تويت
مرة من ذات المراريت من قديم الزمان قررت اسوي رجيم
جيت ادور في الأطباق واشوف البرامج الا وكلهم يقولون تحرم عليك افخاذ الدجاج ولازم تاكلين صدور او سفاين >>برواية اخوانا اللبننيين
شان انصدم وتجيني حالة نفسية ازيد على اثرها 7 كيلو>>كني ناقصة
الا اطيح لكم على ذيك الوصفة اللي حسيت بحدسي المطبخي انها تجنن وممكن تقضي على كرهي لصدور الدجاج
لاحد يفهم غلط ...الصدور للأطباق مو للأكل العادي
الموووهم واسويها وطلعت تجنن ...وانقذتني لأن سعراتها الحرارية قليلة
المقادير :
دجاجة مقطعة ومنزوعة الجلد -5 فصوص ثوم (طبعا اختياري )وحسب رغبتكم – عصير ليمونتين – ملح وفلفل اسود وبهارات حسب الرغبة
3 حبات بطاطس مقطعة شرائح – 2 ملعقة اكل زيت زيتون – ملعقتين خل عنب
الطريقة :
يدق الثوم ويخلط مع الملح والفلفل والبهار والليمون وزيت الزيتون
يتبل الدجاج بالخليط ويترك لمدة 3 ساعات او اكثر ثم يوضع في صينية مع البطاطس ويسكب خليط التتبيل فوقه
تغطى الصينية بالقصدير وتوضع في الفرن لمدة ساعة الى ساعة ونصف
لو كان ما عندك وقت تنقعين الدجاج في الخليط أضيفي له الخل وحطيه في الفرن على طول
وهذا بعد ما خلص ...الشكل مش ولابد بس الطعم خيال دجاج مع ليمون
ويقدم مع رز أبيض
وان شاء الله يعجبكم
.
~ 
تعليق