البارت السابع
ياسر(ابتسم):انا اعرف
فهد(رفع فهد راسه):طيب وهذا اللي عرفته منك بالتلفون بس مافهمت شلون تعرف مكانها وحنا لا
ياسر:شلون عرفت احب احتفظ بهالاسباب لنفسي اما (وحط عينه بعين فهد):وين مكانها ووينها فيه الحين هذا بجاوبك عليه
فهد(بلهفه):طيب وينها علمني
ياسر(ابتسم):على مهلك اصبر الصبر زين تبي تعرف قوم الحين معاي
فهد:يعني عارف مكانها
ياسر:ايه عارف
فهد:اجل وش تنتظر قم ودني لها
ياسر:انا ابي ادلك للمكان لكن ان اتطفل مو من حقي
فهد:مشكور ماقصرت
ياسر:بس ممكن قبل كل شي اعرف شي واحد
فهد:تفضل
ياسر(بقهر):ليه غصبتوها ليه
فهد(نزل راسه):لو بيدي كان ماغصبتها لكن انت عارف الوالد وطبايعه
ياسر:وهذا اللي قاهرني هي بتاخذني بالغصب تعرف شلون هالكلمه مؤلمه تعرف شلون معناها مؤلم شلون بكمل حياتي معها بالصراخ والهواش ومشكلتي مقدر اتراجع مقدر
فهد(طالعه بنظره):ليه ناوي تتراجع
ياسر(ابتسم بسخريه):المشكله مافي مجال
فهد(فهمها بشكل ثاني غير اللي يقصده ياسر):شلون مافي مجال انت ماتبي البنت
ياسر(وهو يقوم يوقف):اصلا لو كنت اقدر اتراجع كان تراجعت تدري ليه عشان اختك بس عشانها هي (وانهى كلامه بقول):يلا امش اوديك لها واقنعها ترجع معك عشان لاتصير مصايب ومشاكل احنا بغنى عنها
فهد(قام يوقف وهو مقهور اخته تنغصب وهو موجود ليه وشنو الاسباب التافهه اللي خلت ابوي يبيع ضناه فلوس الله ياخذ الفلوس ماتجي شي عند الضنا مشا لسيارته ومعه ياسر وكل واحد ركب سيارته وياسر يأشر له انه يلحقه )
.................................................. ...............
اسيل كانت واقفه وتطالع من الشباك الرايح والجاي تشوف العيال اللي يلعبون كوره والبنات الصغار على جنب يلعبون العاب مختلفه وفي اب وام وعيالهم يتمشون يعني ناس رايحه وناس جايه تنهدت بملل فجأه لمحت سيارتين وشكلها تعرفهم وقفوا هالسيارتين قدام العماره ونزلوا وياريت مانزلوا هذول ياسر وفهد وش جابهم انا لازم اتصرف لازم اهرب اكيد الحقير ياسر كان يعرف وين مكاني والحين شسوي سكرت الشباك وركضت لغرفتها طلعت عبايتها وخذت جوالاتها وخذت شنطتها اللي تحوي على اشيائها المهمه وطلعت من الغرفه ولبست العبايه بسرعه ولفت الشيله وفتحت بسرعه باب الشقه ونست ربعه او اقل مفتوح وهي ماتدري والصراحه مافي وقت تسكره او تاخذ المفتاح وركضت تطلع الدرج بما انها بالدور الاول وماقدرت تستخدم المصعد لان مافي وقت وطلعت بسرعه لفوق ركض وصلت للدور الثاني وكملت للثالث وهي تلهث بس شتسوي لازم تطلع لرانيا (رانيا هذي تعرفت عليها عن طريق مريم وحده متزوجه وزوجها مسافر وعندها بنت) وصلت للدور الرابع والخوف والرعب بقلبها توجهت لشقة رانيا وقبل ماتدق الباب خذت نفس وعدلت من شكلها وطلعت العطر من شنطتها والمرايه تشوف شكلها مبهذل ويخلي الواحد يشك ولاعادي شافت ان شكلها تمام خذت نفس مره ثانيه وبيدين مرتجفه دقت الباب بعد ثواني انفتح الباب وطلعت لها البنت الصغيره مي بابتسامه
اسيل(وهي تبتسم):اهلين حبيبتي وين ماما
مي:ماما داخل
اسيل:طيب ناديها
مي(وهي تقلد نبرة صوت اسيل):طيب ادخلي
اسيل:هههههههههه حاضر
ودخلت وشافت رانيا متوجهه لها بابتسامة
رانيا(وهي تسلم على اسيل):ياهلا والله نورتي تفضلي تفضلي
اسيل:النور نورك
رانيا:هاتي عبايتك
اسيل(وهي تتذكر لبسها):لالا مايحتاج
رانيا:شدعوه جيبيها
اسيل(بحرج):لا ملابسي مو ذاك الزود
رانيا:ههههههههههه مابينا شي ياشيخه عاد انا اللي ملابسي
اسيل(وهي تناظر بملابس رانيا ترينغ رياضي كيوت مو بطال):خلاص اوكي
وفصخت عبايتها
رانيا:تفضلي شفيك واقفه
تقدمت اسيل وجلست على اول كنبه ونادت رانيا
رانيا:امري
اسيل:اذا ماعليك امر كاسة ماي
رانيا:من عيوني
ابتسمت لها اسيل شكلها طيبه مع ان هذي الزياره الثانيه لها مره مع مريم والحين هذي
.................................................. ..................
