{ رواية هذي الدنيا}

تقليص
X
تقليص
 
  • الصفحة لـ 12
  • الوقت
  • عرض
إلغاء تحديد الكل
مشاركات جديدة
السابق 1 2 3 4 5 6 7 8 9 10 11 12 template التالي
  • *مزون شمر*
    عضو مؤسس
    • Nov 2006
    • 18994
    #51
    رد: { رواية هذي الدنيا}

    اما عند ياسر قام من النوم وتسبح ولبس ونزل يفطر تحت لقى امه واخته قاعدين
    ياسر:صباح النور
    مروه وامه:صباح الورد
    امه:تعال افطر يالعريس
    ياسر(ابتسم وسحب الكرسي وقعدياحلو هالكلمه
    مروه:أي كلمه عريس والله ماظن مدام ماخذ اسيل
    ياسر:مروه خلاص مايحتاج تتكلمين عنها هي بتجي تسكن هنا
    مروه:ياذا النشبه
    ياسر:شقصدك
    مروه:لالا ماقصد شي
    سكت عنها ياسر وكمل فطوره وطلع يشوف اشغاله وبعدين يرجع عشان يتجهز
    ام ياسر:يمه مروه شفيك تتكلمين عن اسيل شايفه عليها شي
    مروه:اشياء مو بشي
    ام ياسر:ياساتر وشنو هالاشياء
    مروه:خلني ساكته يمه احسن
    ام ياسر:والله كلامك مو بفاهمته مدري ليش تكرهينها
    مروه(وهي تقومقلتلك خلني ساكته احسن ....
    عن اذنك يمه بقوم اتجهز
    وصعدت مروه فوق وهي تحاول تخلي هاليوم غير عن أي يوم وحتى لو موجوده اسيل هذا عرس اخوي ببتسم لاخوي وبفرح لاخوي وبضحك لاخوي يعني بنفي وجودها او بالاصح ممكن اجاملها ولو انها ماتستحق مني نظره بس كل شي يهون عشان ياسر
    .................................................. ...................
    الجده(وهي تهز اسيليمه يلا مرت نص ساعه واكثر قومي الساعه 2 وشوي قومي
    اسيل(قامت وهي متنرفزهطيب طيب بقوم
    الجده:يمه حشى مهو بنوم ذا
    اسيل:جدتي امس نايمه على الساعه 9 الصبح ماتبيني انام
    الجده:وليه نايمه لهالوقت منتي بصاحيه
    اسيل:كنت افكر افكر
    الجده:خلاص لاتاكليني الحق علي مقومتك
    اسيل:يووه لاتزعلين مني بس تعرفين طبعي
    الجده:مازعلت بس يلا قومي الكوفيره تنتظرك
    تحت
    اسيل:زين زين بقوم
    وقامت اسيل وتوجهت للحمام وهي بتطيح من طولها امس مواصله مانامت الا ساعه واقل بس قالت لجدتها نمت الساعه 9 عشان تسكت عنها وماتكثر اسئله وهي ماتبي تقلق جدتها عليها
    خذت شاور وطلعت وبدلت ونزلت تحت تفطر وشافت الكوفيره قاعده تشرب قهوه
    اسيل:صباح الخير
    الجده:أي كذا قومي تنشطي يلا يمه افطري عشان تبدا تشتغل فيك الكوفيره
    اسيل:انشالله
    وراحت افطرت وخلصت ورجعت للصاله وشافت جدتها تسولف مع الكوفيره
    الجده(رفعت عيونها لاسيلخلصتي فطور يمه
    اسيل(وهي تقعدأي خلصت بس ابي قهوه تروقني لاني احس اني دايخه
    الجده:انشالله (وقامت الجده تنادي سوما)
    سوما:yes mam
    الجده: make tercsh coffee
    اسيل:هههههههههه جدتي ياحليلك تعلمتي
    الجده:اي شقالولك ماعرف انا ماخذه الثانوي وبامتياز
    اسيل:حركات
    الجده(التفت لسوماخلاص روحي سوما (ورجعت التفت للكوفيرهمعليه عطلناك
    الكوفيره:لا مافي مشكله عادي مانا فاضيه
    الجده:فيك الخير بس انتظري عليها تشرب قهوتها وتبدين شغل
    الكوفيره:اوكي متى مابده
    اسيل:انتي لبنانيه
    الكوفيره:أي لبنانيه
    اسيل:شسمك
    الكوفيره:منال
    اسيل:عاشت الاسامي
    الكوفيره:تعيش ايامك
    وقاموا يسولفون بعدين جت سوما وقدمت القهوه لاسيل وشربت اسيل قهوتها وقامت لغرفتها عشان تبتدي شغل
    الكوفيره:شو بتحبي تكون التسريحه
    اسيل(بدون نفسأي شي
    الكوفيره:اوكي رح اعملك على زوقي
    اسيل اكتفت بالسكوت وهي لهاليوم مو راضيه عن زواجها وللحين تحس انها انظلمت ومغصوبه
    دق جوالها وشافت الاسم وردت
    اسيل:هلا ميمي
    مريم:اهلين هاه شقاعده تسوين
    اسيل(وهي تتنهدقاعده تشتغل فيني الكوفيره
    مريم:اها زين شرايك اجي عندك واسوي معاك ولا اروح لمشغل لحالي
    اسيل:لاتعالي عندي احسن
    مريم:خلاص بتسبح وبجيب اغراضي وبجيك
    اسيل:اوكي انتظرك
    قعدت الكوفيره تظبط بشعر اسيل القصير يعني لرقبتها بالظبط ومدرج طبقتين طبقه للاذن وطبقه لرقبتها وشعرها لونه اسود ولا بعمرها غيرت هاللون
    دخلت جدتها عليها وكانت الساعه 4 وثلث
    الجده:اسيل يمه انا الحين بروح
    اسيل:وين للقاعه
    الجده:أي بعد لازم اشوف التجهيزات زينه او لا
    اسيل:خلاص بس ماتجهزتي ماشوفك لابسه
    الجده:بالفندق عطونا غرفه عشان نتجهز فيها هناك بلبس وبتظبط وانتي بعد مو تلبسين هنا لاتعالي هناك
    اسيل:خلاص انا ومريم بنجي مع بعض
    الجده:يلا اذا احتجتي شي دقي علي
    اسيل:حاضر
    وطلعت جدتها وهي قعدت تفكر شلون تخلي هالليله سوده على ياسر لازم تنتقم منه من اول ليله
    بعد ربع ساعه وصلت مريم ودقت الجرس وفتحت لها سوما دخلت مريم وطلعت لغرفة اسيل طقت الباب ودخلت
    مريم:هايوو
    اسيل:هلا اخبارك
    مريم:تمام وانتي ياعروسه اخبارك
    اسيل(عصبتمرريم
    مريم:هههههههه خلاص خلاص
    فصخت عبايتها مريم وقعدت تطالع المجلات اللي جايبتها الكوفيره واللي كلها كانت تسريحات منوعه
    عجبتها تسريحه معينه وقررت انها تسوي مثلها لشعرها وخصوصا شعرها طويل يوصل لنص ظهرها وبتطلع عليه التسريحات حلوه وهالتسريحه ناعمه ورايقه
    مريم:اسوله
    اسيل(وهي مغمضه عيونهاهممم
    مريم:شفيك نمتي
    اسيل:نعسانه حدي
    مريم:طيب شوفي هالتسريحه حلوه
    مدت مريم المجله لاسيل
    اسيل:أي ناعمه وبتطلع حلوه عليك
    مريم:خلاص بسويها
    انتهت الكوفيره من شعر اسيل وبدت بالميك اب
    وسوت لها ميك اب وردي ناعم يعني سوت لها مكياج وردي بناتي وانيق
    مريم:واو تهبلين
    اسيل:بس مو عاجبني
    مريم:لا والله حلوو
    اسيل(وهي تتوجه للحمامشعري ومكياجي بايخين مابي
    وراحت غسلت شعرها ومسحت مكياجها وطلعت من الحمام
    مريم(منصدمهيامجنونه وش سويتي
    اسيل(وهي تنسدح وتغمض عيونهاخل تسوي لك وبعدين تبتدي فيني
    الكوفيره(انقهرتليش عملتي هيك مابيسوى علي
    اسيل ماردت لانها نامت
    مريم:ماعليك منها هي كذا ابدي فيني الحين وبعدين فيها
    وقعدت الكوفيره تسوي شعر مريم
    ..................................................

      تعليق

      • *مزون شمر*
        عضو مؤسس
        • Nov 2006
        • 18994
        #52
        رد: { رواية هذي الدنيا}

        على الساعه 7 نزلت مروه من فوق وهي لابسه ومتكشخه وحاطه مكياج ناعم على عمرها نزلت من فوق وتوجهت للصاله لقت اهلها كلهم مجتمعين
        مروه:يلا خلصت نمشي
        امها:يلا حتى انا
        ياسر:يمه من بيوصلكم ابوي
        ابو ياسر:أي انت تعال بعد نص ساعه
        ياسر:خلاص اشوفكم هناك
        ام ياسر:يلا ياعريس لاتتاخر عشان نزفك
        ياسر:ههههههه من عيوني يام العريس
        مروه(باست ياسر من خدهمبروك
        ياسر(وهو حاط يده على خدهامن قلبك
        مروه:اكيد
        ياسر:اذا الله يبارك فيك وعقبالك
        ابو ياسر:يلا انتظركم بالسياره
        طلعوا كلهم وراح ياسر يظبط كم شغله وبعدها يروح للمكان اللي بيجمعه مع اسيل
        .................................................. ..............
        مريم:سوسو وريني
        اسيل(وهي تلف لهاهاه شوفي ظابط
        مريم(وهي تتقدم لهايجنن ياخذ العقل ويلا ترى تاخرنا وانتي بعد تو مالبستي الفستان
        اسيل:خلاص بس مو فرحانه
        مريم(وهي تدفها لبره الغرفهيوه طفشت من هالاسطوانه دريت انك مو بفرحانه بس تظاهري اوكي
        اسيل:طيب طيب لاتدفين انا اعرف انزل
        ونزلوا تحت واسيل راحت للمطبخ
        مريم(وهي تلحقهاوين رايحه
        اسيل:جوعانه ماكليت شي
        مريم:كلي مع زوجك الحين امشي
        اسيل:لاهالمتعجرف مابيأكلني ابي اكل من هنا
        مريم:اسيل مافي وقت يعني ماجعتي الا الحين
        اسيل:مريم والله ماكليت شي من الصبح
        مريم:زين الفندق حاط اشكال وانواع من الاكلات
        اسيل:افف مابي باكل
        مريم(وهي تفتح شنطتهاخذي هذا تويكس
        اسيل(وهي تركض لهاواو تويكس (وباستها بقوه لدرجه ان الروج طبع على خد مريموينك يالتبن ماعطيتيني من زمان تو تذكرين ولا بخل
        مريم:وجع كليتيني حتى شكر ماقلتي
        اسيل(وهي تاكل حبه من التويكستكفي البوسه
        مريم:زين الله يفشلك شلون بتبتسمين الشوكليت بيبقى بسنونك
        اسيل(مندمجه مع التويكسعادي شو بدي فيهم
        مريم:مو انتي العروس ياحظي
        اسيل:والعروس مايصير تاكل شي محرم عليها يعني
        مريم:افف خلاص كلي اللي تبين بس امشي
        اسيل:طيب وجع لاتدفين
        واخيرا قدرت مريم تلبسها العبايه وطلعوا من البيت وركبوا السياره وتوجهوا للفندق
        .................................................. ..................
        وصلوا اسيل ومريم مع اهل ياسر
        نزلت اسيل وانتبهت لها مروه وعرفتها لان اسيل ماتتغطى واستغربت مروه شلون ماتتغطا وهي حاطه مكياج عروس بعد راحت لامها وقالت:يمه شوفي مرة ولدك
        التفت ام ياسر:وينها
        مروه(وهي تنادي اسيلاسيل اسيل
        سمعت اسيل احد يناديها وقفت والتفت وشافت وحده متغطيه ومعاه حرمه وباينه انها كبيره تقدمت لها مروه وفتحت شوي من الغطا عشان تشوفها اسيل وعرفتها وابتسمت ببرود وقالت:هلا
        مروه(بنفس الاسلوب تعاملهاامي تبي تشوفك
        اسيل(تاففت ومروه استغربت شلون تتافف اما مريم تداركت الموقف وابتسمتوينها خل نروح لها
        مروه:دقيقه اناديها
        مريم(وهي تسحب اسيل معاهلامايصير لازم احنا نروح
        مروه:اوكي تعالوا
        ومشت مروه ووراها اسيل ومريم ووصلوا للمكان اللي فيه ام ياسر
        مروه(وهي تاشر على اسيليمه هذي اسيل
        ام ياسر(استغربت انها مو متغطيه بس ابهرها جمالها وقالتهلا يمه اسيل شخبارك
        اسيل:تمام
        ام ياسر(عقدت حواجبها من اسلوبها البايخ وكأنها مغصوبه ومريم قالتانتي ياخاله شخبارك
        ام ياسر(التفت لمريم وابتسمتالحمدالله من انتي اختها
        مريم(ابتسمتواكثرر
        مروه:يمه هذي صديقتها مريم
        مريم(وهي تمد يدها تصافح ام ياسر وام ياسر صافحتها وبعدها قالت مريمطيب نشوفكم بالقاعه الحين لازم اسيل تروح تتجهز
        مروه:اوكي باي
        مريم:باي
        وراحت مريم وسحبت اسيل معاها ولما ابتعدوا قالت:شفيك غبيه انتي ابتسمي عالاقل وش ذا البرود اللي عليك
        اسيل:افف امشي مالي خلقك
        مريم(ماردت مشت معها ودخلوا للفندق وتوجهوا للريسيبشن وقالت مريم لاسيلهيه وش اسم زوجك ياسر شنو
        اسيل:ياسر تبن
        مريم:اسيل انا مالعب معاك
        اسيل:وانا شدراني
        مريم:افف زين دقي على جدتك
        اسيل:ليه
        مريم(تنرفزتاسيل شفيك صايره غبيه بعد ليه عشان تقولنا ياسر التبن وش اسمه بالكامل
        اسيل:طيب وش فيك معصبه
        مريم:من برودك ولاتقولين ليلة عرسك تقولين عزاك
        اسيل(طلعت جوالها ودقت على جدتها وبعد ثواني وصلها صوت جدتهاالو
        اسيل:هلا جدتي
        الجده:يمه اسيل وينك تاخرتي
        اسيل(تبي تلعب على جدتهاجدتي هربت مابي اتزوج
        مريم(طيرت عيونها وش فيها ذي نقولها اسئلي عن اسم ياسر تقعد تستهبل وتلعب)
        الجده(ارتعبتيمه اسيل لاتلعبين علي
        اسيل:شفيك جدتي مالعب
        الجده(خافت من جداسيل حبيبتي صدق اللي تقولينه
        اسيل(ولا كأنها قالت شيجدتي بغيت اسئلك عن اسم ياسر بالكامل
        الجده:اسيل انتي هربتي شفيك قولي
        اسيل:لا ماهربت امزح يلا عطيني اسمه
        الجده:يمه اسيل الله يهديك وهذا وقت المزح
        اسيل:ليه جدتي في اوقات للمزح
        مريم(سحبت الجوال من اسيل وشكلها اسيل مهي مخلصه سوالفاول هلا خالتي
        الجده:هلا مريم حبيبتي انتوا وين
        مريم:احنا بالفندق بس نبي اسم ياسر بالكامل عشان نروح للغرفه اللي حاجزها
        الجده:اسمه ياسر سالم .... ال......
        مريم:مشكوره والحين نكون فوق انتي وين
        الجده:انا الحين بالغرفه اللي حاجزها
        مريم:دقايق ونكون هناك باي
        وسكرت مريم والتفت للموظف اللي على الريسيبشن وقالت:السلام عليكم
        الموظف:وعليكم السلام امري بغيتي شي
        مريم:اخوي في حجز باسم ياسر سالم .... ال.....
        الموظف:دقايق
        وقعد يشوف على الكمبيوتر ويطلع الاسم وبعدها لف لمريم وقال:أي نعم الدور رقم الغرفه (***)
        مريم:مشكور اخوي
        الموظف:العفوو
        راحت مريم لاسيل اللي واقفه وخذت منها الكيس اللي فيه فستانها واغراضها وتوجهوا للمصعد
        .................................................. ...................
        اما ياسر خلص كل شي وراح لقاعة الرجال ولقى ابوه هناك وقرايبينه وتو مابعد يجون الناس كلهم
        توجه لهم بابتسامه والكل قام يسلم عليه وسلم عالكل وراح وقعد جنب فهد وسعود
        فهد:مبروك يالعريس
        ياسر(بابتسامه بينت غمازاتهالله يبارك فيك وعقبالك
        وسعود بارك له وبعد ربع ساعه بدوا الناس يملون القاعه وياسر يسلم على كل اللي يدخلون وكان قاعد جنب فهد وسعود ولما بدوا الناس يكثرون قام وقعد بمكانه المخصص اللي يترأس الصاله الكبيره وكان اقرب واحد له ابوه وبدوا يتقدمون لياسر ويباركون له ويسلمون عليه وهو مبتسم ابتسامه تعني الف معنى ومعنى بس محد يعرف هالمعاني غير ياسر
        ونقدر نقول ممكن تعرفها مستقبلا اسيل تتوقعون ممكن او لا ؟
        ..................................................

