البارت الخامس



سعود:هلا بياسر وينك ياخي ماتنشاف

ياسر:والله مشاغل تدري الوالد حاط الشغل فوق راسي والشركه كلها علي غير

الشركات اللي بالفروع الثانيه

سعود:الله يعين (وبخبث):اقول وش صار على مشروعنا

ياسر:تطمن ماصار شي ماشي تمام

سعود:اي لازم يمشي تمام مايصير مايمشي

ياسر:بتمن علي يابو الشباب

سعود:لا بس تعرف البنت مثل منت عارف امورها انغصبت

ياسر(بتفهم):ادري بس ان شاء الله اغيرها

سعود:هذي اسيل مافي منها فايده ماتتغير

ياسر:ان شاء الله معاي غير

سعود:زين هالمشروع لو خسر بسحب اختي منك

ياسر(عصب):انت شلون تتكلم بهذي الطريقه عن اختك وشوو اختك سلعه

تبيعها لمن مايكون وترجع تسحبها

سعود:هد اعصابك ماقلنا شي بس تدري ماخذت اختي والا وانت عارف كل

شي عنها بالتفاصيل وماخذتها الا عشان مشروع

ياسر:والله انت اللي بعتها عشان مشروع

سعود:هذا مشروع بالملايين تبيني اضيعه مستحيل بكسر راسها وبخليها توافق

ياسر ماتكلم هز راسه هذا الولد ميئوس منه وغير كذا مايدري شلون خذا او

رضى ياخذ بنت ماتبيه وماتطيقه الله يعين على اللي جاي خصوصا ان ياسيل

منتي بسهله من اللي سمعته منهم عنك بس ان شاء تثبتين العكس

.................................................. .........................

مريم:في حل ممكن مايخرب خطتك

اسيل(بتركيز):وشوو

مريم:اذا جدتي راحت قبل السبت او الاحد فكذا انتي ربحانه والخطه بتنجح

اما اذا ماراحت

اسيل:لاتكملين فهمت

مريم:والله حاله انتي وخططك تحسسيني بفلم من افلام الاكشن الغبيه

اسيل:غبيه بعينك وجع

مريم:توجعك

اسيل:مريمووووووه

مريم:هاه شتبين ترى ازعجتيني صدق ضيفه ثقيله

اسيل:وجع ماعندك مجاملات المهم طفري جدتك زهقيها سوي أي شي بس

خليها تسافر

مريم:خلاص انا ماظن انها بتطول

اسيل:يارب يكون كلامك صحيح

.................................................. .........................

بعد حوالي يومين ...............

دخلت مريم ركض للغرفه واسيل كانت تكلم جدتها تطمنها على حالها وانها

بالكثير يومين وراجعه تفاجئت من مريم اللي دخلت عليها بصرقعه وهمجيه

سكرت من جدتها وقالت:خير وش فيك شاقه الحلق بابتسامتك

مريم(بدلع):اولا انا دوم مبتسمه

اسيل(بنفس نبرة صوتها لكن بسخريه):وثانيا

مريم(بفرحه لصديقتها):ثانيا ياطويلة العمر جدتي خلاص سافرت بح راحت

اسيل (الفرحه مو بسايعتها تحس ودها تطير من الفرحه هي خلاص فقدت

الامل وبغت ترجع لكن هالخبر غير كل اللي كانت تفكر فيه ركضت لمريم

وضمتها بقوه):مستحيل احس ان مو مصدقه ياربي لو تدرين الايام اللي مرت

علي كلها خوف ورعب بس زين جت على كذا خلاص من اليوم بروح للشقه

مريم(بحزن):وتتركيني

اسيل:يعني تبيني اسكن معاك

مريم:لابس تعودت عليك

اسيل(بطفش):انا الصراحه مليت من هالغرفه ماعدت اشوف الا هي زهقت

بروح اغيرجو شوي وخلاص ياميمي اللي في بالي بيتحقق بس ادعي لي

مريم:الله يوفقك

.................................................. ......................

