{ رواية هذي الدنيا}

***مزون شمر*** · 15-06-2012, 03:17 PM

رد: { رواية هذي الدنيا}

عند مريم بعد 3 ساعات مروا عليها بالموت مو عارفه تنام او تاكل بس حابسه نفسها بالغرفه رفعت جوالها اللي ماتركته من ايدها ودقت على رقم المستشفى ورد عليها ناصر << مو فيصل
مريم:الوو
ناصر:هلا من معاي
مريم:الدكتور ناصر
ناصر:اي نعم امري
مريم(مالاحظت تغير الصوت كل همها راميلو سمحت انا اللي كلمتك وقلتلك زوجة المريض رامي ابي اعرف وش صار فيه
ناصر(عرفها وابتسم لان تذكر فيصل وهو يكلمهااي عرفتك اختي والحمدالله حالته ممتازه
مريم(بقلقزين اقدر اكلمه
ناصر:اكيد بس دقايق
مريم:اوكي
وحول ناصر الخط لرامي وقاله في لك مكالمه استغرب من هاللي داق عليه
رامي(بصوت تعبانالوو
مريم(كانت مرتبكه وخايفه ومن سمعت صوته الحنون صاحترامي
رامي(بسرعه تعدل بجلسته وماهمه الالمهلا بروحي
مريم(صارت تصيح لانها محتاجه له واللي مرت فيه مو سهلسلامتك
رامي:ليش الصياح ياعمري انا بخير ومافيني الا العافيه
مريم:متأكد
رامي:اي الحمدالله الحادث بسيط
مريم:ياريته فيني ولا فيك
رامي(بسرعهبسم الله عليك لاتقولين كذا
مريم(نزلت دموعها من جديد وهي تتذكر ليلتها السابقهمتأكد مافيك شي
رامي:اي متأكد وروقي ياعمري مابيك تصيحين
مريم(مسحت دموعهاانشالله
رامي:انتي ياحياتي شخبارك
مريم:مو بخير من صار لك الحادث لكن الحين تمام التمام
رامي:لا ابيك دايم تكونين بخير ومايشغلك شي وانتبهي على دراستك اهم شي
مريم:مقدر انت ماخذ كل عقلي مقدر انساك لحظه
رامي(يقاوم الالم اللي بصوته بس عشان يكلمهاماقلت انسيني لكن وقت ماتدخلين المدرسه ابيك تنسيني
مريم:احاول
رامي:طيب ياعمري قلتي لاهلي
مريم:لا شرايك اقولهم ولا
رامي:لا خلي هالمهمه علي
مريم:طيب
رامي:اوكي روحي ارتاحي حاس انك تعبانه
مريم:اي والله مانمت ابد امس
رامي(عصبشلون مانمتي وصحتك واكيد شكلك ماكلتي
مريم(بخوفايه
رامي:مريم اهم شي صحتك فاهمه ويلا روحي نامي
مريم(فرحت انه مهتم فيهاطيب لاتعصب
رامي:لا بعصب لان تصرفاتك بتضرك وهذا مايرضيني
مريم:طيب خلاص روق اخاف عليك
رامي(تنهداوعديني ماتهملين نفسك وصحتك مره ثانيه وروحي كلي لك شي
مريم:طيب
رامي:اوعديني
مريم:اوكي خلاص
رامي:ماوعدتيني داري بتعيدينها لكن بس تجين بيتي والله لا اغير اطباعك كلها
مريم:هههههههه
رامي:فديت هالضحكه
مريم(بحياتسلم
رامي:اكيد استحيتي
مريم:رامي خلاص ونسيت اقولك جوالك عند ضابط
رامي:اي ادري جا وحقق معاي وعطاني الجوال
مريم:طيب خلاص انت ارتاح الحين باي
رامي:باي ياعمري
.................................................. ...................
طلعوا الثنائي << (اسيل وياسر ) متوجهين للمطار وهم بصالة الانتظار كانت اسيل قاعده جنب ياسر وكل شوي تعطس وماسكه علبة مناديل صغيره بيدها ولابسه بلوزه شتويه وفوقها جاكيت والجو ماكان حيل بارد لكن هي كانت متجمده وقاعده جنب ياسر
اسيل:ياسر برد
ياسر:وين البرد الا حر
اسيل:مدري احس ببرد
ياسر(بمزحلاتحاولين مني معطيك جاكيتي
اسيل(بققت عيونهاومن قال ابيه
ياسر:اعرف تلميحاتك
اسيل(تحسب كلامه صدق وتبي تبرر نفسها كله ولاتتفشللا والله مابيه ولا لمحت
ياسر(كتم ضحكته على اسلوبهاانا عارفك لا ترقعين السالفه
اسيل(انقهرت منه فقامت قالتمن قال برد كنت استهبل
ياسر(وهو يطالعها من فوق لتحتوهالشتوي اللي مرقعه نفسك فيه فشلتينا
اسيل:اولا مو انا اللي افشل انا لو كنت لابسه خيشه اطلع احلى من القمر
ياسر(قال بنفسه بهذي صادقه وقام تكتف وقالثانيا
اسيل(وهي تفصخ جاكيتهاوهذا الجاكيت وفصخته لانه مو برد حتى تصدق
ياسر:وبلوزتك
اسيل(بعصبيه مضحكهتبيني افصخها يعني
ياسر(ضحك من طريقة لهجتها بالكلامههههههه لا
اسيل(حست ببرد بس ماتبي تلبس الجاكيت عشان لاتتفشل قدامه وتطيح كلمتها وبهاللحظه عطست)
ياسر(خاف لاتمرض لان هذي صحتها مو صح اللي تسويهاسيل ليه فصختي الجاكيت
اسيل:مو بردانه
ياسر(قرب منها وقاللا بردانه لاتكابرين
اسيل(عطست وخذت منديل وبعدين قالتلا مو بردانه صدقني
ياسر(بصوت حنونلاتكابرين (وقام خذا جاكيتها ولبسها وفصخ جاكيته وحطه على كتوفهاكذا دفيتي
اسيل(هزت راسها بالايجاب وابتسمت على حنيته معها كل هالطيبه وتجازيه بالقتل صدقت جدتي ياسر باين عليه طيب وحنون وشاريني ويبيني ويحبني بعد وش ابي اكثر من كذا)
اعلنوا على رحلتهم وتوجهوا للطياره واسيل طول الوقت تعطس << هي اذا زكمت تقعد تعطس طول الوقت وياسر مستانس على عطستها لان غالبا العطسه تطلع بصوت قوي اما هي عطستها عطسة عصفور
.................................................. ..........................
رنيم:نو داد نو
ابوها:وليش
رنيم:داد مستحيل نيفر نيفر
ابوها(بحنيهوليش مو هذاك موطنك
رنيم:لا مابي اروح السعوديه مابي انا ماحبها ولا بحياتي شفتها الا يمكن يوم كنت صغيره
ابوها:لكن الحين كبرتي وصرتي لازم تعرفينها
رنيم:سوري مو موافقه اروح
ابوها(مسك اعصابهرنيم انتي بنتي ولازم تجين معاي
رنيم:لا عاجبتني حياتي هنا
ابوها:عاجبتك حياة الصياعه وقلة الادب
رنيم:اي عاجبتني ولو سمحت لاتتدخل
ابوها:شكلي ماعرفت اربيك
رنيم:وانت من متى عرفتني حتى تربيني
ابوها:رنيم انا ابوك فاهمه وش يعني ابوك يعني بغصبك تسافرين
رنيم:لا مرح تقدر
ابوها(عصبشلون مرح اقدر
رنيم:نسيت اني اقدر اشتكي عليك نسيت ان عندي الجنسيه الامريكيه
ابوها(انصدمتشتكين على ابوك
رنيم:سوري لكن انا قلت اللي عندي
وجت بتطلع مسكها من يدها ورجعها بقوه لمكانها
ابوها:شوفي يارنيم علمن يوصلك يتعداك بتروحين معاي وغصبن عنك
رنيم:مو انا اللي اتعامل بهالاسلوب ومو انا اللي انغصب انا قلت مابروح يعني مابروح
ابوها(تنهد مايبي يخسرها لان هنا بأمريكا مايقدر يغصب عياله على شي هذا القانونيا بابا ياعمري هناك اخوانك وديرتك تعالي شوفيهم وتعرفي عليهم واذا ماعجبتك العيشه انا ارجعك لامريكا واوعدك
رنيم(سكتت بعدين قالتبس ..... وقاطعها ابوها وقال:مابيك تردين علي الحين فكري زين واقتنعي لان مابتلاقين مثل اهلك
رنيم:طيب وينك عني من زمان
ابوها:وانا ليه دريت ان لي بنت
رنيم:يعني مامي ماقالت لك
ابوها:لا
رنيم:حقيره
ابوها:لا يارنيم لاتقولين عن امك كذا
رنيم:وليش ماقول تستاهل
ابوها(سكت عنها رنيم يبيلها تربيه من اول جديد ماتعرف الصح من الغلط وانا لازم اعلمها الاحترام والادب وشلون تتعلم تكلمني وتكلم امها)
.................................................. ..........................

***مزون شمر*** · 15-06-2012, 03:18 PM

رد: { رواية هذي الدنيا}

وصلوا اسيل وياسر وبعد اجراءات المطار توجهوا للاوتيل (الفندق) اللي حاجزينه وكان بوسط مدينة الالعاب ومطل على مدينة ديزني الكبيره وبين الالعاب والناس والزحمه وطبعا ياسر ابد مايحب هالجو بصفته رجل اعمال مايحب جو الزحمه والحوسه يحب الهدوء والراحه لكن كله لاسيل
وطبعا اسيل كانت مستانسه لاخر حد والارض مو شايلتها من الفرحه لان موقع سكنهم رائع قريب من الالعاب والاسواق والمطاعم وكل شي حولهم وجنبهم يعني مافي حاجه للسياره
المهم
دخلوا للجناح اللي حاجزينه وكان عباره عن شاليه لكن مو مطل عالبحر مطل على مسبح (يعني اول ماتدخلون الجناح تمشون لاخر الجناح فيه باب زجاجي تفتحونه ويطل على المسبح وعلى الناس الرايحه والجايه وطبعا الناس اللي تسبح والضجه اللي مسويينها)
اسيل:الله الموقع يجنن
ياسر(وهو يقعد على السرير بتعبيعني اعجبك
اسيل:مرره بس (وبحيامافيه الا سرير واحد
ياسر:طيب والسرير لشخصين
اسيل سكتت يعني وش بتقوله وهو فهمها لكن ابتسم وفصخ نعوله وانسدح ينام
اما اسيل احترت << حست بالحر .. لكن ماتبي تفصخ جاكيته مستانسه فيه ماتدري ليه شعور اول مره يتملكها بالعاده بس تبي تفتك من اشيائه لكن هالمره غير اسيل بدت تتغير وكل هذا لانها عاملت ياسر زين عشان مايشك انها بتقتله وحسبت انه مابتغير وهذي هي تصرفاته بتبقى شينه لكن عاملها بأروع معامله واحس معامله عطاها العطف والحنان والحنيه والحب (اهم شي) ...
خلاص هي بدت شوي شوي تستلطفه وبدا يصير جزء من حياتها لكن ماتدري اذا بتتغير ولا بتبقى على هالشعور لان هي متناقضه بقوه
حست بالنعاس يتخللها وشوي شوي مال راسها عالكنبه وغرقت بسابع نومه
.................................................. .......................
قام ياسر من النوم على عطسات اسيل المتكرره استغرب للدرجه اذا مرضت تقعد تعطس غريبه ابتسم وقام من السرير متوجه لها شافها نايمه عالكنبه وشكلها ابد مو مرتاحه وكل شوي تتقلب وانفها احمر من البرد تنهد وقال بنفسه هالبنت غبيه مو خايفه تموت من البرد جاب بطانيه وغطاها وقعد جنبها و قرب وجهه منها وقرب يده وتحسس وجهها بحنان وزفر زفره طويله وقال بنفسه الله لايحرمني من هالقمر يارب احبها وماتخيل اعيش بدونها هي نبض قلبي هي اللي دخلت السعاده لحياتي من شفتها وانا ماتمنيت الا غيرها صحيح اول ايامنا كانت مش ولابد لكن بعدين عرفتها وعرفت حقيقتها عرفت ورى شخصيتها المغروره المتكبره العنيده عرفت براءه وطفوله بداخلها ضحكتها وابتسامتها وعفويتها مقدر اتخلى عنها
قال بصوت عالي(وهو يتنهدلو تعرفين وش كثر احبك
قامت اسيل عند هالكلمه انصدمت وحست بالدم يتجمع بعروقها حست بخوف بفرحه بصدمه مو عارفه وش شعورها فتحت عيونها بشويش تحس انها بحلم ورح تصحى الحين لكن شافت ياسر قدامها وقاعد يتحسس وجهها بنعومه ارتبكت وارتجفت وحست انها بتبكي يحبها معقول يحبها شلون يحبني انا بقتله مو هو غصبني عليه مو هو يكرهني شلون يحبني
شال يده عن وجهها ونزل راسه وهو متاكد مليون بالميه انها سمعته وباينه الصدمه بعيونها شكلها ماتبيني ولا تطيقني انا الغبي اللي مفروض ماستعجل كان لازم اقولها بصوت عالي قام وقف يهرب من نظراتها المصدومه وعيونها تفضحها وواضح انها ماتبينه اصحى يا ياسر هي تكرهك تكرهك ومستحيل بيوم تحبك هرب من افكاره وطلع لبره الغرفه
اما عند اسيل استغربت هروبه ونفضت راسها تحاول تستوعب شالت البطانيه عنها ووقفت وتوجهت للمرايه تكلم نفسها
...: هو يحبني معقول يحبني انا اسيل بقتله ومعذبته واحتقرته وسبيته يحبني ليه ليه حبني وانا بذبحه (واشرت على نفسها بالمرايهليه انتي اللي حبك ليه مو بتذبحينه مو تكرهينه (نزلت يدها وقالت بضعفبس حرام اللي بسويه فيه انا لازم اسحب كلامي لازم لكن قبل لازم اتاكد اذا كان يحبني من جد ومايكذب علي (تنهدت ووخرت وجهها عن المرايه وقالتبس انا استلطفه وماحس بالدفا اللي معاه لمسه منه تحسسني بالدفا ايده حنونه ودافيه وبالايام اللي مضت قضينا احلى ايام (ابتسمت وهي تتذكر موقف المسبح وتوقفت افكارها لهنا لكن قالت بنفسهالازم لازم امشي الامور عاديه وماحسسه بأي شي بس هو ليش راح وخلاني ليش هرب من المواجهه
(عصبت من نفسها لانها صارت زي المجنونه تكلم نفسهايووه خلاص مخي تعب من كثر مايفكر يارب ارحمني (وراحت تلبس وتتجهز لين مايجي)
.................................................. ......................
رامي(وهو يراقب الدكتور اللي كان يفحصهيا دكتور مو كني طولت
الدكتور(ابتسممعليه اصبر هذي صحتك منت خايف عليها
رامي:لا بس زهقت وانا ماعندي احد هنا
الدكتور(وهو ينتهي من الفحوصات ويأشر للمرضه انها تطلعخلاص مافيك شي الحمدالله لكن مو اليوم تطلع خلها بكره
رامي(تنهد بصوت عاليواخيرا
الدكتور:الا صحيح ماجا احد من اهلك
رامي(ضرب راسه وكأنه تذكر شييووه نسيت اقولهم
الدكتور(استغرب وماقدر يمتع نفسه من الفضول وقالوزوجتك ماخبرتهم
رامي(عقد حواجبهزوجتي
الدكتور(عرف ان البنت تكذب فقالعفوا على بالي انك متزوج
رامي(ابتسم وكأنه فهم ان مريم قالت انها زوجتهاي لكن خاطب
الدكتور:الله يوفقك عموما تقدر تكلم اهلك اتركك الحين بالاذن
وطلع الدكتور ومد رامي يده لجواله ودق على اخته روان
روان(بصراخرامي وينك يالغبي
رامي(بعد السماعه عن اذنه وهو منزعج من صوتها وقالاعوذ بالله مو صوت اللي عليك
روان(بضحكقل ماشالله هو اللي نافعني
رامي:الحين هالصراخ فيه منفعه روعتيني يابنت الحلال
روان:اتركنا من ذا الموضوع وقولي وينك وليه جوالك محد كان يرد عليه
رامي:انشغلت شخبارك وشخبار امي
روان:بخير لكن امي خايفه عليك حيل وتبي تكلمك
رامي:هي عندك
روان:لا بالمطبخ
رامي:ناديها وش تنتظرين
روان:اوكيك لاتدف
وعلت صوتها عناد لرامي وقالت:يماه
رامي(اخترع من صوتها وقالوجع ماتفهمين عربي انتي لاتصارخين
روان:اووه سوري خذ المامي
ومدت يدها وعطت امها الجوال وماتدري من عالخط
امها:الو
رامي(ابتسم وهو مشتاق لهالصوت الحنونهلا والله بالحنونه
امه(فرحت من سمعت صوتههلا بوليدي وينك يمه خوفتنا عليك
رامي:انشغلت يالغاليه .. شلونك وشلون صحتك
امه:بخير يمه لكن مشتاقين لك
رامي:انشالله بكره اكون عندك
امه:انت للحين بالبحرين
رامي:لايمه بالشرقيه وانشالله بكره جاي
امه:توصل بالسلامه وانتبه على نفسك
رامي:انشالله لاتوصين يمه
امه:زين يمه انت مرتاح احس صوتك فيه شي
رامي:لايمه بخير ومافيني شي
امه:متاكد يمه
رامي:اي بخير مافيني شي يلا يمه بسكر توصين شي
امه:سلامتك ومع السلامه
رامي:مع السلامه
وسكر من امه وماكان يبي يخوفها ويقولها عن الحادث مدام صار بخير مايحتاج لكن شايل هم سيارته مايدري وش صار فيها لان اذا ماطلعت من التصليح مرح يقدر يرجع بس بيتصل عالمرور ويتاكد
.................................................. .............................
قامت مريم من النوم وهي تتثاوب هالاسبوع كله مهي رايحه المدرسه خلاص هذا اخر اسبوع والسبت الجاي اختبارات وهي على اعصابها خصوصا انها علمي وهي ماتطيق العلمي لكن تذكرت موقف مر عليها من سنتين مع اسيل
اسيل:لا خير ادبي اقول علمي احسن
مريم:بس مابي صعب وانا مني دافوره مثلك
اسيل:ولو انتي صديقتي وبتدخلين مثلي ولا تبينا نفترق
مريم:وليه مو انتي تدخلين معي ادبي
اسيل:ياميمي مانبي نتفرق انتي تعرفين شلون صداقتنا ادخلي علمي واجتهدي وبالعكس انتي الربحانه
مريم(بتفكيريعني خلاص علمي
اسيل:ايه علمي ونسبتك تهبل وتقدرين تدخلين علمي
مريم:اوكي علمي علمي
اسيل(ابتسمتاخيرا اقتنعتي
قامت مريم من سريرها وهي تبتسم على هالذكرى الحلوه مشتاقه حيل لاسيل وسوالف اسيل من زمان عنها راحت وقالت عدولي لا سئلت ولا اتصلت شكلها نستني لكن انا مانسيتها ورفعت يدها وهي تشوف الاسواره اللي مكتوب عليها ميمي & اسوله هذا سوار صداقتهم ومستحيل تشيله من يدها وبيبقى بيدها طول العمر ياترى ياسيل تخلصتي من هالسوار تنهدت من هالافكار ودخلت تاخذ شاور وتطلع تكلم رامي تتطمن عليه
.................................................. .........................
صحت على صوت ازعاج استغربت وش هالصراخ قامت من سريرها ولبست شبشبها وطلعت تشوف وش فيه فتحت الباب بشويش خايفه شافت جان يتهاوش مع دوم (جان ودوم تذكرونهم)* _^
خافت لكن تمت تشوف وش بيصير لكن شكل دوم ماهو بصاحي وشارب كثير خافت وحست برعب لانها شافت دوم يمسك مسدس ويوجهه لوجه جان شهقت بقوه لكن مسكت نفسها وتمت ...........