          تعليق

          • *مزون شمر*
            عضو مؤسس
            • Nov 2006
            • 18994
            #53
            رد: { رواية هذي الدنيا}

            البارت العاشر

            اسيل وصلت للغرفه وقعدت وهي تقول:جدتي جوعانه
            مريم(شهقتوالتويكس يالظالمه
            اسيل:بعد هذا مايشبع
            الجده:اسيل يمه تعشي مع زوجك ولاحقه الحين قومي البسي فستانك
            وقامت اسيل بالغصب من مريم ولبست وعدلت لها مريم مكياجها وظبطت شعرها من بعد الشيله وصارت جاهزه
            مريم:شوفي في لك مدخل خاص اوكي هذا اللي بتجين منه على القاعه فضوه لك من الناس لان ياسر حجزه
            الجده:ماشالله عليك يامريم كأنك انتي العروس مو هي
            مريم:شسوي ياخاله هذي بارده بهالامور قمت انا اعدل لها امورها ولو انها ماتستاهل
            اسيل:وجع بتمنين علي
            مريم(وهي تلتفت للجدهشفتي معاها من الصباح للحين حتى كلمة شكر ماحصلت
            اسيل(ببرودثانكس ميمي
            الجده:ههههههههه الله يعينك عليها
            مريم:اشوا اني اقدر اصبر ولا مفروض من زمان تاركتها
            الجده:هههههههه الله يخليكم لبعض والحين انا بنزل مايصير الناس بدوا يجون وانتي بعد عمري مريم خلك معها ونزليها خلاص
            مريم:انشالله بس متى تنزل
            الجده:بدق عليك واقولك
            مريم:خلاص ببقى معها
            الجده:طيب امك جت
            مريم:أي اظنها وصلت لان اتصلت عليها قبل شوي وقالت لي انها طلعت من البيت
            الجده:خلاص يلا انا بنزل
            وطلعت الجده من الغرفه وبقت مريم مع اسيل البليده
            مريم:اسيل
            اسيل(وهي تطالع mbc Action            هممم
            مريم:تكفين ابتسمي ليش صايره بارده مايصير اللي تسوينه
            اسيل:مريم شوفي طالع فلم يجنن وانتظره من اسبوع (وهي تلتفت لها برجاتكفين مابي انزل القاعه الا وانا مخلصته
            مريم(شوي وتنهبل منها التفت للتلفزيون وطلعت عيونهايوووه حتى انا انتظره مو هذا لانجلينا جولي
            اسيل:ههههههههه ايووه ويلا خل نتابعه وننزل
            مريم(وهي تروح لثلاجة الغرفه الصغيرهاكيد بدون شك (وطلعت لها بيبسي ولاسيل وطلعت تويكس لاسيل ولها جالكسي وخذت من على الطاوله شيبس وراحت طفت النور وقعدوا)
            اسيل:واو والله اني بموت من الجوع
            مريم:كلي كلي لاتموتين
            وقاموا يتابعون بحماس
            .................................................. ...............
            تحت بالقاعه مروه قاعده تستقبل الحاضرين هي وجدة اسيل وتعبت من الوقفه راحت قعدت وشافت روان تسولف مع امها
            مروه:رووووووان متى جيتي
            روان(رفعت راسها لهاههههههه من زمان
            مروه(وهي تقعدماشفتك متى
            روان:مدري المهم اني جيت
            مروه:هاه وش هالكشخه اليوم بتنخطبين انا متاكده
            روان:ههههههه الا انتي طالعه مسكته وش هالحركات لا وعدسات بعد بيذوبون الناس
            مروه:ههههههه وجع وش هالمصطلحات
            روان:عادي يمشون الحال
            مروه:من هم
            روان:المصطلحات
            مروه:ههههههه الله يرجك
            روان:اي متى بتنزل اسيل ودي اشوفها
            مروه(بدون نفسوانشالله ماتنزل
            روان:ليه حرام عليك
            مروه:اففف تقهر ترفع الضغط
            روان:مو شي جديد الا وين صديقتها ماشوفها
            مروه:هم بالغرفه فوق ومريم معاها
            روان:اوكي اطلعي لهم
            مروه:يخسون مابقى الا هي
            روان:طيب طيب اعصابك
            مروه(وهي تطالع ساعتهاالحين الساعه 10 على الساعه عشر ونص تدخل بروح اقول لجدتها تعطيها خبر
            روان:اوكي انتظرك
            وراحت مروه لجدة اسيل
            الجده(التفت لمروه المبتسمه وطبعا تعرفت عليها وعرفت ان هي اخت ياسر ورحبت فيها اما مروه توجهت لها وقالتخاله الحين الساعه عشر على الساعه عشر ونص خلي اسيل تنزل
            الجده:انتي مابتطلعين لها
            مروه:لالا ببقى هنا
            الجده:لا مايصير انتي اخت العريس لازم تطلعين لها
            مروه(انحرجت منهاخلاص بس هم أي دور واي غرفه
            عطتها الجده رقم الغرفه والدور ولبست مروه عبايتها وطلعت من القاعه للغرف وصلت للمكان المطلوب وفتحت الباب لان الجده عطتها البطاقه عشان تفتحه بدون ماتدق دخلت ولقت الغرفه مظلمه بس سمعت صوت حرب وضرب شكله التلفزيون استغربت دخلت وفتحت اللمبه ولقت اسيل ومريم مندمجات بس التفوا برعب للي شغل اللمبه وشافوا مروه اما مروه تعجبت منهم ياحليلهم صدق اطفال
            مريم(باحراجندري ندري اشكالنا تضحك صح
            مروه(وهي كاتمه ضحكتهالا بس شتسوون
            اسيل(رجعت اندمجت مع الفلم ومريم قالتنتابع فلم ننتظره من اسبوع
            مروه:هههههههه لانجلينا جولي تصدقون حتى انا كنت انتظره
            مريم:هههههههه اجل تعالي تابعي
            مروه(وهي تقعدبس خلاص بينتهي هو الساعه 8 يبدا والحين 10
            اسيل(نست من قاعده تكلم والتفت لمروه وقالت بحماسفاتك وش سوت وربي انها حركات هالانجلينا
            مروه(استغربت بس تحمست معها وقررت تعاملها عادي بما انها بتسكن معها بنفس البيت فلازم الثلج اللي بينهم يذوبأي اموت فيها كل افلامها اتابعهم
            اسيل:تابعتي (*******)
            مروه:اكيد طيب انتي عندك فلم (**********)
            اسيل:يوووه حق الحرب لا ماعندي بس سمعت عنه وودي اشوفه
            مروه:ههههههههه انا عندي شرايك بلا ياسر بلا هم وتجين تشوفينه معاي
            اسيل(عصبت من طاري ياسرافف لاتجيبون سيرته
            (مريم تفشلت ومروه استغربت ليه تقول عنه كذا وطالعت مريم بتساؤل)
            مريم(ترقع السالفهههههههه أي زعلانه عليه عشان ماكلمها
            مروه(مشت عليها الكذبهههههههه بس كذا عادي تعودي من ياسر يجيك كل شي
            اسيل(ماحبت تدخل بمشاكل مع مروه وقررت تاخذها لصفها خصوصا انها بتسكن معها ومابيكون معها احد وهي من النوع تزهق بسرعه فتتسلى مع مروه لان اكيد هالمتعجرف مابيطلعني مكانأي شفتي ادق عليه يقفل جواله
            مروه:هههههههه صدق مايستحي هذا وانتي خطيبته
            اسيل(كتمت ضحكتها هي ومريم لان مروه باين انها مصدقه بجد)
            مروه(وهي تتذكريووووه نسيت اقولكم يلا الحين تجهزي عشان يزفونك خلاص ظبطنا لك الزفه
            اسيل(شوي وتطلع اللي في بطنها ومريم قالتاوكي بتنزلين معنا
            مروه:ليش لاء
            مريم:حلوو وعشان ننزل انا وياك وكل وحده بيدها المبخره (المدخنه) ونكون قدامها شرايكم
            مروه:ممتاز
            اسيل:ميمي لاتنسين شرطي ولا مني نازله
            مريم:لالالا مانسيته وانتي حره
            مروه(بتساؤلأي شرط
            مريم(وهي تطالع باسيل بعدين رجعت طالعت بمروه وقالتالاخت تبي ......
            قاطعتها اسيل:لالا خلوها مفاجاءه
            مروه:يكون احلى
            تجهزوا البنات وعدلوا انفسهم وتجهزت اسيل عشان تنزل فتحوا باب الغرفه وحان وقت الزفه وصلهم صوت الموسيقى العالي والضخم واللي كأنها من موسيقى العصور الوسطى موسيقى ولاروع رومانسيه حالمه وهاديه موسيقى ترقص عليها الاميرات وصلت اسيل للدرج ومريم ومروه قدامها نزلوا وبعدها نزلت اسيل بخطوات واثقه هاديه متزنه نزلت وانظار الناس عليها نزلت والناس كلهم فرحانين لها اللي يعرفونها واللي مايعرفونها بس ليه افرحوا لانها العروس الناس فرحانين وهي تحس ان الدنيا انطبقت على قلبها تحس بشي يعصر قلبها بقوه ياناس ليه ماتفهون اني مابي ياسر ليه بأي لغه اتكلم حتى تفهمون تقدمت اسيل للكوشه وتمت واقفه ماقعدت وطلعت اغنية (لو بس بص لي) (للمغنيه يارا)
            {جايه وايدي على قلبي
            حاسب مني ياقلبي
            لو حتكلم عن جمالوا مش حلاقي كلام
            خايفه لما اقابلوا قلبي يدوب من قبلوا
            يسرق روحي مني واضيع في غرام وغرام
            لو بس بس بص لي
            انا انا انا
            حعمل ايه
            لو ايه ايه يقولي
            انا انا انا اقولوا ايه
            حقوله من همسه لمسه نظره بدوب وبدوب
            ومهما جرى على قلبك حبيبي والله ماتوب}
            وبدت ترقص عليها اسيل مصري وكان رقصها روعه ورقص لايق لعروسه والناس انصدموا وحتى جدتها وامها الكل انصدم بس بعد مامرت مقاطع من الاغنيه بدوا يصفقون واندمجوا معها لان رقصها غصب يخلي الواحد يطالعها وطلعت لها مريم وبدت ترقص معها وبعدها توجهت مروه وروان وبدوا يرقصون حوالينها وكل وحده كانت تتميز برقصها بعدها سووا دائره حول اسيل وصارت ترقص وتهز بحركات متقنه خلصت الاغنيه والكل توجه لكرسيه واسيل قعدت وهي تتنفس بقوه طلعت لها مريم مريم:وش هالحركات لايكون مسويه بروفه من ورانا
            اسيل(وهي تتنفس بصوت مسموعمريم جيبي لي ماي
            مريم:شفيك تعبتي
            اسيل:اي مو انا عندي ربو وهالدخان وهالرقص وماكلت شي من الصبح حسسني بدوار
            مريم:اوكي بروح اجيب ماي
            وراحت مريم وخذت ماي من على وحده من الطاولات وفتحتها لاسيل واسيل شربتها كلها تحس بالعطش
            مريم:هاه تحسين نفسك اوكي
            اسيل(بعد ماهدتأي احسن شوي
            بعد مارقصوا الناس وبعد ماطلعوا قرايب اسيل وباركوا لها حان الوقت انها تقوم وتطلع مع زوجها طبعا ياسر مارضى يدخل قال انه بيطلع هو وياها للجناح اللي حجزه وبس
            اسيل:افف لازم اطلع الحين
            مريم:أي الساعه قريب ال12
            قامت اسيل وسلمت على مريم بقوه ومريم شوي وتصيح بعدها سلمت على جدتها والجده نزلت دموعها ماتقدر تفارق اسيل هذي روحها سلمت اسيل عالكل وطنشت امها واصلا امها طنشتها وطلعت من زمان
            خلاص وصلت اسيل للمكان اللي فيه ياسر ولبست عبايتها وحطت الشيله وطلعت وقبل ماتطلع لحقتها
            مريم وقالت:اسيل حلفتك بالله تغطي
            اسيل(استغربتليه
            مريم:يعني ماتعرفين ياسر تكفين بلا مشاكل
            اسيل ماكان لها خلق تجادل واصلا كانت دايخه خصوصا انها مابخت من بخاخ الربو وممكن بأي لحظه تطيح فتغطت وهذا زادها خنقه فوق ماهي مختنقه طلعت وشافت ياسر حست انها ودها تذبحه تكرهه من كل قلبها وكل ذره بجسمها تكرهه حست بدوخه فظيعه شافت اخوانها يسلمون عليها وابوها بس ماحست بشي حست انه بيغمى عليها شافت ياسر يتوجه لها بابتسامه ماعرفت بشنو تفسرها بس يوم شافته قريب منها وهي خلاص بتدوخ وريحة عطره القويه وريحة عطور اخوانها زادتها اختناق يوم قرب منها ياسر وقالها:مبروك
            قالت(بصوت مايسمعه الا هوياسر
            ياسر(استغرب شفيه صوتهانعم
            اسيل(وهي تتنفس بتعباسندني
            ياسر:نعم
            اسيل(وهي مو قادره تتحملاسندني لاطيح
            ياسر(بسرعه مسكها من خصرها وهي اسندت راسها على كتفه خاف عليها شفيهااسيل شفيك
            اسيل:بموت لازم ارش من البخاخ
            ياسر:أي بخاخ
            اسيل:البخاخ حق الربو بشنطتي
            ياسر:وين هالشنطه
            اسيل:يووه فوق بالغرفه
            ياسر:خلاص تسندي علي
            تمسكت فيه اسيل وهي شبه غايبه عن الوعي ماتدري من هذا اللي ماسكته ولاتدري ان راسها على كتف عدوها وهو اللي مساندها سلم ياسر عليهم وخذا اسيل وطلعوا للمصعد

