تويت
الفطيرةة الايطاليةة ~
السلام عليكم ورحمةة الله و بركاتةة ~
كيفكم
؟ طبقنا اليوم ايطالي
,حبيت الوصفةة بس م جربتها ان شاء الله نجربها بعدين
:
نبدأ بالعجينةة
:اي عجينة تضبطينها وترتاحي لها
مقادير عجبتني اللي استخدمتها اعطتني 3 فطائر كبيرة
3ونص كاس دقيق (استخدمت دقيق فوم )
1 ملعقة كبيرة خميرة
2 ملعقة سكر
1ملعقة كبيرة حليب بودرة
ملعقة صغيره ملح
3 ملاعق كبيره زيت
ماء دافي للعجن تقريبا كأس وثلث
نعجنها زين ونخليها تخمر على جنب على بال ما نحضر الحشوة
هنا العجينة بعد ما خلصت عجنها
الحشوة ~
مثل مو واضح بالصورة
دجاج مخلي من العظم والجلد ومقطع صغير
بصلة مقطعه
فصين ثوم مهروسين
فلفل احمر مقطع مكعبات
فلفل اخضر مقطع مكعبات
فطر مقطع صغير ( في المرة الاولى ما استخدمته )
نبدأ نحمس البصل بشوي زيت وبعد ما يذبل نحط الثوم وما نطول حمس نضيف الدجاج على طول
بعد ما نحط الدجاج نضيف عليه فلفل اسود مطحون طازج
نقلب لين يتغير لون الدجاج ويبدأ ينشف من المويه
بعدها نضيف عليه فلفل احمر حار مطحون ,, وبعدها نضيف باقي الحشوة والملح ونقلب شوي
هذا شكل الحشوة بعد ما استوت ( ما نخلي الخضار تذبل يا دوب تشويح مع الدجاج )
نقسم العجينة 3 اقسام وناخذ او قسم ونرش عليه دقيق
نفردها على شكل مستطيل ( مو لازم يكون مستطيل منتظم ) بعدها نحط الحشوة على الطرف
بعدها نرش الحشوة بجبن موزريلا ونقطع جبن edamبشكل شرائح فوقها
,, بعد كذا ناخذ عجلة تقطيع البيتزا ونعمل فتحات بشكل مائل لكن ما نقطع العجينه كلها ,,نسوي فتحات بس
هذا شكل الفطيرة بعد ما سوينا الفتحات
بعد كذا نطبق العجينه على الحشوة ونحاول نوسع الفتحات شوي
بعجلة البيتزا نعدل الاطراف ونقطعها عشان تلصق ببعض
واذا احتاج الامر اضغطي عليها بيدك عشان نغلق العجينه وما تطلع الحشوة من الاطراف
هنا اسهل لك انك تاخذ ورق زبده او حتى قصدير
وترشيه بسميد ناعم بعد ما تفردي العجينه تحطيها عليها
وتكملي باقي الخطوات عشان ما يصعب عليك نقلها في الصينيةة لصينيه
نخليها 10 دقائق وبعد كذا ندهنا (
حطيت صفار بيضه وملعقة قهوة سائله [نسكافيه مذوبه بماء حار وملعقتين حليب بوني سائل)
يعطي الخبز لون جنان
~ 
ونرش السمسم للي يحبةة
ندخلها فرن ساخن ونخليها لين تستوي وتتحمر ,, هذا شكلها وهي توها طالعه من الفرن
نشيلها على شبك عشان ما تترطب وتلين من تحت
منقول :) , اتمنى يعجبكم ~
ودمتم ب سعادةة
~ 
.
تعليق