ام ياسر:شلون ماتبيني اجي
ياسر(تعب وهو يقنع امه):يايمه يايمه افهميني هناك كله رجال انا بملك وبرجع
ام ياسر:اي واذا شلون تبي تحرمني من ليلة ملكتك
ياسر:يمه حتى انا مني شايف البنت بملك وبطلع
ام ياسر:زين شلون ماتسوي حفله عالاقل لو عائليه شتبي يقولون عنا الناس
ياسر:لا يهمك كلام الناس انشالله بعرسي سوي اللي تبين
ام ياسر:الله يهديك عنيد حتى حفله عائليه ماسويت
ياسر:معليه قلتلك عوضي بعرسي وسوي اللي تبين
ام ياسر:بس بعد كان ودي اشوف البنت
ياسر:ولايهمك مصيرك تشوفينها بتجي هنا
ام ياسر:يعني انتم بتسكنون هنا
ياسر:مدري ممكن ايه وممكن لا
ام ياسر:زين للحين مصر اني ماروح
ياسر:اي لان مافي احد غير ابوها واخوانها
ام ياسر:طيب شلون انا لاعرف اصل ولافصل البنت
ياسر:ابوي يعرفها ويعرف ابوها
ام ياسر:يعني حتى ابوك مخبي عني الموضوع
ياسر:يمه لاموضوع ولاشي ابوي خطب لي البنت من الرجال وخلاص انا وافقت
ام ياسر:الله يوفقك وانشالله تطلع زينه وصالحه
ياسر(ابتسم الله يعيني عليك هذا من اولها هربتي الله يعين عالايام الجايه ياترى وش بتكون حياتنا بس يانا يانتي وانا انشالله الربحان اخليك مثل ماتكرهيني بخليك تحبيني وماتشوفين غيري بس الله يصبرني انا ماخذيتك الا وعارفك زين وعارف زين انتي مين)
ام ياسر:ياسر ياسر شفيك يمه وين رحت
ياسر(صحى من سرحانه على صوت امه):امري يمه
ام ياسر:شفيك اناديك ماترد
...........:سرحان بالعروسه يمه
التفوا لمروه اللي توها صاحيه
ياسر:اي سرحان فيها عندك مانع
مروه نزلت بخطوات بطيئه من على الدرج واتجهت للصاله
مروه(بلا مبالاه):لا وليش المانع
ياسر:شفيك شكلك كارهتها من قلب
مروه(وهي تبتسم بسخريه):وليه في احد يحبها
ياسر:ليه هي ماتنحب
مروه:بصراحه ماتخلي الواحد يحبها كله رافعه خشمها وتمشي وتتكلم بغرور وماتكلم أي احد ولا ترد على أي احد حتى البنات ياكثر معجبين فيها مدري على شنوو
ياسر(استغرب):شلون معجبين فيها
مروه:يعني يحبونها شفت خطيبتك تنحب من وراك
ياسر(يبي يعرف اكثر عنها):وهي وش موقفها منهم
مروه:هي الصراحه تعجبني بهالشي بس
ياسر(باهتمام):وشنو هالشي
مروه:اذا وحده اعجبت فيها تفشلها وتصفطها على جنب ولاتعطيها وجه ولا تعطيها مجال انها تكلمها واذا البنت استفزتها الله لايوريك تقعد تسب وتصارخ وممكن تمد يدها
ياسر(ابتسم وهذا انا عرفت صفة العصبيه وشكلها عصبيه بالحيل):ههههههه معقول
مروه:واكثر ياربي كريهه محد يحبها
ياسر:زين انتي كلمتيها تقربتي منها
مروه:لا واصلا مابي
ياسر:زين شلون حكمتي عليها وانتي لاسولفتي معها ولاعرفتيها
مروه:يكفي كلام البنات عنها
ياسر:لا مايكفي لا تتاثرين بكلام البنات اللي ماله داعي وانتي بنفسك احكمي عليها لاتحكمين عليها من البنات
مروه:اشوفك مهتم بزياده
ياسر(ابتسم):اكيد بهتم مو خطيبتي وبتصير زوجتي واذا مر الوقت ممكن تصير حبيبتي
مروه:الصراحه الله يعينك
ياسر:الا الله يهنيني
مروه(طالعته بقهر وطلعت من الصاله)
ياسر(رجع لف لامه لكن مالقاها شكلها راحت معقول ماحس فيها ياربي هذي اسيل تاخذ عقل الواحد والحين خل اتصل على فهد اشوف وش صار معاه مع اني عارف الاجابه .... طلع جواله من جيبه ودق على رقم فهد وبعد ثواني وصله صوت فهد)
ياسر:هاه بشر
فهد:ماجت وخلاص ابوي ينتظر وش نسوي
ياسر(ابتسم كان متوقع منها هالشي بس انا قلت يانا يانتي):خلاص الحين جاي
فهد:اقول ماجت
ياسر:وانا اقولك انا جاي والحل عندي
فهد:خلاص انتظرك باي
ياسر:باي
طلع ياسر وراح لسيارته وركبها و توجه للمكان اللي فيه فهد وهو عارف هي وين مستحيل يخفى عليه خصوصا خلاص عرفها وعرف طريقة تفكيرها بس ماتدري ان وراها ياسر ..... وياسر مايخفى عليه شي
.................................................. .................