              تعليق

              • *مزون شمر*
                عضو مؤسس
                • Nov 2006
                • 18994
                #54
                رد: { رواية هذي الدنيا}

                ياسر فك الغطا عن وجهها وشافها مغمضه عيونها انبهر فيها يالبي قلبها تجنن ياناس ملاك عالارض قمر مو ملاك انفتح المصعد وهي اسيل بثقلها كله عليها جسمها ملاصق لجسمه نفسها بوجهه حس انه بيحترق من الحر مايقدر يقاومها هذي اسيل وصلوا للغرفه وفتح الباب وجلسها عالكنبه وراح يدور على الشنطه شافها على السرير طلع البخاخ وتوجه لها مسك فمها وفتحه وبخ فيه بختين وراح جاب ماي وشربها بعد شوي فتحت عيونها ببطئ وتعب شافته جنبها وين انا قامت وهي تفرك عيونها وهو تم ساكت ماقال شي يبي يشوف ردة فعلها بعد ماحست بأنها تمام واستوعبت هي وين ومع مين صرخت وقالت:شسويت فيني
                ياسر(ماستغرب هجومها وقال ببروداحمدي ربك بغيتي تموتين زين مني سندتك
                اسيل(بعدت عنه وقالتاهون علي اموت ولاتلمسني
                ياسر(ببرود قاتلتصدقين حتى انا اهون علي تموتين ولالمسك بس شسوي كسرتي خاطري يوم مسكتيني وطبعا انا ياسر الشهم لازم اساعدك
                اسيل(تنرفزت محد ينرفزها غيره ماعمر احد كلمها بهالطريقه ولامره احد داسها او هزئها هي دايم اللي تهزئ وتسب وتدوس وجاها اللي يعاملها بالمثلزين وش سويت فيني يالغبي
                ياسر:من زينتك اسوي فيك شي (وبعصبيه ارعبت اسيلواحترمي نفسك وثمني كلامك قبل لاتتكلمين فاهمه
                اسيل:لا مو بفاهمه
                ياسر:يعني تبين تفهمين بطريقتي
                اسيل(بسخريهواي طريقه لايكون بتضربني او بتربيني
                ياسر:وليش لاء
                اسيل:ليش شايفني حيوان
                ياسر(ببرودالله يكرم الحيوانات
                اسيل(عصبتشقصدك
                ياسر:مايحتاج توضيحات والحين مالي خلق اتكلم امشي للجناح اللي حاجزه ولو انك ماتستاهلين
                اسيل:مابي ببقى هنا
                ياسر:هالغرفه حاجزها يوم والحين بيستلمونها يعني قومي بالطيب
                انصاعت اسيل وقامت وهي كارهته خذت اغراضها وكانت اكياسها واشيائها كثيره فحست انها بتطيح من ثقلهم بس توازنت لما شافت ياسر يشيل كل هالاكياس عنها بسهوله عصبت وقالت:مابيك تشيل اغراضي
                ياسر:ومن حلات اغراضك شايلهم بس عشان لاتطيحين علي اهون علي اشيل عشره مثل اغراضك ولا اشيلك
                اسيل عصبت وماعرفت ترد عليه نرفزها تبي احد يعاونها يرد عليه بس مافي مافي غيرها معاه مقهوره منه ماتبيه ماتبيه
                قبل مايطلعون قالها:تغطي
                اسيل(بعنادمو بكيفك مابي
                ياسر(بحزم وصرامهمابي هذي ماتمشي عندي تغطي عشان لايجيك شي ماتتمنينه
                اسيل:وش بيجيني ترى مني خايفه
                ياسر نزل الاغراض وتقدم لها وخلاها تتغطا
                اسيل نزلت الغطا وقالت:مو بكيفك وخر عني
                جت تطلع بس وقفتها يد ياسر القويه مسك يدها بقوه لدرجه حست ان الدم تحبس
                اسيل(وهي تتالمهيه شيل يدك عني
                ياسر(وهو ضاغط على سنونهكلمتي ماعيدها ابد فاهمه
                اسيل(حست انها بتموت من قوة يدهطيب طيب فكني
                فكها وهي قامت تفرك يدها لان عورها بقوه وهو كسرت خاطره ماكان يبي يتعامل بهالاسلوب معاها
                بس هي اضطرته انه يتعامل معها بهالطريقه البشعه عمر ياسر ماكان قاسي او حقود لكن هي اسلوبها زفت وتعامل الناس على انهم حشرات ولازم نعاملها كحشره حتى تحس
                قال بصوت عصبي و صارم:والحين بتتغطين
                تغطت بدون ماتقول ولا كلمه بس والله مامشيها لك يا ياسر والله لاتندم
                طلعوا من الغرفه وتوجهوا لجناحهم دخلوه وكان فخم وروعه جناح لعروسين لكن مو لياسر واسيل
                بعد ماحط ياسر الاغراض وراحت اسيل وقعدت لانها تحس بنعس وتعب وجوع (مصيبه) قال ياسر ببرود:شوفي يابنت الناس انا بنام هنا بره وانتي بتبقين بالغرفه فاهمه
                اسيل ماردت كل اللي سوته انها اسندت راسها لورا بتعب وهو خاف عليها بس ماوضح وقال:شفيك تعبانه
                اسيل قامت وقالت:مايخصك
                وراحت للغرفه وهي مو قادره تنام جوعانه بطنها امتلى حلاويات هي تبي تاكل عالاقل شي مالح شي يسد جوعها مو مثل الحين تحس بجوع مع انها كلت جالكسيات ياكثر دخل ياسر للغرفه وقال:لما اكلمك تردين علي مو تطنشين وتمشين
                اسيل حطت يدها على راسها افف مو وقتك وربي تعبانه ليش ماحد يحس وينك ياجدتي تشوفين اللي انا فيه ياسر راح وتقدم لها وقال:شفيك بشنو تحسين
                اسيل(جوعانه يالغبي يالمتعجرف بس مستحيل اقولك جوعانه مابيك تمن علي بشيولاشي وخر عني
                ياسر:ترى مالي خلق مستشفيات الحين يغمى عليك وابتلش
                اسيل(بصراخوخر عني مابيك تسوي لي شي ماقلتلك وديني المستشفى بس روح فكني رووح
                ياسر(استغرب صراخها شفيهازين لاتصارخين بروح لانك تعبانه بس ان رفعتي ص .......
                قاطعته وقالت:خلاص فهمت توجيهاتك وتنبيهاتك بس روح روووووح
                طلع ياسر وهو يائس منها صدق انها كتلة حجر ماتحس اما هي نامت بفستانها لانها تحس بتعب
                .................................................. ......................
                ثاني يوم الصباح قامت اسيل وهي مستغربه المكان اللي هي فيه بعدين استوعبت انها مع ياسر تحت سقف واحد قامت بتكاسل وتعب وحست بالهدوء شكل هالغبي طالع شافت نفسها للحينها بفستانها تذكرت شلون كانت ليلة امس متعبه لها بالذات كانت تحس بدوار ودوخه مو طبيعيه وقفت وتوجهت لشنطتها وطلعت لها ملابس وراحت للحمام وخذت شاور ينشطها من هالكسل والخمول اللي تحس فيه لبست وطلعت وشعرها المبلول نازل على وجهها رفعته بيدها ومشطت شعرها لورا بس رجع ينزل طنشته وطلعت تشوف شي تاكله راحت للثلاجه الصغيره اللي موجوده بالغرفه فتحتها ولقت بس عصيرات وحلاويات يووه رجعنا على هالاكلات ياناس ابي اكل شي يشبعني مو يجوعني توجهت للكنبه وجلست افف جوعانه حست باحد يدخل التفت وشافت ياسر داخل وشكله مستانس بس من شافها تبخرت هالوناسه وحل محلها الجمود والبرود عصبت وش جابه هذا كنت مفتكه منه
                اسيل(بقهروش جابك
                ياسر(بسخريهرجولي اللي جابتني
                اسيل(عصبتسخيف
                ياسر(بعصبيه اقوى منهااحترمي نفسك فاهمه
                اسيل:لاتصارخ علي ومني محترمتك لانك ماتستحق هالاحترام
                ياسر(وهو مايبي يتهور مسك اعصابه وقاللاتخليني اسوي شي مايعجبك
                اسيل:بتطلقني ياريت تطلقني والله كان اسعد يوم بعمري
                ياسر(بسخريهاطلقك ياحليلك خيالك واسع (وبجديهانا خذيتك مو عشان اطلقك
                اسيل:عشان وشو يعني (بغرور عشاني حلوه وقمر وعسل
                ياسر(ابتسم بينه وبين نفسه على كلامها وقال ببرودلا طبعا في اللي احلى منك بمليون مره انا خذتك عشان شي في بالي
                اسيل(انقهرت منههيه لاتنكر اني حلوه
                ياسر:انا مانكرت انا قلت ان في احلى منك
                سكتت اسيل عنه وهو شوي وبتنفجر منقهره منه ومن بروده بعدها ماقدرت تتحمل الجوع التفت له وقالت بسرعه:ترى جوعانه وابي اكل
                ياسر:اطلبي احد ماسكك
                اسيل:أي انت يالبخيل
                ياسر(بانكارانا بخيل انا اخر واحد ينقال لي بخيل ويلا اطلبي لاتموتين علي وابتلش مع اهلك
                اسيل(جرحها كلامهشقصدك يعني انا عاله عليك اذا ماتبيني اتركني شتبي فيني
                ياسر(ندم على الكلام اللي قاله ماكان يبي يجرحها بس لازم تتعلمقلتلك ماخذك لشي في بالي
                اسيل:يعني مشروع او ملايين
                ياسر(وهو يحط رجل فوق رجل وببرودممكن ليش لاء
                اسيل قامت ركض للغرفه ودموعها تسبقها صدق حقير لا ويقولها بوجهي هالمتعجرف ياربي انا شسويت حتى تبليني بهالياسر ليه يالدنيا انتي كذا ليه
                اما ياسر حس بانه زودها ماكان قاصد يجرحها او ينزل دموعها لكن اسيل لازم تتربى وتتعلم تحترم
                .................................................. .................
                اسيل وهي تكلم مريم عالجوال
                اسيل:حقير يامريم حقير
                مريم:ليش وش سوى
                اسيل:قولي شنو اللي ماسواه انا اول مره اشوف واحد يعامل زوجته باول ليله كذا
                مريم:صديقتي واعرفك اكيد استفزيتيه
                اسيل(بعصبيهمريم انتي بصفي ولا بصفه
                مريم:انا مع الحق
                اسيل(بصراخالله ياخذ الحق اللي بيخلي الكل بصف هالمتعجرف
                مريم:شفيك فجرتي طبلتي
                اسيل:اصلا حتى انتي حقيره مثله
                مريم(وهي تشهقانا
                اسيل:أي انتي غبيه ومجنونه وكلبه ليش ليش دايم بصفه
                مريم:اوف اوف كل هذول انا اقول احترمي نفسك
                اسيل:لامني محترمتك لاتسوين لي مثل هالغبي
                مريم:طيب مع السلامه يالنذله
                اسيل:انقلعي مع السلامه
                وسكرت الخط وهي بتفجر من العصبيه طلعت حرتها كلها بمريم اوف حتى هي حقيره مثله
                دخل ياسر وشافها قاعده على السرير وشكلها معصبه
                ياسر:شفيك شوي وبتفجرين عسى مشر
                اسيل(بعصبيهوخر عني مالي خلقك ترى حدي معصبه
                ياسر(بسخريهوانتي متى ماعصبتي ودي اشوفك رايقه مثل أي بنت دايم معصبه ومتنرفزه
                اسيل(عصبت بزيادهكيفي لك علي شي شتبي مني
                ياسر:وانا كل ماقلتلك شي قلتي لي شتبي مني
                قلتلك يابنت الناس من زينك ابي منك شي
                اسيل(قامت وقفت بتطلع من الغرفه لكنه قال لهاترى اليوم بنروح لشقتنا وبعد بكره مسافرين لامريكا
                اسيل(التفت لهنعم وليه نسافر انا مابي شهر عسل
                ياسر(ببرودياحليلك دايم اقولك خيالك واسع أي شهر عسل اللي تتكلمين عنه وهو اللي يقعد معاك يلاقي عسل الا قولي شهر بصل
                اسيل(تنرفزتاجل ليه خذيتني ليه تزوجتني
                ياسر:قلتلك للمره الالف اخذتك لشي في بالي
                اسيل:زين ودراستي انا مابي اسافر
                ياسر:بتفهميني انك حريصه على الدراسه
                اسيل(وهي تقعدطبعا دراستي اصلا اهم منك
                ياسر(ماحب منها هالكلام بس قال ببروداصلا انا اللي مابي اكون من اهتماماتك ولا ابيك تفكرين فيني او اكون في بالك
                اسيل(انقهرت دايم يغلبها بالكلامطيب لمتى بنبقى الصراحه مامن على نفسي ان اقعد معاك بالغربه ولحالنا
                ياسر:ليش شايفتني وحش
                اسيل:تبي الصراحه أي
                ياسر:قلنا احترمي نفسك
                اسيل:اوف طيب ماقلت كم بنقعد
                ياسر:ممكن اربع او خمس شهور وممكن ست شهور على حسب
                اسيل(انصدمتاوووف وليه
                ياسر:شغل ومحتاج اني اكون متواجد هناك
                اسيل:خلاص خليني مابي اروح هناك
                ياسر:مو بكيفك
                اسيل:مو انت ماتحبني ولاتبيني شتبي فيني
                ياسر(الله يسامحك انا مابيكأي ماحبك لكن من بيخدمني هناك
                اسيل(عصبتيعني بتاخذني عشان اخدمك بس
                ياسر(ببرود ينرفزنعم
                اسيل(تنرفزت منهيعني قصدك اني بكون خدامه لك يعني انا خدامه
                ياسر:نعم
                اسيل:اكررررهك
                ياسر(المته كلمتها بس قال ببرودنفس الشعور
                اسيل:يكون احسن ....... طيب ودراستي وباقي اسبوع عالاختبارات شلون
                ياسر:سجلتك هناك
                اسيل:مابي ادرس هناك الثانويه مستحيل
                ياسر:وليه
                اسيل:ماتشوف افلامهم وشلون تعامل الطلاب مع بعض مابي اخاف
                ياسر(كتم ضحكته ياحليلها متابعه لافلام الاجنبيه وتصدقمو كل شي نشوفه نصدقه
                اسيل(وشوي وتنزل دموعها شلون تدرس لحالها هناك ماتقدر لا وياريت جامعه الا ثانويهمابي مابي ادرس هناك
                ياسر:سجلت لك بمدرسه عربيه يعني كلهم عرب
                اسيل:مني مسافره
                ياسر:قلتلك مابي هذي ماتمشي معاي انا قلت كلمه وبتتنفذ واليوم بنطلع للشقه جهزي اغراضك
                وقام وقف وطلع اما هي قامت لبست وتكشخت وسكرت شنطها وبس وشافت اغراض ياسر وقالت يحلم ارتبها لهم مابقى الا هي يبي ياخذني خدامه له بس انا اوريك منهي الخدامه دخل عليها وكانت قاعده تحط شدو (الظل) على عيونها قعد يطالعها باعجاب وهي مانتبهت لنظراته كانت مشغوله بنفسها التفت له وشافت نظراته استغربت اول مره تشوف منه هالنظرات غريبه وش طاري عليه انتبه لنفسه وحول نظراته للبرود وقال:خلصتي
                اسيل(بدون نفسايه
                ياسر وهو يطالع بالغرفه وانتبه لاغراض
                ياسر(وهو ياشر على اغراضهوملابسي واشيائي ليه ماترتبينها
                اسيل:بس بكيفي
                ياسر:اقول عندك خمس دقايق ترتبين فيها اغراضي
                اسيل:والله مني خدامه لك
                ياسر(بعصبيه وتسلطالا خدامه وبترتبينهم غصبن عنك فاهمه
                اسيل ماردت عصبت وتنرفزت وقعدت ترتب باغراضه وتدعي عليه بالموت يارب يموت يارب انك تاخذ ياسر يارب وتريحني منه خلصت من اغراضه وسكرت الشنطه بعصبيه ونرفزه وطلعت وقالت:خلصت
                ياسر(سكر التلفزيون وقام وقف وقالاجل مشينا وهم بيشيلون الاغراض وبيجيبونها
                اسيل لبست عبايتها وحطت الشيله وبعدها ترددت انها تتغطى لكن قررت تتغطى لانه بيغصبها كالعاده
                تغطت وهو ابتسم يعني بدت تفهم شطوره ياسيل
                ..................................................

