد: بقلمي لا يفوتكم .. رواية .. ما همني زماني لو كشر أنيابه .. حماسية رومنسية

سلمت : السلام عليكم ..
مشاري وأمي : وعليكم السلام ..
قلتلهم : سوري عالتأخير ..
أماياه : خذيلج صحن وقعدي ..
قلتلهم : تسلم عليكم مروة .. اتصلت من شويه ..
أمي ومشاري : الله يسلمها ..
أمي : يما بعد الغدا عالعصر جذي .. بنروووح بيت خالك نايف .. فضيحة من زمان ما رحنا معهم .. وودي أسلم على امايه ..

حسيت بالقهر ما وايد أحب أروووح معهم .. بس غالبا انروووح نجووووووووف يدوووووووه .. الوحيدة اللي بعدني بيلس معها نووف ( زين بعد لاقيه صحبه ) .. وليلوه ما ادانيها .. اطوفني كثير .. وشيماء ما أدانيها أبدا أبدا .. بس تتخذني للمصالح عساس تتقرب لمشاري .. بس يالله .. ما حلوة بعد نقطعهم .. بيظلو أهلنا ..

رديت : ان شاء الله يما ..عالساعة جم ؟؟
أمي : بعد صلاة العصر .. ألقاج جاهزة ..
قلتلها : ونا أرفع اللقمه : امايه .. مروة متصله تبيني أطلع وياها هي وخالوه هند نتعشى بمطعم قريب ..
ومشاري : والمطلوووب ؟؟
قلتله : طلبين .. يالغالي ..
مشاري : سمي
قلت : سم الله عدوك .. ابيك اتودينا وتسمحلي اروووح وياهم ..
مشاري : انزين .. ما طلبتي يالغاليه ..
قلت : مشكووووور .. يا انت يا راشد بياخذنا ..
مشاري : انزين ..
أمي : روحي يما .. مثل ما تبغين .. مروة ما بتجوفيها باجر .. روحي قضي وقت معها ..
قمت وبست راسها : يعلني ما أذوق حزنج يما ..
مشاري : عطيني خبر بالمخطط بعدين .. بروووووووووووح ارقد ..
امايه : روح ريح .. ميس .. ناوليني دواي وجلاص ماي
هزيت راسي : ان شاء الله ..

قمت يبت دواها .. ( دواء القلب .. امايه عندها القلب ضعيف من زمان .. فتشرب أدويه دايما )

ناولتها الدواء .. وشربتها جلاص الماي ..

امايه : احسنتي .. يلا بعد الصلاه القاج جاهزة ..
هزيت راسي : ان شاء الله ..

خلصت أكلي ولميت السفره .. ورحت لداري .. فتحت شعري ورفعته اشويه .. لانه مضايقني .. عالحراره .. مسكت الموبايل .. ودقيت عرقم هند ..

( هند هاي اتكوووون خالتي خت امايه .. اخر العنقوود .. اصغر وحده .. أكبر عني بسنه .. فاعتبرها شرات أختي .. حتى انها سكنت ويانا من بعد ما توفى يدي الله يرحمه .. واتنقلت يدووووووووه عند خالي نايف .. وهاي السنه اتزوجت ..

وما عندي غير خاله وحده اللي هيه هند وثلاث من الخوال .. واحد خالي نايف وواحد خالي ذياب اللي مسافر لأستراليا يكمل دراسته بالهندسه .. يعني ما نجوفه بالكثير .. وخالي طلال اللي كنت حاسبه انه ميت ومتوفي بس طلع حي عايش .. شودراني بيه إذا ما كنا نسمع عنه خبر .. )