اسيل:ياربي خالك موجود شسوي انا يمكن اطول هنا
مريم:عادي مثل ماكنتي قبل كان ابوي موجود
اسيل:طيب امشي فوق يمكن خالك يجي بأي لحظه يشوفنا
مريم:لالا ماظن
اسيل:صوت تلفون يرن صح
مريم:ايه صح بروح اشوف وارجع
اسيل:طيب مو تتاخرين علي تعرفين ماحب اقعد لحالي
مريم:حشى كليتيني مني متاخره
وطلعت مريم بدخلة محمد للبيت وماكان يدري ان فيه احد دخل بهدوء يبي يخرع مريم بس شاف وحده تشبهها من ورا لكن مريم شعرها طويل وهذي شعرها قصير مره لا يكون قصته الغبيه لحظه هذي لابسه عبايتها شكلها وحده من صديقات مريم التفت اسيل لان حست بوجود احد وريحة عطره القويه اخترقت انفها وانتشرت بكل مكان التفت وشافت محمد واقف يناظرها ببلاهه ارتبكت وماعرفت شتسوي وين تروح رفعت الشيله على راسها وهو قال:اسف بس ماكنت ادري ان فيه احد
اسيل:لالا عادي
دخلت مريم الصاله وشافت خالها واقف وشافت اسيل لافه الشيله وقاعده ووجهها احمر من الفشله شكل صار بينهم موقف
مريم:محمدووو شفيك واقف
محمد:لا ولاشي ماكنت ادري ان فيه احد
مريم:لالا هذي مو احد هذي توأم روحي
محمد:زين انا برجع اطلع كنت مار باخذك بس شكل عندك ضيفه
مريم:وين تاخذني
محمد:نتمشى
مريم(وهي تناظر اسيل):خلاص مره ثانيه انا بقعد مع اسيل
محمد:خلاص اجل مع السلامه وعلى فكره قولي لها ان اسمها يهبل
مريم:ههههههههه وجع لاتتغزل عيني عينك هذا اذا ماكان سمعتك
محمد:ههههههههه ياحليلها مستحيه
مريم(بعصبيه مصطنعه وصوت عالي عشان تسمع اسيل):عيب البنت مخطوبه
محمد(بخيبة امل):يووه حسافه عاد ياحظ خطيبها
(اسيل عصبت لما قالت مريم ان هي مخطوبه تعرفها ماتحب هالطاري)
مريم:هههههههه اليوم ملكتها
محمد(منصدم):وقاعده عندك تروح تشوف اشغالها
مريم:سالفه طويله بعدين اقولك يلا روح
محمد:لاتدفين بطلع باي
مريم:بايات
وطلع محمد وتوجهت مريم لاسيل وشافتها محمره بس مو خجل اسيل ماتخجل الا من العصبيه واضحه فيها
اسيل:مريم وش اللي قلتيه
مريم(تتصنع البراءه):وش قلت
اسيل(بنفاذ صبر):الحين انا مخطوبه
مريم:هههههههههه نسيت ماتحبين هالطاري معليه سوري سوري
اسيل:وين اصرفها سوري
مريم:في بنك الراجحي
اسيل(بسخريه):هاهاها موتيني ضحك
.................................................. .....................