راحت مريم واسيل للشقه مريم ورتها الشقه وجابوا الاغراض اللي تحتاجها

اسيل وقعدت معها شوي وحان وقت الرحيل

مريم(شوي وتصيح):مابتغيرين رايك

اسيل(بعناد):شووور نوو

مريم:زين ناقصك شي محتاجه شي

اسيل:اللي ناقصني محد يقدر يجيبه

مريم(باهتمام):وش اللي ناقصك

اسيل(بحزن):ناقصني ام تهتم فيني وترعاني واب يضحي بكل شي عشاني واخ

يكون لي عون بالدنيا مو فرعون مثل سعود

مريم:حياتي اسوله خلاص لاتنكدين على نفسك انتي ترى احسن من غيرك

احمدي ربك واشكريه

اسيل:الحمدالله على كل حال

مريم:يلا انا بمشي

اسيل:اقعدي معاي شوي الصراحه خايفه من فكرة اني اقعد لحالي

مريم:هذي افكارك وانتي اللي تبين كذا ولاتخافين اعرف الجيران هنا وكلهم

طيوبين ومافي عزابين على فكره

اسيل:زين خلاص حبيبتي اشوفك على خير

مريم(وهي تضمها):مع السلامه وانتبهي على نفسك وطمنيني عليك

اسيل:حاضر يلا مع السلامه

طلعت مريم ودمعتها على خدها اما اسيل قعدت تدور بالشقه بملل بس ان شاء

الله هي المستفاده من كذا تقعد طول حياتها بذي الشقه ولا تتزوج من المتعجرف

ياسر

.................................................. ....................