                  تعليق

                  • *مزون شمر*
                    عضو مؤسس
                    • Nov 2006
                    • 18994
                    #55
                    رد: { رواية هذي الدنيا}

                    نزلت مريم لتحت وهي تضحك على اسيل ههههههههه حدها معصبه والله وطفر فيك ياسر بعد عمري اعرفها ماتتحمل اكيد خنقها هالمتعجرف ههههههه شفيني صرت اقول مثلها متعجرف والله اشتقت لها بس لازم اتصل واقولها تجي المدرسه نزلت للصاله ولقت ابوها قاعد ويتابع الاخبار شوي ويقرا من الجريده شوي زاد ضحكها كل شي اليوم صاير يضحك
                    مريم(بضحكيبه شفيك ذابح نفسك اخبار شوي من الجريده وشوي من التلفزيون
                    ابوها(ضحك لضحكهاهههههههههه والله مدري فاضي ماعندي شي
                    مريم(وهي تجلس جنبهدامك فاضي خل نطلع
                    ابوها:نطلع ليش لاء لكن وين محمد وعبودي
                    مريم:هذا محمدووه من زمان عنه
                    محمد:محمدوه بعينك اصغر عيالك انا
                    التفت مريم بسرعه لورا ولقت محمد داخل للصاله ومعاه عبدالله
                    مريم:اعوذ بالله من وين تطلع انت
                    جلس محمد وجنبه عبدالله
                    محمد:يعني من وين بطلع لايكون من الارض
                    عبدالله:خلك منها هذي متخلفه
                    مريم:متخلفه بعينك كل تبن ياقليل الادب
                    احمد:بابا مريم عيب انتي بنت
                    مريم:يبه ماتشوف ولدك هالمفعوص
                    عبدالله:اقول احترمي نفسك انا رجال مني مفعوص
                    مريم:لامنت رجال الا بزر
                    عبدالله:رجال من فوق خشمك ومالبزر غيرك
                    مريم:انت من وين لك هالالفاظ الشوارعيه
                    عبدالله(بسخريهانتي قلتيها بنفسك شوارعيه يعني من وين من الشارع
                    مريم:هه هه هه يا خف دمك انتبه لاتطير
                    عبدالله:لاتخافين منتبه
                    محمد:هههههههههههاي والله وطفر فيك هالعبودي
                    عبدالله:هههههههه اعجبك خالي
                    مريم(بقهريبه شوفهم يقهرون
                    احمد:انا بشوف عبدالله لكن محمد مقدر اسوي له شي
                    مريم:لا كلمه قوله لاتقهر بنتي
                    احمد(بضحكلاتقهر بنتي يامحمد
                    محمد:ههههههههه انشالله
                    مريم(بقهر اكبرلا مو كذا مو بضحك بجد
                    عبدالله:لا بجد ولا بعم الحين يبه انا سامعك تقول بتطلعنا
                    مريم:انت مافي روحه لك
                    عبدالله:ماكلمتك
                    مريم:انا اللي مقترحه هالطلعه والطلعه هذي لي
                    محمد:عادي نطلع انا وعبودي طلعه احلى من طلعتك
                    مريم(وهي تحضن ابوهاأي فكوني من شركم وروحوا انقلعوا وانا وبابي نطلع لحالنا
                    ابوها ضمها بقوه ومريم استغربت شفيه بس تمت بحضنه تحس بالامان والحنان بحضنه مستحيل يوم ماتحضنه او ماتشوفه او ماتكلمه هذا ابوها تعرفون معنى ابوها
                    بعدها عنه وقال:يلا نمشي
                    مريم(استغربت شفيه تغيرت نبرة صوتهاوكي بلبس عبايتي وبجي
                    .................................................. ..............
                    وصلوا للشقه (شقة ياسر) اللي بتسكن فيها ونزلت وهي تطالع بالمبنى الكبير العماره فخمه وكبيره نزلت من السياره وقال بتساؤل:حنا مابنسكن مع اهلك
                    ياسر(بكذب بس يبي يقهرها قالانا مستحيل اسكنك عند اهلي تبينهم ينهبلون او يطلعون من البيت مستحيل
                    اسيل انقهرت وانجرحت منه أي فكره شينه ماخذها عنها او أي موقف وهو من متى عرفني غير ايام ماخطبني مسرع ماكون عني فكره صدق حقير صحت من سرحانها على صوته يقولها:بنتم واقفين هنا كثير
                    تحركت اسيل معاه لداخل العماره والبواب راح ياخذ الشنط وينزلهم توجهوا للمصعد وضغط ياسر على الدور الثاني ووصلوا وطلع مفتاح الشقه وفتحها وقبل ماتدخل قال بسخريه:ادخلي برجلك اليمين
                    اسيل عاندت ودخلت باليسار عنادا له بس ضحك عليها صدق للحينها طفله دخل وراها وسكر الباب
                    ياسر:شرايك فيها
                    اسيل(وتخفي انبهارها بالشقهعاديه (وكان في سؤال يدور في بالها فحبت تعرف الجواب من باب الفضول لاكثرامم بسئلك هذي الشقه لمين
                    ياسر:برايك لمين
                    اسيل:لك صح
                    ياسر:اكيد
                    اسيل:بس متى اثثت هالاثاث كله ومتى سويت كل هذا يعني انت من قبل مجهزها
                    ياسر(استغرب اسئلتها بس قرر يجاوب على كل سؤال يبي يعرف لشنو تبي توصلاي ليه هالاسئله
                    اسيل:لا بس انت ساكن في بيت اهلك ليش هالشقه
                    ياسر(ابتسم بخبث وقاللاتخافين هذي مو لك لوحده
                    اسيل(استغربتوحده
                    ياسر(وهو يكمل لعبتهأي لوحده بتزوجها قريب انشالله بعد مانرد من السفر
                    اسيل:نعم تتزوج علي
                    ياسر:أي الشرع حلل اربع
                    اسيل(عصبتوليه خذيتني انشالله شايفني لعبه
                    ياسر:انتي شكلك ماتفهمين بسرعه ماتستوعبين بسرعه للمره المليون اقولك لشي في بالي
                    اسيل:تدري زين انك بتاخذ وحده عشان تطلقني وافتك
                    ياسر:ومن قال بطلقك
                    اسيل:انا بطلب الطلاق
                    ياسر:مو بكيفك انتي بتبقين تخدميني انا وحبيبتي
                    اسيل:لا والله قالوا لك خدامه خلها هي تخدم نفسها مني بخادمه احد وانا بتطلقني
                    ياسر:انا حبيبتي مستحيل تشتغل او تخدم احد لازم احد يخدمها
                    اسيل(وهي تقوم توقفانا مني خدامه لاحد
                    وراحت لاول غرفه قابلتها فتحتها ولقت فيها سرير لشخص واحد قررت ان هذي تكون غرفتها اليوم وبكره مدام بعد بكره مسافره سمعت صوت جوالها رفعته وشافت مريم ردت على طول وقالت:يالغبيه وينك لايكون زعلتي
                    مريم:هههههههه لا مازعلتش اقول بسئلك بكره جايه للمدرسه
                    اسيل:اكيد لازم اودعك
                    مريم:ليه وين رايحه لايكون شهر العسل
                    اسيل(وهي تقلد كلمة ياسرهههههههههه لاخيالك واسع رايحه لامريكا وبقعد يمكن ست شهور
                    مريم(بصدمهلاء مستحيل
                    اسيل:والله تخيلي
                    مريم:وليه لايكون يدرس
                    اسيل:هههههه أي يدرس عمره 27 عجوز هذا
                    مريم:ههههههههه الله يرجك أي عجوز الا في عز شبابه يختي
                    اسيل:اقول شكلك كنتي متابعه فلم مصري وتطبقينه علي
                    مريم:ههههههههه اي والله تو قاعده اطالع بروتانا سينما ظرف طارق لاحمد حلمي والله الفلم يهبل فاتك
                    اسيل:خلاص انا من تزوجت هالمتعجرف كبرت لاعاد اطلع ولادخل وحتى افلام بنحرم شكلي
                    مريم:هههههههههه ياساتر ليش
                    اسيل:مدري احس ان كل اللي يتزوجون كذا
                    مريم:معلومه خاطئه للاسف اي صحيح ومدرستك شلون تتركينها
                    اسيل:قلتله هالغبي بس قالي سجلني بمدرسه هناك
                    مريم:واو يعني نفس الافلام بتصيرين من بنات الثانويه حركات
                    اسيل:كلي تبن لا سجلني بمدرسه عربيه
                    مريم:أي زين اخاف ترجعين لي ماعرفك يقومون يخبصون فيك هالاجانب تقومين تسوين لوك غريب عجيب
                    اسيل:هههههههه الا انتي اللي مصطلحاتك عجيبه غريبه الا طلعتي اليوم
                    مريم:اي تو راجعه طلعت مع بابي
                    اسيل:يالبي قلبك انتي وبابي
                    مريم:ههههههههههه طيب اسوله مامي تناديني اكلمك بعدين اوكي
                    اسيل:اوكي سي يو
                    مريم:باي
                    وسكرت اسيل وهي زهقانه حدها اروح اقوله يطلعني او لا بس اخاف يفشلني هالغبي بس خل اطلع اجرب زهقت طلعت اسيل وشافته قاعد ويتابع التلفزيون راحت وجلست وقالت:ياهووو
                    التف لها ياسر:وين حنا قاعدين اظن عندي اسم
                    اسيل(بغباءاولا حنا قاعدين بشقة حبيبتك ثانيا ذكرني باسمك
                    ياسر(بفخرمعاك ياسر
                    اسيل(كتمت ضحكتها صدق حمار وش هالاسلوبزين يا ياسر بطلب منك طلب
                    ياسر:اطلبي ياكثر ماتطلبين
                    اسيل:كذاب هذي اول مره اطلبك فيها
                    ياسر وقف لها وراح ومسك شعرها على خفيف وقال:كم مره قلتلك احترمي نفسك اصغر عيالك تقولين لي كذاب
                    اسيل(تتمصلحخلاص ماعاد اقولها اتركني
                    تركها ياسر وهي قعدت تظبط شعرها وقالت:يعني من طول شعري تقعد تشد فيه كله شعرتين
                    ياسر:زين وش الطلب قولي
                    اسيل(بمصلحهيا ياسر يا كريم ياللي ماتبخل على احد ممكن تطلعني
                    ياسر(كتم ضحكته ياحليلها تتمصلح الاختوين تبين
                    اسيل:أي مكان
                    ياسر:شرايك للشرقيه
                    اسيل(باستغرابللشرقيه
                    ياسر:أي نروح نشوف البحر ونتمشى بما انك عروس
                    اسيل:لالا ابي اروح المدرسه بكره
                    ياسر:نرجع بنفس اليوم تونا الحين العصر
                    اسيل(تموت بشي اسمه بحر قامت وقفتخلاص البحر (ونست نفسها بلحظه ومن الوناسه ركضت لياسر وباسته من خده تعبيرا لوناستها ودخلت ركض لداخل تجهز نفسها اما هو قعد دقايق مو مستوعب معقول طلعه تخليها تبوسني مد يده لخده ومسك مكان بوستها ياريت ياسيل هذي البوسه كانت من قلبك ابتسم وحس بفرحه انه خذا منها بوسه كل شي من اسيل يحبه حس باحد واقف قدامه شافها لابسه عبايتها ومتجهزه والفرحه مو سايعتها ابتسم بينه وبين نفسه شكلها حتى ماتدري اذا باستني او لا قام وقف وكان لابس مايحتاج يبدل طلع هو وياها وسكر الشقه ونزلوا لتحت ركبوا السياره وتوجهوا للشرقيه يقضون يومهم هناك
                    ..................................................