وصل ياسر للعماره ونزل وتوجه لباب العماره ودخل وراح لغايته وهي الشقه دق الجرس وفتح له فهد دخل وهو يبتسم
ياسر:سلام
فهد:هلا ادخل
دخل ياسر وقال:ياخي اختك ماتخاف من وين لها هالشقه ودي اعرف صاحبها
فهد:تصدق انا نفسي مستغرب المهم الحين وش الحل مارجعت
ياسر(ابتسم ):خلاص انا اعرف وينها واذا مالقيناها هناك يعني مابيكون لها اثر مع ان متاكد انها بتكون هناك
فهد:لحظه لحظه وين هناك مافهمت
ياسر:انا افهمك عندها صديقه وقبل ماتجي لهالشقه كانت في بيت صديقتها وبعدها انتقلت هنا للشقه وشكل الشقه لصديقتها واكيد رجعت الحين هناك لان مالها مكان
فهد:زين من وين جبت هالمعلومات
ياسر:احب احتفظ بجواب هالسؤال لنفسي
فهد:لنفسك لنفسك والحين قوم خل نروح لان خلاص معد في وقت
ياسر:يلا انتظرك برا
فهد:دقايق وجاي
طلع ياسر وهو خايف من فكرة ماتكون هناك اسيل ذكيه وممكن تكون راحت لمكان ثاني صحى من افكاره على صوت فهد وصوت تسكير باب الشقه
فهد:يلا شفيك واقف
ياسر:يلا
ركب فهد مع ياسر بسيارته
.................................................. ...............
اسيل:خلاص انا بروح
مريم(انصدمت):وين تروحين ياغبيه
اسيل:حاسه ان ياسر بيجي هنا بيلحقني لهنا
مريم:لالا وش دراه في بيتي
اسيل:نسيتي من اللي وصلنا يوم كنا بمطعم كانتون
مريم(وهي تتذكر):صح صح بس خلك مستحيل يجي هنا
اسيل:لالا مو مستحيل والله ماعمري خفت ولارتعبت مثل الحين وكله من هالمتعجرف
مريم:هههههههههه زين شفيك عليه
اسيل(بقهر):ليه خطبني ليه بخليه يعرف شلون يخطب مره ثانيه
مريم:يووه الله يعينه الصراحه
اسيل:الله ياخذه مو يعينه الصراحه قاهرني كل اللي خطبوني وجو من طرف سعود عندهم كرامه من عرفوا برايي انسحبوا لكن هذا عنيد وبوريه ان انا اعند ويانا ياهو
مريم:حشى حشى بحرب حنا
اسيل:أي بحرب ليه ليه يخطبني
مريم:وهو المسكين وش دراه
اسيل:طيب يدري مابيه ماطيقه خل يولي لا هذا لصقه بس اكيد مصيره يزهق
مريم:وانتي تبين طول العمر كذا بدون زوج وبدون ام واب واخوان
اسيل:أي مابي شي مابي شي (ونزلت دموعها):ابيهم يتركوني بس يتركوني
مريم(تقدمت لها وحضنتها):هدي حبيبتي خلاص لاتبكين مايستاهلون دموعك
اسيل(بعدت عن حضن مريم ووقفت):صادقه مايستاهلون دموعي (ومسحت الدمعتين اللي نزلوا من عيونها)
مريم(وهي تطالعها وتوقف معها):شفيك وقفتي
اسيل:بروح بطلع
مريم:لوين
اسيل:بروح لاي مكان بقعد اتمشى بالمجمعات وبكل مكان
مريم:وبعدين
اسيل:مدري مدري لاتسئليني
مريم:اسيل خطر اللي تسوينه طيب شرايك اجي معك
اسيل:لالا خلك انا بروح لحالي
مريم:ماتخافين خلني اروح معك
اسيل(بعصبيه):قلتلك مابي
مريم:خلاص خلاص براحتك
اسيل:يلا انا بطلع
سلمت عليها مريم وحضنتها بقوه بعدين ابتعدت اسيل وتوجهت لباب الصاله وطلعت ومشت لباب الشارع وفتحت الباب وطلعت
.................................................. .............
ياسر وهو يدخل بحارة بيت مريم
ياسر:خلاص قربنا
ومشى متوجه للبيت وصل للبيت وشاف وحده توها طالعه وشكلها مو منتبهه لهم
فهد:شوف شوف هذي اسيل اعرفها
ياسر:اي والله شكلها ناويه تهرب مره ثانيه
فهد:تقدم تقدم بسرعه
تقدم ياسر اما اسيل ماهتمت للسياره اللي وراها
وقفت السياره ونزل فهد بسرعه واسيل التفت وشافت ...