قابلوني بالبارت 18

***مزون شمر*** · 15-06-2012, 03:54 PM

رد: { رواية هذي الدنيا}

البارت 18

صحت على صوت ازعاج استغربت وش هالصراخ قامت من سريرها ولبست شبشبها وطلعت تشوف وش فيه فتحت الباب بشويش خايفه شافت جان يتهاوش مع دوم (جان ودوم تذكرونهم)* _^
خافت لكن تمت تشوف وش بيصير لكن شكل دوم ماهو بصاحي وشارب كثير خافت وحست برعب لانها شافت دوم يمسك مسدس ويوجهه لوجه جان شهقت بقوه لكن مسكت نفسها وتمت تناظر وش بيصير شافت جان يتخلص من دوم ويمسكه وياخذ المسدس ابتسمت بارتياح لكن شافته يطرده وكان دوم يقول كلمات تهديد وتخرع وكان يقصدني ياويلي وش يبي مني لما تاكدت انه طلع
طلعت وشافت جان جالس وهو يتنفس بقوه
راحت وجلست جنبه وقالت:what he wont
(ماذا كان يريد)
جان(لف يطالعهاas usual
(كالمعتاد)
رنيم(بخوفwhat you doing for him
(ماذا فعلت به)
جان:I will tell him go out side
(طردته)
رنيم:طردته ؟؟؟؟
جان(عقد حواجبه لانها تكلمت بالعربي وهذي اول مره تسويها قالwhat ??
رنيم:nothing but I'm a scare
(لاشئ لكني خائفه)
جانont be a scare
(لاتخافي)
ابتسمت وهي تحط راسها على كتف جان هو يحبها مثل بنته مع انه ماتزوج ولا يبي يتزوج لكن هي تثق فيه وتعرف شكثر يخاف عليها ومايبيها تتأذى
.................................................. ..........................
كانت تدور بالغرفه وتفرك ايدينها ببعض ساعات مرت وهو للحين مابين وين اختفى ياربيه توجهت للباب الزجاجي المطل عالمسبح شلون الناس تسبح بهالبرد مايحسون فتحت الستاير تطالع بالناس وهي تتنهد خايفه من موقفها خايفه شلون بتقابله ماتدري شلون بتظبط مشاعرها اول مره تحس بهالاحساس توقعت انها مستحيل تميل للجنس هذا (الرجال قصدها) بحياتها ماعطت واحد نظره او كلمه تحتقرهم كلهم وحسبت انها مستحيل تحب او توقع بحب احد كانت بس تبي تعيش حياتها وبس تضحك تلعب تستانس وبس لكن كان اخر اهتمامتها الزواج او تفكر انها تحب كانت هذي افكارها وافكار مريم يووه من زمان عن مريم ياعمري اشتقت لك مع اني كنت دايم افرض رايي عليك ودايم معصبه لكن كنتي تستحمليني وتحبيني ليه الدنيا كذا فرقتنا ليه وينك للحين تذكريني ولا ودي اكلمك لكن خايفه مدري ليه الظروف ضدي هالمره ياترى حبيتي عشقتي مثلي قعدت بصدمه وهي منصدمه من افكارها مثلي شلون مثلي يعني انا عشقت وحبيت ومين ولد البطرى المتعجرف ياسر لكن انا اشوفه حنون ومافيه جنس العجرفه افكاري كانت غبيه احس اني مجنونه لا وبقتله شلون اقتله صدق اني انا الغبيه احسب نفسي بافلام الاكشن الهبله بس رنيم قالت انهم بيقتلونه (حطت ايدها على قلبها وهي خايفه) يووه خلاص بسحب كلامي اي عادي بقولهم خلاص لاتقتلونه وقررت اول ماتوصل بتقول لرنيم بطلت وهالفكره الغبيه بتشيلها من راسها وين هي قاعده تنتقم ماتذكرت كلام الله
(( ومن يقتل مؤمنا متعمدا فجزاؤه جهنم خالدا فيها وغضب الله عليه ولعنه واعد له عذابا عظيما )) سورة النساء ايه (93)
شلون ماتذكرت قول ربها عزوجل شلون كانت غبيه مجنونه وش هالافكار اللي عليها تروح النار عشان شي تافه عشانها انغصبت وانحرمت من حريتها صحيح انها كانت مجنونه خلاص انا لازم اعدل من نفسي لازم واشيل هالفكره الهبله من راسي (ورفعت راسها فوق وقالتيارب ارحمني واغفر لي يارب كانت هالفكره طيش مني يارب انك تسامحني
وتوجهت للحمام وتوضت وطلعت تصلي ركعتين
<< بعد شنو ياسيل بعد ماطاح الفاس بالراس
بعد ماخلصت قامت من الطفش بتبدل ملابسها مع انها تو مبدله لكن زهقانه احتارت تطلع فستان ولا بنطلون وتيشرت ولا تنوره وبلوزه مو عارفه وش تختار سمعت صوت بطنها حطت ايدها على بطنها يووه مره جوعانه لكن شسوي ماعرف اتصرف وهنا بالغرفه مافي اكل قامت وتوجهت للثلاجه لقت حلاويات وفيه ويسكي (خمر) بانواعه ابتسمت وبغت تضحك وهي تتذكر هالذكرى اللي مع مريم كانوا طالعين للبحرين (اسيل خذت جدتها ومعهم اخوها فهد ومريم مع اهلها) وطبعا مريم واسيل كانوا بغرفه
اسيل(وهي تتمدد على السريرزهقت
مريم:وانا جعت
اسيل:الثلاجه شوفي وش فيها
مريم(قامت وفتحتهاكالعاده الحلاويات والويسكي
اسيل(قامتطيب ارمي لي تويكس
مريم:مافي تويكس
اسيل:طيب اي شي
مريم:اوكي
ومدت يدها وطلعت قالب شوكليت سويسري وفتحته وتوجهت لاسيل
اسيل(مدت يدها بملل واخذت قطعه وكلت)
مريم:شرايك نطلع
اسيل:لا مالي خلق
مريم:اوكي انا بنام شوي
اسيل(فجأه صرختوش رايك نسوي اكشن
مريم(تحمست تعرف اسيلاي وشو اطربينا
اسيل(ابتسمت بخبث وهي تأشر على الثلاجهقلتي لي وش فيها
مريم:فيها عصيرات وحلويات وويسكي
اسيل:ههههههه طيب تعالي
وقامت معها مريم وفتحوا الثلاجه وطلعت قنينه (علبه) صغيره وشكلها ويسكي
مريم:وش بتسوين
اسيل:خل نجربه
مريم(طلعت عيونهاصاحيه انتي
اسيل:عادي بس شوي مايأثر
مريم:من جدك حرام
اسيل:كلي تبن وتعالي عادي
مريم:مستحيل تبيني ادوخ
اسيل:انتي مصدقه الافلام المصريه نشرب شوي بس بجربه يلا
مريم:شوي بس
اسيل:اوكي
وفتحته اسيل وشمت ريحته
اسيل(وهي منقرفهوع ريحته
مريم:وتبينا نشربه
اسيل(سدت انفها وشربت نص العلبه)
مريم:خلاص هاتي
(وسحبت منها القزازه وشربت شوي)
مريم:وععع وش هالعفن
اسيل:ههههههه وناسه
مدت يدها وخذت شوكلت وهي تبتسم على هالذكريات اللي مستحيل تنساها راحت للسرير وفتحت شنطتها وطلعت الاي بود وحطت السماعات باذنها وحطت اغنية (عيال حارتنا)
..........................................
...........................................
زمان أول احس انه زمان ما عليه قصور
نحب ونخلص النيه وتجمعنا محبتنا
زمان ما فيه لاغيبه ولا حتى نفاق وزور
ياليته بس لو يرجع ونسترجع طفولتنا
صغار وقلوبنا بيضه نعيش في عالم محصور
صحيح صغار في التفكير لكن ما علينا قصور
نخطط نكسر اللعبه وتسعدنا شقاوتنا
نروح المدرسه بدري ونضحك داخل الطابور
نحاول نزعج العالم في روحتنا وجيتنا
وعشان نأخر الحصه نخبي علبة الطبشور
نشاغب بس في الاخر تميزنا برائتنا
نحب الضحك والهيصه نحب النط فوق السور
نفرفش ليه ما نفرفش مدام الضحك عادتنا
ولكن دارت الايام وبان الخافي والمستور
وصار الهم متعلي على قمة سعادتنا
كبرنا وصارت الدنيا تصف احزاننا بالدور
تهدينا الألم والهم غصب عن عين رغبتنا
تعبنا من بلاوينا أحد ضايق وأحد مقهوور
كلن غارق بهمه وفي الاخر تشتتنا
وانا ما اقول غير الي ياليت ان الزمان يدور
ويرجع للورى فتره نعدل وضع عيشتنا
..................................................
.............................................
شالت سماعات الاي بود و حست بالدموع تتجمع بعيونها صدق زمن اول ياريت يرجع قبل ماكانت تهتم للهموم ولا تفكر ولا تشغل بالها بشي طايشه ومستمتعه بحياتها لكن الحين تغيرت
قطع افكارها صوت الباب ينفتح بسرعه مسحت دموعها قبل مايشوفها
دخل ياسر وهو ساكت وشافها قاعده على السرير وتناظره بعتب وعيونها باين انها كانت تصيح بس من ايش مو عارف تنهد وتوجه لها وقال:احم شفيك تناظريني كذا
اسيل(حست بنظراتها وشالت عيونها عنه وقالتلا بس طولت
ياسر(يصرف الموضوعكان عندي شغل
اسيل:اووف الشغل لاحقك لهنا
ياسر:ماعلينا شفيك قاعده ومكتئبه
اسيل:يعني انت جايبني هنا عشان تحبسني من الصبح طالع وتو ترجع
ياسر:معليه بكره اعوضك الحين تعبان وابي انام
اسيل:بس انا (وبعدين سكتت كانت بتقوله جوعانه بس ماتبي كرامتها فوق كل شي)
ياسر(استغربانتي ايش
اسيل:ولاشي
وقامت وقالت:تصبح على خير
وراحت قعدت عالكنبه اما هو تنهد ونام وهو ماله خلق دلعها تعبان وافكاره مشوشه وبكره يصير خير
.................................................. .........................
ثاني يوم الصباح بالسعوديه تحديدا الشرقيه وبالخبر
فيصل:من جدك يمه مستحيل
امه:وليه مستحيل بنت خالك وهي اولى فيك
فيصل:بس انا مابيها ابي رنا
امه(بعصبيهيووه من رنا ماشلتها من راسك
فيصل(وهو يجلسولا بشيلها
امه:لا بتشيلها انا خلاص بعد يومين بروح الرياض بقابل خالك وبكلمه بالموضوع
فيصل:يمه انتي كذا تحطميني انا مابي غير رنا
امه:لا مستحيل اخذ بنت الشوارع هذي
فيصل:استغفري ربك يمه وشو بنت شوارع يعني لانها بنت فقر صارت بنت شوارع
امه:فيصل لاتناقشني بهالموضوع انا قررت اخطب لك بنت خالك
فيصل:يمه انا حتى ماعرفها بنت خالي هذي
امه(ابتسمتبتعرفها قريب لما تصير زوجتك
فيصل:يوووه يمه لاتقولين زوجتي انا ماباخذ غير رنا
امه(عصبتتراك دوشتني برنا وش لاقي فيها بنت هالفقر
فيصل:انا حر هذي حياتي وانا اللي بقرر اخذ من
امه:شوف يافيصل والله ان خذيت هالرنا وماطعتني وخذيت بنت خالك لاكون امك ولا اعرفك
فيصل(تنهد وقام لامه وحب راسهااستغفري ربك يمه وش هالكلام تعرفين ماتهونين علي لكن
قاطعته امه وقالت:يمه هذي رنا طمعانه بفلوسك وغير كذا مهي من ثوبنا
فيصل:وانتي شدراك انها طمعانه
امه:يعني ماتعرف ابوها عطالي مايشتغل ماسئلت نفسك ليش
فيصل:عارف لكن انا بتزوجها مابتزوج ابوها
امه:ولو يافيصل انا ابي لك الشي الزين ابوها حقير وكم مره دخل السجن بعدة تهمات ومستعد يبيع بنته لاي واحد يدفع له
فيصل:زين يمه وش علي من ابوها انا بجيبها هنا بخلصها من عيشتها
امه:فيصل انا اللي عندي قلته وخلاص تعبت ومو قادره اتكلم روح من وجهي
فيصل:بس
قاطعته وهي تصارخ:روح اطلع بره
فيصل تنهد وطلع لبره البيت وهو تفكيره مشغول برنا وكره بنت خاله اللي تتكلم عنها امه من الحين كرهها مع ان مالها ذنب لكن هو مايبي غير رنا مايحب ولا يعشق غيرها ومتاكد ان رنا له ومو لغيره لكن شيسوي بساير امه مايقدر يزعلها ولا يتعبها خصوصا ان عندها القلب واكيد بيخاف عليها فلازم يسوي اللي تبيه امه لكن مو معنى هذا بيتخلى عن رنا ومابيحاول يكلم امه بالموضوع لا بيتم يقنعها
.................................................. ...........................
قامت اسيل وهي منزعجه من نومتها عالكنب وغير كذا ماكانت متغطيه زين حست بخنقه ماتدري ليه ومو قادره تاخذ نفس قامت لشنطتها وطلعت البخاخ وبخت مرتين حست انها احسن توجهت للحمام وبعد ماطلعت شافت ياسر للحين نايم ابتسمت وقالت بنفسها:الله لايحرمني منك
وضحكت على نفسها شكلي طحت ومحد سمى علي حست ببرد راحت وبدلت ملابسها بالحمام ولبست جاكيتها ولبست فوقه جاكيت ياسر وهي تضحك على خفيف حالفه تخلي هاليوم غيررررر وتعدل من نفسها ياسر يحبها وش تبي اكثر من كذا ومدلعها ومغرقها فلوس وش تبي اكثر من كذا لازم ترضى بنصيبها نست تصلي قامت وتوضت وجمعت وبعد ماخلصت لفت لياسر وللحين نايم راحت تصحيه لكن قعدت تتامل بوجهه اول مره تدقق بملامحه زين كان هادي ونايم بسلام ومو حاس بشي وكانه طفل مدت يدها بتصحيه لكن فاجئها وهو يمسك يدها
اما هي كانت واقفه من الخرعه طاحت على ركبها وايدها بايده
اسيل:يمه خرعتني
ياسر:هههههههه شتسوين عندي
اسيل(وهي تقوموالله بس كنت بقعدك
ياسر(ابتسم شكلها خايفهاي صح صدقتك
اسيل(شهقتليه كنت ناوي تكذبني
ياسر(حب يلعب باعصابهابصراحه ايه
اسيل(سحبت يدها من ايدهوليه وش كنت فاكر بسوي فيك
ياسر(وهو يبتسم بخبثيمكن كنتي بتبوسيني
اسيل:نعم من زينك ابوسك اخر شي كنت افكر فيه
ياسر(وهو مسوي نفسه زعلانليه ماستاهل بوسه
اسيل(انحرجتمدري
ياسر:خلاص روحي ياحلوه مصدقكك اصلا من زمان
اسيل(ابتسمت دايم يناديها بالحلوهاشوا
ياسر(قام وقف قدامها بالظبط وقرب وجهه وباسها وتركها مصدومه وتوجه للحمام)
اسيل(قعدت ووجهها احمر من الخجل ماتوقعت يبوسها ياربيه لازم يحرجني مدت يدها لشفايفها وقالت والله احلى بوسه)
بعد ماتجهزوا طلعوا الثنائي يقضون وقتهم مع بعض واول شي سووه توجهوا لمطعم يفطرون
اسيل:وش تبي تفطر
ياسر:ليه عازمتني الاخت
اسيل(انحرجتايه
ياسر:خلاص كل شي منك حلوو
اسيل:طيب بطلب كراوسون وعصير برتقال
ياسر:اخس يالصحيه وش هالفطور الصحي
اسيل:لاتتمصخر احمد ربك بعد
ياسر:هههههه خلاص لاتنافخين
اسيل قامت وقفت بتروح تطلب
اما ياسر دق جواله ورد عليه
ياسر:هلا والله
الريم(ابتسمتشحالك
ياسر:بخير انتي شخبارك
الريم:زينه الحمدالله
ياسر:غريبه مارحتي لدبي
الريم:ماروم
ياسر:ليه
الريم:جذي ظروف
ياسر:مايصير اعرفها
الريم:هيه
ياسر:براحتك
الريم:استاذ مو تزعل
ياسر:لالا مافكرت ازعل لكن قلت يمكن اقدر اساعدك
الريم:ماشي هي ظروف عاديه بالشغل
ياسر:الله يوفقك
الريم:امين الا شحال مرتك
ياسر :الحمدالله بخير
تقدمت اسيل ومعها الطلب وشافته يسولف بالجوال ويضحك استغربت بس قالت يمكن واحد من الشغل تقدمت وقعدت على الطاوله وهي تحاول تعرف من اللي يتكلم معاه
ياسر:لا قلت يمكن تروحين
((اسيل عرفت ان اللي معاه بنت))
ياسر:هههههه لا كلها اسبوعين
((اسيل(بنفسهالا وماخذ راحته))
ياسر:اوكي ماطول عليك باي
بعد ماسكر رفع نظره لاسيل وشاف نظراتها له وشكلها تغير .. ووجهها متغير استغرب وقال:شفيك
اسيل:من كنت تكلم
ياسر(ابتسم وقال بنفسه بديناسكرتيرتي
اسيل:وتضحك عادي معها ومو احنا بالويك اند يعني مفروض ماتكلمك
ياسر(ابتسميالحلوه ليه معصبه
اسيل:ياسر لا تضيع السالفه ليش تكلم الريم قدامي تعرفني ماطيقها
ياسر:طيب والاسباب
اسيل:بس ماحبها
ياسر(اخفى ابتسامته وقال والله لاخليك تعترفينلا ابي اعرف
اسيل:بس ماطيقها احسها (وسكتت)
ياسر:تحسينها شنوو
اسيل(بخجلبتاخذك مني
ياسر(صرخاخيرا اخيرا
والناس قاموا يطالعونه مستغربين واسيل استغربت منه ومن حركته وش يقصد
اسيل:شفيك ليه تصارخ
ياسر:يعني ماتدرين ان (واشر على قلبههالقلب يعشقك
اسيل(انصدمت ماتوقعت يعترف لهااممم احم مدري شقولك لكن حتى انا
ياسر:انتي شنو قوليها
اسيل(بخجلقلبي يعشقك
ياسر:هههههه ياعمري انتي
اسيل:اذا عمرك لاتكلم الريم الا بالشغل
ياسر:من عيوني ياعيوني
اسيل:يلا افطر
وقاموا يفطرون وياسر ماشال عينه عنها اخيرا تحقق حلمه ووصل للي يبغاه
.................................................. ...................