انتظرتها لين ما ردتخالوه هند :الوووووووووو
قلتها : هلوييييييين ..هلا وغلا براعي هالصوووووووووت الزين ..
هند : هلا فيج وزوووود .. اشلووونج ميسووووووووووه ..
رديت : تمام يسر الحال ونتي ؟؟
هند : الحمد لله بخير ..
ميس : الا أقووول ..
هند : رمسي ..
ميس : ترا ناوين نطلع اليوووم رباعه ..
هند : وين ؟؟
جاوبتها : عشى براه ..أي مطعم بعدنا ما محددين .. بنمر عليج ..
هند : من ومن ؟؟
ميس : انا ومروة وواحد من خوانا .. ويمكن اثنيناتهم ..
هند : اوكي ولا يمج ..
قلتلها : بنمر عليج .. عالساعه ثمان
هند : اوكي ..
سمعت اصوات ..غريبه سألتها : انتي دحين بالبيت ؟؟
هند : لا .. انا دحين بيت أخوووي نواف ..
قلت بسرعه : يا ويلج لو رمستي بكلمه حق شيماء .. ما فينا تتطلع معنا بعد ما تعرف انه مشاري معنا ..
ضحكت : هههههههه مدري شو عليج منها .. ليش ما ادانيهم ؟؟
قلتلها : هم يطوفوني ونا أعامل بالمثل .. بس نووووف غير .. خبريها تطلع ويانا .. بس بدووون ما يعرفو خواتها .. لو عرفن .. ما بنمر عليج ..
هند : ههههههه ان شاء الله ..
ميس: بنيي معكم عقب صلاة العصر ..
هند : اها .. اوكي نترياكم .. تعالو ترا أمايه تنشد عنكم انتي ومشاري ..
ميس : ترانا اليوووم بنيي ..
هند : بسكر عنج .. قاعدين نتغدا ..
ميس : اها اوكي ..سلمي ..
هند : يوصل ..
ميس : يلا بحفظ الرحمن
هند : باي

سكرت عنها .. فريت عمري بالشبريه .. اه صارت الغرفه بارده .. يا فبالي ليلووووووه .. دووووم نتجاتل .. وبيني وبينكم .. أحس ليلى ما أدانيني بسبب سالفة متعلقه براشد .. مدري .. بس نوف خبرتني بيوووم انها تجاتلني بسبب راشد .. وشيماء .. ما فاضيه غير ترمسني عن السيد مشاري .. اشلوون يمشي واشلووون ياكل .. واشلوووون يتكلم .. ما جني أخته وأعرفه .. طايرة فيه مرررررررررررة .. يامى ويامى كان يفيسها .. بس دحين .. ولا حتى معطنها ويه ..

رد: بقلمي لا يفوتكم .. رواية .. ما همني زماني لو كشر أنيابه .. حماسية رومنسية

يلا انتظر ردودكم تراني بزعل وبسجنكم خخخ لا امزح يكفيني انكم تمروون على روايتي بس لا تحرموني من ردودكم ..

رد: بقلمي لا يفوتكم .. رواية .. ما همني زماني لو كشر أنيابه .. حماسية رومنسية

ههه
ام عاد نجامل. ليش

لا اختي. ارويه. لازم. الي يقراها. يكون متحمس. وبعدين. ليش. ما خليني. عنوان. الرويه في الموضوع

بس اختي. دامك. قالتي. انها. حلو. وزينه. انشأ الله بقراها. وبعدين. اقوالك ملاحظاتي. لك با كل سرور

رد: بقلمي لا يفوتكم .. رواية .. ما همني زماني لو كشر أنيابه .. حماسية رومنسية

سلام عليكم. اختي

اخبارك. زي ماشفتي. في الإعجاب. قريت الأوالي وانشأ الله. راح. ارجع اكمل. والله ودي اكمل الحين. بس فيني نووم. حيل

بس احس في رويتك. انها. حلو مشا الله. دام هذي بدايتك. فا انشأ الله في المستقبل. با تنجحين. في اتاليف. بس. لازم. تتعبي. شوي

وليش ما نشوف ردودك. وين غائبه. يا اختي

بس على العموم. عليك توقيع. مشا الله. فيلسوفه. بجد ( هههههههه

الله يسعدك. يا اختي

اختك

ام الامير فيصل

رد: بقلمي لا يفوتكم .. رواية .. ما همني زماني لو كشر أنيابه .. حماسية رومنسية

رديت مع بارت ثاني .. حبيت اشكر الاخت ام الامير فيصل الله يخليه لج .. لردج ومتابعتج .. مشكورة كثير رفعتي من معنوايتي .. والرواية بالفعل تعبت عليها .. وخاصة انه محد يرد .. وين بقية الردود أعضاء ؟؟


""...(( *الحلقه * 3 * الثالثة *)) ...""


:.".: جيتك وقلبي حاملة في يديني .. ماهو بكيفي جاكم القلب منساق
حافظ علية وطمنة ياضنيني ..عندك امانة لاتخلية صفاق :.".:


وصلنا بيت خالي .. نزلنا ودقينا الجرس ..