انتظرووني بالبارت الثامن

البارت التامن
التفت وشافت فهد انصدمت وتيبست مكانها جت تهرب بس ماقدرت خلاص هو قريب منها وقدامها وصل لها فهد وهو يلهث
فهد:اسيل وينك كل هذا ندورك
اسيل(ميلت راسها وشافت ياسر بالسياره يوم شافها ابتسم لها ابتسامة نصر تعني الكثير لاسيل):فهد وش جابك ليش جيتوا ليش لحقتوني ليش
فهد:شلون ليش ماتدرين ان اليوم ملكتك وانتي هاربه
اسيل(وهي تتراجع على ورا):لكن مابي مابي مو موافقه افهموا
فهد(حزن عليها):ماينفع الحين هالكلام ماينفع
اسيل(وهي تقاوم نزول دموعها ماتبي تضعف):
متى اجل ينفع لين ماتحطموني وتدمروني انتوا شتبون مني شتبون
فهد:خلاص الحين امشي لان قلتلك مايفيد الكلام الحين
اسيل:لا مني ماشيه
فهد:اسيل تعوذي من ابليس وامشي يلا معاي ترى ابوي معصب وذبحني اتصالات ولو درا بيذبحك احنا ماقلنا له وش سويتي
اسيل:يذبحني خل يذبحني يمكن يريحني من هالدنيا
فهد:خلاص الحين يلا امشي معانا
اسيل(بعناد):مابي
فهد:اسيل لاتخليني اضطر استخدم معك اسلوب ثاني
اسيل:وش هو هالاسلوب
تقدم لها فهد لانه ماله خلق عنادها ومسك يدها بقوه وسحبها وهي تقاوم لكن ماقدرت ودخلها السياره وركب وانطلق ياسر
اسيل(بصراخ):كلكم انذال كلكم وانت (تكلم ياسر): ماعندك كرامه شلون تاخذ وحده ماتبيك شلون
ياسر انجرح من كلامها بس ماوضح اما فهد انحرج
وقال:اسيل اسكتي عيب عليك
اسيل:لامني ساكته شتبون فيني خلوني بحالي خلوني
فهد(وهو يطنش كلامها):الحين بنروح الشقه تاخذين اغراضك وبنطلع لبيت ابوي
اسيل:مابي مابي
فهد:اسيل امشي بالطيب حبيتي اوكي
اسيل(خلاص ماقدرت تتحمل حست بدموع بس مسكت نفسها مستحيل تنزل دموعها قدام هالمتعجرف عدوها مستحيل وشكل السالفه خلاص مافيها تراجع او كلام مسكوني ومستحيل اقدر اهرب مستحيل وشكلي انكتب اني اتزوج هالغبي بس والله لاخليه يندم بيوم انه فكر ياخذني وبوريك يانا يانت)
اما ياسر كأنه عارف وش تفكر فيه اخفى ابتسامته وتم ساكت بس حاس انها تتوعد وتسب بس ماكون ياسر ان ماعلمتك الاحترام
.................................................. ....................

