تويت
اجعلي من لمساتك كيان خاص ( موالح شاي ) غريبةة و جديدةة :) ~
السلام عليكم و رحمةة الله وبركاتةة
يسعد مسائكم / صباحكم :)
ب الخير و المسرات
يالله نبدأ بسم الله
:" فطائر البيبروني "
المقادير :
حلقات خبز توست (ابيض - اسمر )
|| كل شريحه خبز بتطلع لك حلقتين .. وباقي الخبز اطحنيه ثم جففيه واستخدميه بقسماط ||
شرائح جبن شيدر ( برايد )
حلقات ببروني
جبن موزريلا + بابريكا + اوريقانو
جبن سايل ..
الطريقه :
ناخذ حلقه خبز ( ابيض - او - اسمر )
ندهنها بشوي جبن سائل .. ثم حلقه جبن شدير
|| بتقولون حرام اذا قطعنا دائره من كل شريحه جبن حلقه رح يبقى منه جبن .. لا تخافون مرح اقولكم ارموه .. لا اتركوه ع جنب .. وكملوا الموضوع رح اقولكم وش نسوي فيه ||
ثم حلقه ببروني .. واخيرا جبن الموزريلا ( هنا خلطت جبن الموزريلا مع شوي بابريكا واوريقانو )
نصفهم في صينيه .. و ع طوول ع الفرن
..
دقائق والفطائر جاهزه ..
<< ( ملاحظه : بنات الببروني مثل ما انتو عارفين دسم .. ف اول ماتطلع من الفرن بيكون عليها طبقه زيتيه .. اذا كان يضايق الدهن (مثلي ) بمنديل اضغطي ع الفطاير ع الخفيف لاجل يمتص الدهن الزائد ..) <<
... وبكذا نكون خلصنا النوع الأول من الفطائر ..
شفتو قد ايش سهله وبسيطه والنتيجه مذهلةة
النوع الثاني من الفطائر ..
" الكروسان المنزلي
"طبعا سميته منزلي .. لان شكله نشوفه دائما في محلات الفطائر الفاخره ..
بس قليل نشوفه احد مسويه بالبيت
المقادير :
كروسان جاهز ..
جبن شيدر شرائح ..
ببروني مشوح ع النار بدون زيت ( لانه فيه دهن )
خس امريكي ..
مرتديلا ..
الطريقه ..
( كروسان المرتديلا )
نشق الكروسان من النص بس مانوصلها للاخير ( يعني تكون من الاخير ماسكه في بعضها )
نضع شرائح الخس ثم المرتديلا ثم الجبن ..
( كروسان الببروني )
نفس خطوات كروسان المرتديلا بس نستبدل المرتديلا بالببروني
و النتيجةة :
النوع الثالث من الفطائر ..
"وردات التونةة و اللبنةة "
اترككم مع الصور ثم اقولكم ع الطريقة :)
..وردات الجبن ..
وردات التونه ..
الطريقه :
نفرد شريحه توست بعد ما قطعنا حوافها .. قم نقطعها ع شكل ورده ..
بقوالب الكب كيك ( الصغيره ) نضع في كل كب ورده ( على ان حواف الورده تكون بارزه شوي ) << يعني يكون للورده حواف مرتفعه ..
ثم ندهنها ب زيت زيتون مع شوي ثوم بودره واوريقانو ..
ندخلها الفرن لحد ما تتحمر الاطراف ..
بكذا خلصنا الاساس ..
نجي الحين للحشوات ..
لك حريه الإبداع في الحشوات ..
انا سويت منها نوعين ( جبنه - تونه )
حشوه الجبنه :
باقي جبن ( فطائر الببروني ) + شوي كريمه خفق +رشه ملح وفلفل + شطه سومطره
وشوي بهارات= ( ثوم بودره -اوريقانو - بابريكا ) .. حسب ما تحبين من بهارات .. بس لاتكثرون حتى لاتطغى نكهه البهارات ع نكهه الجبن ,.. بالخلاط لحد مايكون عندنا خليط شوي ثقيل
وفي قمع تزيين الحلويات سوي لك احلى وردات جبن .. ورشيها ب باريكا
حشوه التونه :
بسطه وسهله ..