                      تعليق

                      • *مزون شمر*
                        عضو مؤسس
                        • Nov 2006
                        • 18994
                        #56
                        رد: { رواية هذي الدنيا}

                        اما مريم من سكرت من اسيل راحت تشوف امها
                        مريم:نعم يمه
                        امها:تعالي الغدا خلص امشي تغدي
                        مريم(وهي تنزل الدرجيلا جايه
                        ونزلت وراحت لطاولة الاكل ولقتهم تو باديين راحت بهدوء سحبت كرسيها وقعدت شافتهم صامتين وشكل الوضع متوتر شفيهم ماعجبها الوضع تكلمت وقالت:شفيكم
                        تبادلوا النظرات مع بعض وتموا ساكتين استغربت شالسالفه
                        مريم:شفيكم ساكتين (التفت لابوهايبه شالسالفه
                        محمد:خلاص مريم انا بعدين اقولك الحين كلي وانتي ساكته
                        مريم(استغربت الوضع مو طبيعي اول مره ابوها مايرد عليهااوكي
                        خلصت اكلها وماحست بطعم الاكل وماتدري اذا كلت او لا شافت محمد يقوم بسرعه راحت غسلت يدها ولحقته على الصاله راحت وجلست جنبه بهدوء وقالت:يلا علمني شالسالفه
                        محمد:مافي سالفه
                        مريم:شلون مافي سالفه الوضع ماكان طبيعي قولي وش صاير
                        محمد:ابوك مسافر
                        مريم(انصدمتمسافر
                        محمد(وهو يهز راسهأي مسافر
                        مريم:بس ماصار له اسبوع راجع من السفر يقوم يرجع يسافر
                        محمد:شغل
                        مريم:أي شغل ابوي عمره ماسواها أي شغل اللي يخليه يسافر
                        محمد:خلاص لاتكبرين الموضوع هو مسافر لشغل بس
                        مريم:خلاص بسافر معاه
                        محمد:تستهبلين ودراستك
                        مريم:ماعلي من دراستي بسافر اكيد كلها اسبوع وبيرجع
                        محمد(نزل راسهمو هذي هي المشكله
                        مريم(استغربتأي مشكله
                        محمد:ابوك مو مسافر اسبوع اسبوعين ابوك يمكن يقعد ثلاث اربع شهور
                        مريم(شهقتثلاث اربع شهور
                        محمد:ايه
                        مريم:وليه
                        محمد:شغل شفيك ماتفهمين
                        مريم:محمد انا مني بزر تلعبون علي أي شغل اللي يدوم لاربع او ثلاث شهور
                        محمد:لاتقعدين تسوين لي مثل الافلام ابوك مسافر لشغل ولحاله خلاص ادعي له يرجع بالسلامه
                        مريم:ومتى مسافر
                        محمد:اليوم
                        مريم(انصدمتياربي شفيها هالصدمات توالت علينا
                        محمد:ههههههههه لاصدمه ولاشي خلاص لاتسوين مناحه يكفي الكل مكتئب وحزين
                        مريم:طيب والله لو مو انت كان مدري شصار فيني
                        .................................................. ....................
                        جدة اسيل كانت مشتاقه لها حيل والله ياسيل رحتي وخليتي لي فراغ كبير خل ادق عليك اشوفك ورفعت السماعه ودقت على جوال اسيل وكانت بالسياره ردت على طول من شافت رقم جدتها
                        اسيل(بلهفهالووو جدتي
                        الجده:ههههههههه أي جدتك شخبارك يمه
                        اسيل:جدتي اشتقتلك يابعد عمري
                        الجده(دمعت عيونها من سمعت صوت اسيلوانا وينك يمه لاتسئلين ولاتتصلين
                        اسيل:معليه ياجدتي اعذريني مادقيت
                        الجده(صاحت ونزلت دموعهااسيل حبيبتي انشالله مرتاحه
                        اسيل(تغير صوتها وحست انها بتصيح تاثرت من صوت جدتهاجدتي لاتصيحين انا بخير ومشتاقتلك
                        الجده:يابعد عمري انتي وين الحين
                        اسيل:انا رايحه للشرقيه
                        الجده:الله يهنيك يمه
                        اسيل:شخبار سوما
                        الجده:هههههههه الحمدالله بخير انتي يمه عساك مرتاحه مو محتاجه شي
                        اسيل(نزلت دموعهامحتاجتك جدتي محتاجتك
                        الجده:ليه يمه شفيك
                        اسيل:انتي اللي تعرفين شفيني انتي
                        الجده:اسيل ياسر طيب واكيد بيهنيك
                        اسيل:بس مابي قلتلكم مابي (ماتبي توضح لياسر ان الكلام عنه)
                        الجده:خلاص عاد بلا دلع والحين انا بسكر يلا يمه مع السلامه
                        اسيل:مع السلامه
                        سكرت الجوال وحطته بشنطتها والتفت تطالع من الشباك
                        ياسر(قطع الصمت اللي بينهم وقالشخبارها
                        اسيل(بدون ماتلتفتبخير
                        ياسر:جوعانه تبين شي
                        اسيل(كانت جوعانه موت التفت له وقالتياريت
                        وقف ياسر عند المحطه ونزل جاب من البقاله ساندويتشات وعصيرات لهم وبعدين ركب وعطاها الاغراض وقدام المحطه كان في محل للكوفي وهي كانت دايخه وتبي قهوه فقالت:ياسر ابي من هنا (وهي تاشر عالمحل قهوه
                        ياسر:حاضر
                        وراح وقف عنده وفتح الشباك وقاله اللي يبيه وبعدين التفت لها وقال:في دونات تبين
                        اسيل(هزت راسها بانها تبي ابتسم ياسر وطلب لها واخذ الطلبات وعطاها الدونات والقهوه وسكر الشباك ومشوا يكملوا طريقهم للشرقيه)
                        .................................................. .....................

                          تعليق

                          • *مزون شمر*
                            عضو مؤسس
                            • Nov 2006
                            • 18994
                            #57
                            رد: { رواية هذي الدنيا}