***مزون شمر*** · 15-06-2012, 03:55 PM

رد: { رواية هذي الدنيا}

دخل البيت وهو تعبان كالعاده لكن مستانس لانه اخذ اجازه اسبوع كامل بيرتاح من الهم والغم وبيرتاح من الشغل والتعب وبيفضى اخيرا وبيرفه نفسه دخل للصاله وشاف عبدالله قاعد يلعب بلاي ستيشن ومندمج
محمد(وهو يجلس بتعبمرحبا يالشيخ
عبدالله(وقف لعب ولف على خالههلا وغلا بالقاطع
محمد:ههههههه شلونك عبودي
عبدالله:بخير انت وينك مختفي
محمد:بكره تكبر وتشتغل وتحس باللي احسه
عبدالله:يصير خير الحين خلني عالبلاي ستيشن
محمد(نادى الخدامهتيفاني تيفاني
جت الخدامه وطلب منها عصير بارد
محمد:الا شمسوي بدراستك
عبدالله(وهو يرجع للعبولا شي كالعاده
محمد(تنهدلازم تشد حيلك
عبدالله:لاتخاف علي سبع
محمد:هههههههه والنعم بك
نزلت مريم وهي تسمع اصوات ضحك وسوالف توجهت للصاله وشافت محمد مع عبدالله تقدمت وقالت بصراخ:حموووووووودي هلا والله
محمد:هلا بالعسل مريم تعالي جمبي
مريم(راحت وقعدت جنبهوينك مانشوفك اشتقنا لك
محمد:شدعوه مسافر انا تراني معكم بالبيت
مريم:اي بس الشغل خذك منا وماعاد نشوفك
محمد:يلا لعيونكم خذت اجازه اسبوع
مريم(وهي تصارخ من الفرحهوناسه ماصدق اجازه مره وحده واخيرا
محمد:هههههه يلا امروا وتدللوا وين ماتبون بوديكم
مريم:والله ورجعنا لايام العز
وقطع سوالفهم تيفاني وهي جايبه العصير وقدمته لمحمد وهو شربه مره وحده من العطش والتعب
محمد:يلا بقوم ارتاح عشان اقوم ونطلع نتمشى ونتعشى بره
مريم:ياسلام .. الا بسئلك ماعرفت شي عن ابوي
محمد:يووه نسيت اقولك بيجي بعد بكره
مريم(فرحت وقعدت تصارخكذاب قول والله
محمد:اصغر عيالك انا
مريم:ههههههه لابس مستانسه مو مصدق
عبدالله ترك اللعب وجا يركض
عبدالله:والله جاي ياربي اخيرا اشتقنا له
محمد:ههههههه يلا اترككم بروح ارتاح
وقبل مايقوم قال بتساؤل:الا وين امكم
عبدالله:نايمه
محمد:اها طيب سي يو
مريم ماردت فرحانه وتحس انها طايره من الفرح اخيرا نور البيت بيرجع اخيرا يارب صبرني على هاليومين صبرني لبعد بكره وناسه مو مصدقه الله يرجعك بالسلامه يالغالي
.................................................. .........................
ثاني يوم (امريكا)
.......:مات