تونه + مايونيز + كاتشب + شوي ليمون + بهارات >> اخلطيهم زين ثم حشي فيهم الوردات ..
واخيرا .. بقطاعات ورد صغيرات اقطعي من شرائح الجبن الشيدر الاشكال اللي تحبينها وزيني فيها التونه ثم رشيها ب بابريكا
النوع الرابع من الفطائر :
" رولات التونةة "
وهذي مثل الوردات مالحقت اصورها ..
نفرد خبز توست بعد ما قطعنا الاطراف ..
ثم نشوي حشوه تونه ( مثل حشوه وردات التونه ) ..
نضع ملعقه صغيره من التونه << وننتبه ما نكثر لاننا اذا بدينا نلفها رح تطلع التونه برا التوست
نفرد التونه ع شريحه التوست ثم نقطع شريحه جبن شيدر لنصفين .. (لاتقولون قليله تكفي وزياده )
بعد ما فردنا التونه نضع نص شريحه الجبنه ع اول شريحه التوست ثم نبدأ نلفها ..
رح تلاحظون ان شريحه الجبنه رح تمشي معكم وبتوقف ع حافه شريحه التوست << يمكن صعب تتخيلونها لكن لما تطبقونها رح تتذكرون كلامي ..
وبالاخير ..
نقطع كل روله توست ل 3 قطع .. ونقدمها بورق بلاسيه حلو ومرتب ..
النتيجه ..
.. صورتها لكم من صينيه التقديم ..
النوع الخامس والاخير : ..
" تارت اللبنةة الحارةة "
المقادير :
كاس طحين
اصبع زبده
م ص سكر بودره
نص م ص ملح
2 م ك جبنه بارميزان
م ك اوريقانو
نص فنجان ماء بارد
بمحضره الطعام لحد ما يكون عندنا عجينه شبه متماسكه
نلملمها ع بعض ثم نغلقها وندخلها الثلاجه ربع ساعه
نفردها ونقصها ع شكل دائره .. نضعهم في قوالب الكب كيك الصغيره ونخرمها بالشوكه ( ومثل ما قلت بالوردات اقول هنا ) .. نسوي لهم حواف مرتفعه ..
نخبزهم ل حد ما تتشقر ..
ثم نحشيها باللبنه الحاره بواسطه قمع الحلويات ونزينها بالفلفل الاحمر الحال المخلل
حشوه اللبنه :
لبنه + فلفل احمر مخلل حار مقطع صغير + شطه سومطر + رشه ثوم واوريقانو
وبكذا اكووون خلصت من موالح الشاي الغريبه والجديده
.. وهذي صور لهم في صينيه التقديم ..
وهذي بعض الصور .. ل موالح شاي
جمعت فيها بين الغريب والمعتاد ..
تشوفون هنا جنب تارت اللبنه الحاره تارت عليه شبكه
هذي سهله مره ..
نسويها مثل عجينه تارت اللبنه بس الاختلاف الحشوه ، حشيتها خضار ثم سويت شبكه عليها بصوص البشاميل ..
وهذي فطائر جبن شيدر .. ( نسوي فطائر عاديه بس نحشيها جبن شيدر ونزينها بالسمسم وحبه البركه )
فطائر الفلافل المفتوحه ..( نشري من الخبازين ميني مفرود - يجي حجمها حجم راحه اليد - ونحشيها فلافل وبقدوس وصلصه طحينه )..
و موالح الشاي بين يدينك
المجال مفتوح لك
تبدعين
تخترعين
والاهم :) : تستمتعين
الموضوع منقول :)
إتمنى يعجبكم :)
تعليق