تويت
قصيدة العمر عسرويسر وأفراح وأحزان - محمد بن فطيس
يامضيق الدنيا وياضعف الإنسان
شف قرب ضحكك في الزمن من نحيبك
لاتحسب إن الوقت لاشان مازان
ولاتحسب إنك بتعدا نصيبك
الأرزاق مكتوبه وللدهر عوان
واللي كتبه الله عليك بيصيبك
العمر عسر ويسر وأفراح وأحزان
ترزق بمولودك وتدفن قريبك
هذي هي الدنيا لها أشكال وألوان
تضحك لك وتلقا بها مايريبك
ياصاحبي لك عندنا منزل وشان
وأنا إعتبرني سيف كفك وجيبك
وفي كل دار لك بني عم وإخوان
وأنا ولد عمك وإخيك وصحيبك
تعليق