فتحت الباب شيماء .. ما تستحي شكلها كانت على علم بقدووومنا وغير إنه خصل شعرها طالعة .. مدري شو جايفة فيها أمي من الزين .. بس لأنها هاي بنت اخووها بتحلو في عيونها رغم مساوئها ..

مشاري يهمس بأذوني : تو بترز عمرها بويهي ..

يتني ضحكه بس يودت عمري ..

سلمنا : السلام عليكم ..
شيماء : عليكم السلام .. حياكم الله .. قربو ..
شيماء تبوووس راس أمي : شخبارج عمتي ؟؟ شخبارج يالغاليه ؟؟ .. وينكم عنا قاطعينا ؟؟
امي : بخير وبعافيه يما .. شحالكم انتو ؟؟
شيماء: بخير ربي يعافيج .. حيكم ..
دخلت أمايه ..
سمعت صوتها لمشاري : شحالك مشاري ؟؟

لازم الحبيب .. أول واحد تسلم عليه .. ما يصير ويوووه اللوح يسلمون عليهم أول شي ..

مشاري : تمام والله .. ونتي شيماء شحالج ؟؟
شيماء بدلع : بخير دامك بخير .. شخبارج ميس ؟؟
رديت بهدوووووء : الحمد لله ..
مشاري يبا يحرجها : شكلج ناويه تخلينا نتريا بعز الشمس اهينه ؟؟
شيماء بخدووود حمراء: السمووووحه .. قرب قرب ..

دخلنا داخل .. للصاله .. قابلت خالي نايف ..

بست راسه : السلام عليك خالي .. ؟؟
خالي نايف : وعليكم السلام .. هلا والله ببنت سعووووووووووود .. شحالج يما ؟؟
رديت : بخير الله يسلمك ..
خالي : مرحبا بمشاري .. قرب ماحد غريب اهنيه .. كلهن خواتك .. خشمك
ويتخاشمون : فديت خشمك .. اشلونك خالي .. جيف حالك ؟؟
خالي نايف : الحمد لله الحمد لله .. تمام بجوفتكم ..
امايه : وينها أمايه ؟؟
خالي : بهياك الحجرة ..

دخلنا نسلم على يدووووووووووه .. بست راسها .. وقعدنا معها اشويه .. ومشاري راح ويا خالي للميلس ..

يدووووووه : كبرانه ميسووووووووووه يالقاطعه .. ما ينسمع لج حس ..
رديت عليها بابتسامه : المذاكرة شاغلتني يدووووه .. واليوم قلنا نيي معكم ..
يدوه : الله يوفقج يما اعرفج إنج شادة حيلج .. احسن عن اللي هنيه .. اربع وعشرين ساعه مقابل هالتلفزيوووون .. ولا ظاهرات من البيت ..
سمعنا صوتها من ورانا : عن الفضايح يدووووووووه ..
ودخلت ليلى : السلام عليكم ..
انا وأمي : وعليكم السلام ..
طالعتها ( ستايل عربجيات ) : شخبارج ليلى ؟؟
ليلى ببروووووووود : بخير ربي يسلمج ..

طوفتها .. بقوووم أجوووف نوف وهندوووووووووه .. أحسن من مقابل هالويه .. طلعت للصاله .. لقيت شيماء ..

سألتها : عيل وين أمج ؟؟
شيماء : امايه .. طلعت لبيت خالتي .. اشويه تعبانه ..
قلتها : عسى ما شر ؟؟
شيماء : لا .. بس اشويه مصدعه .. وما قادرة اتنام ..
طالعتها : الله يشافيها
شيماء : امين .. روحي تراه نووف تتراياج فووق ..
هزيت راسي وطوفتها .. رحت لدار نوف .. دقيت الباب ..


سمعت صوتها من الدار : من ؟؟
قلت : حزر فزر ..
فتحت الباب علطوول : أهلين منورة الحجرة ..
لويت عليها : اشلونها الدلوعه ؟؟
نوف ببراءه: بخييييييييير بجووووفتك .. ونتي ؟؟
رديت : يسر الحال .. متغيره كثير .. طولتي ..
نوف : هيه الكل يقوووول جي .. جنكم ابدا ما متوقعين اني بكبر وبطول ..
ضحكت : هههههه بتظلين دووووم بزره ..