رجعت مريم للبيت وتنهدت قبل ماتدخل خايفه من المواجهه ومن الاسئله اللي

بتجيها خايفه مره ولا وش بتقول لامها وابوها والناس كلهم وش بتقول لجدة

اسيل وش بتقول لاهل اسيل الله يصبرني بس

دخلت لقت امها بالصاله سلمت وقعدت معها اما امها التفت لها باستغراب

البتول:مريم وين اسيل مو هي طلعت معاك

مريم(خافت وهذي البدايه وسوت نفسها مستغربه):يمه هي قالت لي برجع

وقلتلها انتظري اصرت انها ترجع لانها تعبت مره وانا كنت ادور بالمكتبه على

كتاب للمدرسه للاختبارات جيت ارجع معها قالت لي لاخلصي خلاص انا

برجع وشفتها ركبت السياره ورجعت هي ماجت

البتول(باستغراب ممزوج بخوف):لا والله ماشفتها بس يمكن دخلت بدون

ماشوفها

مريم:يمكن خل اشوفها بغرفتي

وطلعت وطبعا مالقتها ونزلت بخوف مصطنع يعني كل اللي بتسويه الحين

تمثيل

مريم:يمه دورتها بكل مكان مالقيتها وين راحت

البتول(بخوف):يمكن رجعت لبيت جدتها

مريم:خل اتصل واشوف

مريم بعدت عن امها وماكانت تبي تتصل على جدة اسيل لان ممكن جدتها

تموت اذا وصلها خبر فكذبت وقالت انها اتصلت على الجدة

البتول:هاه وش قالت

مريم:اشوا تقول انها عندها

البتول(براحه):الحمدالله

كان لازم مريم تقول كذا لان هذي من خطة اسيل

البتول(بعد دقايق قالت):تدرين ان محمد خالك جاي يشتغل هنا قبلوه هنا

وبيجي يقعد عندنا

مريم(بفرحه):والله حمووووودي ياحبي له بيجي عندنا حبيب قلبي من زمان

عنه

البتول:هههههههههههه قالي خليها مفاجئه بس ماقدرت

مريم:احلى خبر سمعته اليوم وبيقعد عندنا صح

البتول:اي اكيد

مريم:وناسه والله بنفلها فل

البتول:هههههههههه خلاص ترى بالكثير بعد بكره بيوصل

مريم:لالا خلاص ماتحمل انا كنت افكر ان بعد شهر واكثر يطلع بيجي بعد

بكره واو

البتول:هههههههههه خلاص روحي شوفي غرفة الضيوف شوفي وش ينقصها

لان بتم عندنا فتره طويله ممكن لين مايتزوج

مريم:اي وبتكون عروسته على يدي انا اللي بختارها

البتول:اي عشان ينهبل الولد

مريم:هههههههههههه شدعوه يمه خلاص بشوف وش ينقصها

طلعت مريم لفوق والدنيا مو سايعتها محمد هذا خالها تحبه بشكل جنوني من

زمان عنه ياحليله لا وبيشتغل هنا والله شي

.................................................. ......................

سكرت جوالها اسيل وخلت الثاني مفتوح لان هالرقم مايعرفه غير مريم فعشان

كذا خلته مفتوح لان ممكن تتصل عليها راحت المطبخ وخذت لها تفاحه وقعدت

بالصاله فتحت التلفزيون وحطت MBC 4 وتابعت مسلسلها المفضل
North shore ) )

ويوم خلص حست ان النوم بدا يداهمها حست بنعس توجهت للغرفه ورمت

نفسها على السرير ونامت
.................................................. .................

الجدة (جدة اسيل)

وهي تكلم نفسها:ردي يابنيتي شفيه مقفول جوالك الله يصلحك بس

خذت الجوال وطلعت رقم مريم لان هي طلبت من اسيل تخزن بالجوال لان

يمكن يكون مقفل جوالها مثل الحين دقت ومادق الرقم قال ان الرقم غير صحيح

خافت جدتها حست برعب عادت مره ثانيه وطلع لها نفس الشي فتحت

جدتها الرقم وعدته وهي ترتجف من الخوف خايفه على اسيل حالمه فيها حلم

مو بزين وانصدمت الرقم ناقص رقمين لان الارقام مفروض عشره وهذول ثمانيه

لاتكونين ياسيل بتسوين شي كايد جدتك ومربيتك وعارفتك لايكون ياربي اللي

في بالي صح مستحيل اسيل تسويها هي بنت عاقله بس انا اعرفها محد يقدر

يغصبها على شي وياما يوم جينا نغصبها وهي صغيره ماقدرنا كانت تهرب

وتروح عند أي بيت من بيت الجيران وانا خايفه تكونين سويتيها ياسيل الله

يستر .... الله يستر

.................................................. ......................