                            مريم(وهي تحضن ابوها بقوهتروح وترجع بالسلامه
                            ابوها(باسها على راسها وقالانتبهي لنفسك يبه
                            مريم:من عيوني بس مو تقطعنا اتصل كل يوم
                            ابوها(وهو يقلدهامن عيوني
                            مريم(ضحكت وحضنته بقوه وهي تقاوم دموعها شلون ماتنزل دموعها وهو بيغيب عنهم اكثر من ثلاث شهور وهي يوم غاب اسبوع ماستحملت ترجع بالسلامه يالغالي
                            تقدم عبدالله لابوه وسلم عليه وبعدها محمد سلم عليه ومثل كل مره البتول مو موجوده بغرفتها
                            مريم:يبه حاول ماتطول
                            احمد:انشالله (وطلع من جيبه بوكه خذي يبه هذي البطاقه فيها فلوس مصروف لكم ولامكم ومصروف البيت انا عطيته لامك
                            مريم(حضنت ابوها للمره الثالثهمابي شي ابيك ترجع سالم
                            ابوها(حس بدموع لكن تماسك مايبي يخربها مايدري وش ممكن يصير معاه هناكيلا يبه لازم امشي (والتف لمحمد وبنبره غريبه ارعبت مريم العيال وامهم برقبتك
                            ابتسم محمد وقال:لاتوصي حريص
                            مريم:يبه انشالله بترجع لنا لاتقول كذا
                            ابوها مارد ابتسم لها بحنان وطلع من الباب مريم جت تلحقه بس محمد مسكها استغربت شالسالفه
                            مريم:محمد شفيك اتركني بسلم عليه
                            محمد:خلاص سلمتي اتركيه يروح
                            مريم حاولت تفك نفسها بس ماتدري شالسالفه قلبها قابضها مو طبيعي اللي صار
                            مريم(نزلت دموعهاتكفى بشوفه تكفى اتركني
                            محمد:خلاص يامريم اعقلي
                            مريم(بصراخمابي اعقل مابي
                            وحاولت تفك نفسها وقدرت وركضت ركض للباب وفتحته وشافت ابوها منزل راسه وواقف يطالع بكل شي حوله استغربت ودها تطلع له بس ماتقدر ركضت لداخل تاخذ عبايتها راحت لفوق لبستها ونزلت ركض لبره لكنها ماشافته راح راح بكت بقوه ليه ليه منزل راسه بالم وحزن ليه شفيه ابوي شفيه
                            دخلت داخل وبصراخ واتهام لمحمد:انت السبب ليه ماخليتني اشوفه ليه ماخليتني اعرف شفيه ليه يامحمد
                            محمد:شفيك مكبره السالفه ابوك مسافر وانشالله بيرجع بالسلامه
                            مريم:لا انا شفته منزل راسه وواقف وشكله يتامل بيتنا وحارتنا وكل شي هذا مو طبيعي
                            محمد:مريم استهدي يالله انشالله مافي شي
                            مريم:لو صار لابوي شي مابسامحك
                            محمد:مريم الحين انا شدخلني
                            مريم ماردت ركضت لغرفتها وهي تصيح من العصر من نزلت تتغدا والوضع كان متوتر وكأن مصيبه بتحل علينا والله يستر
                            .................................................. ..................
                            وصلوا للشرقيه وتحديدا عالبحر واختاروا مكان مافيه احد وكان هدوء نزلت اسيل بركض للبحر هذي ثاني مره بحياتها تشوفه مره وهي صغيره ومره الحين نزلت بفرحه وركضت له وفكت الشيله وحطتها على كتفها بما ان مافي احد وصار شعرها يتطاير مع امواج البحر نزل ياسر وراح وقف جنبها وقال: تحبينه
                            التفت له باستغراب:مين
                            ياسر(وهو مازال يطالع البحرالبحر
                            اسيل(رجعت تطالع البحراعشقه مو احبه
                            ياسر:كم مره جيتي هنا
                            اسيل:هذي ثاني مره
                            ياسر(استغربمعقول
                            اسيل:اي شفيك مستغرب
                            ياسر:يعني بنت مثلك و بغناك ماشافت البحر الا مرتين
                            اسيل:اي عادي مو شرط الغني يشوف البحر كل يوم
                            ياسر:اقصد السفر ماتسافرين مادرتي اوروبا
                            اسيل:لا
                            ياسر(انصدممعقول الا اعرفه امك كل سنه تدور حوالي اربع خمس بلدان من اوروبا وامريكا وحتى اخوانك
                            اسيل:هم غير
                            ياسر:شلون يعني
                            اسيل:انا مو منهم مايعتبروني بنتهم
                            ياسر:مافي ام ماتحب عيالها ومافي اب مايخاف على عياله
                            اسيل:الا انا امي تكرهني وابوي نفس الشي
                            ياسر:لا اكيد انتي فاهمتهم غلط
                            اسيل:الا انا اكثر وحده وفاهمتهم صح (والتفت له بالموتدري وش اكثر شي عذبني منهم انت
                            ياسر(عقد حواجبهانا
                            اسيل:اي غصبوني عليك وانت رغم انك عارف اني مابيك الا انك خذتني
                            ياسر سكت وماتكلم وبعدين قال:بس انا كنت مجبور اخذك
                            اسيل:شلون يعني
                            ياسر(بغموضاسئلي ابوك
                            وراح عنها وركب السياره وهي تمت واقفه وهي تكلم نفسها غبي ونذل صدق ماعنده كرامه يوم خذاني اقوله بوجهه اني مابيه يعاندني وياخذني بالغصب صدق حقير
                            .................................................. ..................
                            دخلت البتول على غرفة مريم ومستغربه شفيها تصيح وكأن احد ميت لها راحت لها وقعدت جنبها على السرير وقالت بخوف:شفيك مريم ليش تصيحين
                            مريم(وهي تصيح بقوهانتي السبب ليه ليه تكرهينه ليه
                            البتول(استغربتمن هو
                            مريم:ابوي ابوي ليش تكرهينه وتتمنين يموت اليوم قبل بكره ليه
                            البتول(بصدمهانا
                            مريم:اي انتي ليه يمه والحين هو سافر ولاحتى ودعتيه او قلتي له كلمة تروح وترجع بالسلامه للدرجه تكرهينه
                            البتول:مريم شالسالفه يمه فهميني
                            مريم(نزلت راسها وقعدت تصيحابوي صاير غامض من اول ماقمت الصبح وكأن صاير شي او بيصير شي شفيه يودعنا كأنه مو براجع لنا ليه تعرفين شي يمه
                            البتول:يمه مريم ابوك يمكن زعلان لانه بيسافر حوالي ثلاث شهور
                            مريم:لا يمه هذا مو زعل هذي نظرة حزن غريبه نظره ماعرفت افسرها
                            البتول:حبيبتي هذي تخيلات بس هو انشالله مافيه الا العافيه
                            مريم(استغربت اول مره امها تسولف عن ابوها بالطيب رمت نفسها بحضن امها والبتول قعدت تهديها ودموع البتول كانت تنزل هي الوحيده تعرف ليه بيسافر هي الوحيده اللي تتالم بكل مره يقول بسافر هي ماتكرهه مثل ماتعتقد مريم بالعكس هو غالي عليها بس من يوم جا له ذاك الاتصال وحياتهم انعفست وتغيرت ليه ياحمد ليه تعيشني بهالهم وش الشي اللي اجبرك انك تسوي كذ)
                            .................................................. ................
                            ركبوا السياره وتوجهوا لمكان ماكانوا (الرياض) بعد ماتمشوا بالشرقيه وتغدوا هناك رجعوا للرياض طبعا اسيل مستانسه لانها شافت البحر ولانها طلعت بس كانت تتمنى تطلع هالطلعه مع من تحب مو مع اللي تكرهه
                            كانت هذي الافكار اللي تدور في بالها وهم بالسياره صحاها من افكارها صوت ياسر وهو يقول:استانستي
                            اسيل(بدون نفس لانه قطع عليها افكارهااي
                            ياسر:مو باين
                            اسيل:تبيني اناقز لك مثلا
                            ياسر(كتم ضحكتهلالا مو هذا قصدي بس حتى ابتسامه مابتسمتي زين مو لازم تبتسمين اشكريني
                            اسيل:شكرا
                            ياسر:انت وش هالاطباع الزفت اللي عليك انا مدري شلون اهلك تحملوك
                            اسيل:من قالك انهم تحملوني من وانا صغيره وانا عند جدتي تخلصوا مني (والتفت له بفرحيعني ممكن بيوم انت ماتتحملني وتتخلص مني صح بكون عاد ذيك الساعه شاكره لك
                            ياسر:للدرجه انا شين
                            اسيل:مو مسئله شين او زين بس انا اكرهك
                            ياسر:وتقولينها بوجهي عادي
                            اسيل:شسوي اذا انا مو منافقه
                            ياسر سكت عنها وهو يتالم من داخل انا بعلمها كل شي بعلمها الاحترام والادب لكن مستحيل اقدر اوصل لقلبها واعلمها تحبني هذا شي صعب عليك يا ياسر اللي يتحكم بالقلوب رب العباد الحب من الله والكره من الله مستحيل اقدر اغصبها تحبني يعني انا الحين ماخذها جسد بلا روح صدق شي مؤلم بس شذنبي اذا كنت ابيها واحب حتى هالكلمه مقدر اقولها مدري اذا انا صادق بمشاعري او لا
                            هل انا فعلا احبها؟؟
                            ..................................................

                              تعليق

                              • *مزون شمر*
                                عضو مؤسس
                                • Nov 2006
                                • 18994
                                #58
                                رد: { رواية هذي الدنيا}

                                ثاني يوم الصباح بالمدرسه
                                مريم(وهي تركض لاسيل وتحضنهاوينك اشتقت لك
                                اسيل:اللي يقول غايبه سنه كلها يومين
                                مريم:بس ولو اشتاق لك يالدبه
                                اسيل(بعدت عنها وقالتاخبارك يابطه
                                مريم:تمام انتي اللي اخبارك (وهي تغمز لها)
                                اسيل:ههههههه على بالك بخجل ههههههههه
                                مريم:هههههههه صدق وجهك مغسول بمرق لاحيا ولامستحى
                                اسيل:ههههههههه للحينك على هالمصطلحات
                                مريم:وانا من لي غيرهم .. يلا ماقلتي اخبارك مع ياسر
                                اسيل:زفت في زفت
                                مريم:اوف وليه
                                اسيل:بعد ليه انا مابيه وهو يكرهني حياتنا بنظرك بتكون سعيده
                                مريم(استغربتهو يكرهك
                                اسيل:اي ومايطيقني بعد
                                مريم:للدرجه
                                اسيل:وازيدك من الشعر بيت شكله مغصوب مثلي
                                مريم:وشلون عرفتي
                                اسيل:هو قالي
                                مريم:مستحيل الرجال ماينغصبون وهو مو بزر حتى يغصبونه اهله
                                اسيل:قلتله ليه خذيتني مو تكرهني وخصوصا تعرف اني مابيك قالي بلهجه مدري ماعرفت افسرها قال اسئلي ابوك
                                مريم:ابوك
                                اسيل:اي فهمتي شي
                                مريم:لا بس اسئلي ابوك
                                اسيل:مني سائلته ولا على بالي بعد هو مايهمني حتى اسئل عنه
                                مريم:صحيح اوراقك اللي هنا خذاها
                                اسيل:أي اوراق
                                مريم:اوراقك حتى تدرسين بامريكا هناك
                                اسيل:اي على ماظن لانه مسوي كل شي من وراي وتو امس يعلمني
                                مريم:اوكي بفقدك والله
                                اسيل:وانا بعد
                                دق الجرس وقالت مريم:امشي للفصل
                                ومشو ودخلوا الفصل وجت معلمتهم ودخلت الاداريه وقالت: بنات بكره مجلس امهات فقط لثالث ثانوي من الساعه 8 للساعه 10
                                بنت من البنات بينها وبين اسيل عداوه طالعت باسيل و قالت:زين اللي متزوجه من تجيب
                                بنت ثانيه قالت:تجيب زوجها
                                كل الفصل قام يضحك واسيل تنرفزت وحلفت انها ماتعديها لهم وانهم بيندمون
                                الاداريه:بس بلا ضحك المهم بلغوا امهاتكم
                                وطلعت وكملت المعلمه الدرس واسيل بس تبي تجي الفسحه حتى تعلمهم شلون يتكلمون معها بهالطريقه
                                .................................................. ....................
                                دخل ياسر على ابوه بالمكتب وكان ابوه لابس النظارات ويطالع الورق اللي بيده تنحنح ياسر ورفع ابوه نظره لولده وقال بابتسامه:ياهلا بالعريس تعال يبه تفضل
                                ياسر قعد وقال:شخبارك يبه وشخبار الوالده
                                ابوه:كلهم بخير ويسلمون عليك انت شخبارك يبه وشلون مرتك
                                ياسر:انا ومرتي بخير بس حبيت اقولك يبه اني بكره عالفجر مسافر
                                ابوه:على امريكا
                                ياسر:اي يبه بخصوص الشغل اللي تكلمنا عنه
                                ابوه:الله يحفظك يا ياسر تروح وترجع بالسلامه
                                ياسر:الله يسلمك .. يبه بس حبيت استفسر عن الشركه هناك
                                ابوه:تستفسر عن شنو
                                ياسر:عن الشركاء اللي معنا وعن جنسياتهم
                                ابوه:اي فهمتك هم مو شركاء هي شريكه وحده
                                ياسر:شريكه
                                ابوه:اي شفيك
                                ياسر:لا بس مستغرب اول مره تدخل معنا شريكه
                                ابوه:ايه هذي اعرف ابوها وهي توها مخلصه دراسة ادارة اعمال وابوها تعب فوكلها بداله
                                ياسر:يعني صغيره
                                ابوه:أي توها 23 سنه
                                ياسر:زين وش جنسيتها
                                ابوه:اماراتيه
                                ياسر:زين ابوها ماوكلها الا هي مو خايف عليها
                                ابوه:والله قلتله هالكلام بس شكل البنت ارادتها قويه وتبي تساعد ابوها وهو بعد شكله مدلعها ومايرفض لها طلب
                                ياسر:بس خطر عليها انها تدخل على طول مجال ادارة الاعمال مفروض تتدرب
                                ابوه:ايه وانت لازم تساعدها
                                ياسر:انا
                                ابوه:ايه يبه البنت محتاجه خبره ودعم وانا قلت لابوها انها بتكون مع ياسر ولدي
                                ياسر:خلاص انا بدربها وبنشوف ذكائها
                                ابوه:البنت ماشالله عليها شكلها ذكيه
                                ياسر:هذا المهم لان مستحيل اقعد ادرب باغبياء
                                ابوه:لالا تخاف عليها
                                ياسر:هي ماعندها اخوان اكبر منها
                                ابوه:لا وحيدة ابوها
                                ياسر:خلاص ابي كل المعلومات عنها
                                ابو ياسر وهو يطلع الاوراق من الدرج ويمدها لياسر
                                ابوه(وهو يمد له الاوراقخذهم وهالاوراق اظن فيها المعلومات الكافيه
                                ياسر(وهو يقرا ورقه من الاوراقاسمها الريم زايد
                                ابوه:ايه ليه في مشكله
                                ياسر:لا ابدا وخلاص يبه انا الحين بطلع وانشالله ادرس هالاوراق اليوم
                                ابوه:وين طالع
                                ياسر: باخذ المدام
                                ابوه:ههههههههه المدام
                                ياسر:اي يبه باخذ اسيل من المدرسه ويمكن نطلع نتغدا
                                ابوه:خلاص يبه مايصير خاطرك الا طيب روح تمشى انت وزوجتك
                                ياسر:مشكور يبه
                                خذاياسر الاوراق وسلم على ابوه وطلع
                                .................................................. ..........
                                بالمدرسه طلعوا البنات للفسحه واسيل كانت تنتظر هاللحظه عشان تعرف تعلم البنات شلون يتكلمون معها
                                مريم:اسيل خلاص ماعليك منهم اتركيهم
                                اسيل:والله ماتركهم وينهم بس
                                مريم:اسيل اق
                                ماكملت كلمتها الا وتشوف اسيل تصرخ عالبنتين اللي استهبلوا عليها وتقول:شكنتي تقصدين بالفصل
                                البنت الاولى(هيااظنك تعرفين القصد
                                اسيل:زين بتتأسفين ولا بتشوفين شي مايعجبك
                                هيا:اقول وخري مالي خلق لعبك
                                اسيل عصبت وهجمت عليها ومسكتها من شعرها وقالت:بتتأسفين ولا شلون
                                هيا قاومت وجت صديقتها تفزع لها بس ماقدروا على اسيل
                                رمتها اسيل بالارض والبنات تجمعوا يفكون اسيل بس في بنات يحبون اسيل هجموا على هالبنت وتموا يرفسون فيها
                                اسيل:هاه بتتأسفين
                                هيا(وهي تقاوم وشوي وتصيحكلي تبن مابقى الا اتأسف
                                رفعتها اسيل وتمت تتهاوش هي وياها لين ماقالت هيا بصراخ وتألم:خلاص اسفه
                                تركتها اسيل ودفتها بقوه
                                اسيل(باحتقارعرفتي قيمتك الحين
                                وراحت وتركتها والبنات صاروا يصفقون ويقولون: عاشت اسيل
                                مريم:هههههههه حرام عليك مو للدرجه ذي ذبحتي البنت
                                اسيل:عشان لاتغلط على اسيادها مره ثانيه
                                اما البنت من جهه ثانيه كانت محتقره وكارهه اسيل لدرجة الموت وقررت انها تعلمها من تكون وحلفت ان هاليوم مايعدي على خير
                                صديقة هيا(عبير) قالت:بتسكتين لها
                                هيا(وهي تعدل نفسها وشعرها وتغسل وجهها بالمايلا والله ماتركها وبتشوفين
                                عبير:شلون انتي ماتقدرين عليها
                                هيا:مو انا
                                عبير:اجل مين
                                هيا:سعد
                                عبير(انصدمتنعم
                                هيا:اي مو هو يبي أي بنت انا لقيت له هالبنت
                                عبير:مجنونه شلون فكرتي بهالشي
                                هيا:هههههههه حبيبتي حقي مايروح
                                عبير:طيب شلون بيجي شلون بيعرف
                                هيا:انا اليوم قلت له بجيب لك بنت وكنت بخليه يطلع مع هند عرفتيها
                                عبير:هند ماغيرها
                                هيا:اي هذي الهبله بس بدل هند خليه لاسيل
                                عبير:والله منتي هينه
                                هيا:بس اخاف تطلع مع زوجها
                                عبير:ماظن اكيد مشغول
                                هيا:يارب يكون مشغول
                                جا وقت طلوع البنات واسيل جاها السواق بما ان ماقالها ياسر انه بيجي ياخذها فشافت سواق جدتها قررت تركب معاه وماتدري ان ياسر كان بيجي ياخذها لكنها ركبت مع السواق وهيا راحت لسعد وهو فتح الشباك وقال:وينهي
                                هيا وهي تاشر على سيارة اسيل:هذيك هي
                                سعد(التفت للسيارهخلاص خل الحق عليها باي
                                هيا(وهي تضحكماوصيك عليها
                                سعد(بخبثبعيوني
                                ومشت سيارة اسيل بدخلة سيارة ياسر للمدرسه ولمح سيارة سواق اسيل تطلع وقال يووه شكلها رايحه مع السواق ولاتدري اني بجي
                                اما سعد لحق سيارة اسيل والسواق اختصر الطريق وراح للطريق الصحراوي اللي يكون مافيه زحمه وصار سعد يلا حق سيارة اسيل وصار يلف يمين ويسار على السواق لين ماخلاه يوقف واسيل خايفه ماتدري شالسالفه نزل السواق يبي يشوف هالغبي اللي مايعرف يسوق ونزل سعد
                                السواق:نعم ايش فيه
                                سعد مسك !!!!
                                ..................................................