ابو سعود:ترى دخلنا عالعصر والساعه 4 وشوي اتصل شوف اخوك هذا الواحد مايعتمد عليه
سعود:يبه خلاص هو قال انه جاي بالطريق
ابو سعود:زين اتصل تاكد
خذ سعود جواله ودق على فهد بعد ثواني رد فهد
فهد:خلاص قلنا جايين شفيك ماتفهم
سعود:بسم الله كلتني سلم عالاقل
فهد:شتبي ليش داق
سعود:بعد ليش داق ابي اعرف متى تجون
فهد:ربع ساعه بالكثير واكون بالبيت
سعود:خلاص ننتظرك
فهد:وقول للوالد لايعصب وانه مو قصدنا نتاخر
سعود:يوصل
فهد:خلاص بسكر باي
سعود:باي
ابو سعود:هاه وش قال
سعود(التفت لابوه):يقول ربع ساعه بالكثير ويكون موجود وماكان قصده يتاخر بس اسيل كانت تبي كم شغله
ابو سعود(بتفهم):خلاص المهم يوصلون وروح شف امك موجوده ولا كالعاده ماندري وينها
سعود:انشالله بروح
طلع سعود من مجلس الرجال وتوجه لداخل البيت دخل ولقا امه قاعده وماسكه بيدها مجله وشكلها مندمجه
سعود:احم
رفعت نظرها له بدون اهتمام وقالت:شعندك
سعود:لابس شكلك مندمجه
ام سعود:ايه تبي شي
سعود:اسيل بعد شوي بتوصل
ام سعود(ببرود):زين وش المطلوب مني
سعود:مدري دورك ك أم وش ممكن يكون المطلوب منك
ام سعود(وهي ترجع تناظر المجله):مدري انت علمني وش ممكن اسوي
سعود:يمه شفيك على هالبرود بنتك لك فتره طويله ماشفتيها واليوم بتتزوج بتملك انت بنظرك وش الشي اللي لازم تسوينه
ام سعود:سعود فكني مني ناقصه محاضرات ووجع راس
سعود:بس عالاقل ابتسمي بيني لها انك مرحبه فيها
ام سعود(وهي ترجع تناظر بوجه سعود):وانت حضرتك من متى هالمحبه
سعود:هذي اختي
ام سعود(بسخريه):ماعرفت اختك الا الحين
سعود:لا طبعا بس
ام سعود:بس شنوو شفت حتى انت تكرهها
سعود:بس انتي امها والام ماتكره عيالها
ام سعود:عاد انا غير كل الامهات
سعود:يعني مافي امل
ام سعود(وهي تهز راسها):لاتحاول اصلا انا معزومه على زواج وحده ومقدر اقعد هنا
سعود:واسيل بنتك
ام سعود:سعود دوختني شفيك اليوم مهتم فيها مو انت اللي غصبتها على هالزواج ودوم تكرهها من وين هالمحبه
سعود:يمه انا مستحيل اكره اختي لكن تعرفين اوامر ابوي القاسيه
ام سعود:خلاص وخر عني ماعندي كلام بروح اتجهز
وقامت وقفت وتجاهلت وجوده وتوجهت للدرج وطلعت لفوق
اما هو حزن على اسيل انا قاسي عليها وابوي وامي والله صعبه الله يعينك ياسيل
رجع لابوه اللي جالس ينتظر ابو ياسر لان ممكن باي لحظه يجي
ابو سعود:هاه لقيتها
سعود(بتردد):اي لكن
ابو سعود:لكن شنوو
سعود:ماتبي تستقبل اسيل وبتطلع لانها معزومه
ابو سعود(وقف وبعصبيه):شلوون
سعود:هذا اللي قالته
ابو سعود:شلون تطلع واسيل
سعود:خلاص خلها واسيل مرح تتقبل وجودها انا وفهد بنكون معها
ابو سعود(تنهد):امك هذي مدري متى بتعقل
.................................................. ...................
نزل فهد واسيل للشقه وياسر سلم على فهد وراح للبيت يتجهز وبعدها يروح لبيت ابو سعود
فهد:يلا اسيل امشي
مشت اسيل ودخلوا الشقه
اسيل(وهي تكلم فهد):عمري مابسامحكم وانت خصوصا مني مسامحتك
فهد(ألمه كلامها):اسيل وش هالكلام انا اخوك
اسيل:هذي المصيبه اخوي المشكله انك اخوي شلون ياخوي شلون تسوي فيني كذا وهذا انت اخوي العزيز على قلبي لكن الحين كلكم طلعتوا انذال كلكم
فهد:بس اسيل بس ماتدرين وش كثر زعلان وحزين عليك ولو بيدي ماخلي هالزواج يتم لكن عارفه ابوي
اسيل(بقهر):حسبي الله عليه هذا بس اللي بقوله
فهد:مايصير اسيل هذا ابونا
