تويت
قادو قادو :) !! , Indonesian salad
السلام عليكم ورحمةة الله وبركاتةة
مساء / صباح , الورد :)
طبقنا اليوم أندونيسي , يؤكل ك" سلطةة " بجميع الدول ,
بس الإندونيسيين يشوفونةة وجبةة متكاملةة ,
حيث ان فيها الكربوهيدرات والبروتينات و الخضروات وحتى المكسرات .. يعني : ماخلوا شي
وهالوصفةة مفاعل نووي بحق و حقيقي ,
يعني مرةة حارةة , ممكن تزيدون كميةة الفلفل او تقللوها حسب ذوقكم
بس يفضل تكون حارةة , تعطيها لذةة :)
بسم الله : نبدا :
الوصفةة طويلةة بس ب الحيل سهلةة , وهي دايت لولا الصوص اللي فيها ,
فا للدايت م يكثرون الصوص :ابو خشم "
مقادير الصوص :
هو اللي يعطي الوصفةة "التميز" من غيرةة بتكون الوصفةة مجرد خضار :
6 ملاعق صغيره زبدة الفول السوداني
{ البعض يحمس فول سوداني كامل بقليل من الزيت من ثم يطحنه ولكن ماأفضل هالطريقه أبدا , بس هي الطريقه التقليديه}
8 ملاعق كبيره حليب جوز الهند السائل
{ البعض يستخدم البودره بس أنا ماأحب طعمه ,, السائل أفضل نكهته أغنى }
ملعقه صغيره صويا صوص
ملعقه صغيره صلصه حلوه حاره (سومطره)
ملعقه صغيره معجون طماطم
ملعقه صغيره سكر أسمر
ملعقه صغيره ملح صيني ( جيني مو تو )
فصين صغار ثوم مدقوق
بصلتين صغار مفرومه فرما ناعما
عصير ليمونه
ذرة ملح عادي
6 عروق فلفل أحمر + 8 عروق فلفل أخضر
{ أختياري يابنوتات لأن الصوص مره قليل , أخاف تتفجر بطونكم لوووووول } ~>>
قليل جدا جدا من الزيت للتحمير .
قليل جدا من الماء لمساعدتك بالخلط ( أستخدمت 8 ملاعق من الماء )
الطريقةة
: ~ضعي قليل من الزيت بقدر صغير ثم أضيفي البصل وقلبيه حتى يذبل على نار هادئه ..
لاحظوا شلون ذبل البصل مانبيه يكون واضح بالصوص بشكل مزري ,
من ثم ندق الثوم مع أضافة الملح العادي , ونضيف للبصل
في الخلاط نظيف باقي مكونات الصوص ماعادا الليمون , ونخلط
نضيف الخليط للبصل والثوم , ونتسمر بالتقليب حتى يتماسك قليلا ,
ترى الخليط فيه سكر يعني بسرعه يحترق قلبي بشكل سريع وحاولي تحافظين على سيولة الصوص .
الصوص ماراح ياخذ وقت كثير عالنار مجرد مايتسخن ونحس بحرارته نرفعه من النار .
نضيف الليمون ~
لاحظوا مانضيف الليمون مع الصوص وهو عالنار عشان لايعطيه مراره ,
بالأضافه إلى أن أضافتك لليمون كاخر خطوه تعطي تماسك عجيب للصوص , وتلاحظين أن لونه حتى يتغير .
وبكذا نكون أنتهينا من الصوص
..مقادير السلطه ~
الخضار المطبوخه }
الكميات تقديريه وترجع لذوقك ..
3 حبات كوسه مقطعه لأنصاف دوائر رفيعه
جزره كبيره مقطعه لأنصاف دوائر رفيعه
3 حبات بطاطس متوسطة الحجم
كوب فاصوليا خضراء مقطع لقطع صغيره
ربع حبة ملفوف حجمها صغير ..مقطع لقطع متوسطة الحجم
الخضار الفريش }
3 حبات خيار متوسطة الحجم مقطعه لأنصاف دوائر
8 أوراق خس مقطعه كما بالصوره <=== توهقت ماعرفت تشرحها
طريقة عمل الخضار ~
حسب الروقان والمزاج , مرات أصلحها خضار سوتيه ( أنضجها بالبخار مثل الصوره) ,
ومرات يطقني الكسل وأسلقها سلقا وفي الحالتين لذيذه ماتفرق .
العجازين يسلقونها كلها سوا , لذلك ماحبيت أكثر الطرق إللي قدمت لي أو إللي جربتها ,
لأن نسبة نضج الخضار تختلف من خضار للثانيه ..