دخلنا الحجره .. نوف وحده فرفووووووووشه مررررررررررره .. عمرها 15 سنه .. بزره ودووووم بتظل ياهل بعيني .. اللي يجوفها بقصتها وبدلعها .. يقووول ما تنطاق .. بس بسرعة اتدش قلوووب الناس .. وهيه الوحيده اللي بقعد معها فبيت خالوه .. اعتقد فهمتو قصدي .. خصوصا من المدام ليلووووووووه ..

نوف : شلونها مروة ؟؟ من زمان ما تنجاف ..
قلتها : بتجوفيها اليوووم ..
نوف : ايه قالتلي هندوووه ..
اتذكرتها : عيل وينها ؟؟
نوف : بالحمام تتسبح ..
قلتها : شو ؟؟ بتيي ويانا ..
نوف : ونا بفوت هاي الطلعه ؟؟

كنا نضحك ونسولف بكل وناسه .. قطع علينا صوته ..

خليفه ( توأم نوف .. ما عنده سالفه غير كوووووورة .. وتفحيط سيارات .. دووووم يتراكضوووبه المستشفيات من الحوادث اللي يسويها .. ودايما تتكنسل السيارات .. من زود الفلوووس اللي معه )

خليفه : نوف يالطفسه .. خبرتج ..
مسك كلامه من جافني : هوهو جوفو من هنيه ولا يسلم حتى ..
قلتله : ههههه شخبارك خليفووووووووووه ؟؟
خليفه : تمام .. شخباركم انتو ؟؟ ..
رديت : بخير ونعمه ..
خليفه : عيل زين انج هنيه .. اليوووم مخلص أخر ابداعاتي .. ابي رايج فيهم ..
هزيت راسي : انزين بعدين رويني ..
نوف : إطلع براع
خليفه مطنشنها : عيل مشاري ياي ؟؟
قلتله : ايه .. تحت ويا أبووووك
نوف : اطلع برا خليفووووووووه ..
خليفه يضربها براسها : وين كندووورتي .. قتلج تخبرين الشغاله تكويها لي ..
حطت إيدها بخصرها : نعم .. خدامتك ونا ما اعرف ؟؟
خليفه : صبرررري علي ..
اتكلمت : ما تعقلووووون عن حركات اليهال هاذي ..
خليفه : هههههه بعدنا .. يلا بروووح .. تأمريني بشي ؟؟
نوف : تغسل فمك .. ريحته عفره ..
ضحكت : ههههههههههههههههههههههه
خليفه : جب .. احد كلمج انتي ..
طالعتهم : يهال ..
وطالعت خليفه : شكلك ناوي تظهر؟؟
خليفه : ايه .. برووح بعد ساعه ألعب ويا الشباب كوره ..
نوف : ما تشبع لعب انت .. كلك ظاهر من البيت ؟؟ وبعدين ما عندك امتحان ؟؟
خليفه : أحد رمسج انتي .. كل شي بترزي عمرج فيه ؟؟
نوووف : جب ..
قاطعتهم قبل لا يحولوها هواشه : بس خلاص ..عن حركات اليهال ..
خليفه : يلا بروووح .. تأمروووني بشي ؟؟
قلتله : سلامتك

وطلع ....

نوف : جنها طولت خالوه هند بالحمام ..
قمت أدق باب الحمام : هندووووووووه بتخلصين ماي الحاره .. ها ما سبوووووووووح ..
سمعت صوتها من الحمام : تو تو .. الماي بارد .. عنبوه حتى بالحمام ما بتخلوووني على راحتي ؟؟
ضحكت : ههههه وحشتيتي .. يلا سرعي ..
خالوه هند : انزين .. انزين ..
نوف : خليها براحتها ..
قلتلها : .. وحشتني .. من أمس أطريها ..
نوف : حشى .. تجوفينها تقريبا دايما ..
رديت : بس ما أمل منها ..

طالتعها .. نوف فيها جمال طفولي .. مع عيونها الوساع .. دوووم نجووفها بشعرها القصير .. دووم اتقصه برووحها .. فيزيدها دلع وبراءة .. على عكس ليلى وشيماء .. ليلى ما فيها شي من الجمال .. غير انه عيونها وساع .. ماشي مخربنها غير حركاتها وستايلها اللي متخذتنه من العربجيه .. طالعه تشبه أمها .. وشيماء فيها طووول وملامحها هاديه ..

