تويت
ذكرى قديمة
قصيدة ---ذكرى قديمة
من امس مالي خاطر بالسواليف
اجلس مع فكري اهوجس لحالي
الصمت يسقيني بدل دلة الكيف
جرعة الم مرة مثل دمع سالي
الضيق يطعن خافقي طعنة السيف
ويجرها تنهيد فاق احتمالي
من ضيقتي دورت كل المظاريف
وذكرى قديمة ثابته في خيالي
نفضت عنها غبار ياليت ياحيف
وضميتها للروح ضم العيالي
ورديت من حلمي أسوق المحاسيف
عمري قضى والهم هد الجبالي
بالأمس جاني علم ماهو تخاريف
حبيب روحي شاف بنت الحلالي
اختارها عني وانا اعيش في طيف
يقول ياحبي وانا اقول غالي
ارسل يقول أهواك مازلت وأضيف
انتي هواي الأولي وعقب تالي
عادات ربعي الجود ونكرم الضيف
ونطيع مهما كان عم وخوالي
البنت مالك عنها اي تصريف
عمك عطاك وباركوا لك رجالي
وانا بحبك عشت وأموت واجيف
اسمك حفرته لين بالدم سالي
حبيبتي مد البحر يهدم السيف
واللي مقدر يالغلا له نوالي
حبيبتي لا من ذكرتي التواصيف
ادعي بظهر الغيب يرتاح بالي
وانسي حبيب راح لا تسألي كيف
واستفهمي عن حب صدق وحلالي
ماكل من حبوا يدوموا مواليف
حتى السفن للريح تمشي توالي
بقلمي / أوراق الخريف
تعليق