السلام عليكم
كيفكم مساكم |صباحكم
ورد وطيب
هذي القصيده يومين قاطعني ......
لشاعر المبدع بدر الضبعان ربي يوفقه ^_^


. يومين قاطعني ولاترحم الحال           
           بالله قلي كيف ماهزك الشوق؟!
انا ثملت من الوله والجفا طال           
           وإلا انت ماكنك من البعد محروق!!
تركتني بين الظما وأشهب اللال           
           مكسور / متضايق / وحاير / ومخنوق
حسبي عليك ان كان هديت الامال           
           اللي بنيته فيك طابوق طابوق
وانا عشانك جيت ماعد الاميال           
           كن المسافه بين الاهداب والموق
طفل يشوفك غير من بد الاطفال           
           حتى كبرت وصرت ياطفل معشوق
الله وأكبر لاتذكرت الاطلال           
           اللي خذت من صورتك دم وعروق
ياكم لعيونك تحديت الاهوال           
           أهيب العذال وأطاول حلوق
وياما وصلني من سواليف وأقوال           
           دفنتها تحتك وحلقت بك فوق
واليوم لاوالله يامشغل البال           
           النوم من عيني له أيام مسروق
من غبت وأحزاني لها ألف مدخال           
           متى وصالك من بعد نومه يفوق؟!!
وين الليال اللي بها كنت تختال           
           في دفتر أشعاري على كل طاروق
لامن تباطيتك يجي منك مرسال           
           تشرح لي أحوالك وتتعذر بذوق
ياصاحبي ضاقت على كل الاحوال           
           وأنت بغيابك راس الأحلام مشنوق
أن مت بيدينك ترى مات رجال           
           يبيع عمره بس على شان مخلوق
يومين .. صارت حال .. وأتبدلت حال           
           ماهزك فراقي ولاهزك الشوق!!! .ف
بجد رووووووووعه صح لسانه