***مزون شمر*** · 15-06-2012, 03:56 PM

رد: { رواية هذي الدنيا}

تكملة البارت 18

ثاني يوم (امريكا)
.......:مات
كانت هذي صرخة رنيم لما عرفت بموت جان ركضت لدوم وهزته بقوه وهي تتكلم بكلمات مافهمها دوم
رنيم:ياحقير ياحقير ليه قتلته ليه
دوم(دفها عنه وهو مو فاهم منها ولا كلمه لانها تتكلم بالعربي)
رنيم(طاحت عالارض وقالتوالله ماخليك والله لا اقتلك
وراحت ركض للغرفه ولحقها دوم وهو نيته خبيثه قبل ماتطلع مسدس من غرفة جان كان دوم ماسكها وهو يقول:واخيرا اصبحتي لي
رنيم(بعدت عنه وهي خايفهماذا تريد
دوم(ابتسم بخبث وقرب منها وهي جت تهرب وتطلع لكن ماقدرت دوم الحقير قتل جان بسبب خلاف بينهم لان دوم يبي رنيم لكن جان منعه ان يمسكها فتخلص منه عشان رنيم تكون له .. رنيم صرخت وحاولت تستنجد لكن وين هذي امريكا مو السعوديه قرب منها وقرب ومسكها وهي خايفه وترتجف صحيح انها كانت حره وافكارها اجنبيه لكن ماسمحت لاحد يلمسها بهالطريقه ممكن تضم او تحضن لكن هالطريقه البشعه بحياتها ماجربتها اما دوم ماهمته صار يقطع بملابسها)
وصل على الشقه وهو متاكد ان هذا العنوان اللي اعطاه اياه جان لانه كان خايف على رنيم دخل وهو خايف من الصراخ اللي يسمعه توجه لمصدر الصوت ومسك مقبض الباب لكنه كان مقفول حس بالعذاب وهو يسمع بنته تصرخ وتستنجد ولا احد معها ركض للتلفون ودق على الشرطه وحاول يكسر الباب حاول وحاول لين مافتحه وشاف رنيم بشكل بشع حاول يتمالك ركض لها وقالها: روحي اهربي انا ببعده عنك
رنيم(وهي تصيح بشكل هستيريلالا بابا مقدر اروح واتركك
ابوها:رنيم روحي
ماكمل كلمته الا وماسكه دوم لكن وصلت الشرطه ومسكوا دوم واخذوه معهم وحققوا مع رنيم وابوها وبعد كذا رنيم ركضت لحضن ابوها وهذي اول مره تحس بالحنان صحيح الاب مايتعوض وقررت انها مستحيل تتركه وبترجع معه لان ماعاد لها احد هنا جان ومات وهي شتسوي مستحيل تبقى بغابة الوحوش هذي
رنيم(وهو حاضنه ابوها ودموعها على خدهابابا انا اسفه سامحني
ابوها(ابتسم واخيرا صارت بنته معه وبيرجع لوطنه واهله هناكمسامحك يابابا لكن خلاص مالك قعده هنا
رنيم:افكورس مستحيل اقعد هنا (وبعدت عن حضن ابوها وقالتانا خلاص قررت ارجع معاك
ابوها:اوكي مستعده تقابلين اخوانك
رنيم:يسس
ابوها:بيكون لك اخ واخت بس
رنيم:وش اسمائهم
ابوها:مريم و عبدالله
(اللي ماعرفتوه وماوضحته ببداية القصه ان احمد (ابو مريم) كان متزوج اجنبيه وبعدهارجع للسعوديه واهله غصبوه على البتول وهم مو عارفين ان ولدهم متزوج اجنبيه فحملت البتول وهو سافر لام رنيم وحملت وهو مو داري انها حامل لكن اكتشف انها ماتبي منه غير فلوسه وخاينه فرجع للسعوديه لين ماجابت البتول (مريم وعبدالله) وعرفت انه كان متزوج ومن يومها ماتطيقه ولا تبيه وقاعده عشان عيالها وبعد سنين لما صار عمر رنيم 18 وصارت مراهقه وماعليها من احد وطايشه مثل امها طردتها امها من البيت لانها تقدر تعتمد على نفسها واتصلت على ابوها وقالتله اني كنت حامل وبنتك ماصرت اتحملها روح خذها ومن يومها وابوها بس يبي يجيبها ويحميها ويرجع يربيها)
رنيم:طيب متى بنرجع
ابوها:بكره هاه مستعده لل
قاطعته بسرعه وهي تقول:نوو نوو انت روح وانا بلحقك
ابوها:ليه ماترجعين معي
رنيم(وهي تتذكر اسيللا يابابا انا بس خلي الاجازه تخلص وابي صديقتي وعدتها بشي ولازم افهمها اني بسافر
ابوها:خلاص انا مني راجع مايصير اتركك
رنيم:لا يابابا روح وقولهم ان لهم اخت وانا بقعد عند وحده عجوز طيبه وابشرك عربيه
ابوها:هههههههه من وين جبتي ابشرك
رنيم:من صديقه لي
ابوها:خلاص نروح للمره هذي واتطمن عليك واسافر
رنيم:اوكي
ابوها(ابتسم وخذها بحضنه وهو لازم يعلمها الصح من الغلط لازم يبعد هالحريه الزايده من عقلها ويرجعها لاصلها واصل اجدادها)
.................................................. ..........................
كانوا الثنائي يتمشون بالسوق واسيل اشرت لياسر على محل رجالي وقالت:ياسر تعال بدخل هالمحل
ياسر:شتبين فيه محل رجالي هذا
اسيل:تعال بس خل اختار لك بدله
ياسر(ابتسم وبانت غميزاتهاوكي يلا
ودخلوا وكان في ثنتين يشتغلون بالمحل ولابسين لبس رسمي اللي هو تنوره فوق الفخذ يعني مره قصيره وبلوزه كم كامل وكانوا شقر ابتسموا لياسر وماعطوا اسيل وجه واسيل انقهرت كانت ودها تذبحهم لكن طنشت ودخلوا لداخل المحل وقعدت اسيل تختار لين ماختارت بدله مناسبه وحلوه لياسر وقالت:ياسر تعال قيسها
ياسر:اشوف (ومسك البدله وهو يقولالله وش هالذوق
اسيل:اقول روح غرفة القياس وقيسها
ياسر:اوكي لاتنافخين
اسيل:هههههههه
وراح ياسر للغرفه وقاس البدله وطلعت جنان عليه والاجنبيات اللي يشتغلون انهبلوا عليه ووراحوا اختاروا بدله له وقربوا منه واسيل مستغربه وقاحتهم واللي قهرها ان ياسر عطاهم وجه وطنشها لفت وجهها عنهم وقعدت تقول يارب يارب صبرني لاروح الحين اذبحهم وضبطت اعصابها ولفت لقت وحده منهم على جهته اليمين والثانيه عاليسار ويسولفون ويضحكون معه وهو طاق ميانه معهم حست بالنار تغلي بداخلها لكن طنشت وطلعت من المحل وادعت انها مو مهتمه وهي من داخل منقهره لكن شلون تتصرف ماتقدر ماعندها الشجاعه تبعدهم عنها مو عارفه تتصرف كزوجه ناضجه وش تسوي ماتعلمت ولاخذت خبره من احد حست بالدموع وانقهرت من دموعها اللي ماتصدق يجي موقف وتنزل وقالت بنفسها ليه ليه على طول دموعي نازله ليه ماعرف اتصرف اشوفهم ياخذون ياسر مني وانا واقفه متكتفه
ياسر حس عليها انها زعلت ندم انه سولف معهم وعطاهم وجه راح فصخ البدله وحاسب عليها وطلع وطنشهم وراح شاف اسيل قاعده ومعاها واحد ويسولف معها عصب ومشى لعندهم اما اسيل من شافته وقفت وقالت بلهجه تقهر ياسر:ياسر هذا رائد معاي بالمدرسه
ياسر(مسك اعصابهاهلين تشرفنا
اسيل:رائد هذا زوجي ياسر
رائد(بدهشهمتزوجه مو مبين عليج
ياسر(وهو وده يخنقهمو لازم يبين (والتف على اسيليلا اسيل بنمشي
اسيل(وهي تقعدليه خلنا شوي مع رائد
ياسر:لا قومي وراي شغل
رائد(حس ان فيه سوء تفاهمخلاص انا اترككم تتفاهمون
اسيل:لا رائد اقعد مشتاقين لك
رائد(مستغرب من اسيل هي تكرهه وماتعطيه وجه غريبه عليها هاللطفلالا بمشي
اسيل(انقهرت منهخلاص مانعطلك باي
رائد:بايات
وراح رائد واسيل مازالت قاعده وودها تصيح لانها سوت كذا ماتدري ليش كل موقف يمر عليها ولو تافه تتمنى تصيح وش هالدموع ماتجف ماتخلص
ياسر قعد جنبها وهو يقول:وش هاللي سويتيه
اسيل(ببراءهوش سويت
ياسر:وهذا اللي قاعده معه مين
اسيل:قلتلك زميل بالمدرسه
ياسر:ومن متى هالزماله مو احنا قلنا عيال لاء لاتزاملين عيال
اسيل:ياسر وش فيك معصب انا حره
ياسر:لا مو حره وامشي قدامي للفندق
اسيل:وشو الفندق تونا طالعين ماتمشينا
ياسر(وهو يتكلم من بين اسنانهامشي بالطيب احسن لك
اسيل(خافت من نبرته لكن كابرت وقالتواذا مامشيت
ياسر:انا اعلمك شلون تمشين (ومسكها من يدها وسحبها معه)
اسيل:ياسر شفيك مو قدام الناس شوف شلون يطالعونا
ياسر(هد ايدها وقالاجل امشي
ومشت وهي فيها الصيحه من هالاسلوب اللي يعاملها فيه وتوجهوا للفندق ودخلوا جناحهم واول مادخلوا مسك ياسر ايد اسيل وقالها:فسري اللي سويتيه
اسيل:وش فيك يعني مثل مانت تسوي انا بسوي
ياسر(وهو يدفها عالارضانا رجال رجال
اسيل(ونزلت دموعهاوش فيه فرق عالاقل انا ماتلصقت فيه وقعدت اضحك معه
ياسر:يعني اعتبر هذا الشي وحده بوحده
اسيل(شهقت بالصياح وهي تتذكر شكل ياسر مع البنتين منقهره منه وكتمت دموعها ولا صاحت لكن الحين ماتقدر تكتم اكثر من كذا)
ياسر(استغرب ليش كل هالصياح لكن تعود على صياحها اللي بسبب وبدون سبب فتركها وتوجه للغرفه لان مايبي يضعف وياخذها بحضنه خل تعرف شلون تحترمني وشلون مره ثانيه تقعد مع واحد غريب)
اما اسيل صارت تصيح بقوه منقهره منه ليش يروح ويتركها ليش مايراضيها مثل قبل ماعرفت وش تسوي راحت للكنبه ونامت عليها
.................................................. .......................

***مزون شمر*** · 15-06-2012, 03:57 PM

رد: { رواية هذي الدنيا}

رجع رامي لبيته وشغله ورجع لحبيبته مريم
كان قاعد بمكتبه وفاضي فتذكر مريومته مد يده لجواله ودق عليها وهو ينتظر يسمع صوتها
مريم:اهلين
رامي:هلا والله
مريم(وهي تقلد نبرته بضحكهلا فيك
رامي:ههههههه شلون حبيبي اليوم
مريم:تمام انت شخبارك
رامي:بخير من سمعت صوتك
مريم:احممم انت وصلت
رامي:ايه وقاعد بمكتبي
مريم:الحمدالله على السلامه
رامي:الله يسلمك حبيبتي الا ماقلتي لي شخبارك مع الدراسه
مريم:نص ونص
رامي:شدي حيلك لا اوصيك
مريم:من عيوني
رامي:تسلم عيونك
اندق باب غرفة مريم وقالت:رامي دقيقه اوكي
رامي:اوكي
وقالت مريم للي يدق الباب:مييين
محمد:انا .. وينك بنطلع
مريم:اوكي دقايق وجايه
محمد:يلا انتظرك
ورجعت السماعه لاذنها وقالت:رامي بعدين اكلمك الحين طالعه
رامي:اوكي حياتي باي
مريم:باي
.................................................. ..........................
صحت الصبح وهي متكسره من النوم عالكنب حست باعظامها متكسره قامت وهي تتثاوب شافت نفسها نايمه بملابسها وبجزمتها عقدت حواجبها وتذكرت وش صار امس معاها تنهدت وهي منقهره ودها تضرب ياسر على اللي سواه ... فيها قهر مكبوت ودها تطلعه عليه واسيل اذا انقهرت وماقدرت تسوي شي للي قدامها دموعها تنزل بضعف لكن بعمرها ماكانت ضعيفه من عرفت ياسر وصارت اضعف الناس ماتقدر تتحكم بدموعها ولا باحاسيسها ولا بمشاعرها ياسر غيرها قلب حياتها
قامت متوجهه للحمام خذت شاور وبدلت وطلعت وتوجهت لشنطتها وطلعت بنطلون جينز موديل الجزره (سكني يعني ) (ضيق من تحت) وقميص ابيض نص كم وفوقه مثل السديري قصير ولاصق عالجسم ...
ومشطت شعرها وخلته مفكوك وهي تتامل شكلها بالمرايا راضيه عن نفسها مدت يدها وتعطرت من عطرها المفضل (فور ايفر اند ايفر ديور) وراحت تشوف ياسر بالغرفه الثانيه مدت يدها وفتحت الباب بهدوء وطلت براسها تشوفه نايم ولا عصبت وانقهرت وحست بالدم يفور بداخلها لما ماشافته موجود ضربت رجولها بالارض وهي معصبه دخلت لداخل الغرفه وماشافت احد قالت:ياسلام طالع الاخ من صباح ربي وتاركني وش هالاجازه الغم
توجهت للكنبه وقعدت عليها وهي تضبط اعصابها لا تسوي شي تندم عليه بعدين فكرت انها ليش ماتطلع بس بعدين بعدت هالفكره عن راسها تخاف تضيع وهي ماتعرف شي هنا حتى اسم الفندق ماتعرف طلعت من الغرفه وخذت حبيبها وصديقها ومرافقها لكل مكان الاي بود وتوجهت للكنبه وقعدت عليها وحطت اغنية (Love 4 Fun) للمغني (Enrique iglesias)
وقامت ترقص مع الاغنيه وتناقز وتحاول تنسى ياسر شوي وصارت ترقص اجنبي وتستهبل وهي تطالع المرايا وشوي تطلع لسانها وقعدت تستهبل لين ماخلصت الاغنيه ورمت نفسها عالكنبه وهي تتنفس بقوه من التعب ضحكت على هبلها وحست ان الملل بهالطريقه ممكن يروح جت ببالها تحط اغنية ورى اغنية وتستهبل لين مايجي ياسر طلعت الاي بود من جيبها وصارت تدور بالقائمه
وحطت اغنية (براحتي) للمغنيه (نيكول سابا)
وصارت تغني معها وترقص باندماج وتدندن مع الاغنيه:
براحتي
مافيش حد حيحكم فيا
ويأيدني شويه شويه
كل يوم يعملي حكايه
شمعنى
لازم ارضى بكل اطباعوا
زي ماكون خاتم في اصباعوا
الحال ده ماينفعش معايا
انا وحده بحب الحريه
مش عايزه حبيبي يخنق فيه
بصراحه محدش يستاهل
علشانوا انام يوم زعلانه
الدنيا دي لعبه بنلعبها
يا بنخسرها يابنكسبها
وانا كل اللي بيشغل بالي
اطلع في الاخر كسبانه
براحتي
دخل ياسر للجناح وهو مستغرب من الضجه اللي فيه دخل بهدوء للصاله وشاف اسيل ترقص ومنهبله عقد حواجبه وقال بنفسه لايكون البنت انجنت شاف شلون حركاتها وهزات خصرها البسيطه كتم ضحكته وتم يطالعها هو توقع انها تكون زعلانه منه بس شكلها اذا زعلت تصير مجنونه صار يطالعها بحذر وهو مبتسم اسيل مرحه وفرفوشه وللحينها صغيره تعتبر طفله بالنسبه لي بس اموت فيها واموت بأي شي يتعلق فيها
خلصت الاغنيه واسيل تنهدت بصوت عالي وهي تجلس عالكنبه هذي خامس اغنيه ترقص عليها تعبت وحست بضيقه هي عندها ضيق تنفس (ربو) ومفروض ماتجهد نفسها بهالشكل قعدت تتنفس بقوه وتكح
ياسر استغرب شفيها اختفت ابتسامته وراح لها وقال بخوف:اسيل وش فيك
اسيل(وهي تكح ابتسمت جاها المنقذالبخاخ جيب البخاخ
بعد ماجابه وبخ لها ارتاحت شوي
ياسر:شلون تحسين الحين
اسيل:احسن
ياسر:مفروض ماتجهدين نفسك بهالشكل
اسيل(التفت لهشقصدك
ياسر:اقصد بالرقص ذبحتي نفسك رقص
اسيل(استحت وتفشلت انه شافها كانت تستهبل هبال مو طبيعي حست بخدودها تحرقها من الفشله قالتانت شفتني
ياسر(ابتسم من شكلهااي شفتك (وقال بمزحوش هالرقص ماتعرفين ترقصين
اسيل(خلاص حست انها بتدوخ من الفشيله قالت بنفسها يوه شكله حسب ان هذا رقصي يلعن ام الفشله)
ياسر:شفيك ماتردين
اسيل(وهي تكلم نفسها ارد وش اقول)
ياسر:عموما البسي بنطلع
اسيل(هزت راسها وبس مالها وجه تتكلم)
ياسر:شفيك وين لسانك
اسيل:خلاص فهمت الحين بقوم اتجهز
ياسر:انتظرك
اسيل قامت للحمام ونست زعلها من ياسر من تشوفه تنسى كل شي بحياتها ماحست بالفشله من احد ولا اهتمت لانتقاد اي احد لكن هو غير تنهدت بصوت واطي وهي تقول والله وغرقت لشوشتي
وخذت شاور بعد الرقص وطلعت ولبست بنطلون رصاصي موديل الجزره وبلوزه بيضا مخططه بالرصاصي نص كم وتعطرت وخلت شعرها المبلول على اكتافها وقصتها (غرتها) على جنب شافت شكلها بالمرايا وقالت: ياربي شعري طول صار قريب من اكتافي لازم اقصه
سمعت صوت من وراها:لاء قص مافي
التفت اسيل لياسر وهي مرتعبه
اسيل:خوفتني
ياسر:ليه شايفتني وحش
اسيل:لا بس لانك دخلت علي فجأه
ياسر:مو مهم المهم ان مافي قص
اسيل(وهي تمسك شعرها اللي صار قريب لكتوفهاياسر شوف يضايقني ماتعودت
ياسر:شلون ماتعودتي
اسيل:يعني صار يضايقني ويلمس رقبتي وانا مو متعوده ماحب
ياسر:غريبه وش هالافكار
اسيل:اووف انا تعودت كذا خلني على راحتي
ياسر(وهو يتأمل شعرها اللي طول عن قبل وصار احلى وبين وجه اسيل وخلاه احلى واحلىلا مافي قص انا عاجبني كذا وهذا اخر كلام
اسيل(بينها وبين نفسها ابتسمت مدام ياسر يبي كذا خلاص مستحيل اقصهاوكي امري لله نطلع الحين
ياسر(ابتسم صايره تسمع الكلامنطلع
(ومسك يدها وطلعوا يقضون يومهم)
.................................................. ....................
البسمه ابد مافارقتهم والفرحه واضحه بعيونهم ماسكه يده وابتسامة فرح على وجهها خلاص عشقت ياسر وحبه تربع بقلبها تحبه وتحب كل شي فيه تفرح اذا كانت معه وماسكه يده تضحك وتستانس من ابتسامه من ابتساماته الجذابه تموت عليه ومستحيل بيوم تتركه او تتخلى عنه تعلقت فيه ومابتتركه بتغرقه بحبها وبتعوضه عن اول ايام زواجهم الكئيبه واللي كانت تسبب هالكئابه اسيل لكن هي تغيرت ومستعده تقسم للعالم انها تغيرت خلاص انا حبيت ياسر حبيته ياناس التفت له وقالت:ياسر
التف لها بابتسامه:يالبيه
اسيل(ابتسمتزعلان مني
ياسر(عرف وش تقصدوش رايك
اسيل(وقفت وقالتشكلك زعلان
ياسر(وقف معها وقالاذا مابتعيدينها مابزعل
اسيل(قالت بسرعهمستحيل اعيدها
ياسر(ابتسمخلاص ليش الزعل
اسيل(طالعت بعيونهيعني مو زعلان
ياسر:لاء وانا ازعل من حياتي
قربت اسيل منه ومسكت يده وتشبثت فيها وقالت:ياسر لاتتركني خلك دوم معي (وناظرت عيونه برجاءاوعدني
ياسر(وخرها عنه وحطها قدامه بالظبط وقالاوعدك انتي (واشر على قلبههنا ومستحيل اتركك اوعدك ياسيل
اسيل(ابتسمتالله لايحرمني منك
ياسر:ولامنك .. يلا ماتبين تاكلين
اسيل:الا جوعانه
ياسر:تعالي في مطعم بيتزا هنا
اسيل:اوكي
ومشى وهي نادته التف لها مستغرب:شفيك امشي
اسيل(مدت يدها وقالتلاتترك يدي وخليك دايم ماسكها
ياسر(ابتسم ومسك يدها وتوجهوا للمطعم)
وقلوبهم تنبض باحلى حب ((ياترى هل بيدوم هالحب ؟؟))
.................................................. ........................