                                اقابلكم بالبارت الحادي عشر ..

                                  تعليق

                                  • *مزون شمر*
                                    عضو مؤسس
                                    • Nov 2006
                                    • 18994
                                    #59
                                    رد: { رواية هذي الدنيا}

                                    البارت 11

                                    اما سعد لحق سيارة اسيل والسواق اختصر الطريق وراح للطريق الصحراوي اللي يكون مافيه زحمه وصار سعد يلا حق سيارة اسيل وصار يلف يمين ويسار على السواق لين ماخلاه يوقف واسيل خايفه ماتدري شالسالفه نزل السواق يبي يشوف هالغبي اللي مايعرف يسوق ونزل سعد
                                    السواق:نعم ايش فيه
                                    سعد مسك السواق وضربه ضرب وماتركه الا لما فقد وعيه واسيل خايفه موت ماتدري شالسالفه وهي اذا خافت ترتجف وماتقدر تتصرف فتح الباب سعد وشافها وماكانت متغطيه اعجب فيها وابتسم والله مو بهينه هيا تعرف تختار
                                    اسيل:نعم شتبي
                                    سعد:ابيك انتي
                                    اسيل(خافتنعم
                                    سعد:شفيك ابيك يلا انزلي
                                    اسيل:مني نازله
                                    سعد تقدم لها وتم يسحبها
                                    اسيل(بصراخوخر عني وخر
                                    سعد(وهو يسحبها لسيارتهاسكتي لاتصارخين فضحتينا
                                    اسيل(نزلت دموعها من الخوفاتررررركني (وقامت تصارخ ياسر
                                    مسك يدها بقوه وصارت هي تصارخ وتنزل دموعها حست ان احبالها الصوتيه تقطعت من كثر صراخها ولا حد سامع وبعدين دعست على رجله بقوه وهو تركها وهي صارت تركض وسعد قام يلحقها وهي ميته من الخوف شيلتها طارت وعبايتها تقطعت
                                    بعد ماطلع ياسر من المدرسه راح يعبي بانزين وبعدها راح من الطريق اللي فيه سيارة اسيل وشاف وحده تركض بخوف
                                    مسكها سعد وصار يسحبها ويضربها بعنف وصار يشقق بعبايتها ويضربها مثل الوحوش وبما انهم على طريق صحراوي طاحت اسيل على التراب لانها تعبت
                                    اما ياسر عرفها ومشى باقصى سرعه ووصل لمكانهم وبغى يدعم سعد من العصبيه اللي فيه واسيل تصيح وتصارخ لين ماحست انها غابت عن الوعي وطاحت مغمى عليها
                                    نزل ياسر بركض من السياره وركض بسرعه لسعد وبعده عن اسيل ومسكه وتم يضربه ويبرد كل حرته وصار يضربه باقوى ماعنده وبكل مكان في جسمه لين ماطاح سعد عالارض وركض ياسر لاسيل اللي فاقده الوعي وضرب خدها بخفه:اسيل حبيبتي شفيك اسيل
                                    اسيل ماردت قام ياسر وقف وحملها ودخلها لسيارته واتصل بالشرطه
                                    وصلت الشرطه وهو استئذن بيودي اسيل ووافقوا لكن لازم يرجع لهم حتى يكملون اجرائاتهم وتحقيقاتهم مسكوا سعد وخذوه معاهم بتهمة الاعتداء وياسر طار للمستشفى
                                    .................................................. ....................
                                    وصل ياسر للمستشفى ونزل بركض من السياره ونزل اسيل واسندها عليه وشافوه الممرضات وحطوا اسيل على الكرسي وخذوها للدكتوره بعد مادخلت عليها الدكتوره وفحصتها طلعت لياسر وقالت:حضرتك زوجها
                                    ياسر:اي نعم شفيها يادكتوره
                                    الدكتوره:انهيار عصبي
                                    ياسر(انصدممعقول
                                    الدكتوره:اي وشكله ناتج عن خوف او صدمه
                                    ياسر(نزل راسه وهو يتذكر اسيلصدمه وخوف يادكتوره اللي تعرضت له اليوم مو طبيعي
                                    الدكتوره:الله يعينك ويعينها هي الحين منومه
                                    ياسر:ومتى بتقوم
                                    الدكتوره:ممكن بعد عشر ساعات او اقل لانها بحاجه للراحه التامه والهدوء
                                    ياسر:زين ممكن اشوفها
                                    الدكتوره:اكيد تفضل
                                    راح ياسر مع الدكتوره لغرفة اسيل ودخلها والدكتوره طلعت وخلته بروحه مع اسيل شافها ياسر نايمه بهدوء وسلام حس بالالم يعتصر قلبه شلون شلون يصير معاها كذا وانا موجود مو انا اللي قررت احميها واحافظ عليها بس لاتخافين ياسيل حقك مابيروح وهالحقير بياخذ جزائه
                                    تذكر ياسر الشرطه ولازم يروح للتحقيق ويعلمهم باللي صار طلع وركب سيارته وانطلق لمركز الشرطه
                                    .................................................. ................
                                    صحت اسيل وهي تحس بجفاف بحلقها مو قادره تتكلم وماتدري شنو اللي جابها وهي وين الحين تحركت وحست بوغز بيدها لقت ابرة المغذي غمضت عيونها بتعب وتذكرت احداث امس وتذكرت سعد شلون كان يهجم عليها مثل الوحش وصرخت بخوف: شيلوه عني شيلوه
                                    وصارت تصارخ بخوف ورعب لين مادخلت عليها الممرضه وشافتها على هالحاله عطتها ابره مهدئه ورجعت نامت بهدوء
                                    دخل ياسر وشاف الممرضه عندها خاف لايكون صار لها شي او فيها شي توجه بسرعه للمرضه وسئلها:شفيها ليش عطيتها ابره
                                    الممرضه:دي كانت بتصرخ وبتقول كلمات مش مفهومه فعطيناها ابره مهدئه
                                    ياسر(استغربوش كانت تقول
                                    الممرضه:شيلوه عني وكانت بتصرخ يعني كلمات مافهمتهاش
                                    ياسر(عرف انها تقصد سعد بس الحين سعد مرمي بالسجن لا له حول ولا قوه ويستاهل اللي جاه خلاص انا بقعد معها
                                    الممرضه:حاضر انا حطلع وحرجع ازا قامت
                                    ياسر مارد راح وقعد جنبها ومسك يدها وحطها على خده وبعدين باسها وحط راسه جنبها ونام لانه كان يحس بتعب من الصبح وهو ماغفت له عين والحين قربت صلاة الفجر واول ماحط راسه نام
                                    .................................................. ..............
                                    مريم كانت تتصل على اسيل لكنها ماكانت ترد لان جوالها بالبيت وهي الحين طايحه بالمستشفى ومافي احد بالبيت وحتى ياسر مارجع للبيت
                                    مريم (تكلم نفسهاشفيها ماترد لايكون نايمه ورجعت تدق ولا في فايده ماترد
                                    مريم:اوف خلاص مو بلازم بعدين بكلمها
                                    محمد:شفيك تكلمين نفسك
                                    نقزت من الخوف ولفت لمحمد اللي واقف عند باب غرفتها ومايل عالباب
                                    مريم:وجع خرعتني
                                    محمد:وجع توجعك ياقليلة الادب
                                    مريم:اقول محمد اعصابي متنرفزة مالي خلق شي
                                    محمد:خلاص خلاص بس ليش للحين صاحيه ماعليك مدرسه
                                    مريم:الا علي بس ادق على صديقتي ماترد
                                    محمد:يعني بالعقل اكيد بتكون نايمه
                                    مريم:لا بس احنا دايما نكلم بعض بهالوقت
                                    محمد:أي صديقه هذي
                                    مريم:اسيل
                                    محمد(فطس ضحكهههههههههههههه
                                    مريم(استغربتشفيك تضحك
                                    محمد:هذي مو تزوجت
                                    مريم:ايه
                                    محمد:يعني بالله عليك اكيد مابترد توها متزوجه
                                    مريم:ههههههههههه تتوقع سوتها الكلبه
                                    محمد(استغربوش سوت
                                    مريم:هههههههههه لالا ولاشي حاجه بيني وبينها
                                    محمد:اوكي مابتقولين لي مبروك
                                    مريم:على شنوو
                                    محمد(تقدم وجلس على سريرهااول شي قولي مبروك
                                    مريم(بدون نفسمبروك
                                    محمد:لالا تقولينها بدون نفس ابيها من قلب
                                    مريم(بهبال ضحك محمدمبرووووك الف الف الف مبرووووك
                                    محمد:ههههههههههه الله يبارك فيك
                                    مريم:يلا قول
                                    محمد(ابتسمخلاص توظفت
                                    مريم(بفرحهوالله مبروووك
                                    وقامت له بسرعه وباسته
                                    محمد:ههههههههه للدرجه تبيني اتوظف
                                    مريم:اكيد خفت يرفظونك وتسافر وتتركنا
                                    محمد:لا خلاص مني مسافر وقاعد على قلبك
                                    مريم:والله زي العس على قلبي انك تقعد عليه
                                    محمد(وهو يقرص خدها بخفههالكلام الحلو هذا من وين تجيبينه
                                    مريم(وهي تاشر باصبعها على عقلهامن هنا
                                    محمد:ههههههههه زين شرايك بهالمناسبه اعزمك بكره عالغدا امرك من المدرسه ونطلع
                                    مريم:لالا وع بتكون حالتي حاله ولابسه المريول ابي اتكشخ
                                    محمد:خلاص امرك ونرجع للبيت تلبسين ونطلع
                                    مريم:اوكي ممتاز . الا ماقلت لي متى بتبتدي شغل
                                    محمد:الحين صرنا الاحد انشالله عالاثنين ببدا
                                    مريم:وليه من نص الاسبوع
                                    محمد:اسئليهم
                                    مريم:خلاص بكره توديني
                                    محمد:بكره مابتطلعين تتغدين معاي
                                    مريم:هههههههههههه والله ومصدقين السالفه
                                    محمد:ههههههههههههه خلاص انا بروح انام نعست تصبحين على خير
                                    مريم:وانت من اهله
                                    وقام محمد وقف وجا بيطلع بس رجع يوم سمع صوتها تناديه لف لها وقال:نعم
                                    مريم:ابوي ماكلمك
                                    محمد:لا والله ماكلم
                                    مريم:غريبه مو من عادته دايم يكلمني اول مايوصل
                                    محمد:يمكن انشغل
                                    مريم:يمكن
                                    محمد:يلا نامي ولاتشغلين بالك بهالافكار وانشالله يكلمك بكره
                                    مريم:انشالله
                                    محمد:تصبحين على خير
                                    مريم ماردت لانها سرحت بخيالاتها ليش ابوي ماتصل شفيه لايكون صار له شي لالا انشالله مافيه الا العافيه وعلى قولة خالي يمكن انشغل
                                    ..................................................