يعني نوووف ماخذه الجمال كله من خواتها .. وخليفه توأمها .. يشبها كثير .. بس مثل ما قلت .. ملامحهم طفوليه رغم أنه عمرهم 15 .. وحركاتهم تزيدهم طفولة .. بعد فاضيه أطلع كشكوووول وأبدي أرسمهم هع .. رديت لواقعي عصوووت خالوه ..

هند : أهلين بميووووسه ..
لويت عليها : هلا فيج .. وحشتيني يالعيووووووووووووز .. شخبارج خالوه ؟؟
هند : اووووووهو جم مرة أقولج لا تناديني خالوه ..
قلتلها : اتعودنا .. شخبارج ؟؟
هند : تمام ..

سمعت رنة موبايلي .. طلعت الموبايل .. هاي مروة متصله تجوووووف رايي .. ها رقمها .. يمكن حصلت تلفونها أخيرا ..

رديت : ألووووووو
مروة : هلا والله وغلا ..
رديت : هلا فيج ..
مروة : كيف .. رمستي مشاري ؟؟
جاوبتها : ايه .. وبياخذنا إذا بغيتي ..
مروة : زين زين ..عيل رشووود بيي بعد .. اصلا هو اللي بيطلعني .. شو ؟؟ خبرتي هندوووه ؟؟
رديت ونا أطالع هند : ايه بتيي .. وبتيي معنا بنت خالي ..
مروة : لا تقولي ليلووووووووووووووووه ؟؟ ....
رديت بسرعه : لا .. مستحييييييييييييييييييييييل ....
مروة : ها .. أكيد نوف ؟؟ ..
قلتلها : ايه هي ..
مروة : إلا شخبارها ؟؟ من زمان ما نجووووفها .. وحشتني كثير ..
طالعت نوووف : اهيه ينبي .. إذا بغيتي تكلميها ..
مروة : عطني إياها ..
مديت الموبايل لنوووف : اندوووج .. مروة تبي تحادثج ..
نوف : انزين ..
وقعدت تكلمها .. من خلصت ردت الموبايل عندي : ها عالساعه ثمان موعدنا ؟؟ ..
مروة : ايه .. ويا ويلكم تتأخرووون كعادتكم ..
ضحكت : ههههههه ما طلبتي ..
مروة : ليلوه ينبج ؟؟
ميس : شو تبين في ليلوه انتي بعد ؟؟
مروة : لو كانت ينبج كنتي فريتيها بالنعال .. كنت بعطيها هزبه محترمه .. جفتها بالمووول وجافتني .. ولا حتى سلمت علي ...
ضحكت : هههههههههههههههههه هو أنا كل يووم أقابل ويهها بالمدرسه ..عمرها ما مدت ايدها تحاولني .. ولا تسلم علي حتي بكلمه .. ونتي متوقعه منها وايد ..
مروة : تراها طفسه .. وما تستحي الملسوووونة ..
قلتلها : ههههه يلا وقفي سب ..عافانا الله من لسانج .. مدري من وين يايبتنه ؟؟
مروة : قوليلها .. تراني زعلانه منها ..
قصوووووووووري بعد : لا والله ..هاللي قاصر بعد .. اقولج ما تهتم ..
مروة : والله ؟؟ كنت بالأول حاسبه انج تمزحين ؟؟
ميس : يا سلام ..
مروة : هههخخ يلا بسكر عنج .. بطلع المووووول .. نتلاقى ..
ميس : بأمان الله ..
مروة : ما تبين تسلمين على أحد ؟؟ .. احم احم ..
ميس : مروة .. انتي ما عندج سالفه ..
مروة : ههههه بقوله تراني ..
قاطعتها : يا ويلج ..
مروة: هههههه اسولف ... يلا بسكر بيحشرني هالطفس اللي عندي ...
ودعتها : باي