قامت من النوم بتكاسل التفت حولها (وين انا) بعدها تذكرت رجعت سندت

راسها للسرير وهي تتنهد زهقت ملت مهي قادره تتحمل بس مستحيل

تنسحب ماتقدر قامت من السرير وتوجهت للحمام خذت لها شاور ينعشها

بعدها طلعت لبست وراحت تشوف شي تاكله حدها جوعانه ماعرفت وش

تسوي ماتعرف تطبخ طلبت لها من (كنتاكي) وجبه ولين ماتوصل وجبتها

تقدمت للتلفون ودقت على مريم

مريم:الوو

اسيل:هاي

مريم:هايات هلا والله هاه شمسويه اكيد العيشه بدوني ماعجبتك وماتسوى صح

اسيل:مشكلة الثقه الزايده المهم ترى حدي زهقانه شوري علي وش اسوي

مريم:معاك كتبك

اسيل:اي كتب المدرسه معاي

مريم:خلاص ذاكري تجهيزا للامتحانات ترى قربت

اسيل:اففف مع انه هالحل ممل لكن مابيدي شي كله ولادراستي وانا الحين

علمي ولازم اشد حيلي

مريم:شفتي يلا روحي ذاكري

اسيل:وجع ذي طرده

مريم:لا والله بس مدري حدي فرحانه

اسيل:ليه لا يكون من فراقي

مريم:ههههههههه لالا شدعوه بس حمودي خالي جاي لنا بكره

اسيل(عقدت حواجبها):حموودي

مريم:اي شفيك مستغربه

اسيل:لابس أي واحد

مريم:محمد يالهبله ماتعرفينه

اسيل(وتذكرت):اه الا تذكرت ياحليله

مريم:والله فله بيقعد عندنا فتره طويله لانه بيشتغل هنا

اسيل:مو هذا اللي تقولين دايم معاك ومغامرات انتي وياه

مريم:اي هذا تخيلي جاي عندنا واي مو مصدقه

اسيل:ياحليله والله شكلك يالدبه بتنسيني وبتبقين معاه

مريم:لا شدعوه تبقى بالقلب ياجميل

اسيل:اي على بالي ههههههههههه

قطع سوالفهم دق الجرس واكيد هذا المطعم

اسيل:ميمي طلبت مطعم ووصل باي حبيبتي

مريم:بايات

راحت اسيل وفتحت الباب وكان المطعم تراجعت لورا عشان مايشوفها وقالتله

كم الحساب جاوبها بعدها خذت الطلب ودفعت الفلوس وراحت متوجهه

للمطبخ

.................................................. ....................