بالقادو قادو لازم تطبخين الخضار نص أستواء , مو تخلينها أيدام وتطبخينها لين تذبل وتموت ,
لأنها بتكون شينه للغايه كأنها أكل أطفال
أولا أبدأي بالفاصوليا , من ثم حطي فوقه الجزر والكوسا, ثم الملفوف مجرد مايبدأ يذبل شيليه
الوقت حسب نوعية الخضار إللي عندك , أهم شيء يكون نص أستواء ..
بالنسبه للبطاطس ,, أسلقه لوحده بعد ماأخزقه بالسكينه أو بشوكه وبقشره ..
ليش صلحت هالطريقه ؟ عشان لا يعفس بقية الخضار ويخليها مليانه نشاء ,,
إذا سلقتيها وهي مقشره بينزل النشاء بالماء وبتصير لزجه ( ستيكي ) .
ملاحظه:
البعض يفضل البطاطس مقلي , وأنا أفضله مقلي ولكن بقية أفراد المنزل يفضلونه مسلوق .
. فطبخ بناء على رغبة الأغلبيه <=== مظلومه الأخت .
مقادير الأكسسوارات ~
راح نتكلم عن الكروبك للي مايعرفونه , عباره عن دقيق الأرز ودقيق الروبيان , وكم خربوط ثاني معهم ..
تلقونه بالبقالات الأندونيسيه , أنا شفته بالدانوب بس ماشريت منهم لأن ماعندهم النوعيات التقليديه .
كروبك روبياك سكورا
هالكروبك يروع بشكل مو طبيعي ,, حلو بس مع القادو قادو , بس لو ذقتيه لحاله ماراح تستحملينه ,, خاصه وأنت تقلينه ريحته تفوح بشكل مرعب ,, كأن ربيانه تمشي بجنبك
..كروبك ألوها سيدورجا حسب ماأشوف بالكرتون ترى ماأعرف أقرأ أندونيسي .
هالنوع حلو وخطير ,
حتى ممكن اكله لحاله بدون قادو قادو كنوع من أنواع المقليات ..
طعمه مثل سناك أبو كوره ؟؟ عرفتوا بنكهة الربيان ..
العجيب أني ماكل ربيان , بس بهالطريقه ممكن اكل ربيان ..
المهم أختاري الكروبك الأقرب إلى قلبك وأستخدميه ..
كسري كل قطعه 4 قطع , وأقليه بزيت غزير { التعليمات موجوده خلف كرتونة الكروبك }
لاحظوا القلايه فاضيه , لأنها راح تكبر وتنفش , وبس نزليها وحطيها على ورق ماص
البصل ~
تقطعونه شرحات وتقلونه لين يحترق ويتكرمل
أو صلحيه بالطريقه الأندونيسيه }
قطعي بصله كبيره , وحطي عليها شوية صويا صوص , ذرة سكر أسمر
, ذرة ملح ,ذرة ملح صيني ( جيني مو تو ) وشوية دقيق ..وأخلطيهم سوا
وسريع سريع أقليهم على طول , على نار عاليه .
. وزيت غزير نسبيا ممكن يتعبك أثناء القلي ويتشابك , حاولي تكونين حريصه .
ملاحظةة
: ~يزين دائما طبق القادو قادو بالنودلز أو الأندومي , وأيضا البيض المسلوق ..
أنا أستغنيت عن النودلز لأن محد يحط له نودلز إلا الأندونيسين التقليدين جدا جدا ,,
وغير كذا قلت لكم ماأحبه لما ربي يفتحها علي بحطه لووووووووول .
طريقة تقديم القادو قادو ~
بصحن شبه عميق , ماتحطونه بصحن عميق <=== شوي وتعصب
.المهم نصف الجزر والكوسا والفاصوليا
ثم نصف الملفوف , ومن فوقه البطاطس إذا كان مسلوق فقط ,
لو كان مقلي اخر شيء قبل الأكسسوارات طبعا ..وبعد الصوص .
ثم نضيف الخيار والخس { بالطريقه التقليديه الخس والخيار تزين جوانب الصحن بس ماأحب هالطريقه أحب كل شيء يغرق بالصوص }
نضيف الصوص فوق الخيار والخس , وراعي الصوص مايكون بارد مره ولا ساخن مره وسط .
البيض أحب نضجه مثل الصوره ماأحبه ناضج مره , ولكم الحريه .
يزين بالكروبك , ثم البصل المقلي و البييض ( ودائما هالخطوه اخر خطوه قبل التقديم بحيث لا يطرى البصل أو الكروبك و ينشف البيض )
ممكن يقدم الكروبك بصحن جانبي ,ويضاف حسب الرغبه.
الشكل النهائي
وب الهناء و العافيةة ع قلوبكم :)
الطبق منقول ,
امم حبيتةة بس م حبيت فكرةة البيض امم ماني من معجبينةة بصراحةة
المهم إن شاء الله يعجبكم و
دمتم بخير :)
.
تعليق