سكرت عني .. دخلت الموبايل بالجنطة .. لفيت بويهي .. تفاجأت بليلى وراي .. يعني سمعتني ونا أرمس مروة عنها ... تزووووووووووووول .. لو فيها خير .. ما دوووووووووووم ايي عندها وما تفيسني حتى ...
ليلى : شو ؟؟ وايد أجوفج مستانسه ؟؟ ..
طالعت هند ونوووف .. الطفسات ما علمني انها وراي .. : ايه .. مستانسه ...
ليلى : ان شاء الله دووووم مو اليوووووووم ..
طوفتها .. وخير منها بعد انها طلعت .. ما فاضيتلها بعد ..
نوف وهند : ههههههههههههههههههههه
قرصتهن : ما عليكن .. ما فيكن خير .. احينه بتخبر امايه .. وبتفر راسها علي ...
نوف : والله مستغربه من ليلوه ...علمي بها انها بتقلبها هواشه ...
هند : قويه ميس ههههههه
نوف : شكلها حست انها بالفعل اطوفكن ...
قلتلها : تزووووول .. اختج لو فيها خير كانت السلام ما بتبخله علي .. اليوم طالعتني ولا حتى فيستني ..
نوووف : وين ؟؟ متى ؟؟
رديت : بالمدرسه ... كل يوووم اقابلها ولا حتى تتكرم تسلم .. اول بعدني كنت أسلمها واسأل عنها .. بس جفتها اطنشني .. صرت أعاملها بالمثل ..
نووف : معقوووله ؟؟
رديت ونا حاطه ايدي على خصري : ونا لشنو محرجه منها ؟؟
نوف : ما عليج منها .. بخبر يبا .. ما جذي تربيتنا ...
ترجيتها : لا نوفووه .. بليز لا .. خليها .. بتكرهني بعدين .. ما ابي مشاكل ..
نوف : براحتج ..

تخرعنا بدخوووووووولها .... دفا اشه هاي مب بنت ...

شيماء بصراخ : سلام
نوف : شيماء روعتنينا .. اشوي شوي عالباب .. بينكسر جي ..
شيماء بابتسامه مصطنعه .. دوم احسها تصطنع الابتسامه : شحالكم صبايا ؟؟ ..
هزيت راسي : بخير ..
شيماء : ميس ... طلب يالغاليه ؟؟ ..

أمري .. اعرف شنو طلباتج ... أكيد مشاري بالسالفه .. أكيد .. لازم حبيب القلب بالسالفه .. ترا ما عندج سالفه غيره هو ... وما تبين مني شي ..غير انج توصلين لمرادج ....

تكلمت : أمري .. ما بردج
شيماء : لابتووووبي فيه اشويه مشكله .. واعتقد يمكن مشاري بيقدر يحلها .. سيري ميسوووه رمسيه ..استحي أطلب منه برووووحي ..
رفعت حواجبي : اشمعنا أخووي .. ومن وين له شهاده خبره بهالمجال ؟؟
شيماء : يمكن وش دراج ..

فاهمه السالفه أبووووووووووووي ما لازم توضحي أكثر .. أكيد تبي تختلي بيه بغرفه بروووحها .. والله ما خليتج ..

هزيت راسي : غاليه والطلب رخيص ..
شيماء : مشكووورة يالغاليه .. ما تقصرين ..
ميس بابتسامه : العفو ..
هند : شيماء ؟؟ شنو تبين بالولد ؟؟ ها ؟؟
شيماء مستحيه : ولا شي ..
نووووووووف : أقول ميس .. رمسي أخوووج خلي يخطبها هاذي ويفكنا منها ومن حشرته ..
شيماء : لا والله .. يالسه فووق راسج ولا شي ؟؟

كنت أطالعهم بضحك ..بغيت أقهر شيماء اشويه .. يتني فكره .. شيماء بتصيييح ..خخخخ

ميس : اصلا مشاري خلاص ناوي يخطب وحده ..
صدت اطالعني بسرعه : منو ؟؟

ما وحيت أكمل كلامي ... حشى أذوووووووووون فار ....

ميس بمكر : وحده مزيووووووووونه ... وحلوه .. شرات مشاري .. ونا شجعته عليها بعد ..
شيماء بقلق : من العايله ؟؟
جاوبتها بمكر وفيني ضحكة على شكلها : لاء .. مهوووووب من العايله ...
هند كانت اطالعني وماسكه ضحكتها : ايه انا جفتها .. ما شاء الله عليها .. اتطيح الطير من السماء ..
شيماء بديت اتدمع ..عضت على شفايفها .. مسكت طرف ثوبها ... وقامت تبي تطلع : اصلا أنا عارفه انكم اتقصوووون علي ..