نزلت مريم للصاله وشافت ابوها قاعد وماسك الجريده وشكله مندمج تقدمت

منه وعلى وجهها ابتسامه كلها حب هو انتبه ورفع عينه لها وبادلها

الابتسامه سكر الجريده واشر لها وقال:تعالي يالغلا اجلسي جنبي

توسعت ابتسامتها وتقدمت بفرح وقالت:صباح الخير يالغالي

ابوها(بابتسامه):صباح النور والفل والزهر والياسمين

مريم:هههههههههههه كله لي

ابوها(بنظرة حنان):واكثر يالغاليه

مريم:الله لايحرمني منك يبه

ابوها:حياتي انتي ولايحرمني منك ولامن اخوك

مريم:الا صدق وينه عبود مختفي

ابوها:من يجي من المدرسه ركض على البلاي ستيشن الله يهديه

مريم:ههههههههههه من زمان مالعبت معه الدب ولايناديني

ابوها:هههههههههههه وانتي طفله تلعبين

مريم(بدلع):يبه توني 3 ثانوي

ابوها(ضحك على صوتها الدلوع):بعد عمري اصلا مهما كبرتي تبقين طفله

بعيوني

مريم:حتى لو تزوجت

ابوها(يهز راسه):حتى لو تزوجتي

مريم(بضحك):حتى لو جبت عيال

ابوها(يجاريها):حتى لو جبتي

مريم(بضحك اكبرر):حتى لو عجزت

ابوها:ههههههههههههههه وهم بعد حتى لو عجزتي

مريم(ضحكت مع ابوها وضمته بقوه خايفه لاتفقده تحبه ومالها غنى عنه يابعد

قلبي يبه الله يخليك لي طول العمر ولايحرمني منك يارب):يبه الا وين امي

ابوها:والله مدري شوفيها فوق

مريم:زين يبه قرب الصيف وين بتودينا

ابوها:اللي تبين

مريم:امريكا

ابوها(ارتبك وقال):لالا مو بحلوه خلي عنك امريكا دوري لك احلى

مريم:يبه درنا اغلب اوروبا ورحنا بعد اغلب الدول الا امريكا بودي اشوفها

(وبنظره حالميه ضحكت ابوها):يمكن اشوف توم كروز ولا دانكن ولا براد بيت

ابوها:ههههههههههه كلهم تبين تشوفينهم

مريم:واكثرر من ذول تكفى نبي نروح امريكا

ابوها(يبي يضيع السالفه):شرايك بجنيف

مريم(كشرت):لالالا مابي سويسرا واصلا جنيف من وين لها التمشيات مابي

مابي

ابوها:زين وش رايك بلندن

مريم:مابي ودي اروح جزر هاواي

ابوها(بعناد):قلتلك امريكا لا

مريم(باستغراب):ليه وش فيها

ابوها:ماحبها(وبمزح): يجيني السكر والضغط اذا رحتها

مريم:هههههههههه خلاص على راحتك

ابوها:تدرين انا مسافر بعد يومين انشالله

مريم(عقدت حواجبها):وين؟؟

ابوها:سويسرا عندي مؤتمر عمل

مريم:اها خذنا معك

ابوها:مايصير واختباراتكم

مريم:يووه نسيت تروح وترجع بالسلامه يالغالي

ابوها(ابتسم):الله يسلمك

رجع ابوها للجريده ومريم قعدت تتأفف وجه نظره لها ابوها وقال:مريومتي

شفيك بابا

مريم(بدلال):زهقانه وطفشانه وطاقه روحي (وبدلع):شرايك تطلعني

ابوها(وهو يطالع ساعته):الحين


مريم(وهي تتدلع):اي تكفى مو انا بنتك الوحيده والله زهقانه حدي

ابوها:خلاص ولا يهمك من هالعيون مريومتي تزهق وانا مدري يلا بسرعه

اجهزي وعطي خبر لامك

مريم(طارت من الوناسه وباست ابوها بقوووه وراحت لفوق وهي تركض)

اما ابوها ابتسم يحب هالبنت ومايتخيل بيوم يزعلها او مايشوف ابتسامتها

وضحكها اللي يملا ارجاء البيت.......

طلعت مريم وهي تركض وهي تطلع الدرج صدمت بأمها ونزلت راسها وهي

تلهث من الركض

امها:حشى شفيك كأن لاحقك احد

رفعت راسها وابتسمت:ههههههههههه اي لاحقني احد تدرين مين الوناسه
هههههههههه

امها(تطالعها باستغراب انهبلت شكلها البنت):أي وناسه

مريم:يمه شفيك تطالعيني كأني كائن فضائي

امها:لابس مستغربه من كلامك وقولي لي أي وناسه

مريم:ابوي بيطلعني تطلعين معنا

امها(كشرت):لالا مالي نفس

مريم (لاحظت امها وحز بخاطرها ان امها تكره ابوها):خلاص براحتك انا

بروح ابدل

راحت مريم لغرفتها وقبل ماتدخلها توجهت لغرفة عبدالله فتحت الباب

بهجوم وهو المسكين ارتاع وتخرع ولف عليها بعصبيه:ماتعرفين تطقين الباب

مريم(وهي حاطه يدها على خصرها):لاوالله مابقى الا انت تعلمني

عبدالله(طنشها الكلام معها دايم ضايع وهي تنرفزت وقالت):اقول يالبزر

لاتطنشني

لف لها بعصبيه اقوى وقال:مالبزر غيرك ويلا انقلعي بره

مريم(فتحت عيونها على وسعهم):تطردني يالحمار انا اوريك

عبدالله(بسخريه):وش بتسوين

مريم(بخبث):اقول وش حاط أي شريط

عبدالله(تحمس يستانس اذا احد سئله عن البلاي ستيشن):نيد فور سبيد

شرايك تلعبين معاي

مريم(بخبث ومكر):زين انت لوين موصل

عبدالله(استغرب):مافهمت

مريم(قربت منه وقعدت قباله):يعني انت من متى تلعب

عبدالله(المسكين مايدري عن نواياها):يووه من زمان قربت افوز عليهم الصراحه

تعبت حدي هاه تباريني وش رايك

مريم(بخبث):زين مخزن اللي موصل له

عبدالله:اخر شي بخزن لين مانتهي تماما

مريم(ببراءه وراها شر):طيب خلاص العب انا مالي خلق (بعدها اندمج باللعب

وبوسط اندماجه قربت مريم جنبه وهي واقفه وماحسسته بعدين سحبت فيش

البلاي ستيشن بقوه وطفا

وهربت وهي تضحك بوناسه انها قهرته عشان يتعلم يتأدب وركضت لغرفتها

وهي تحس بنشوة الانتصار)