اسيل:لاتقول ابوي لاتقول هذا مو اب هذا عدو ولا الاب يتمنى السعاده لبنته مو التعاسه
فهد:خلاص حبيبتي اللي صار صار وانشالله ياسر يسعدك تراه رجال زين وطيب
اسيل:اكره هالمتعجرف ياسر كريه والله لاخليه يندم
فهد:اسيل ماله داعي هالكلام والحين طلعي ولمي اغراضك عشان نطلع
راحت اسيل ترتب اغراضها وهي ترتب جت في بالها فكره وطلعت بسرعه لفهد
اسيل:فهد بسئلك
التف لها فهد وابتسم:اسئلي
اسيل:الحين مو انت بتوديني بيت ابوك (ماتحب تقول ابوي لانها ماتعتبره ابوها)
فهد:أي ليه هالسؤال
اسيل:طيب واليوم بتكون ملكتي صح
فهد:صح شفيك تتكلمين بالقطاره قولي شعندك
اسيل:زين شلون بتزوج يعني بملك شلون
فهد:يعني شلون اكيد بيكون فيه شيخ
اسيل:طيب وش يسوي هالشيخ
فهد:يسئلك اذا موافقه اولا وبعدين توقعين وخلاص تتم الملكه
اسيل(ابتسمت بقوه):لازم يسئلني
فهد:هذا اللي اعرفه بس شفيك تبتسمين وش وراك
اسيل:ولا شي بس كنت بعرف
فهد:زين يلا اخلصي
اسيل:حاضر
وراحت ركض للغرفه وهي فرحانه يعني باقي فرصه عندها ويارب تنجح فرحت من قلب ورتبت اغراضها وخذت شاور سريع وبدلت وطلعت
اسيل:يلا خلصت
فهد:كل هذا تاخرتي
اسيل:معليه خذيت شاور
فهد:يلا عادي امشي قدامي
وشال شنطتها وطلعوا وركبت سيارة فهد
اسيل:عطني مفتاح الشقه
فهد:ليه ناويه تهربين مره ثانيه
اسيل:فهد مع احترامي لك لكن سؤالك غبي
فهد:هههههههه داري داري المهم وش تبين فيه
اسيل:هذي شقة صديقتي ولازم اوصل لها المفتاح
فهد:اوكي خلاص خذيه
وعطاها المفتاح
وصلوا للبيت ونزلت وهي خايفه من زمان مادخلت بيتهم من زمان ياربي رجعت لي الذكريات القديمه الذكريات المؤلمه والمحزنه ولا ذكرى حلوه مرت علي بهالبيت ولاذكرى
.................................................. ..................
وهي قاعده تتصفح وحده من مجلات الازياء والاناقه دق جوالها خذته وطالعت الشاشه شافت اسم ابوها ابتسمت بفرح وردت
مريم(بفرحه):هلا وغلا
احمد(بفرحه اكبر):هلا هلا بمريومتي هلا بغلاي
مريم(من سمعت هالكلام دمعت عيونها):يبه اشتقت لك وينك
احمد:هههههههه حبيبتي تو اليوم مسافر مسرع اشتقتي لي
مريم:أي اشتقت لك متى راجع
احمد:حبيبتي لاتنزلين دموعك تزعليني بعدين
مريم(وهي تمسح دمعه نزلت):انشالله بس وينك وصلت
احمد:انا الحين بأبو ظبي وطيارتي على الساعه 11 الليل
مريم:يووه مطول
احمد:أي تو واصل ابو ظبي وقلت لازم اسمع صوتك
مريم:أي اشوا دقيت افتقدتك
احمد:يالغلا مو اول مره اسافر
مريم:ادري واصلا انا بكل سفريه تسافرها لازم تنزل دموعي ولاتنكر
احمد:هههههههه لا مانكر الا شخبار عبود
مريم:يبه توك اليوم الصبح شايفه شتبي فيه
احمد:هههههههه شفيك على اخوك مو قلتلك كبري عقلك
مريم:ههههههههه أي صح
احمد:أي حبيبتي خلك عاقله بعد انتي كبيره مايحتاج نوصيك
مريم:أي يبه ارفع من معنوياتي تكفى
احمد:ههههههههه زين وينه عبدالله
مريم:مدري بس طلع مع صديقه
احمد:انتبهي لايتاخر عالعشا بالكثير يكون موجود
مريم:انشالله
احمد(بتردد):وين امك
مريم(ابتسمت):طلعت مو بالبيت معزومه
احمد:أي زين سلمي عليها
مريم:يوصل
احمد:خلاص حبيبتي انا بسكر الحين وادق عليك بعدين
مريم:اوكي تروح وترجع بالسلامه انشالله
احمد:يلا مع السلامه
مريم:مع السلامه
وسكرت مريم وهي تتنهد بفرح اشوا كانت زهقانه وحاسه بكئابه وطفش بس من سمعت صوته كل هالكئابه والطفش تبخروا
.................................................. ......................