***مزون شمر*** · 15-06-2012, 04:00 PM

رد: { رواية هذي الدنيا}

حان وقت اللقاء نزل من الطياره على وطنه واهله اللي اشتاق لهم نزل وهو مبتسم بفرح خلاص انتهت المشاكل لكن بقت البتول والبتول طيبه وبتتفهم انا متاكد محد يعرف البتول كثري اخخ يالبتول ظلمتك معاي لكن الحين كل شي بيتصحح
خلص اجراءات المطار وطلع وشاف محمد ابتسم يحب هالشاب بشكل مو طبيعي يحسه رجال بكل معنى الكلمه طيب وحنون ووقت الجد جدي وعنده عقل يوزن بلد
توجه له محمد بابتسامه وضموا بعض وبعدين محمد قال:حيالله احمد نورت السعوديه والله
احمد:ياهلا محمد منوره باهلها شلونك محمد وشلون العيال
محمد:والله بخير والعيال مشتاقين لك
احمد:اي والله ياشين السفر يبعدك عن احبابك
محمد:خلاص هونها هذاك رجعت
احمد:اي رجعت لكن لي امانه بامريكا
محمد(عقد حواجبهوش تقصد
احمد:بعدين بتفهم يلا خل نطلع
مشى محمد معه وهو موفاهم شي .. التف احمد وقال:خبرت الاهل اني بوصل اليوم
محمد:لا خليتها مفاجاءه
احمد:هههههههه حلوو
وتوجهوا للسياره وطلعوا متوجهين للبيت
.................................................. ..........................
صحى ياسر على صوت جواله وصحت اسيل معاه رفع ياسر الجوال وشاف الريم استغرب ليش متصله بهالوقت رد وقال:هلا الريم
الريم:اهلين استاذ اسفه قعدتك من النوم
ياسر:لا عادي بس وش هالاتصال المفاجئ
الريم(بحرجاستاذ الوفد الصيني اصحاب الصفقه اللي انت مأجلها بيوصلون بكره
ياسر(انصدمشلووون مو انا قلت لك اجلي مواعيدي كلها وقولي لهم ينتظرون
الريم:هيه لكن هم مابتريون ومستعيلين
ياسر:شلون يعني
الريم:انت اذا ماييت بيكنسلون كل شي
ياسر(تنهدوالعمل لازم انا اللي استقبلهم
الريم:هيه
ياسر:زين حاولي معهم
الريم:رمستهم لكن هم مستعيلين وايد
ياسر(تاففخلاص حضري لي كل شي وبكره انشالله او بعده اكون هناك
الريم:انزين توصل بالسلامه
ياسر:الله يسلمك باي
الريم:باي
وسكر منها والتفت لاسيل اللي تطالعه باستغراب مو فاهمه شي تنهد وهو يقول:شفيك اسولتي
اسيل:هذي الريم
ياسر:........ ايه
اسيل(بعصبيه خفيفهوش تبي
ياسر:لازم نرجع نيويورك
اسيل(انصدمتليه
ياسر:شغل ضروري
اسيل(عصبتياربييييه وش هالشغل بكل مكان يطلع لنا شغل اووف
ياسر:معليه بعوضك
اسيل:مابي مابي تعوضني ياسر تكفى اجله
ياسر:مقدر حبيبتي ضروري
اسيل:اووف مابي ارجع انا مستانسه هنا
ياسر(قربها منه وقاللاتخافين بعوضك مو شرط نسافر لكن بنيويورك في طلعات حلوه
اسيل(حطت راسها على صدرهطيب كنسل هالصفقه
ياسر:مقدر موقع معهم على عقد
اسيل(غمضت عيونها وهي تقولطيب خلاص نرجع اهم شي اكون معاك
.................................................. .........................
وصلوا للبيت ونزل احمد ونزل وراه محمد وراح احمد ونزل الشنط واحمد توجه للباب ودق الجرس
بهالوقت كانت مريم تطالع ستار اكاديمي اليوم الجمعه ومندمجه معاه وماهتمت للباب وعبدالله كان نايم والشغاله راحت وفتحت الباب ودخل احمد الحوش الشغاله ابتسمت وقالت:الحمدالله على السلامه بابا
ابتسم احمد ومشى للباب وفتحه وماشاف احد دخل لداخل وسمع صوت بالمجلس توجه للمجلس وشاف مريم تطالع التلفزيون تنحنح وهو يقول:شلونك يالغلا
التفت مريم بسرعه وقالت:يبه
ابتسم وهو يفتح ذراعينه لها
وركضت له وضمته بقوه وهي تضحك بقوه
احمد:ههههههه ياهلا بمريومتي ياهلا
مريم:هههههههه يبه حبيبي متى رجعت
احمد:توني جاي شلونك ياروح بابا
بعدت عنه وهي تقول:بخير من شفتك
احمد:ياحياتي انتي شخباركم وشخبار امك وعبودي
مريم(وهي تجلسه وتجلس جمبهكلنا بخير انت بابا شخبارك
احمد:بخير ياعمري
دخل محمد وهو يقول:ياسلام تخليني انا اشيل الشنط وقاعد مع هالعصفوره
احمد:هههههههه معليه وحشتني هالعصفوره
مريم:ههههههه ياربي مو مصدقه حمودي ليه ماقلت لي
محمد(وهو يجلسشرايك مفاجاءه صح
مريم(وهي تحضن ابوهااي والله واحلى مفاجاءه
احمد:الا وين امك
مريم:الكل نايم
احمد(وهو يقرص خدها بخفهوانتي شتسوين لحالك هنا
مريم:اتابع التلفزيون مافيني نوم
احمد:زين بكره مدرسه قومي نامي
مريم:لالا مابروح المدرسه خلاص
احمد:وليه انشالله
مريم:لان محد يروحها هالايام حتى الابلات يغيبون عشان نذاكر
احمد:وليه ماتذاكرين قاعده على التلفزيون بس
مريم:لا بابي بس هذي استراحه
محمد:اي واضح من يوم مرتزه هنا
مريم:لا عاد والله اذاكر
احمد:الله يوفقك حبيبتي وابيك تجيبين نسبه حلوه
محمد:حدها 80 هذي
مريم:لا انشالله بجيب لاتخافون
احمد:اي يبه شدي حيلك هذي ثانويه عامه وتوك بالفصل الاول
مريم:اوف زهقت متى اخلص بس
احمد:لازم تجيبين نسبه حتى تدخلين جامعه
مريم:لا من قال مابي جامعه
احمد:اجل وش تبين
مريم:ابي البيت
محمد:وليه يالفاشله
مريم:حمودي مو كل من قعد بالبيت فاشل
احمد:ههههههه عموما لذاك اليوم يصير خير يلا قومي نامي
مريم:مابي بقعد معاك
احمد:حتى انا بقوم يلا
وقاموا كلهم لفوق ومريم باست ابوها وراحت لغرفتها وهي تحس بفرحه كبيره للحين مو مستوعبه ولا مصدقه ان ابوها رجع والحين هو قريب منها ومعهم بالبيت وتتنفس الهوا اللي يتنفسه تنهدت من قلب وهي فرحانه
ومحمد راح لغرفته واحمد توجه لغرفته وفتح الباب وشاف البتول تطالع التلفزيون راح لها وقال:السلام
طالعت البتول فيه بذهول هذا متى جا وقالت ببرود:وعليكم السلام متى جيت
احمد:توني جاي شلونك
البتول:بخير
جلس وهو يقول:شفيك وش هالبرود
البتول:وشلون تبيني اعاملك اخذك بالاحضان مثلا
احمد(ابتسموليش لاء
البتول(بسخريههذاك اول قبل ما (وسكتت)
احمد:يالبتول انسي تكفين انسي
البتول:شلون انسى وانت كل مره تسافر لها
احمد:والله مو لها والله
البتول:وبشنو افسر سفراتك الا مالها داعي
احمد(بعد صمت طويل....................... لبنتي
البتول(سكتت لدقايق والتفت لهنعم
احمد(وهو يبعد نظره عنهالبنتي
البتول:اي بنت هذي
احمد:يعني اي بنت بنتي من اللي كنت ماخذها
البتول(بصدمهعندك منها بنت
احمد:اي
البتول:وتو تجي تقولي
احمد:ترى انا مادريت الا من كم شهر وبس
البتول:من يوم بدت سفراتك صح
احمد:ايه
البتول:وكم عمرها
احمد:18 سنه
البتول(شهقتبعمر مريم
احمد:تقريبا
البتول:انا مستحيل ابقى هنا
احمد:البتول تكفين انا جاي اصلح كل شي بينا لاتخربينها
البتول:مستحيل يتصلح اللي بينا
احمد:لا بيتصلح
البتول:احمد وش بتسوي ببنتك
احمد(نزل راسهبجيبها هنا
البتول(بصرخهنعم
احمد:يعني وين احطها
البتول(بانفعالعند امها
احمد:امها رمتها ماتبيها
البتول:وانا مستحيل استقبلها
احمد:البتول هونيها علي لاتزيدينها
البتول:ياحمد مقدر
احمد:هذا اخر كلام عندي بتجي البنت هنا ومن بكره الكل بيدري عنها
البتول:احمد صعبه
احمد:لاصعبه ولا شي بنتي تتدمر هناك وانا اتركها مستحيل
البتول ماردت
احمد قرب منها وقال:خلاص يالبتول خلاص انسي مابي اموت وانتي زعلانه علي
البتول(خافت من طرا موته وقالتلا بسم الله عليك
احمد(ابتسماجل خلاص انسي انا حاس ان يومي قرب
البتول:لالا وش هالكلام بسم الله عليك لك طولة العمر
(وهذي بدايه حلوه لهم يارب تدوم *_^ )
.................................................. ...........................

