تويت
ما هي ملاك الا بشر ..
؛؛
ما هي ملاك الا بشر أنثى تطرف في الشعور
..................كل المحبة لا عشقت والموت لو تكره أحد
لا سلهمت قسوة على لين وتواضع مع غرور
..................وان ضحكت دنيا الحزن لعيونها تصبح سعد
هي نور ظلما دنيتي وغيابها من دون نور
..................هذي حياتي مظلمة عساه ما يطول الأمد
يوم رحلت مع طيفها وحدي بعالمنا ندور
..................والقلب معنا في عذاب الله وينك يالجلد
يا صبر طالبك العذر خبري معي دايم صبور
..................حنا هوينا بعضنا نشتاق ونجدد عهد
الله يا وقت مضى ما كان ضيقة في الصدور
..................ما به أحد يطري عليه البعد لو لحظة أبد
يا قلب كيف جروحنا عزاه والحالة دبور
..................في غيابها مابي أقول : اني كمالة للعدد
ما هي ملاك الا بشر وانا بشر كلي شعور
..................بغيابها كني طفل تايه ولا جنبه أحد
//////////////////////////////////////////////////////////////مثمر
تعليق