ياسر(وهو ياشر على الشقه اللي فيها مريم):وهذي الشقه
فهد(بابتسامه):مشكور مشكور ماتقصر
ياسر:يلا عن اذنك انا بروح وانت تصرف
فهد:مشكور مره ثانيه ومع السلامه
ياسر: مع السلامه و بالتوفيق
تقدم فهد للشقه وهو يبتسم من زمان عن اسيل ياترى تغيرت دق الجرس بس بعدين لاحظ ان الباب شكله مفتوح مسك وكرة الباب ودفع الباب وانفتح الباب استغرب شلون تخلي الباب مفتوح بس قال يمكن نست واستغرب ان من وين لها هالشقه وشلون جتها الجرأه تقعد لحالها هنا دخل بهدوء للبيت وشافه حوسه للحين اسيل ماتهتم تنظف كل شي عندها يمشي بالحوسه ياحليلها نادى بصوته عليها:اسيل اسيل
بس مافي رد يمكن نايمه في غرف كثيره مو عارف أي وحده يدخل دخل الاولى بس فاضيه ومافيها احد ودخل الثانيه بعد فاضيه والغرفتين كانت وحده غرفة طعام والثانيه غرفة نوم شكلها بناتيه استغرب من وين لها هالشقه من عطاها هالشقه وخصوصا ان شكلها لناس راح للغرفه الثالثه وفتحها لقى السرير حوسه وفي كتب واوراق فوقه واغراض اسيل متناثره بكل مكان من ملابس عطورات مكياج (مع انها ماتطلع بس تحب تتكشخ حتى لو كانت لحالها هذي ميزه فيها) استغرب وينها نادى عليها ومافي استجابه بعدها بدا الخوف يتسلل لقلبه وين ممكن تكون دور عليها بكل مكان وتم ينادي عليها ومافي صوت ولاثر لها وين راحت ممكن تكون طالعه بس وين وممكن تكون هربت بس شلون تهرب وهي اصلا هاربه هنا معقول عرفت ان احنا جايين لها او شافتنا ياربي الافكار بتذبحني لاكيد طلعت وراجعه طلع يسئل الحارس وقاله انها ماطلعت ولاشافها وقاله ان في باب خلفي ممكن تكون طلعت منه خاف وينها طلعت ولا لاء طيب ممكن تكون بأي شقه من هالشقق ممكن لكن وين واي شقه زين انا بنتظر هنا وبشوف
.................................................. .........................
تمت جالسه اسيل عند رانيا حوالي نص ساعه واكثر بشوي بعدها استئذنت تطلع
رانيا:وين تو الناس بدري توك جايه
اسيل:بدري من عمرك بس عندي كم شغله
رانيا:على راحتك بس الزياره الجايه لازم تعوضينها
اسيل:من عيوني عن اذنك ابي عبايتي
رانيا:دقايق
وراحت جابت لها العبايه لبستها بهدوء لكنها من داخل عواصف من الرعب والخوف اخيرا لفت الشيله وسلمت على رانيا وطلعت وقفت دقايق تاخذ نفس بعدها راحت طلت من شباك العماره ولقت سيارة فهد بس خافت ياربي وش ناوي عليه نزلت الدرج بحذر وهدوء ولما وصلت للدور الارضي شافت باب الشقه مسكر وشكل فهد ينتظرها داخل مشت بخطوات مرتجفه خايفه لايطلع مرتعبه ماتدري وش تسوي مشت ومشت ليما وصلت للباب الخلفي للعماره تنفست بقوه لانها كانت كاتمه نفسها طلعت ومشت لحد ماوصلت للمناطق اللي تتواجد فيها سيارات التاكسي هي ماتقدر تدق على راجوو شكله هو اللي فضحها عشان كذا اسهل لها تاخذ تاكسي وقفت اول تاكسي شافته وركبت وتوجهت لبيت مريم
.................................................. ...................