***مزون شمر*** · 15-06-2012, 04:00 PM

رد: { رواية هذي الدنيا}

قامت اسيل من النوم
رفعت راسها وشافت ياسر نايم جنبها ابتسمت وهي تشوفه جنبها وعندها تثاوبت وقامت وهي مقرره بينها وبين نفسها انها تخلي هاليوم غير بتستانس مع ياسر وبتضحك وبتفرح ولا بتخلي شي يعكر مزاجهم يكفي هالريم اللي عكرت مزاجها وخربت سفرتهم توجهت للحمام وطلعت ولقت ياسر للحين نايم ابتسمت بخبث ونطت للسرير وصارت تناقز عليه وتقول:ياسر قوم قوم بسرعه
ياسر(اخترع من صوتها فتح عيونه وشافها تناقز مثل الاطفال غمض عيونه بارتياح حسب ان شي صار لها ورجع فتح عيونه وقالياصباح الخير وش هالصباح
اسيل(وهي تناقز بفرحيلا قوم قوم وناسه
ياسر:وشنو الوناسه
اسيل(قعدت جنبه بقوه بغى يطير من هالقوه ياسرمو هذا اخر يوم لنا هنا لازم نخليييييه وناسه
ياسر:هههههههه اسيل وش فيك انهبلتي صايره طفله
اسيل(كشرتانا طفله
ياسر:ههههههه واحلى طفله بعد وش هالكشره يالحلوه
اسيل(ابتسمتيلا يسوري قووم
ياسر(يقلد نعومتهاوليه اقووم
اسيل(ضحكتاووف لاتقلدني
ياسر:ههههههه طيب قومي اجهزي خل نطلع
اسيل(رجعت وقفت تناقز وهي تقولوناسه وناسه وناسه
ياسر(هز راسه وهو يضحك هالبنت طفله للحين ماكبرت شكلها وضحكها وصراحتها وعفويتها تذكره بالاطفال قام وراح للحمام)
اما اسيل راحت ولبست فستان للركبه الوانه ربيعيه مناسبه لهالموسم الوان بنوتيه تبرز انوثتها الناعمه ولبست قبعه متناسقه مع الوان الفستان ولبست برجولها صندل نعووم وتعطرت من عطرها المفضل وراحت قعدت عالكنبه وانتظرت ياسر يطلع من الحمام
بعد ماطلع ياسر استنشق ريحة عطرها بالغرفه يعجبه ذوقها باختيار هالعطر
عطر ناعم ومتناسق مع شخصيتها توجه للغرفه وشافها قاعده عالكنبه وطالعه بابهى حله ابتسم وهو يشوفها تبتسم له وبعيونها حب واضح
وقفت له ودارت على نفسها وقالت:وش رايك اهبل صح ادري مايحتاج تقول
ياسر(بضحكمدام انك تدرين ليه تسئلين
اسيل(بغروربس اشبع غروري
ياسر:هههههههه (وتقدم منها وباسها وهو يقولفديت هالغرور
اسيل(بعدت عنه وهي تبتسم بحرج وقالتيلا البس بسرعه انتظرك
وطلعت بره تنتظره
اما ياسر لبس وتجهز ودق وحجز على نيويورك بكره
.................................................. .........................
صحت مريم عالفجر ومدت يدها واخذت جوالها تشوف اذا فيه اتصال ولقت اتصالين من رامي ابتسمت لاراديا وقررت ماتتصل عليه تخاف ابوها او اي احد من اهلها يدخل عليها خصوصا ان ابوها دايم عندها ومايخليها بغرفتها يحبها تقعد معاه قررت ترسله رساله كتبت فيها:
ليت كل الناس مثلك

وليتهم
بطيبك
وأصلك
وليتك تعرف إني
ماعزيت
أحد
كثرك

وقامت للحمام وبعد ماطلعت سمعت صوت جوالها يرن بنغمة رساله راحت بحماس تبي تشوف وش رسل لها وفتحت الرساله ولقت مكتوب:
بهديك من قلبي
((ثلثين))
و من دمي
((نهرين))
و من عمري
((دهرين))
بس اشوفك {دقيقتين}
احبك ،،،
ابتسمت من هالرساله وارسلت له:
انا احبك
وحطت جوالها عالصامت وحطته داخل درجها عشان لاتنشغل لانها بتبدا تذاكر للاختبارات وخذت اول ماده بتبدا فيها (الكيمياء)
وقعدت تذاكر وهي عقلها عند رامي لكن حاولت تبعده شوي عن بالها حتى تعرف تذاكر زين لازم تجيب مجموع لان رامي يبيها تجيب فوق ال 90
وهي مو من عادتها تجيب مجموع عالي حدها 90 و 91 اكثر شي لكن بتشد حيلها لعيون رامي *_^
.................................................. .....................
كانوا يتمشون وهم شابكين اياديهم والبسمه شاقه الحلق *_^
والكل يطالع بهالثنائي الحلوو (ياسر واسيل) التفت اسيل لياسر وهي تطالعه بحب وتلعن الساعه اللي فكرت انها تقتله او انها كرهته للحين حاسه بغلطتها ومهمها سوت لياسر بتبقى ندمانه قعدت تدقق بملامحه المرسومه رسم ومامداها تطالع << تقز يعني *_^
الا التفت فجاءه ياسر عليها وقال وهو رافع حاجب واحد:شفيك تطالعيني الاخت مضيعه شي بوجهي
اسيل(على الرغم من احراجها ماقدرت تمسك نفسها وضحكتههههههههههههههه
ياسر(ابتسم على ضحكتهادوم هالضحكه
اسيل(ابتسمت اسيل بفرح باين الحب بعيونه وهي تموت فيه وتعشقه ومستحيل تتخلى عنه قالت برقه غريبه على شخصيتها العدائيهياسر ودي بايسكريم
ياسر(وهو يقلدها بترقيق الراءبس ايسكريم من عيوني
اسيل(ابتسمت بدلع وقالتتسلم عيونك
وتوجهوا لحديقه مطله على بحيره وراح ياسر يجيب له ولها ايسكريم واسيل قعدت على كرسي من كراسي الحديقه تنتظره وصارت تتامل بياسر وشلون كانت غبيه ورح تقتله اصلا شلون تفكر بهالفكره المجنونه على بالها قاعده بفلم هندي حست بهبالتها هذاك الوقت يوم فكرت مجرد تفكير تتخلص من ياسر اللي الحين صار دنيتها وحياتها ومستحيل تتركه او تبعد عنه تأففت من افكارها وقالت بنفسها ياربيييه كل شوي بقعد اتذكر هالسالفه شفيني ماعندي غيرها ماحست يوم جا وقعد جنبها الا يوم مسك يدها وقال:اللي ماخذ عقلك يتهنى فيه
اسيل(التفت له بابتسامهومن ماخذ عقلي تتوقع
ياسر(وهو يعطيها الايسكريمومين يعني
اسيل(خذت الايسكريم وقالت بابتسامهانت اللي ماخذ عقلي
ياسر(رفع ايده وحطها على كتوف اسيل وقربها منه وقالفديت عقلك انا
اسيل(حطت راسها على كتفه وقالت وهي تاكل من ايسكريمهابأي نكهه الايسكريم
ياسر:انتي كابتشينو وانا فراوله
اسيل:اممم طيب خذ ذوق حقي طعمه حلو
ومدت الايسكريم له وهو ذاقه وقال:الله وش هالريق الحلو
اسيل:ههههههه عجبك خذه (ومدت الايسكريم له وطرت على بالها فكره وابتسمت بخبث ولطخت وجهه وهي تضحك)
وبعدت عنه بسرعه ووقفت مستعده للهروب لكن ياسر مسكها بسرعه وقال(وهو كاتم ضحكتهليش كذا
اسيل(وهي تضحكههههههه ياسر شكلك يضحك يفطس ضحك هههههههههههه وخر عني تكفى ههههههه
ياسر(ابتسم لضحكها ومسك الايسكريم ودفنه بوجهها ويدها وقبعتها طاحت لانها كانت تتحرك ماتبيه يلطخهاههههههههه صرنا متعادلين
اسيل(بقهرلالالا ياسر لييييش
ياسر:ههههههههه عشان تتعلمين شلون تعبيني ايسكريم
اسيل(وهي مقهوره لانها صارت ملطخه بايسكريم وملابسها ويدها وكل شي فيها توصخ طيب انا اوريك (ومسكت باقي الايسكريم اللي معها وملت وجهه وبسرعه وهربت)
ياسر(تم واقف مكانه وهو يضحكطيب ياسيل انا اوريك
اسيل(وهي تضحك لانها قدرت تسوي شي يشفي قهرهاهههههه وش بتسوي بترميني بهالبركه يعني
ياسر(فهم قصدها واللي هو يوم رماها بالمسبح يوم ماجاته ولا سمعت كلامهههههههه لا حرمنا تووبه
اسيل(وهي تتقرب منه والناس تطالعهم وتضحك عليهم والبعض يحسدهم على وناستهم والبعض الاخر يتمنى يكون مكانهمههههههه ياسر والله شكلي يضحك (ورفعت اصبعها لوجهها اللي مليان ايسكريم ورجعت لحسته وقالت وهي تضحكاممم لذيذ تبي
ياسر:ههههههه تعالي (ومسكها وقربها منه وحط اصبعه لوجها ورجع لحسه وقاليجنن مو بس لذيذ
اسيل(استحت منه وغير كذا تفشلت من الناس اللي قاعده تهمس عنهم بعدت عنه وقالتياسر ابي ارجع للفندق
ياسر(استغربليش
اسيل:بغير ملابسي ونرجع نطلع
ياسر(شاف شكلها وضحك وقالهههههههه اسيل لازم اصورك تعالي
اسيل:لا والله طير بس
ياسر:ههههههه وين اطير تعالي بس (وقرب منها وهو يقولعطيني الكاميرا
اسيل(وهي تمسك الكاميرا اللي معلقه برقبتهالاء مابي اتصور
ياسر:يلا اسولتي نبي صوره للذكرى
اسيل:بس بشرط
ياسر:وشوو؟
اسيل:تتصور معاي
ياسر:اوكي
وطلعت اسيل الكاميرا من رقبتها وعطتها ياسر وراحت تاخذ قبعتها اللي للحين بالارض ورجعت لياسر
ياسر:ومن بيصورنا
اسيل:نطلب من اي احد الناس كثار
ياسر:اوكي دقايق
اسيل(بقهروبسرعه لاني احس اني عفنت من هاللي بوجهي
ياسر:هههههههه اوكي
وراح طلب من واحد يصورهم ومارفض هالشخص وتقدم لهم حتى يصورهم
ووقف ياسر جنب اسيل وحط يده على خصرها وقربها منه واسيل ميلت راسها لكتفه وابتسموا وتصوروا احلى صوره لهم
بعد ماتصوروا ابتسم ياسر للرجال وشكره
اسيل:يلا ابي ارجع والله متفشله من نفسي وش بيقولون عني الناس
ياسر:امشي بس ماعليك من احد هنا لان هنا مايهتمون بأي شي ويعتبرون هالحركات عاديه وهم نفسهم يسوونها
اسيل:طيب ياسر بسئلك سؤال
ياسر:اسئلي
اسيل(قربت من ياسر ومسكت يده وقالتانت تحبني
ياسر(لف لها وهو مستغرب من سؤالها قالشرايك انتي
اسيل(تنهدتماعليك من رايي ابي رايك انت
وقف ياسر ووقفت معاه اسيل وهو رفع يده ومسح على شعرها بحنان وقال:اكيد احبك انتي روحي انتي نصفي الثاني انت قطعه من (واشر على قلبههالقلب
ابتسمت اسيل بسعاده وقالت:اوعدني انك ماتتخلى عني
ياسر(ابتسم لها بحب وصدقوعد مايفرقنا الا الموت
.................................................. .........................

