تويت
يابيض الاوراق نادي نزف الاقلامي
وشبي لها من شموعي واختراعاتي
وانا هذا جيتلك بالرجل درهامي
درهام درهام وانهيت المسافاتي
درهام درهام لين اتعبت الاقدامي
وحملتها فوق كل الاحتمالاتي
اجتاح شوقي حنين لجرحي الدامي
بيني وبينه مواثيق وعلاقاتي
صديق عمري واسولفله عن ايامي
وانا احتكرته وبطلت الصداقاتي
لانه من الذكريات وملهم احلامي
وملهم قصيدي وما تحوي عباراتي
حتيش لو كان مثل الميسم الحامي
في يد فقير التروي والمهاراتي
مايرفعه لين ادمي راس الابهامي
لو صحت بالصوت ماعنده مراعاتي
اصبر وياعام وش تخفي ورى العامي
وعزاي في المقبلة زيف ابتساماتي
اعلل النفس بالامال قدامي
واصنع من المستحيلات السهالاتي
كذا بلا ذنب محكومن بالاعدامي
وانا برئ من جميع الاتهاماتي
يارب عرشن تساما للسما السامي
ياعالم الغيب ياسامع مناجاتي
رحماك لاودعن الصحف الاقلامي
والملك لك من ورى سبع السماواتي
:
الشاعر: راشد الشطيطي
تعليق