بدخلت اسيل وفهد طلعت امهم اسيل طالعتها وهي متكشخه وطالعه ولاعبرتها ومشت وخلتها ونفس الشي امها طالعتها باحتقار ومشت طالعه لباب الشارع اما فهد حزن على اسيل صدق مالها حظ بهالدنيا لا ام ولا اب ولاخوان
دخلت اسيل البيت وهي كارهه عمرها بس انشالله خطتها تنجح والله بخليكم تندمون وتعضون اصابع الندم بعد
توجهت للكنبه وقعدت وهي تتنهد بصوت عالي دخل فهد وشافها
فهد:هاه شفيك تتنهدين
اسيل(طالعته بنص عين مالها خلقه):يوه اسفه فهد مادريت ان حتى التنهد والنفس بتمنعوني عنه
فهد(انجرح من كلامها شفيها كان يمزح):لا مو كذا بس
اسيل(قاطعته):لاتكمل يكفي اللي سويتوه فيني انا بطلع غرفتي
فهد(مارد على كلامها لكن يحس بالقهر شلون رضى ان اخته تنغصب على شي ماتبيه لكن ماينفع الصوت اذا فات الفوت)
طلعت اسيل وهي مبتسمه بقوه مدام بيسئلني الشيخ فخلاص اكيد بتنجح الخطه وهذي اخر فرصه بتكون لي ومني مضيعتها لان مافي غيرها راحت لغرفتها وفتحت النور ودخلت اوف على ان هالغرفه كبيره وواسعه واثاثها مافي احلى منه الا اني احس بالضيقه من ادخلها مو بس لما ادخل غرفتي الا من ادخل هالبيت بكبره واقابل هاللي يسمونهم اهلي تجيني الضيقه والكئابه الله يريحني منهم اووف...
راحت خذت شاور وبدلت ملابسها وانسدحت تبي تنام غطت نفسها لانها حست بالبرد من هالمكيف وشوي شوي بدا النوم يغلبها
.................................................. ...................
وصل ياسر هو وابوه لبيت ابو سعود ونزلوا من السياره وتوجهوا لباب الفيلا الكبير ودقوا الجرس طلع سعود
سعود:هلا والله تفضلوا حياكم
دخلوا وقال ابو ياسر:هلا فيك هلا ياولدي سعود شخبارك
سعود:تمام ياعمي تفضل ابوي بالمجلس تفضل
ابو ياسر:مشكور ياولدي وزاد فضلك
سعود(التف لياسر):هلا ياسر شخبارك
ياسر(بابتسامته الجذابه):الحمدالله تمام انت شعلومك شمسوي
سعود:والله تمام تفضل يالنسيب
ياسر ماعلق على كلامه بس ابتسم
دخلوا للمجلس
ابو ياسر(بصوت جهوري):السلام عليكم
وقف ابو سعود ومعاه فهد
ابو سعود وفهد:وعليكم السلام
ابو سعود:هلا يابو ياسر تفضل حياك
وتقدم ابو ياسر وسلم على ابو سعود وبعده فهد
ابو سعود:شلونك وشخبارك
ابو ياسر(وهو يجلس):الحمدالله بخير ونعمه (والتف لفهد):شخبارك ياولدي يافهد
فهد(بابتسامه):الحمدالله ياعمي
ياسر تقدم وسلم على فهد
وبعد ماخذوا الرجاجيل اخبار بعض وسولفوا عن اشغالهم وعن السوق والشركات
...........................................
حان الوقت وجا الملاك (الشيخ اللي بيملك) استقبله فهد ودخلوه لمجلس الرجال سلم عليهم وجلس ياخذ مواقفة ياسر وبعدها موافقة اسيل
دخل سعود للبيت ونادى على اسيل وكانت تو صاحيه بعد ماخذت قيلوله تنشطها ردت عليه اسيل بدون نفس:نعم
سعود(وهو مبتسم):يلا تعالي الشيخ بيسئلك
اسيل(ابتسمت واخيرا):زين هذاني جايه
نزلت اسيل بسرعه وسعود راح ينادي الشيخ
.................................................. .................
جا الشيخ ومن ورا الباب قال:انتي اسيل بنت خالد ال......
اسيل:أي انا
الشيخ:موافقه ياختي على الزواج من ياسر بن سالم ال........
اسيل(وهي تاخذ نفس وتستعد
انتهى البارت
ها شو رأيكم ؟؟
و شو توقعاتكم؟؟؟