***مزون شمر*** · 15-06-2012, 04:01 PM

رد: { رواية هذي الدنيا}

دق باب غرفتها ورفعت راسها من عالكتاب اللي كانت تذاكر فيه وحطته بهدوء عالسرير وراحت تشوف من اللي عالباب
فتحت الباب وطل وجه ابوها وقال:صباح الخير بأحلى مريومه
ابتسمت مريم وباست ابوها وقالت:ياصباح النور
وبعدت عن الباب حتى يدخل وبعدها دخل وهي سكرت الباب ودخلت وراه وقعدوا عالسرير
احمد:شخبارك ياعيون بابا
مريم(وهي تتنهداووف احس بروحي بتطلع من المذاكره
احمد(ابتسملازم ياعمري تشدين حيلك ابيك ترفعين راسي
مريم:الله يقدرني
احمد:لا انشالله تقدرين بس اجتهدي وانتي تشوفين
مريم:هذاني قاعده اذاكر وانشالله ابيض الوجه
احمد:انشالله (وبعد تردد قالمريم حبيبتي انا بنزل تحت للصاله ابيك تجمعين كل البيت ابيكم بموضوع ضروري
مريم(خافتوليش كل البيت
احمد(ابتسم يخفف من التوترمافي شي ياعمري لكن ابيكم بموضوع
مريم:يبه قولي طيب وش هالموضوع
احمد(وقف وقالنادي امك واخوك وحتى خالك وبعدين بتعرفين
مريم(وقفت مع ابوهاانشالله
احمد:يلا انا بنتظركم بالصاله
وطلع ومريم فيها فضول مو طبيعي تبي تعرف وش هالموضوع اللي يستدعي ان كل العايله تتجمع وعلى طول طلعت من غرفتها ونادت الكل ونزلت تشوف وش السالفه
بعد ماتجمعوا كلهم وطبعا البتول عارفه كل شي لكن لازم تنزل مايصير لازم تعطيه الدعم وتساعده وتخفف من حدة التوتر والصدمه اللي بتهز مريم اكثر شي من جهة نظرها
احمد(وهو مرتبكاحم انا ماجمعتكم الا لموضوع مهم يخصنا كلنا
مريم(بقلة صبربابا بسرعه ادخل بالموضوع
البتول(بحدهمريم خلي ابوك يكمل ولا تقاطعينه
مريم:انشالله
احمد:انا بدخل بالموضوع على طول (ورفع راسه وطالع مريممريم حبيبتي مابيك تنصدمين من هالخبر ولا ابيه يأثر عليك لكن
مريم(بخووفيلا لكن شنوو
احمد:قبل ماقول بتتسائلون ليش محمد معانا انا بقولكم لان الحين اعتبره واحد من عيالي ومافرق بينكم ابدا فلازم يكون معنا ويعرف وش اللي بقوله لانه صار واحد منا
محمد:تسلم يابو عبدالله
احمد(ابتسم وهو متوترانتوا ياعيال لكم اخت (وحط عينه بعين مريم يبي يشوف ردة فعلها)
مريم(بصدمهايش
البتول(كملت عنهايه لك اخت يامريم وانشالله بتجي قريب
الكل ساكت ومنصدم من هالخبر ومن وين طلعت لهم الاخت وشلوون
رفعت راسها مريم وقالت:ومن وين طلعت هالاخت
احمد:انا كنت متزوج وحده قبل امكم اجنبيه وجابت لي رنيم والحين كبرت وصارت بعمرك يامريم ولازم تجي تعيش هنا
مريم(ساكته ومو مستوعبه ولا كلمه وش هالحقيقه اللي تو تعرفها تو تطلع اختها شلون قالت بعد صمتطيب ليش ماتبقى مع امها
احمد:امها رمتها وانا مستحيل افرط في بنتي
البتول:شفيك يامريم منصدمه وشكلك زعلان
مريم:القصه مو قصة زعل لكن مو مستوعبه متى وشلون !! خلوني شوي استوعب مو مره وحده وبعد سنين طويله تقولون لي اخت وانا اللي ياما تمنيت اخت
احمد(ابتسموجت لك اخت شرايك
مريم(مو عارفه شتقولطيب هي وينها الحين
احمد:بأمريكا
مريم(توسعت عيونهاوشتسوي هناك لحالها
احمد:لاتخافين عليها لكن اللي ابي اعرفه الحين انتوا موافقين اني اجيبها هنا
مريم:اكيد يبه هذي اختنا
احمد(ابتسم لبنتهياعمري يامريم تتمنين اخت وهذا طلعت لك احلى اخت
مريم:يبه الصراحه متحمسه بشوفها
احمد:ههههههه تشوفينها قريب (ولف على عبدالله وقالهاه عبودي نجيبها هنا
عبدالله:ايه يبه يمكن تطلع احسن من هذي (واشر على مريم)
مريم:اقول عبيد لاتتحرش مالي خلقك
عبدالله:عاد انا اللي لي خلقك
احمد:مريم عبدالله خلاص اسكتوا مو وقتكم (وطالع بمحمد اللي قاعد قدامه وقالهاه يامحمد وش رايك اجيبها ولا بتتضايق
محمد(قال بسرعهلالا شدعوه اتضايق هذا بيتك وانا ضيف هنا
احمد(بعتبمحمد مابي اسمع منك هالكلام مره ثانيه شنو بيتي وبيتك وانت هنا مو ضيف انت هنا واحد من اهل البيت
محمد:والله انك ولد اصول ياحمد
احمد:ماقلت لي موافق اجيبها
محمد(ابتسماكيد وبتكون غلاتها من غلات مريم وازود
مريم:لا والله من الحين لا ياعمري ترى لازم تعرف اني اغار
محمد:هههههه (وهو يقرص خدها بخفهوانتي صدقتي انتي تبقين غاليه ومحد بمكانتك
مريم:ايه على بالي
وكملوا هالجلسه بالسوالف والضحك
والبتول تنهدت براحه ان هالموضوع ماثر على احد والكل تقبله بصدر رحب
.................................................. ......................
بدلت اسيل ملابسها بعد ماخذت شاور ونفس الشي ياسر وطلعت للصاله اللي تطل على المسبح الكبير وقعدت تتامل الناس وهي تسبح وكان خاطرها تسبح سمعت صوت ياسر وهو يقول:الحلو بشنو سرحان
التفت له اسيل وقالت:ياسر بطلبك طلب
ياسر:امري
اسيل(وهي تاشر على المسبح اللي مليان ناس حريم رجال واطفالودي اسبح هنا
ياسر(بعصبيه خفيفهنعم نعم تسبحين وبهالمسبح المختلط لاعيوني اصبري لين مانرجع بيتنا
اسيل:بس خاطري اسبح هنا
ياسر(تنهد وقرب منها وقالاسيل مو معناته ما لبستي عبايه هنا يعني خلاص لك الحريه ترى انا لي حق اغار عليك ومستحيل ارضى انك تنزلين بهالبركه المختلطه انسي هالشي
اسيل(وهي منزله راسها بحزن قالتطيب براحتك
ياسر(مد يده ومسك دقنها ورفع راسها وقالوليش الزعل ياعمري
اسيل(طالعت بعيونه وقالتمو زعلانه
ياسر(طبع ياسر بوسه على خدها وقالطيب ياروح ياسر خل نطلع لان محضر لك مفاجاءه بتعجبك
اسيل(ابتسمتوش هالمفاجاءه
ياسر:لو قلت لك ماتصير مفاجاءه امشي نطلع الحين
اسيل:اوكي
وكالعاده تعلقت بيده الدافيه الحنونه ومشت معاه ونست البركه والناس اللي فيها من مسكت بيد ياسر
وطلعوا لمكان هادي مافيه احد استغربت اسيل المكان اللي مافيه احد وتوجهت فيهم السياره لداخل مزرعه مزينه بشخصيات ديزني الشهيره المكان كان ساحر وبقمة الروعه وبدت اسيل تشوف الناس والزحمه اللي داخل ويوم وقفت السياره التفت اسيل لياسر بحماس وقالت:هذي المفاجاءه
ياسر(ابتسم وقالاصبري ويلا خل ننزل
ونزلت اسيل ومعها ياسر وقعدوا يمشون بالمكان واسيل تتامل هالمكان اللي بقمة الخيال ووصلوا لمكان اغلبه حيوانات واستغرب ياسر من اسيل اللي مسكت يده بقوه وشدت عليها مافهم هالسبب وقال:اسولتي شفيك
اسيل(وهي لايعه كبدهاياسر انا ماطيق لاحيوانات ولاطيور ولاحشرات تكفى طلعني من هنا
ياسر:لا امشي بركبك خيل
اسيل(توسعت عيونهاخيل لالالا مابي والله اخاف
ياسر:اسيل وش هالدلع ليش الخوف
اسيل(وهي تترجاهياسر والله ماطيق الحيوانات والله اخاف من الحيوانات كلهم ولا اقرب منهم شلون تبيني اركب حصان
ياسر:ياعمري انا معاك امشي لاتفوتين هالفرصه
اسيل:ترى بطلع كل اللي في بطني لان ماطيق الحيوانات
ياسر:لا تزودينها امشي هنا حيواناتهم نظيفه مو عندنا
اسيل(استسلمتاوكي بس مابركب
ياسر(وهو يجاريها حتى تمشياوكي
ومشوا لين ماوصلوا للخيل وطلب ياسر حصان حتى يدور فيه بالمزرعه هو واسيل ويكونون لحالهم وطبعا ياسر خيال ومتعود عالخيل
ركب ياسر عالحصان واسيل ابتعدت بسرعه لكن يد ياسر ماخلتها تروح ورفعها بخفه وحطها قدامه وهي تمت مغمضه عيونها وتقول:لالا والله بموت لا ياسر تكفى وقف
ياسر:هههههههه اسيل شفيك انا واقف افتحي عيونك
اسيل(فتحت عيونها بشويشنزلني الله يخليك والله منقرفه
ياسر:عن الدلع
ومشى بالحصان واسيل لفت وجهها له وكان وجهها قدام صدره بالظبط لانه طويل وماقدرت يكون راسها مقارب لطول راسه فبيدها الثنتين مسكت بلوزته من قدام ودفنت راسها بصدره
ياسر:هههههه كل هذا خوف انا لله اجل شلون لو ركبنا اسد وش بيكون حالك
اسيل:اسكت ياسر وخليني انا مرتاحه مابي اشوف شي
ياسر:وليه لاتفوتك المناظر شوفي
اسيل(وهي للحين دافنه راسهامابي اشوف شي خلني لاني حاسه بلوعه
ياسر(ابتسم بخبث واسرع بالحصان واسيل تمسكت بقووه وهي تقوللا ياسر وقف
ياسر ماسمع كلامها وانطلق بحصانه وبعد شوي رفعت راسها لكن تمت ماسكه فيه وشوي شوي راح خوفها وقعدت تتامل المناظر وتطالع بالساحه الفاضيه قدامهم وهي مبتسمه ومستانسه قالت لياسر وهي تصارخ من الحماس:ياسر اسرع اكثر وناسه
ابتسم ياسر وطار فيها وهي متشققه من الوناسه يكفي ياسر معها ليش الخوف
.................................................. .........................
طلعت لغرفتها وهي تحس بمشاعر متلخبطه داخلها هي (خايفه مرتبكه منصدمه فرحانه) ماتدري وش شعورها ناحية موضوع اختها اللي طلعت لهم فجاءه ،، متفاجئه مره من هالموضوع دخلت الغرفه وقفلت الباب وهي تتنهد ودها تكلم رامي ابوها طلع مع خالها وامها قاعده تحت ودها تكلمه لكن خايفه ماتدري ليه من رجع ابوها للبيت صايره تخاف وماتخلي موبايلها ابد معاها راميته بالدرج وحاطته صامت يمكن ماتبي تخون ابوها وتخون الثقه اللي بينهم ،، راحت لدرج تسريحتها وفتحته وطلعت جوالها ومثل ماتاكدت اكثر من 20 مكالمه من رامي ورسايل بالهبل ابتسمت وقالت بنفسها للدرجه يحبني فديته ودي اكلمه بس ،، ماكملت كلمتها الا وجوالها يدق طالعت يدها اللي تهتز من اهتزاز الجوال لانها حاطته عالرجاج (الهزاز) ابتعدت شوي عن باب غرفتها وقالت بصوت ناعم:الوو
رامي:عاش من سمع هالصوت وينك ياعمري
مريم(قعدت عالسرير وهي تبتسم وقالتموجوده لكن انشغلت شوي
رامي:افا تنشغلين عني
مريم:لا بس ابوي رجع من السفر
رامي(بضحكاها هههههه قولي كذا من الاول جا ابوك اللي بيكون منافسي
مريم(فهمت عليه وضحكتههههههه لا هو غير وانت غير
رامي(بحنانياعمري انا مايهمني شي بالدنيا غير انك تكونين بصحه وعافيه
مريم(ابتسمت لحنانهطيب ياحلو ماتدري ان اختباراتي السبت الجاي
رامي:لا حبيبي مو ناسي لكن هذي بتكون اخر مكالمه بينا
مريم(خافتليش
رامي(ابتسمبعد الاختبارات يصير خير الحين انسيني انسي رامي
مريم(تنهدت بارتياح وقالتلا شلون مقدر انحرم من صوتك اسبوعين
رامي(تنهد بشوقيعني انا اللي اقدر لكن مابي شي يلهيك عن المذاكره (وقال بحرص صادقاجتهدي يامريم ثم اجتهدي ثم اجتهدي لا اوصيك
مريم:من عيوني
رامي:يسلمو لي عيونك
مريم(بدلعتعجبك عيوني
رامي:اه وانا شاللي عذبني غير عيونك انتي بس صيري في بيتي وانا اوريك السنع
مريم:ههههه وش بتسوي
رامي:وش بسوي ،، الا قولي وش مابسوي لا اخليك تلبسين عباية مايطلع منك شي
مريم(بصدمهلا والله مابي
رامي:لا ياعمري انتي عندي غير بخليك تغطين عيونك ويدك ورجولك ومايبان منك شي
مريم:لا رامي حرام عليك
رامي:هههههه انزين انتي تعالي ويصير خير
مريم:ههههههه على قولتك
وسمعت احد يدق بابها قالت بسرعه لرامي:حبيبي اكلمك بعدين باي
رامي(يبي يقهرهاقلنا اخر مكالمه
مريم:لا ابيك اليوم بالليل انا بدق عليك اوكي باي
رامي:اوكي باي حبيبي
وسكرت منه وحطت الجوال بجيبها وطلعت تشوف مين وفتحت الباب ولقت الخدامه واقفه
مريم:نعم
الخدامه:ماما في كلام يبغى انتي
مريم:اوكي جايه
وراحت دخلت الجوال بالدرج وطلعت وتوجهت للدرج << درج و درج غير *_^
ونزلت لامها تحت ،،
.................................................. ............................
نزلت من عالحصان بمساعدة ياسر وهي طايره من الوناسه وقالت وهي تبتسم:ياسر ابي اركبه لحالي
ياسر:اخاف تصيحين << يستهبل
اسيل:لا والله شايفني بزر
ياسر(وهو يطالعها من فوق لتحتالصراحه ايه
اسيل(عصبتلا مني بزر وبتشوف بركب لحالي
وتقدمت وهي معصبه تبي توريه انها مو بزر وتقدر تعتمد على نفسها
ياسر(وهو يمشي وراهاياحلو المعصبين
اسيل ماردت لكن اخفت ابتسامتها
ياسر:وقف ياحلو والله تعبت
ماردت اسيل وهو قال:بقولك شي اسولتي وقفي
لفت له وقالت وهي تخفي ضحكتها:نعم
ياسر(اسرع عشان يوصل لها واول ماوصل قالانعم الله عليك
اسيل(حطت يدها على خصرهالا والله هذا اللي كنت بتقوله
ياسر:اي ليش مو حلو
اسيل(منقهره من برودهياسر شفيك امش بركب خيل
ياسر:مو تو راكبين
اسيل:لا ابي لحالي بدونك
ياسر:اوكي مثل ماتبين لكن اذا صحتي مو شغلي
اسيل(بنفخهمرح اصيح افهم
ومشت قدامه لين ماوصلت لمكان الخيل وياسر مشى وراها واتفق مع الرجال انها تركب وهو اللي يمسك الخيل مايتركها لحالها
وحملها ياسر وركبت فوقه وصار الرجال يمشيها وهي خافت شوي لكن تبي تبين انها شجاعه فقالت للرجال انه يتركه وهو مايدري انها ماتعرف فقالها كلام بالانجليزي هي مافهمت عليه لكن هو قالها (هذا الخيل خطير انتبهي لازم تكونين فنانه حتى تقدرين عليه) وهي مافهمت لكن قالت له (طيب طيب)
وترك الخيل وبعد عنها وطار فيها الحصان وهي انهبلت ماعرفت شتسوي تمت ماسكه الحبل وهي خايفه لانها بتطيح وياسر من شافها انصدم لان خلاص