                                      تعليق

                                      • *مزون شمر*
                                        عضو مؤسس
                                        • Nov 2006
                                        • 18994
                                        #60
                                        رد: { رواية هذي الدنيا}

                                        الصباح على طاولة الفطور في بيت ابو ياسر
                                        نزلت مروه وهي متجهزه للمدرسه لقت اهلها كلهم قاعدين ومعاهم ياسر استغربت لانها ماشافت اسيل معاه
                                        هرولت لين ماوصل للطاوله وقالت بمرح:سلام لاحلى عريس بالدنيا
                                        ياسر:وعليكم السلام
                                        مروه(وهي تسحب الكرسي وتقعد قالتشفيك ليش باهت
                                        ياسر:اسيل بالمستشفى تعبانه
                                        مروه(بخوفوش صاير لها
                                        ياسر(ماحب يقول لاحد للي صار لاسيلتعبانه عندها فقر دم
                                        مروه:ليش
                                        ام ياسر:مروه اخوك تعبان لاتكثرين اسئله
                                        مروه:طيب ماقلت شي
                                        ام ياسر:خلاص كلي وانتي ساكته
                                        مروه:انشالله
                                        بعد دقايق التفت مروه بفرح وقالت لياسر:ايييه عرفت ليه تعبانه يمكن حامل
                                        ام ياسر(بعصبيهمروه عيب انتي صغيره على هالكلام
                                        ياسر(بسخريهحامل ياحليلك يامروه
                                        مروه:ليه تتكلم بسخريه شالسالفه
                                        ياسر(وهو يقومولاشي يلا عن اذنكم
                                        ابو ياسر:وين يبه اقعد
                                        ياسر:لا بروح اشوف اسيل يمكن قامت وعالعصر يمه تجهزي بجي اخذك
                                        ام ياسر:خلاص انتظرك
                                        وطلع ياسر وهو حاس بضيقه بصدره اليوم سفرهم واذا قدرت اسيل تقوم فبيسافرون اما اذا تمت تعبانه بيأجل السفر لوقت ماتتعافى قرر انه يبلغ جدتها عشان تجي تزورها ولازم يبلغ ابوها وامها واخوانها رفع جواله ودق على فهد
                                        بعد لحظات وصله صوت فهد
                                        فهد:هلا ياسر
                                        ياسر:اهلين شخبارك
                                        فهد:الحمدالله بخير وانت شخبارك وشخبار اسيل
                                        ياسر:والله انا الحمدالله لكن اسيل تعبانه بالمستشفى
                                        فهد(بخوفليش شفيها
                                        ياسر:فقر دم
                                        فهد:ليه من شنو
                                        ياسر:مدري بس مو تقول عني بخيل لا موفر لها كل شي بس اختك عنيده وراسها يابس
                                        فهد:خلاص تحملها والحين هي بأي مستشفى
                                        عطاه ياسر اسم المستشفى والدور ورقم الغرفه
                                        فهد:خلاص متى الزيارات
                                        ياسر:وقت الزيارات مفتوحه
                                        فهد:اجل بجي بعد ماخلص اشغالي
                                        ياسر:براحتك وبلغ اهلك
                                        ياسر:انشالله مع السلامه
                                        ياسر:مع السلامه
                                        سكر ياسر وركب سيارته وقرر بعدين يكلم جدتها لان الحين الوقت صباح والكل نايم توجه بسيارته للمستشفى وهو يتمنى يشوفها صاحيه يبي يكحل عيونه بشوفتها
                                        .................................................. ...............
                                        كانت اسيل قاعده بتعب ودموعها على خدها وتتذكر وش صار معها بس ماعرفت شلون قدرت تهرب من هالمتوحش
                                        من اللي جابها هنا ماتذكر ان في احد انقذها معقول مسكوه الشرطه بالصدفه من اللي ممكن يجيبني هنا سمعت دق عالباب مسحت دموعها بسرعه و قالت:ادخل
                                        دخل ياسر بابتسامه ومعاه باقة ورد كشرت بوجهه اوف هذا مو وقته ليش جا وانا اللي افتكيت منه حتى مادرا عني ولا قعد معاي كل هذا كره
                                        فظيع هالانسان مايحس
                                        دخل ياسر وقعد عالكنبه جنبها وقال:سلامتك
                                        اسيل(ماردت بس كانت تهز رجلها من العصبيه اما ياسر قالليش معصبه
                                        اسيل:مو معصبه
                                        ياسر:طيب قلت لك سلامتك مافي الله يسلمك
                                        اسيل:ليه مو انت تتمنى موتي
                                        ياسر:انا
                                        اسيل:ايه انت تكرهني واللي يكره يتمنى موت اللي يكرهه
                                        ياسر:اقول احمدي ربك ان ماصار لك شي وانهم قدروا ينقذونك (ياسر ماقال لها ان هو اللي انقذها ووداها للمستشفى عاد ليش لانه مايبي يذل نفسه لها مايبيها تدري عنه وعن خوفه عليها)
                                        اسيل:انت دريت باللي صار
                                        ياسر:ايه
                                        اسيل:واكيد نشرته
                                        ياسر:طبعا لاء
                                        اسيل:ليه غريبه مفروض تلاقيها فرصه انك تشوه سمعتي
                                        ياسر:مو انا اللي اشوه سمعتك او سمعة أي احد
                                        اسيل(بسخريهاوه نسيت انك ياسر الشهم
                                        ياسر:هذا وانتي مريضه تسوين كذا شلون اذا تعافيتي
                                        اسيل:انا مو بمريضه
                                        ياسر(بطنازلا وقعدتك هنا وش معناها لايكون فترة نقاهه
                                        اسيل:تتطنز
                                        ياسر(ببرودايه
                                        اسيل:يا كرهي لك
                                        ياسر سكت بعدين قال:جهزي نفسك للسفر
                                        اسيل:بس انا تعبانه ومالي خلق
                                        ياسر:والله انا ماشوفك تعبانه هذا انتي لسانك ياطوله وتتكلمين عادي
                                        اسيل:بس مني مسافره اليوم
                                        ياسر:مو بكيفك الطياره مرح تتأجل على الموعد ونسيت اقولك بلغت اهلك انك تعبانه ويمكن يجون يزرونك
                                        اسيل(سكتت لدقايق بعدين قالتمابيهم يعرفون باللي صار
                                        ياسر:من ناحيتي مني متكلم او قايل شي لكن انتي اذا بتتكلمين فهذا بكيفك
                                        اسيل:لالا مني متكلمه
                                        ياسر:نسيت اقولك ترى ماقلت لجدتك انتي بلغيها
                                        اسيل:لالالا جدتي مابيها تعرف
                                        ياسر:هذا شي راجع لك وترى اهلي بيزورونك العصر ولو تصرفتي معهم تصرف غير لائق بيكون حسابي معاك مو بهين
                                        اسيل:شبتسوي يعني
                                        ياسر(وهو يضرب على خدها بخفه ويقول بسخريهورانا سفر حبيبتي لاذكرك وهناك بنقعد مده طويله يعني افهميها
                                        اسيل(وهي تبعد يده عن وجههاقصدك الحساب بيكون هناك
                                        ياسر:انا بكون معاك ممتاز لكن انتي اذا تصرفتي بتصرفات غير مرغوبه فيها بتعرفين معنى الحساب
                                        اسيل سكتت وماردت وياسر قام وقف ورمى باقة الورد عليها بقسوه وراح
                                        وهي مسكت الباقه ورمتها بكل قوتها عالارض لين ماصارت فتات من الورود
                                        .................................................. .................
                                        الساعه 10 الصبح
                                        دخل فهد لغرفة اسيل يزورها وكان لحاله ومعاه كيس (هديه لاسيل)
                                        رفعت نظرها اسيل تشوف من اللي جا ولقته فهد عصبت وقالت:شجايبك لايكون جاي تتشمت
                                        دخل فهد وسكر الباب ومشى لها
                                        اسيل:لاتقرب لي لاصارخ وانادي الامن
                                        فهد تقدم لها وقعد
                                        فهد:ليه للدرجه انا متوحش
                                        اسيل:واكثر
                                        فهد:سلامتك قالي ياسر عندك فقر دم
                                        اسيل(استغربت من ياسر انه ماقاله الحقيقه وقالتايه تعبانه
                                        فهد:سلامات ليه ماتاكلين
                                        اسيل:والله الاكل مو غصب
                                        فهد:بس مايصير وصحتك انتي ممكن تموتين
                                        اسيل:انا اصلا مايحتاج اموت لاني مت من زمان
                                        فهد:للحين حاقده علينا لان غصبناك على ياسر
                                        اسيل:ايه وعمري مابسامحكم ولا بسامح ابوك ولامك ولا سعود كلكم مني مسامحتكم
                                        فهد:بس حنا اهلك
                                        اسيل:اهلي من وين ياحظي أي اهل اللي تتكلم عنهم
                                        فهد:ليش انا مو اخوك وابوي مو ابوك وامي مو امك
                                        اسيل:بالنسبه لي لاء
                                        فهد:بس انا بالنسبه لي انتي اختي
                                        اسيل:وتوك عرفت معنى الاخوه توك عرفت اني اختك
                                        فهد:انتي تدرين اني من زمان احبك وماعمري رضيت عليك
                                        اسيل(وهي تدمع عيونهاوهذا اللي قاهرني انك كنت اقرب واحد لي من اهلي
                                        فهد:طيب وش اللي تغير
                                        اسيل:ليه وقفت معهم يوم غصبوني على الزواج
                                        فهد:ماكان بيدي شي ابوك وتعرفين شلون لازم يسوي اللي براسه
                                        اسيل:كان تقدر تاخذني ونهرب ونسافر لاي مكان
                                        فهد:وين نهرب على بالك قاعدين بفلم انتي تعرفين غلاتك عندي
                                        اسيل(بدت تلين لانها من يومها تحب فهدبس ولو للحين زعلانه
                                        فهد(وهو يطلع من الكيس اللي جابه علبة تويكسوحتى لو عطيتك كل هذا
                                        اسيل لفت وشافت العلبه ضحكت بقوه وقالت:ههههههههههه خلاص فهودي رضيت
                                        فهد(قام وقف وتقدم لها وهي حضنته بقوه مشتاقه للحنان والدفا خصوصا منهلا تتركني فهود
                                        فهد:وانا اقدر اتركك انتي خنقتيني خلاص بعدي عني
                                        بعدت اسيل وهي تضحك:يلا عطنيي العلبه ميته من الجوع
                                        فهد:كلها بتاكلينها
                                        اسيل:اكيد
                                        فهد:ههههههه بتسمنين وياسر مرح يعجبه جسمك
                                        اسيل:خله يولي وش علي منه جسمي وبكيفي
                                        فهد(وهو يمد لها العلبهخذيها صحتين وعافيه
                                        اسيل:على قلبي هههههههه
                                        فهد:هههههههه
                                        اسيل:والله بشتاق لك اذا سافرت
                                        فهد:انتوا اليوم طيارتكم صح
                                        اسيل:يب عالفجر
                                        فهد:كم بالظبط
                                        اسيل(وهي تاخذ لها حبة تويكس وتاكل منها اممم يمكن الساعه ثنتين ونص او ثلاث يعني بهالوقت
                                        فهد:تروحين وترجعين بالسلامه
                                        اسيل:تعال معنا
                                        فهد:هههههههه وين اجي
                                        اسيل:معانا شرايك
                                        فهد:لا انا مقدر عندي اشغال
                                        اسيل:يووه كل الناس عندها اشغال زين انا عندي اختبارات وبسافر
                                        فهد:بس بتختبرين هناك
                                        اسيل:اووف دراستهم صعبه
                                        فهد:قالي ياسر انه سجلك بمدرسه عربيه والاغلب الدراسه عربيه وبعض المواد انجلش
                                        اسيل:اوف قالك كل شي
                                        فهد:مو هو صديقي
                                        اسيل:طيب ماقالك وين بنقعد
                                        فهد:الا بتقعدون بنيويورك
                                        اسيل:الله نيويورك مره وحده
                                        فهد:ايه ليش
                                        اسيل:على حسب علمي هي مدينه ماتعرف الا التجاره وكلها شركات والناس اللي فيها اغنياء يعني مستواهم عالي
                                        فهد:وليه انتي ماتعرفين مستوى زوجك
                                        اسيل:لا ماعرفه (وبسخريه لايكون من اهل نيويورك
                                        فهد:واغنى منهم هذا شركاته ماليه الدنيا مو بس نيويورك
                                        اسيل(انصدمت اول مره تدري ان ياسر مليارديرصدق
                                        فهد:ايه ولا ليش مرتز ورايح نيويورك الا عشان يدير الشركه اللي هناك واذا صارت تمام يرجع
                                        اسيل:زين في عرب هناك
                                        فهد:اكيد العرب بكل مكان وماخذ شقه بحي عربي
                                        اسيل:شقه
                                        فهد:ايه ليش
                                        اسيل:وليه مو فيلا
                                        فهد:تو ماخلصت الفيلا
                                        اسيل:مجهز كل شي ولا مهتم برايي زين يمكن مابي اسافر
                                        فهد: هو عارفك مابتوافقين اختصر على نفسه وسوا كل شي لان على قولته رايك مايهمه
                                        اسيل(بقهرحقير اكرهه
                                        فهد:اسيل مايصير هذا زوجك
                                        اسيل:امحق زوج انتوا شلون تزوجوني وانا توني 18 سنه صدق ماتخافون الله
                                        فهد:عادي زمن اجدادنا كانوا يتزوجون واعمارهم 14 و15
                                        اسيل:انت قلتها زمن اجدادنا
                                        فهد(وهو يوقفاسوله حبيبتي انا الحين لازم اروح عندي شغل تبين شي
                                        اسيل:وين رايح
                                        فهد:عندي شغل حبيبتي لازم اروح توصين شي
                                        اسيل:ايه علبة تويكس
                                        فهد:ههههههههههه بلا طمع وبعدين هذا يسمن يكفيك علبه
                                        اسيل:خلاص روح زعلت
                                        تقدم لها فهد وهو يضحك وباس من خدها وقرص خدها بخفه وهي ضحكت وبعدها توجه للباب وطلع
                                        ..................................................

                                          تعليق

                                          السابق 1 2 3 4 5 6 7 8 9 10 11 12 template التالي

                                          google Ad Widget

                                          تقليص
                                          يعمل...