وعبدالله المسكين قاعد مو مستوعب من الصبح وهو يحاول يختمه ويفتك وتجي

بلمح البصر تخرب عليه عصب بقوه وراح ركض لغرفتها مد يده للباب وجا

بيفتحه لقاه مقفول عصب وطق الباب بقوه

عبدالله(وهو يصارخ):فكي الباب ياحيوانه صدق انك زفته فكي (ويطق الباب

باقوى ماعنده .... اما هي قعدت تضحك وهو سمع صوت ضحكاتها المتواصل

وعصب بزياده بس ماقدر يسوي شي قال):جعلك الموت يارب قولي امين

مريم شهقت وعصبت:وجع لاتدعي علي ياغبي

عبدالله:مالغبي غيرك وبدعي ان هاليد تنشل يارب

مريم(عصبت بقوه وخافت من دعوته يقولون دعوة المظلوم مستجابه):عبيد انقلع

عني ولاتدعي للحين افرشك بالارض

ماسمعت رد منه شكله راح تنهدت بصوت مسموع راحت بدلت بسرعه وخذت

عبايتها ونزلت تحت لقت ابوها وامها وشكل الجو مشحون وعشان تلطف

الجوو قالت بضحك:هاي مامي هاي دادي

ولافي رد غير نظراتهم ابتسم لها ابوها اما امها مو طايقه شي خصوصا بعد

ماعرفت انه بيسافر عصبت بقوه لانها عارفه ليه بيسافر مدري ليه تورط

بهالورطه ودخلني فيها حسبي الله عليك تقدمت مريم وجلست جنب ابوها

وقالت:بابي شكلك غيرت رايك

ابوها(ابتسم):لا طبعا ماغيرته ويلا خل نطلع

مريم(زادت ابتسامتها):يلا

ومسكت يده وطلعوا اما البتول تنهدت افف منه هالرجال تصرفاته صارت

متناقضه وغريبه مدري وش بيوصل له لايكون ناوي يجيبها هنا الله يستر

ناقصين حنا علل الله يستر من هالسفرات اللي تكررت كل شهر والثاني يقول

بسافر ومدري لوين بنوصل

.................................................. .................

اسيل(وهي ماسكه راسها وبصراخ):اففففف وش هالملل خلاص بموت ياربي

خلاص حفظت كل كتبي صم يالله من مريم التبن نستني ولاعادت تدق وين

اختفت هالغبيه اففف

احسن شي اتصل على جدتي لازم تعرف بس احس الوقت بدري زين اليوم

الثلاثاء ابد مو بدري لازم جدتي تعرف الحين لان مصيرها بتعرف بس ياقلبي

وش بتكون ردة فعلها والله ان مو خايفه الا عليها بعد عمري لازم اقولها راحت

ومسكت جوالها وفتحته لقت كم رساله فتحتهم وكلهم من صديقاتها بما انها

ماراحت المدرسه هالايام طلعت رقم جدتها وجت بتدق بس ماقدرت خافت

تضعف قدام جدتها وترجع عن اللي سوته تمت بحيره تدق ولا ماتدق ياربي

شسوي صحاها من هالافكار صوت رنين جواله ارتعبت حدها وشافت شاشة

الجوال ولقته رقم غريب استغربت جاها فضول ترد ردت بس بدون صوت

اسيل:.............

المتصل:الوو

اسيل(عقدت حواجبها من هالمتصل ردت):نعم

المتصل:مابغيتي تفتحين الجوال

اسيل(استغربت):نعم من معاي



.................................................. ......................................

انتهى البارت الخامس ..

اقابلكم بالبارت السادس ان شاء الله ..