(بنفس الوقت)
احمد:شوفي يالبتول مابي أي شي يصير بينا ياثر على مريم و
البتول(بدون نفس):ادري حفظت هالاسطوانه من كثر ماتقولها وانا الحمدالله احب بنتي مني مستعده اخسرها بسبب اغلاطك
احمد(بعصبيه):شقصدك
البتول(بسخريه):قصدي واضح اظن
احمد(تنهد بقوه):شوف انا قلتلك اسبابي واظن كنت واضح معاك بس انتي اللي انقلبتي وماصرتي البتول اللي انا اعرفها
البتول(بعصبيه):يعني ماتبيني اتغير عليك واقلب عقب ماعرفت منك هالاشياء انت صدمتني وحطمتني بعد شلون شلون يطاوعك قلبك ياخي انت ماتحس
احمد(انجرح من كلامها بس مابين لها وببرود قال):انا ماعندي اشياء اضيفها فاهمه وخلاص هالشي فعل ماضي
البتول(قاطعته وقالت):فعل ماضي لكنه مستمر ولا ليه كل هالسفريات ليه مو عشانها
احمد(بصراخ):خلاص يالبتول خلاص انا الحين بروح وكلي امل ماتجيبين سيره لهالسر اللي بينا ومع السلامه
التول(بقهر):روحه بدون رجعه انشالله
احمد(ابتسم):من قلبك
البتول(نزلت راسها تحارب دموعها وقالت):خلاص روح روح
طلع احمد من الغرفه وهو مكتئب كل سفره لازم تسوي له هالموال تعب خلاص معد قادر يتحمل نزل تحت وشاف مريم تسولف مع محمد وشكلهم يتناقرون كالعاده ابتسم لمريم اللي شوي وبتنفجر من القهر شكل السالفه قويه نزل لهم ومعاه شنطة السفر التفوا له مريم ومحمد والاولى نقزت تسلم على ابوها
مريم(وهي تحضنه بقوه):تروح وترجع بالسلامه ياغلى واحلى اب
احمد(وهو يضحك ويضمها بنفس الوقت):ههههههه الله يسلمك حبيبتي
مريم(بدلع):بابا شرايك اصرف المدرسه واروح معاك
احمد:هههههههه لا خلك مع ان ياريت تجين
مريم:هههههههه خلاص اصرفها
احمد:مايصير الاختبارات قربت
مريم(كشرت وبعد عن حضنه):اوف من هالاختبارات كريهه
احمد:يلا كلها هالسنه وبعدها الجامعه
مريم(ابتسمت):وهذا اللي مصبرني متحمسه للجامعه
ميل راسه احمد وشاف محمد يبتسم لهم وكان ورا مريم عشان يسلم عليه قبل مايسافر
احمد:تعال محمد شفيك
قرب محمد وهو مبتسم
محمد:تروح وترجع بالسلامه يابو عبدالله
احمد:الله يسلمك (ورجع يطالع مريم):هاه بابا توصين على شي
مريم(بدلال):كل شي كل شي يطري على بالك او تشوفه حلو ومناسب لي جيبه
احمد:ههههههههه من عيوني (وقعد يتلفت يمين وشمال):وين عبودي ماشوفه
مريم:فوق ليه
احمد:بعد ليه بسلم عليه وبشوفه وش يبي اجيب له معاي
مريم:طيب دقايق بناديه
احمد:بسرعه لاني تاخرت
مريم:اوكي
وراحت ركض لفوق اما احمد راح وقعد هو ومحمد يسولفون
دخلت غرفة عبدالله وهو خاف لاتطفي البلاي ستيشن اما هي من شافت حركته وخوفه على البلاي ستيشن غرقت بنوبة ضحك
مريم:ههههههههههههه الله يرجك عبودي هههههههههه كل ذا خوف هههههههههه
عبدالله(عصب):شتبين يالسوسه
مريم(توقفت عن الضحك وبعصبيه مصطنعه):هيه حدك عاد ترى ماسمح لك
عبدالله(بسخريه):ومن قالك يعني بسكت عنك اذا سمحتي لي او لا بكلا الحالتين بقول اللي ابي
مريم(انقهرت منه):عبود لاتخلين اسوي شي ماتحبه
عبدالله(وهو يناظر البلاي سيشن ويرجع يناظر نظراتها الخبيثه):انزين الحين شتبين
مريم(بدلع يقهر عبدالله):بابي بيسافر ويبي يشوفك
عبدالله(قام وقف بيروح يسلم على ابوه):زين هذاني بنزل قبل مايروح
مريم:اوكي يلا امشي
ونزلوا مع بعض ونزل عبدالله بركض لابوه
احمد:هلا هلا بعبودي هلا
مريم(بغيره):احم احم
رفع نظره لها ابوها
احمد:هههههههههه اشم ريحة غيره
عبدالله:يبه هذي مو بغيره هذي انانيه ماتبي الا الدلع لها
مريم:اقول جب لايكثر
عبدالله:جب يشبك
مريم(طلعت عيونها):ياقليل الادب ترد علي
احمد(بحزم):عيب وش هالالفاظ مابي اسمعها مره ثانيه
مريم وعبدالله:انشالله يبه
احمد:اي خليكم عاقلين وانتي مريم حبيبتي انا مسافر كبري عقلك وعبودي حبيبي خلك رزين وثقيل انت رجال البيت
عبدالله:انشالله يبه بس لاتقول هالكلام لي قوله (وبسخريه):للانسه مريم
مريم:لا يكثر بس ويبه تروح وترجع بالسلامه يارب
احمد:الله يسلمك يلا انا بطلع فمان الله ومع السلامه يامحمد ولاوصيك على زوجتي وعيالي الحين انا اعتبرك رجال البيت
محمد(بابتسامه):لاتوصي ياحمد وروح وسافر وانت متطمن البيت واصحابه بعيوني
احمد:ماتقصر رجال والله يلا مع السلامه
الكل:مع السلامه
مريم(ودموعها على وشك النزول):مع السلامه يبه
احمد(ابتسم لها بحنان):مريم حبيبتي امسحي دموعك مو اول مره اسافر
مريم(وهي تمسح دمعه نزلت):طيب وتروح وترجع بالسلامه
احمد(تقدم لها وباس راسها):الله يسلمك حبيبتي
وتوجه للباب وطلع متوجه لسيارته اللي بتنقله لمطار الملك خالد
.................................................. .....................
اما فهد زاد قلقه وينها للحين مارجعت بس مافي مجال لها انا قاعد لها وبنتظرها الله يعين وينها طولت والله لو يدري ابوي نروح فيها والله شكلك ياسيل ناويتها ورجعتي هربتي بس وين هذا اللي لازم نعرفه طلع جواله يدق على ياسر
ياسر:الوو
فهد:مرحبا ياسر
ياسر:هلا فهد هاه وش صار
فهد(بقهر):شكلها هربت يا ياسر هربت
ياسر(بصدمه):معقول وانت شدراك
فهد:اولا لقيت ربع باب الشقه مفتوح دخلت ودورتها مالقيتها بالشقه كلها شتفسر هذا
ياسر:زين يمكن طلعت اسئل الحارس
فهد:سئلته يقول ماشافها ابد ولاشافها تطلع من شقتها
ياسر:والحين
فهد:انا لي حوالي اكثر من نص ساعه وللحين ماصار شي
ياسر(بتفهم):خلاص خل تمر عالاقل ساعه ونص او ساعتين واذا مارجعت فالحل عندي
فهد:وشوو
ياسر:خل اتاكد اذا رجعت اولا واذا رجعت قولي واذا مر الوقت اللي حددته فانا بتصل عليك واقولك
فهد:انت ماتبطل تتكلم بالالغاز
ياسر: ماعليك من الغازي المهم سو اللي قلتلك
فهد:اوكي
ياسر:يلا انا بسكر باي
فهد:مع السلامه
سكر فهد وهو محتار هذا وشدراه عن اسيل من وين يعرف اخبارها والاماكن اللي تروح لها صدق شخصيته غامضه ولغز يحير الواحد
.................................................. ......................
وصلت اسيل ونزلت وفتحت شنطتها وعطت التاكسي فلوس توجهت لباب الفيلا الكبير ودقت الجرس وطلعت جوالها بنفس الوقت تكلم مريم
مريم:هلا اسول شفيك مقفله جوالك للحين زعلانه
اسيل:بعدين بعدين الحين تعالي افتحي لي الباب بسرعه
مريم(استغربت):أي باب
اسيل:يعني أي باب ... باب بيتكم انا بره
مريم(وهي تقوم):هذي انتي اللي دقيتي الجرس
اسيل:اي يلا سنه لاتفتحون
مريم:خلاص خلاص هذاني جايه
وسكرت مريم وطلعت ركض لاسيل وفتحت الباب ولقتها واقفه
مريم:هلا اسيل ادخلي
اسيل(وهي تفصخ الشيله):اوف مابغيتوا تفتحون
مريم:ادخلي ادخلي شكلك مولعه
اسيل:اي حر موت
مريم:طيب تعالي ندخل
مشوا لين ماوصلوا لباب الصاله ودخلوا
مريم:شفيك ليه طلعتي هذا ماكان كلامك
اسيل(بمزح):شكلك ماكنتي تبيني اجي
مريم:لا يالهبله وش هالكلام بس استغربت وباين عليك مرتبكه وخايفه
اسيل:اي لو تدرين وش صار
جلست مريم وبعدها اسيل وقالت الاولى:اي وش صار
اسيل(وهي تلتفت يمين ويسار):وين اهلك
مريم:امي طلعت هي وعبودي وخالي تو طالع وابوي مسافر
اسيل:اشوا خفت اكون جايه بوقت غلط
مريم:لالا عادي المهم قولي وش صار
اسيل:اسمعي
.................................................. .....................
سعود:يبه تأخروا وهذا واحنا قلنا عالفجر
ابو سعود:دق شوف اخوك وين اختفى
سعود:انشالله
ودق سعود على فهد
فهد:هلا سعود
سعود:وينك ياخي الوالد ينتظر وين طولت
فهد(ارتبك مايدري وش يقول):اممم اسيل عندها كم شغله وقالت اوديها السوق
سعود:هذا وقتها يلا الساعه 12 وشوي
فهد:تو الناس الموعد بعد صلاة العشا وهي تبي اشياء ضروريه ومهمه خلاص المهم ان بنجي لاتخاف
سعود:خلاص بس المهم تعالوا قبل صلاة العشا بوقت
فهد:اكيد والحين توصي شي
سعود:لا مع السلامه
فهد:مع السلامه
وسكر سعود والتفت لابوه
سعود:يبه معليه اسيل عندها كم شغله ضروريه تبيها
ابو سعود:خلاص بس قلتلهم متى لازم يجون
سعود:اي اكيد بيجون قبل صلاة العشا
ابو سعود:خلاص انا طالع عندي شغل فمان الله
وطلع لشغله .........
.................................................. ................
مريم:ياربي وشلون درا
اسيل(بقهر):مدري احس انه كان يراقبني ويلاحقني
مريم(ابتسمت):مدام كذا اكيد يموت فيك
اسيل(بقرف):وع ياكرهي له هالمتعجرف
مريم:حرام عليك والله انه يهبل
اسيل:خذيه مابيه
مريم:طيب شكل اهلك مابيتركونك وهالزواج بيتم غصبن عنك
اسيل:بشوف يانا ياهم مستحيل يتم وغير كذا هم ماعزموا احد ولاحتى فكروا يسوون لي حفله كل اللي سووه انهم يبوني اروح البيت ويجي الشيخ يملك وتتم الملكه وبس
مريم:معقول مافي حفله ولاشي
اسيل(بقهر وغيظ):اي تخيلي وش ذا
مريم:ياربي الله يكون بعونك
قطع كلامهم رنين جوال اسيل
اسيل(وهي تطالع الشاشه):يووه شوفي هذا هو الحقير
مريم:زين ردي
اسيل:مني براده مالت عليه
مريم:ردي ودي اسمع صوته
اسيل:اوف خلني اشوف وش يبي
جت ترد بس انقطع الاتصال
اسيل:سكر
مريم(بخيبة امل):يووه قهر
اسيل(وهي تطالعها):وش اللي يقهر من زينته عاد
مريم:غرنا
اسيل(يقرف):وع مابقى الا هو (وغيرت السالفه):هاه شخبار المدرسه
مريم:البنات يسلمون عليك كلهم وخصوصا (وغمزت لها)
اسيل:ياكرهي لهم كلهم اكرهم
مريم:انت من حبيتي اصلا عشان تكرهين
اسيل:شقصدك
مريم:يعني وش القصد واضح
اسيل:بكيفي مابي احب احد (وبغرور):يكفي اني انحب مو احب
مريم:اي الله يقطعهم هالمعجبات عندي لك رسايل منهم ياكثر كلها رميتها بالزباله
اسيل:زين سويتي ماعندي وقت اقرا خرابيطهم
مريم:اووه وش عندك تجهيزات الملكه
اسيل(عصبت):مرايم يالتبن لاعاد تجيبين هالسيره فاهمه
مريم(تصطنع الخوف):اعوذ بالله مو بنت ولد وش هالصوت
اسيل:اقول مرح تضيفيني
مريم:ههههههههه امحق ضيفه امشي امشي معاي للمطبخ اضيفك هناك
.................................................. ......................