***مزون شمر*** · 15-06-2012, 04:03 PM

رد: { رواية هذي الدنيا}

البارت 19

وياسر من شافها انصدم لان خلاص ميته ميته ممكن تطير ويصير لها علوم < علوم ولا رياضيات < خارج القصه هع
ركض للرجال وقاله شلون تتركها اما هو تخرع يحسبها تعرف ماتوقعها بتكون للدرجه فاشله وهي راكبه اخطر انواع الخيول وهذا خطر على حياتها ركض ياسر لواحد من الخيول وركب عليه وانطلق وراها وهي صارت تصرخ وتصيح مو عارفه شتسوي صارت تروح يمين ويسار لين ماطاحت على صخره كبيره واصطدم راسها والحصان كمل وهي حست بجفنها يثقل وتنافسها يتسارع خصوصا راسها اللي صار ينزف ورجولها اللي تحسها انها تكسرت ومع هالصدمه اطلقت صرخه وكانت اخر صرخه لها وغابت عن الدنيا
.................................................. ............................
بالشرقيه
فيصل:ياعمري لاتخافين انا بحل الموضوع
رنا:ايه تكفى فيصل مقدر اعيش دقيقه عند ابوي
فيصل:خلاص حبيبتي انت بتكونين لي ومستحيل احد ياخذك مني
رنا:ياعمري الله لايحرمني منك
فيصل:ولامنك حياتي
بوسط سوالفه مع رنا دخلت عليه امه وهو قال:يالله بعدين اكلمك باي
اما امه تقدمت وقعدت عالكرسي المقابل لسريره وقالت:من كنت تكلم
فيصل:واحد من الربع
امه(ماصدقته لكن قالتاجهز بكره طيارتنا على الرياض
فيصل(بصدمهنعم
امه:شفيك بزور اخوي
فيصل:يمه لا يكون للحين على نفس الموضوع
امه:ايه للحين على نفس الموضوع و بهالزياره بكلمه انك تبي بنته
فيصل(وقف وبعصبيه خفيفه قاللكن انا مابيها
امه:فيصل هالموضوع انتهينا منه انت لبنت خالك فاهم
فيصل(لف لامهلايمه مو فاهم انا قلت لك ماباخذ غير رنا
امه(حاولت ماتعصبقلت لك رنا لاء متعرف عليها عن طريق المكالمات والصياعه هذي ماتلزمني
فيصل:يمه وانتي شعليك منها اهم شي تلزمني انا وابيها انا
امه:يووه قلت لك لاء واللي عندي قلته ومن الحين تجهز نفسك يمكن نطول عندهم
فيصل:لكن يمه ..
قاطعته امه وقالت:فيصل انا تعبانه والضغط عندي ارتفع لا تعصيني واسمع الكلام
فيصل(نزل راسه امه نقطة ضعفه كله ولا امه لكن وش يسوي يحب رنا بس امه عنده بالدنيا واكيد هي تحبه ومصيرها بتقتنع ليش مستعجل انا)
.................................................. ........................
البتول(وهي تجهز الملابس لاحمدلكن ماقلت لي
احمد:اي مادريت الا من يومين ونسيت اقولك
البتول(مدت له ملابسه وقالتومتى بتجي
احمد:انشالله بكره
البتول:والله زمان عنها اشتقنا لاهل الشرقيه
احمد:ايه والله اشتقت لاهلي هناك
البتول:لازم ننزل لهم زياره
احمد:انشالله بالاجازه الكبيره
البتول:ايه والله ياريت
احمد:ايه بس ماتبين تدرين ليش اختي جايه
البتول(باستغرابليش
احمد(وهو يجلستبي ولدها لمريم
البتول(تمت ساكته لدقايق وبعدين قالتمعقول
احمد:ايه ليش
البتول:مو مصدقه والله وكبرت مريم
احمد:ههههههه ايه والله بعد عمري بنتي قامت تنخطب
البتول:ههههههه لكن انت شرايك بالموضوع
احمد:فيصل رجال والنعم فيه واللي اعرفه انه يشتغل وناجح بدراسته وشغله واخلاقه عاليه
البتول:زين ممتاز واحنا وش نبي لبنتنا غير واحد يحفظها ويعرف قيمتها ويصونها
احمد:ايه واكيد فيصل مهو مقصر لكن راي مريم اهم شي
البتول:اكيد لكن وين بتلقى احسن من ولد عمتها
احمد:مهما كان انا ابي رايها ولازم اسمعه بنفسي
البتول:متى بتقولها
احمد:لاتستعجلين اختي جايه هنا وبتطول قعدتها مانبي نستعجل
البتول:و وين بتقعد
احمد:تقعد بالمكان اللي تبي حياها الله مو تسوين معها مثل امي
البتول(تضايقتاحمد ردينا على هالسالفه قلت لك خلاص تغيرت معد هامني الا انت وعيالي
احمد(ابتسمطول عمرك طيبه واصيله وماندمت بيوم اني خذتك
البتول:اهم شي مو شايل علي
احمد:لا طبعا لكن انتي شايله علي
البتول(تقلدهلا طبعا
احمد:هههههههه
البتول:صحيح نسيت اسئلك وش صار على رنيم
احمد:كلمتها امس وتقول انها مرتاحه ومو ناقصها شي وقالت لي بعد اسبوع اجي اخذها تكون جهزت نفسها
البتول(تنهدتوالله اني خايفه ماتعجبها عيشتنا
احمد:تتعود انشالله .. عالعموم انا الحين طالع
البتول:فمان الله
.................................................. ............................
كان حاملها ويركض فيها باسياب المستشفى والدم ينزف من راسها بغزاره طيحتها كانت قويه شافوه الممرضين وبسرعه حضروا غرفة العمليات ودخلوها فيها وقالوا لياسر يطلع من الغرفه
طلع ياسر وتم واقف عند باب غرفة العمليات ويراقب اسيل من الزجاج حس بشي يعصر قلبه حبيبته بين الحياه والموت ومابيده شي دعا ربه انه يفرجها عليهم وان يطلع اسيل سالمه وتكون بخير مشى بتثاقل لدورة المياه وتوضى وراح يصلي وصار يدعي ربه وبعد ماخلص رجع يراقب اسيل اللي شفائها بيد اللي خلقها
حس بدمعه متمرده تبي تنزل لكن رجولته ماتسمح لها بالنزول كان واقف وملابسه مغرقه بالدم الموقف صعب عليه لهم ساعتين وللحين ماصار شي
شاف ممرضه تطلع من غرفة اسيل وبعدها الدكتور وكانوا يركضون خاف ياسر من الموقف وراح يسئل الدكتور وقاله انها محتاجه لكميات كبيره من الدم ركض ياسر معاه وسحبوا منه دم لان المستشفى مافيها دم من فصيلتها ويوم فحصوا ياسر طلع نفس الفصيله وسحبوا جزء كبير من دمه وعلى طول حطوا له مغذي حتى لايدوخ لكن ماحس بنفسه الا وهو غايب عن الوعي
************************************************** ************************************************** ************************************************** ******************************************ب عد ساعات من الانتظار ومن العذاب اللي يعانيه ياسر طلع الدكتور وهو يتنهد وراح يبشر ياسر ان اسيل بخير وطلع وتوجه للغرفه اللي فيها ياسر ودخل عليه وشافه منسدح والتعب واضح على وجهه
الدكتور (واللي باين انه عربي قالمرحبا
ياسر(من شافه قام وقف له وقال بسرعهشخبارها يادكتور
الدكتور:الحمدالله قدرنا نوقف النزيف لكن ايدها لهلأ مو عارفين اذا هي مكسوره اما لا وهلأ البنت تحت الملاحظه لمدة اربع وعشرين ساعه بس تقوم بنسوي الفحوصات اللازمه وبنشوف شو وضع ايدها
ياسر(تنهد بقوهالحمدالله زين اقدر اشوفها
الدكتور:لاء خليها لبكره لان انتهى وقت الزيارات
ياسر(برجاءدقايق يادكتور
الدكتور:مابقدر هالشي مو بيدي
ياسر(طلع من جيبه فلوس ومدهم للدكتور وقالوالحين
الدكتور(ارتبك وقالشو لازمت هالمصاري (مصاري = فلوس)
ياسر:دقايق يادكتور دقايق
الدكتور(تنهداوكي تفضل معي وخلي هالمصاري معك
وطلع الدكتور ومشى وراه ياسر المتلهف لشوفة حبيبته ووده يتطمن عليها وتمنى لو كان هو مكانها وشال عنها كل هالالم للحين صرختها ترن ياذنه بازعاج حط يده على اذنه يمنع صوتها المتعذب والمتألم وصحاه من القوقعه اللي هو فيها لما قال الدكتور:تفضل
دخل عليها وهو خايف مايدري شلون بيصبر وبيتحمل يشوفها وهي بهالحاله التف للدكتور واشر له انه يروح وطلع الدكتور وهو تقدم لاسيل اللي مايبين منها الا الاسلاك والاجهزه الملفوفه حولها حس بالم يعتصر قلبه لكنه قاوم ووقف قبالها وكان راسها ملفوف بشاش ويدها واثار الدم مبينه من قوة النزيف قعد عالكرسي ومسك يدها بخفه وباسها وصار يبوس كل اصبع من اصابعها وبعدين حط راسه قريب من راسها ونام معها
.................................................. ............................
ثاني يوم الصباح ((الشرقيه))
طلعت ام فيصل تشوف فيصل اللي تاخر ودخلت عليه الغرفه وماشافته لكن سمعت صوت الماي بالحمام شكله ياخذ شاور تقدمت وقعدت على سريره تنتظره يطلع
طلع فيصل وشاف امه قاعده تقدم لها وحب راسها وقال:هلا والله بالغاليه
امه(تطنش كلامه اللي يحاول يستغلها فيه وقالتشفيك فيصل تاخرنا يالله اجهز حتى نطلع للمطار
فيصل:اوكي دقايق مهي بطايره الدنيا
امه(وقفت وقالتداريه ان الدنيا مابتطير لكن الطياره بتطير
فيصل:خلاص عطيني دقايق ابدل وانزل
امه:يلا انتظرك تحت
طلعت وهو قعد وهو يتأفف خلاص مابيده شي شكل بنت خاله له لكن قال بنفسه:ماكون فيصل اذا ماطفشتك وحتى لو اضطريت اخذ عليك رنا
قام وبدل ملابسه بنطلون جينز وبلوزه برزت جمال جسمه وعضلاته خذا شنطته وطلع لقى شنطتين خذاهم ونزل لقى امه لابسه عبايتها وتنتظره
ومعها اخته جود
فيصل:ها جاهزين
جود:اي لكن ليه مانزلت شنطي ياخ فيصل
فيصل(وهو يطالع الشنط اللي بيدهوهالشنط لمين
جود(وقفت وقالتهذي شنط امي اما شنطي بغرفتي
فيصل:وانا شدراني ليه ماتنزلين شنطك بنفسك
جود:اوف منك ماتعرف تسوي خير
وطلعت وهي معصبه التف فيصل لامه وقال:وهذي شفيها من صباح ربي مطنقره (مطنقره = معصبه بقوه ومالها خلق شي)
امه:مدري عنها اختك وتعرفها دوم معصبه ومالها خلق احد
فيصل(جلس وقالزين جامعتها شلون بتداوم
امه:شفيك ماتدري انها خلصت
فيصل:اوه صح هي مو مدرسه نسيت
امه:انزين قوم ساعدها لا الحين ينكسر ظهرها
فيصل(قامانشالله
وطلعوا للمطار وبعدها للطياره وانطلقت فيهم الطياره للرياض
.................................................. .......................
مريم(بفرحهوالله من صدقك يمه
امها:هههههه ايه شفيك
مريم:مو مصدقه ان عمتي بتجي عندنا
امها:لا صدقي اليوم بتوصل
مريم:ياربيه اشتقت لها سنتين ماشفتها
امها:لا وهالمره جايبه عيالها
مريم(عقدت حواجبهاعيالها
امها(ابتسمتايه عيالها فيصل وجود
مريم:يمه انا من سنين ماشفت عيالها اذكر اخر مره كنت بصف اول ابتدائي يمكن
امها:ايه صح ماكانوا يجون معها كانت هي بس اللي تجي
مريم:والحين شلون صاروا
امها:لا الحين كبروا جود باول جامعه وفيصل يشتغل
مريم:يووه مسرع الدنيا ركضت
امها:هههههه خلاص انتي اجهزي لانهم بيوصلون بعد نص ساعه او ساعه بالكثير
مريم:انشالله يمه بس
امها:بس شنو
مريم:شلون اطلع قدام ولد عمتي
امها:عادي بنطلون وبلوزه
مريم:لكن استحي
امها:الحين اذا سافرنا بره فصختي العبايه وقدام ولد عمتك بتلبسينها
مريم:خلاص بشوف
امها:عموما سوي اللي يريحك
مريم:اوكي ويلا يالغاليه ببدل
امها:طرده يعني
مريم:هههههه لا بس يالله روحي انتي بعد تكشخي
امها:اوكي ولا اوصيك اعقلي واثقلي زين
مريم:من عيوني يمه
وطلعت امها ومريم قعدت تفكر بعمتها وعيالها شلون بتقابلهم وبتجلس معهم خايفه ماتدري شتسوي وخلاص اختبارها يوم السبت وهي ذاكرت موادها لكن تبي تراجع عشان لاتخذل رامي وتجيب نسبه ترفع الراس والمشكله انها تدق عليه ولا يرد ومادق عليها ابدا كله وعشان تذاكر والحين جايه عمتها ماتدري شلون بتفتح الكتاب طلعت من هالافكار وتوجهت للحمام وخذت شاور وطلعت ولبست بنطلون اسود حرير وبلوزه متموجه بابيض واسود حرير وتنربط على جنب وفكت شعرها وجففته بالاستشوار وتركته منسدل على كتوفها بنعومه ولبست اكسسوراتها وخذت صندل ابيض ناعم ولبسته وحطت كحل خفيف وجلوس وسمعت صوت الجرس تنهدت بتوتر من المقابله وبعدها تعطرت بعطرها المفضل اسكادا وطلعت تستقبلهم
.................................................. ....................
صحت اسيل وهي تحس بحلقها ناشف ومو قادره تتكلم ولا هي قادر تتحرك من قوة الصداع اللي براسها فتحت عيونها بشويش وشافت ياسر جنبها كانت تبي تتكلم بس ماقدرت وتبي تشرب ماي عشان حلقها يترطب بدل هالجفاف شافت يد ياسر بيدها ضغطت على يد ياسر بخفه
اما ياسر من حس بضغطتها على يده رفع راسه بسرعه وطالعها ولقاها مفتحه عيونها قال:امري ياعمري
اسيل(بصعوبه تتكلمم اي
فهم عليها ياسر وقام بسرعه يجيب لها ماي وفتح الثلاجه وخذا العلبه وفتحها وخذا كاسه وصب فيها الماي وتوجه لها وقال:افتحي فمك
فتحت اسيل فمها بخفه وشربت من يد ياسر الماي ونص الماي انكب على يد ياسر لكن ماهمه شي اهم شي تشرب وتقوم بالسلامه بعدت راسها لورا ورجعت انسدحت وغمضت عيونها
اما ياسر خذا الكاسه وحطها على الطاوله ومسح يده بالمنديل ورجع لاسيل وقعد جنبها وقال:شتحسين فيه الحين
اسيل(بصوت مبحوحراسي يعورني
ياسر(بحنانسلامتك ياعمري ماتشوفين شر الحين بروح انادي الدكتور
وبعد ماجا الدكتور وسوا لها الفحوصات وتطمن على يدها وان مافيها شي وفكوا الشاش الملفوف حول راسها و نقلوها لغرفة بدل اللي كانت فيها
بعد مانقلوها دخل عليها ياسر بباقة ورد وقال:سلامات ياعمري
اسيل(بابتسامه صفراالله يسلمك
تقدم لها وباس راسها وقال:ليته فيني ولافيك
اسيل(حطت يدها على يده وقالتلا انشالله ماتشوف اللي شفته
مسك يدها بابتسامه وباسها وقال:جعلني مانحرم منك قولي امين
اسيل:امين
ياسر:شلونك الحين احسن
اسيل:ايه بس شوية صداع براسي
ياسر:ماتشوفين شر حبيبتي
اسيل:وش صار على السفر
ياسر:اي سفر الحين اهم شي صحتك
اسيل:لالا لا تأجل السفر خل نطلع انا بخير
ياسر:لا ياسيل طلوع لا خلك هنا عالاقل اسبوع
اسيل(شهقتلا وشو اسبوع انا بطلع اليوم
ياسر:قلت لاء
اسيل(برجاءزين اسئل الدكتور اذا كنت اقدر اطلع
ياسر:اسيل بعد عمري انتي تعبانه ومحتاجه راحه
اسيل:لا مو تعبانه خلني اطلع اليوم
ياسر(تنهد من عنادهابسئل الدكتور واشوف
وبعد ماسئل الدكتور قال الدكتور انها تقدر تطلع لكن مو اليوم بكره عالاقل
ياسر:خلاص بكره تطلعين
اسيل:والسفر
ياسر:احجز بكره لاتخافين انتي بس ارتاحي
اسيل:اوكي
وغمضت عيونها وغرقت بالنوم اما ياسر حجز على الطياره اللي متوجهه بكره لنيويورك وقام لاسيل وباسها وانسدح عالكنبه اللي بالغرفه
.................................................. .....................

{ رواية هذي الدنيا}

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget