ثانكس على التشجيع

الحلقه الحاديه عشر...


بعد غياب سبع سنوات ارجعت للمكان الي اتركته فيه حبيبها متوقعه ان بس ايشوفها بياخذها
بالاحضان رتبت شقتها وحطت ملابسها بالكبت و ادخلت لتواليت واخذة لها شور و طلعت و نامت
على طول بعد تعب الطياره و ترتيب الشقه....

بمكه عند روان

روان واهي شابكه ايدها بأيد عبدالرحيم.تصدق دايما لكعبه اشوفها بالتليفزيون بس ماخطر
في بالي اني اذا شفتها على ارض لواقع بتكون احلى
عبدالرحيم.مانحس بقيمة اشي الا اذا وصلنا له (وباس ايدها)يلى نطوف
روان.ماشي حبيبي...

فترة لمساء في بيت بوميثم بعد مارجع من الشريكه وهو منهار تماما بعد لكارثه الي حلة عليه
دخل لبيت وهو يفتح ازرار الدشداشه

ام ميثم.بوميثم عسى ماشر
بوميثم.جلاص ماي وجيبي احبوب الضغط
رانيا.يمه ابوي اشفيه
ام ميثم واهي تمسح على صدره.بسرعه يارانيا جيبي الدواء ابوج تعبان
رانيا.ان شاءالله يمه (وانا اصعد الدري)
ام ميثم.بوميثم علامك كلمني (وانا اضرب على خده...)
رانيا ارجعة لعند امها وادموعها تنزل.يبه كلامني يبه لا تروح احنا بأمس لحاجه لك..
يبه يبه رد علي
ام ميثم وادموعها متجمعه بأعيونها.روحي دقي على اخوج راكان

رانيا قمت من على الارض وركضت لعند التليفون ودقيت على راكان....

رانيا.الو راكان الحق علينا ابوي مادري شصارله
....اختي انا مو راكان انتي داقه خطأ
رانيا.اسفه ياخوي (ولتفت على امي)يمه نسيت نمرة موبايل راكان نقليني اياه
ام ميثم.بدفتر الارقام تحصلينه بسرعه

عند روابي وريناد يحاكون بعض على الهاتف

روابي.الو ريناد
ريناد.يس يامرة اخوي خطبناج لخوي وطنشتينا اظاهر مالنا قدر عندج
روابي.محشومه لقدر كله لج...بس رحاب يالسه او نايمه
ريناد.نايمه بعد مايات من الدوام واهي مالها خلق لأحد
روابي.عطيني عنوان شقلها
ريناد.شلش ابه
روابي.ياكرهج ياريناد اذا استخدمتي معاي هالاسلوب
ريناد.خلاص يا كلمه ردي مجانج يلى كتبي
روابي.اي يعني اترج النافذ الي فيه شريكة ابوي وادخل بالنافذ الثاني
ريناد.عليج نور بس ماقلتيلي شلش ابه
روابي واهي تنافخ.واي من لقافتج الزايده
ريناد.يلى سيو مابدنه نعرف
روابي.شطوره اذا سمعتي الكلام

بمكه عند روان

روان.عبدالرحيم وقف اشوي
عبدالرحيم.يلى حبيبتي استحملي بس بقى اشوي ونخلص من السعي
روان وتهدد بأصبعها.ترى اذا ماقدرة اوصل لعند لفندق بتشيلني
عبدالرحيم وهو يغمز عليها.اشيلج فوق راسي جم روان عندي

بالمستشفى

راكان.بشر دكتور
الدكتور.جلطه خفيفه بالدماغ
راكان بصدمه.جلطه بس ابوي عمره ماشتكى من شي
الدكتور.متعرض لصدمه قويه ولهيج صارله كذا

رانيا واهي ماسكه ايد فيصل وفيصل واقف ويمسح على شعرها وادموعها ماوقفة اهي وياى امها

رانيا.فيصل ابوي صار جثه هامده مايتحرج منه شي
فيصل وهو يمسح دموعها.حبيبتي عمي مافيه الا لعافيه اللحين راكان يجي ويطمنى عليه

ام ميثم واهي تمسح ادموعها بالمنديل وبس لمحة راكان جرت سريع لعنده......

ام ميثم.راكان يمه شقالك الدكتور
راكان حاول انه مايظهر منه شي.بخير يمه بس حصله هبوط بالضغط
ام ميثم.هبوط بالضغط و يصير كذا
رانيا.انت متأكد ولا خاش عنا شي
راكان.لو ابوي فيه شي مابخش عنكم
فيصل يسحب راكان على جنب.قولي الصج عمي علامه انا مامرة علي ان الضغط نازل
راكان.ابوي معاه جلطه بالدماغ
فيصل يحط ايده على فمه.واللحين اشلون وضعه
راكان.الحمد الله مرة على خير
فيصل.لا جيب سيره لهم
راكان.انا مينون (ولتفت على امي واختي)يلى نشوفه

بالشريكه عند روابي

روابي.لو سمحتي ممكن اقابل لمدير
....مين اقوله
روابي.قوليله روابي جاسم
....قعدي على مابلغه

بشقة عبدالعزيز

عبدالعزيز وهو يحط ايده على جبين روبين.لا صرتي احسن و لحراره انخفظة
روبين.يلى اقوم البس نروح السوق (وتنطط على السرير)

عبدالعزيز يضحك على شكلها وعلى ينون حبيبته

روبين.مو وقت الضحك
عبدالعزيز وهو يحط ايده على خصرها وينزلها وتصير بمستواه.تدرين شنو
روبين.لا تقول انك بطلت
عبدالعزيز.تزوجتي بس تصرفاتج تصرفات بزر
روبين مدة لبوز.انا بنظرك ياهل
عبدالعزيز وهو يشد على خصرها اكثر.بس تصرفاتج عجبتني
روبين.اتركني لروح ابدل
عبدالعزيز يضغط على ايدها ويغمز عليها.خلينا نعملها وبالليل نروح لسوق
روبين.عبدالعزيز والله انك فراقه
عبدالعزيز.روبين مشتاقلج والسوق لحقين عليه

بالشريكه

....هلا و غلا
روابي.ليه تهلل و ترحب تعرفني
....اي اعرفج مثل ماعرف اسمي
روابي.بس انا ماعرفك
...مالوم هاني الي متمسج فيج لحد اللحين ومو قادر يشيلج من باله احلويتي اكثير
روابي.بعد تعرف هاني...مو مهم عطني اصور الي مصورهم لبنت عمي...انتوا
ناس ماعندكم حيى
هاني يدخل لمكتب.سمعوا مين تحكي ابي افهم شي واحد من اقلبج عينا وغيرج ماكنتي هيج قبل
روابي.الي غيرني الله مافي احد غيرني

هاني يكزها ويخليها تيلس على لكرسي ويحط ادينه على اطراف لكرسي

هاني.ماشتقتي لأيامنا سوا
روابي.ابدك لأحلفلك اني ماعرفك وانا اللحين انسانه مخطوبه
هاني.عادي كنتي مخطوبه من قبل لولد يرانكم وساعتها قلتيلي حتى لو تزوجته بتستمر علاقتنا
مع بعض
روابي.اعتبربه من لماضي...ولو سمحتوا عطوني الصور
....بشرط
روابي.وشنو شرطك
....انج تقضين معاي لليله مقابل الصور
روابي.شنوا....
....الي سمعتيه

روابي كزة هاني وراحت لعند صاحبه واضربته كف ومسك ايدها وايده الثاني على ويهه محل لكف

....تضربيني
روابي.اضربك واكسر راسك
....سمعت حبيبتك شتقول
هاني.ماعليه امسحى بويهي افيوزاتها طاقه
روابي عضيته بأيده وتركها.وانت شلون ترضاها علي
هاني.طبيعي مثل ماتكونين معاي بتكونين مع غيري
روابي.ناس لحيى انفسخ منهم مره وحده
هاني.وشبدج تعملي

روابي فتحت جزدانها وطلعت لمسدس ووجهته على هاني....

روابي.اذا ماعطتوني الصور والله راح اقتلك
هاني وهو يحاول يبعده عنها.اتركيه هذا مو لعبه هذا مسدس اذا روحتينا تروحين نفسج
روابي بأبتسامه مزيفه.زين انك قلتلي وانا افكره رشاش اطفال
هاني.روحي سوي خفت دمج على صحباتج مو علي

روابي وانا اضرب بالأبجوره طلقه من لمسدس

....يامعود عطها اياه لاتذبحنا انا مو عايف نفسي
هاني.ماشي بعطيج اياها بس بأخذ الي ابي بطريقه ثاني

ومد الأسطوانه لي وانا اخذتها وخطيت جم خطوه ورجعت وضربة صاحب الشريكه بريله رصاصه من لمسدس

روابي.هذا درس يكون لكم

طلعت من لمكتب وماكنت ادري ان رنا رفيجتي تعرفهم بس انا ماشفتها بس اهي شافتني....

عند فيصل براء

فيصل.تفضلي حبيبتي السندويش
رانيا.ليه جايبني للمكان
فيصل.لتغيري جوا وتتحسن نفسيتج
رانيا.حبيبي خلنا نتمشى اشوي
فيصل.مثل ماتحبي

شافته واهو يتمشى وافرحة من داخلها بس سريع ماراحة الابتسامه بعد ماشفته ماسك ايد لبنت بس
قالت بداخلها اكيد هذي وحده من خواته اركضة لعنده ولمته وباسته بخده اهو وقف
مجمد ولبنت اوقفة مثل لمسطوله بس اهو سريع رجع لنفسه وبعد ايدها من على رقبته

....الحمد لله على السلامه متى شرفتي
....اليوم وحدي مشتاقه لك حبيبي
....بأبتسامه سخريه.حنين انا مو حبيبج وعن اي حبيب تركتيه ومشيتي عنه
حنين.فيصل ماعاك حق انك تتشره علي بس انا عرفة غلطتي ورديتلك
فيصل.كيفج وانا شعلي منج واتحملي نتيجة افعالج
حنين بغرور.منو هذي حبيبي
فيصل يقرب رانيا لعنده ويحضنها.هذي خطيبتي وحبيبتي وعمري الي ماقدر استقنى عنه..
حنين بصدمه مو قادره ادخلها بعقلها.حبيبتك...طيب وانا
فيصل.انتي ماضي ومحيته من ذاكرتي
حنين.بس انا احبك
فيصل.وانا ماحبج (ومسكة ايد رانيا ومشيت عنها...)

رانيا كانت ساكته ومانطقة بشي وفيصل حاس فيها لانه ويهه قلب اصفر

فيصل وقف ويهه مقابل ويهه وباسها على راسها.حبيبتي انسي الي صار
رانيا عبرتها اخنقتها.فيصل ماراح تتغير علي
فيصل.طمني بالج اني ماراح اتركج لاحظه
رانيا.احبك
فيصل.وانا احبج

عند رنا

رنا.ان شاءالله هذي لبنت الي كلمتني عنها
هاني.اي انتي تعرفينها
رنا.هذي رفيجتي
هاني.رنا بنت خالتي ترافج هالاشكال من لبنات
رنا شكة بالموضوع وحبة انها تتأكد منه.هذي شسمها لكامل
هاني.روابي جاسم الفهيد
رنا تضحك.ههههههههههه لحد اللحين ماستوعبة الي تحب ماتت
هاني بعصبيه.لا ماماتت هذي جدامي
رنا تحاول انها تهديه.واذا قلتلك عن حقيقتها تصدقني
هاني.على حسب لكلام الي تقولينه
رنا.ايلس واسمع مني

بفلة بوعمار

روابي.شلونك عمار

عمار وقف وشاف حبيبته الي راح تكون لاخوه لاحظه يلس يناظر بعدها رجع للواقع وتذكر اخوه

عمار.بخير
روابي.رحاب موجوده
عمار.اي بغرفتها روحي لها
روابي.مشكور
عمار.لعفو

وصعدت غرفتها وولعت الليت واهي نايمه وبستها في خدها وايلست

رحاب.روابي
روابي.يا كسلانه بسج نوم
رحاب.عشان انسى الي صار طول لوقت نايمه
روابي.خلاص لكابوس انزاح
رحاب تعدل بقعدتها.اشلون
روابي واهي تعطيها الأسطوانه.تفضلي حرقيها وقدمي استقالتج
رحاب لمت روابي.مشكوره حبيبتي (وادموعها انزلت)
روابي.انا ماحب لبجي
رحاب.سامحيني اني شكية فيج وقلت راح تستغليني مثل عاتج
روابي.رحاب انسي اني كنت بالماضي سيئ
رحاب.نسيت والله نسيت وبدليل ان ياسر حبج
روابي تاخذ نفس كبير.لا وينه حبيبي
ياسر من وراء روابي وينغزها بأصابعه في خصرها.وهذا حبيبج قدامج
روابي تحط ايدها على قلبها.ياسر تبيني اتنغز من كلشي
ياسر ويحط خصله من شعرها وراء اذنها.عشان كله تكونين بحضني
روابي وتوها تنتبه بشكل ياسر.حبيبي ليه لهالوت السوده تحت عينك مانمت او مريض
ياسروهو حس بداره في راسه ويلس على سرير رحاب.لبارحه تروشت وطلعت ولتكيف شغال
وخذة برد
روابي واهي ترجع شعر ياسر لوراء.مابيك تمرض بيوم ملجتنا
ياسر يكح.كح..كح..كح
روابي واهي تحط ايدها على جبينه.حرارتك مرتفعه وتصب عرق
ياسر.لا تشغلي بالج كلها نزله معاويه
رحاب.انزين ممكن اطلعون من غرفتي
روابي واهي ترمي لمخده عليها.يا نذله ماتقولين اطلع واخليهم على راحتهم
رحاب.اصلا انا بدخل لتواليت اتروش وانتوا كملوا رومنسيتكم بس لا تسون شي غلط

بعد مادخلت رحاب لتواليت ياسر كان منسدح على السرير وروابي واقفه ومسكه من ايدها وسحبها
لعنده وايلست على طرف السرير

ياسر.ياليت تعشين معاي على طول بالبيت ابي كل ثانيه تكونين موجوده وانظري مايفارق
ويهج لحلوا
روابي واهي تلعب بأيده.خلاص من بكره اييب ملابسي واسكن معاك
ياسر يبي يطفرها.خلاص من اليله وغرفتي جاهزه
روابي وتضربه على صدره.وانت بسرعه صدقة
ياسر بدى يسعل اكثر وروابي خافت عليه لان حالته مو طبيعيه
روابي.حبيبي كحتك مو عاديه انت حيل تكح
ياسر.كح كح كح بس ادلل عليج ابي اشوف خوفج علي
روابي.تحب انزل ايبلك شراب لسعال

ياسر يقربها اكثر منه بحيث يكون ويهه مقابل ويهه

ياسر.خلينا نملك بسرعه ابي اقضي معاج وقت اطول ابي تكون لي معاج ذكريات اكثيره
قبل ماسافر
روابي ودمعتها نزلت على خدها.ياسر حبيبي شالكلام الي اسمعك يقول بتسافر سفره طويله
ومو راجع بالمره
ياسر يمسح دمعتها بأصبعه.هذي لعيون ماأبيها تنزل ادموع ابيها على طول مبتسمه وتلمع لمع
روابي وترمي نفسها بحضن ياسر.مابي سعادتنا تكون قليله ولا ابي شي يفرقنا عن بعض
ياسر يبي يختبرها.اذا مت لقدر الله تتحملين افراقي او تعشين حياتج طبيعيه وماكأني
موجود بالدنيا
روابي.اموت..اكون عايشه بس بنفس لوقت ميته انت الي نورة دنيتي

رحاب اطلعت من التواليت وياسر وروابي مابرحوا على وضعيتهم ومافتكروا برحاب كأن
الدنيا لهم اهم وبس....

رحاب.ترى كلش لعشق مو لايق عليكم
ياسر.ولا انتي لايق عليج
رحاب.يلى قوموا عن سريري لا تخربون سريري وتعلمونه على هالحركات
روابي ترفع نفسها من على صدر ياسر.ترى هذا جماد مايحس
رحاب.بس سريري يحس ويحكيلي انه يستحي من هيج معامله
ياسر.قومي حبيبتي نروح غرفتي واهي خليها تشبع بغرفتها

بفلة بوعبدالرحيم

روبي.امي من وين ياين
ام عبدالرحيم.من لمستشفى رحنا تطمنا على بو ميثم
روبي.وكيف صار
ام عبدالرحيم.الحمدلله واختج وينها
روبي.وينها عند لحبيب
ام عبدالرحيم.دقي عليها خليها تجي بنروح السوق نقضي لشقة عبدالرحيم

بمكه عند عبدالرحيم

عبدالرحيم.روان خلصتي من تقصير شعرج
روان ماقدر اوصل له شعري اقصير
عبدالرحيم.هههههههههه هذا الي مخليج ماده لبوز يلى رفعي لحجاب وانا اقص منه...
روان.مشكور حبيبي (ورفعت لحجاب)

بشقة حنين

كانت يالسه بشقتها واعصابها فارطه على الاخر ويات رفيجتها عندها بالشقه....

حنين.شفتي يحقرني ويتركني ويمشي
فرح.وانتي شحارج من حقه ان يفكر بوحده غيرج وانتي الي تركتيه مو اهو
حنين.بس اتوقعته لحد اللحين يحبني
فرح.هذي سبع سنوات كلشي يتغير فيها

بشقة عبدالعزيز

روبين.حبيبي عبدالعزيز بسرعه خلص من اتروش عشان نلحق على السوق
عبدالعزيز وهو تحت لماي.دقايق يا عمري
روبين وانتبهت ان موبايله يدق لانه حاطه على السايلنت.حبيبي موبايلك يدق
عبدالعزيز.ردي شوفي يمكن فيه شي مهم
روبين.الو مين معي
....انا الدكتور لمختص بمعالجته بقيت عبدالعزيز نتائج التحليل اطلعت
روبين.بالتواليت اذا في شي خبرني
....بلغيه انه من الصعب انه يجيب اطفال لانه عقيم
روبين.مستحيل (وطاح لموبايل من ايدي)

................................









كيف بيكون تقبل روبين بخصوص وضع عبدالعزيز
راح يحن فيصل لأيامه مع حنين ويرد لها ويترك رانيا
بيقتنع هاني من كلام رنا او لا ويستمر بملاحقة روابي

.............................

الحلقه الثانيه عشر...


بشقة عبدالعزيز


واثناء صدمة روبين بالخبر طلع عبدالعزيز من التواليت وقف يطالع بمنظرها الي يبجي ويلس يكلمها
واهي مو معاه بعالم غير

عبدالعزيز يهز جتفها.روبين..روبين..مين كان على لخط وليه لموبايل مرمي على الارض

روبين ظلت ساكته واطالع بعبدالعزيز

عبدالعزيز جابله جلاص ماي ورشه على ويهه يمكن تحس بوجوده

روبين انتغزة.اه عبدالعزيز الي سمعته صحيح
عبدالعزيز ارتاع من شكلها.وشو سمعتي
روبين وادموعها تنزل وتشهق.انك...انك...انك
عبدالعزيز.اني شو
روبين التفتت ماتبي تجي عينها بعينه واهي تصارحه.انك ماأجيب اعيال
من صدمة عبدالعزيز لجلاص طاح من ايده وانكسر بالارض
عبدالعزيز يتصنع .وانتي كيف عرفتي
روبين تيلس بالارض وتلم نفسها.دكتورك اهو الي اتصل وخبرني

عبدالعزيز يلس لمستواها بالارض ولمها لحضنه.....

بفلة بوعبدالرحيم

عبدالرحمن.اكيد اخوي من محاضره دينيه..لمحاضره دينيه..كل مانتهت وحده وداج لوحده
اكيد مامشاج
روان.عبدالرحيم مافيه منه صاير مثل الدليل السياحي
عبدالرحمن.خوش دليل سياحي
عبدالرحيم.ليه طايح من عينك
عبدالرحمن وهو واقف بيمشي.اهم حاجه ماتطيح من عين مرتك
روبي.هالعرسان ماتنين اكيد اكل ومرعه وقلة صنعه
عبدالرحيم يحط ايده بويهه.الله واكبر عليج...الله واكبر عليج
روبي واهي تفر بالرموت وتحط على محطه اغاني.روان أغنايتج لمفضله
روان.طولي حبتين
عبدالرحيم.لا بالله هذا الي بيخربون عمرتي...ياتكتمين الصوت ياتغيرين لقناه
روان.عبدالرحيم شفيك
عبدالرحيم.ابد سلامتج...الا مالمحة روابي
روبي.هذي ياناطه بيت عمي...يامعلقه التليفون بأذنها
روابي تدخل عليهم واهي بأذنها لموبايل.خلاص حبيبي اتفق مع ابوي وحددو لموعد وان شاءالله
بكون ياهزه
ياسر وهو يرسل بوسه بالموبايل.احبج
روابي.وانا
عبدالرحيم.ان جات لفاتوره شايده ماراح اسددها وراح افصله
روابي.عادي مافيه الا ذى ياكثر لخطوط بالبيت استخدم واحد فيهم
روان.ماعليج منه وقت ماتبين بس اشري وانا اعطيج
روابي.ماتقصرين حبيبتي

بشقة عبدالعزيز

عبدالعزيز ياخذ جلاص لماي من ايد روبين.هديتي حبيبتي

روبين تهز راسها بمعنى اي

عبدالعزيز.انا بصارحج بكل شي مدام كلشي انفضح
روبين.تفضل
عبدالعزيز.كنت رايح لمستشفى لتبرع بدم لان زمرة دمي نادره وسحبت مني لممرضه دم وقفة
وطحت عليهم وبعد ماصحية اصر الدكتور انه يسويلي فحوصات بحكم الدكتور صاحبي انا بالاول
رفضة بس اهو كان اعند مني واطريت اني اقبل...وبعد يومين اطلعت نتائج الفحوصات ان
نسبة الانجاب عندي 5%...وقالي مانقدر نتأكد الا لمن تتزوج ونشوف لوضع...وبعد فتره
من زواجنا اتصل علي ليسوي معي فحوصات ورحت وسويتها
روبين.عبدالعزيز
عبدالعزيز يقاطعها.لا تقولين تبين اطلاق انا ماقدر على بعدج...لموت اهون علي من اتركج
(ويبجي مثل الياهل)
روبين تحضنه.عبدالعزيز انت عندي بدنيه اهم من الاطفال..اكفايه ان حسك اسمعه ولايفارقني
عبدالعزيز يتشلبك بروبين اكثر.يعني راح تعشين معاي بدون مايكون عندنا اطفال
روبين.اي..وهذي حكمة الله ولازم نرضى بالامر لواقع

عند فيصل

فيصل كان يالس يم لبحر ينتظر رانيا تجي لعنده لانهم متواعدين رفع راسه لسما وغمض اعيونه و
تذكر يوم اتركته حنين وودعته

فيصل.انتي شقاعده تقولين
حنين.مثل ماسمعت احنا مانصلح لبعض وانا ارتبطة بشخص ثاني
فيصل.اوكي خلينا نبعد فترى انا بغيب ثلاثة شهور خليها فترة نقاهى لنا
حنين.ماينفع
فيصل.الله يادنيا ماتقدرين تستحمليني وين لهفتج علي وشوقج لي
حنين.بيكفي يافيصل بيكفي
فيصل.مين هذا علميني بأسمه

وقطع عليه خلوته صوت بنت كان بالاول يحب يسمعه بس اللحين لا عنده رانيا وبس

حنين.اكيد تفكر فيني
فيصل بأبتسامه سخريه.اكيد لا
حنين.ماهى رحت وجيت انت لي...لو تاخذ عشر ماردك الا لي
فيصل يقوم من الصخره.انتي غلطانه نجوم السماء اقربلج
حنين توقف بنفس وقفته وتحط ايدها على خده.لانك تحبني..لو ماتحبني ماكان تجي للمكان الي
جمعنا مع بعض
فيصل يبعد ايدها عن خده.مستحيل اخذ فضلة احد (ومشيت عنها...)
حنين واهي ترمي احجاره بالبحر.يصير خير انا افرجيك منو حنين...منو هذا الي متصل علي
(وطلعت لموبايل من الشنطه وشفته طافي مافيه احد التفت لمصدر الصوت وشفته محطوط على
الصخره ومكتوب عليه *رمش العين..*هذي انتي انا افرجيج كيف تسرقين حبيبي..ونعمة
من نبرة صوتي..الو
رانيا.هلا حبيبي
حنين.انا مو حبيبج فيصل
رانيا.ايل مين معاي..وفيصل وينه
حنين.انا حنين حبيبته وفيصل كان معاي بس نسى موبايله عندي اذا تبين تعالي اخذيه انا عند لبحر
..بس الله يهديه فيصل اتركه يمي ومشى
رانيا خلاص انهارة وادموعها تنزل اسكتت ثواني وبعدها ردة..انا يم لبحر بيي اخذه منج
حنين.حياج انا استناج

بس سكرته حنين من رانيا لا رانيا بويهه

حنين.ماسرع ييتي خايفه اني اخذه منج
رانيا.هاتي لموبايل
حنين بغرور.واي لا تنفعلين تفضلي انا مايلزمني هذا
رانيا اخذته منها.انتي لو عندج حيى ماكان رديتي
حنين توقف رانيا.ديري بالج عليه لان لحب الاولاني اهو الي ينتصر بالاخير
رانيا.بس احيانا يكون اهو لحب الي ينتهي (ومشيت عنها..)
حنين.سخيفه

عند روابي بالمطعم

روابي.اتفقوا ان يوم اليمعه راح تكون الشبكه
رنا.مبروك يالورا تستاهلي كل خير
روابي.الله يبارك فيج وعقبالج
رنا.امين..بس في شخص يبي يعتذر منج
روابي.مين هذا ولا اذكر ان شخص متعرض لي
رنا.لا تستعجلين اللحين يجي
روابي.بسرعه ياسر بعد اشوي بيي ياخذني
رنا.يعني بتفركينها
روابي.بس لا تخذي على خاطرج مني
رنا.ابد..ليكوا جاء
هاني.السلام عليكم
روابي.هذا انت...بس من وين تعرفينه
رنا وتعابير ويهه تدل انها خجلانه من روابي.هذا ولد خالتي هاني
روابي علامة الاستفهام انرسمة على ويهي.قلتيلي ولد خالتج
هاني ييلس يمهم على نفس الطاوله.انا ماكنت ادري عن هويتج بس يوم فهمتني رنا عن حقيقتج
وضعج حبيت اني اعتذر
روابي.بس انت ماسويت فيني خير حتى اوصلت لكم لجرئ انكم تصورون في بنت عمي واهي
تعلم موظف يديد بطريقه ماكانوا هيج
هاني بأبتسامه يوضح لها اعتذاره.انتوا اظاهر مافتحتوا الاسطوانه
روابي.لا مافتحناهى
هاني.الاسطوانه مافيها الا مخطط مشروع اهي لمشرفه عليه سويت هالحركه بس عشان اوصلج
اشوف ليش اتغيرتي علي
روابي.مدامك ولد خالة رنا انا مسامحتك ومالومك انت كنت تحب اختي روابي الله يرحمهى
هاني.مشكوره
رنا.يلى هاني مشينا
روابي.وين خلونا نشرب جلاص عصير على ماييي ياسر
هاني.ماعليه خليها مره ثاني

جاء من وراها وحط ادينه على اعيونها وغير من نبرة صوته اهو مانتبه لشخص الي يالس يمهم
لانه كان معطيه اظهره

ياسر.احزري مين
روابي اتحسست بالمس وابتسمت على لفور وجاوبت.حبيبي ياسر
ياسر بعد ادينه.وكيف عرفتيني
روابي.مين ريحتك لانها مميزه
ياسر.يعني اذا اختفيت بتلقيني من ريحتي
روابي.لو تروح لاخر الدنيا اعرف طريجك

ياسر التفت وانتبه مين يالس على اطاوله وسريع ماختفت ابتسامته

ياسر.وهذا شيسوي يالس معاج
روابي.اعرفك رنا ارفيجتي الروح بالروح..وهاني ولد خالتها
ياسر.حصل لنا اشرف يانسى رنا..ولتفت عليه..اكتفيت من لمطارده او لسى بطاردها
هاني.لا اكتفيت..شبهتها بوحده يوم عرفة انها مو اهي اكتفيت
ياسر رفع حواجبه.امنيح

وتمينا نسوالف وحمدة ربي ان ياسر اقتنع من كلام هاني ويلسنا يلسه حلوا وبعدها مشت رنا مع
هاني وتميت انا وياسر يالسين بعدها رحنا السوق

ياسر.حبيبي خلاص مشترا
روابي.اي..نسير على مطعم نتعشى
ياسر يلعب بالمعلقه.خلينا نروح لبيتج وتسويلي طبخه من تحت ايدج
روابي متخصره.نعم..نعم..نعم
ياسر.الله ينعم بحالج ماجاوبتيني
روابي.نو اذا ملجتنا اعزمك على اكله معتبره
ياسر يطفرها.ومرررررررررره وحده انام هناك
روابي واهي واقفه وتلم الاجياس.لاتحلم وايد

وقف ياسر وحس بدوخه براسه يلس على لكرسي وبعدها......

روابي رمت الجيس وايلست بالارض وبدت تهز بجتوفه وضربت خده وادموعها تيمعة بعينها

عند رانيا

رانيا واهي تدخل على فيصل بالمكتب.ضايعه عليك ضاله

فيصل واهو يقوم من تحت الطاوله.موبايلي مدري بأي داهيه طاح
رانيا.يمكن نسيته على لبحر يم حبيبت لقلب حنين
فيصل يبلع ريجه.وانتي شلون عرفتي
رانيا.مو مهم...انت ليه رحت لعندها..حنيت على ايامك معاه
فيصل يلسها على الطاوله وهو تم واقف.انا لا حنيت ولا شي مو احنا متفقين ان نتقابل هناك كنت
شارد اذكر يوم اتركتني وماشفتها لا تكلمني
رانيا تشد ايدها بأيدها الثاني.يعني مانسيتها لحد اللحين تحبها
فيصل.انا محيتها مثل ماينمحي الانسان من الدنيا اذا مات
رانيا.طيب خبرني كيف تركتوا بعض
فيصل.ارجوج مابي افتح دفاتر لماضي
رانيا واهي تحط ايدها على رقبته.خلاص حبيبي لاتزعل..وانا اسفه
فيصل وهو يسحبها لعنده.متى نملج مو كفايه فترة لخطوبه
رانيا.بس..ابوي يتعافه ويشد حيله ونملج
فيصل ينفخ.اه...بصبر الصبر مفتاح لفرج

عند روابي

نرجع على الي طاح واحتارت معاه مو عارفه شتسوي واهي لحد اللحين تبجي ياسر بدى يصحى
من الي اهو فيه واهي شافته يتحرك ومسحت ادموعها وابتسمة له

روابي واهي ترفع ياسر من على الارض واتيلسه على لكرسي.حبيبي شوف حالتك كلمالهى و
ترجع على وراء ليه ماتسمع مني وتروح لعند دكتور
ياسر وهو يدلك برقبته.رحت لعند الدكتور ووصفلي الدواء واللحين اذا سرينا على السياره اخذهم

روابي واهي تمسح على خده بأيدها واهو لف ويهه وباس ايدها

روابي.فيك شده تمشي
ياسر.وفيني شده بعد اشيلج
روابي وتضربه على ريله.ماتهد غشمرتك معاي
ياسر وهو يحط ايده على ريله مكان الضربه.لاني احب احرجج
روابي تنزل وتشوف ريله.تعورك حبيبي
ياسرينزل لمستواها ويبوسها في خدها.لا بعد لبوسه الألم راح...
....سبحان الي يمعكم ولا يفرقكم...ثنائي ليقين على بعض
ياسر.مشكوره
....تسمحولي استئذن
ياسر.اذنج معاج

روابي واهي حاطه ايدها على ويهه من الأحراج وصار ويهه أحمر ووقف يمهى ياسر وبعد ايدها
عن ويهه وحط ايده على شعرها وقربها لعنده وباسهى على راسها......

روابي.امبيه على لفشله
ياسر يشبك ايده بأيدها.انتي تستحين وايد متى بتبطلين هالعاده...مو تقولين انج عايشه بالندن
يعني هالمواقف تكون طبعيه عندج...صح لورا حبي
روابي.بس انا اعروقي مو اعروق لندن

وبلاحظه ترك ايدي لهى واهو يتكلم بلموبايل وانا واقفه اطالع بفساتين الزفاف وتخيلته على نفسي انا و
ياسر بالليلة زواجنا ولتفت وشفت بنتين ايطالعون بياسر ويبتسمون وهو يطالع فيهم وانا ييت من
وراءه بكل عصبيه وقرصته بأظهره....

روابي.ليه اطالع فيهم
ياسر.اي انا ماطلعت اهم الي يطالعون
روابي.واذى ليه ماغضية النظر عنهم
ياسر وهو يعض شفته.ماعندي خبر انج تغارين علي
روابي اكتفية بهز ريلي بالارض.مو خطيبي وحبي مابي احد يشوفك مومن حقي هشي
ياسر.هدي هدي اشوي من حقج بس مو حيل

بفلة بوعبدالرحيم..بغرفة عبدالرحيم

روان كانت يالسه على لكرسي وتمشط شعرها وياى عبدالرحيم من وراها واخذ لمشط من ايدها و
بدى يمشط شعرها....وبعدها حطه على لجنب

عبدالرحيم وهو يبوسها برقبتها.بيكفي هيج بيننين
روان واهي ترجع قرتها وراء اذنها.عن جد...بس بنظرك وين الاحلى يوم كنت بالحجاب او
بدون الاحجاب
عبدالرحيم وهو يقعد على الارض وييابلها.شوفي حبيبتي لجمال جمال الروح مو جمال الشكل
لجمال مارده الا يروح اما الروح اهي الي تبقى
روان واهي تتل انفه.احبك
عبدالرحيم وهو يشيلها.وانا بعد احبج...ومشتاق لج

بفلة بوميثم

ام ميثم.ليه تعابل بالاوراق صحتك بالدنيا اهم
بوميثم.انا مديون لتجار خدعني وماوفى بييب لبضاعه
ام ميثم.كلشي يروح وييي الا الصحى اذا راحت ماترجع
رانيا.صباح الخير
ام ميثم.شصباح لخير قولي مساء لخير
رانيا.ماتفرق صباح او مساء
ميثم يدخل عليهم وكعادته.انا لو منك يايبه يازوجهم لبعض او احرمهم من شوفة بعض مايصير
تدخل وتطلع على كيفها
رانيا.يافتاح يارزاق ياكريم
ام ميثم.اهم مخطوبين لبعض ومافي احد بيتكلم عليهم
ميثم.بس اذا طاح لفاس براس قولوا هيج
بوميثم.ميثم علمني شصار معاك
ميثم.وخري خليني ايلس هناء
رانيا.واي منك ماحلالك الا هالمكان
ميثم.اي..ويلى وخري
بوميثم.ميثم خلك معاي
ميثم.معاك يبه معاك...رحت وماحصلة شي بالمخازن
بوميثم.ولحل
ميثم.لحل ان نصبر هاليومين..وبعدها الله يفرجها

بشقة عبدالعزيز

عبدالعزيز رجع راسه لوراء وبعدها استعدل بيلسته واخذ نفس عميق وبعدها سأل....

عبدالعزيز.روبين تحبيني
روبين واهي تاكل في لعنب وطالع بالتلفاز ومالتفتت عليه وجاوبته.اي احبك
عبدالعزيز ويصرقع بأصابعه.انتي مو ندمانه اني قتلت حلمج وامومتج
روبين واهي تحط الصحن على الطاوله.انا قلتلك وراح اكررها لك انا لو اعيش لعمر كله بدون
اطفال...بس مافيني اعيش بدونك...انت روحي
عبدالعزيز يمسك ايدها ويحط راسه على اريولها.انا مادري كيف اكافئك
روبين وهي تحط راسها على راسه وتمسح على ظهره.لمكافئه انك تبقى لحدي
عبدالعزيز.الله يخليك لي ولايحرمني منج
روبين.ويخليك لي...قول امين
عبدالعزيز.امين...ورفع راسه ...نروح نتمشى
روبين.عجيب يعني رشوه

بفلة بوميثم

ام ميثم.راكان على وين
راكان.بروح لصالة التدريب عند عمار بقيتي شي
ام ميثم.لا...حافظك الرحمن
راكان.يلا سلام

بالصاله

عبدالرحمن.هذليه توهم متزوجين ...ماصار لهم مده وتغيرو علينا شلون اذا صار عندهم
اعيال ...يمحونا عن التاريخ
عمار وهو يشيل اثقال.ادخل القفص الزوجي وصر زياتهم
عبدالرحمن.لا ياشيخ خلني على حالي احسن لي
عمار.الحب والزواج يجبون عوار الراس
راكان.سمعو مين يحكي
عبدالرحمن.يلا مشو خلونا نروح مطعم وبعدها نتمشى ونفرفش فيني شغف
عمار.يلا ميثم عميستنانه عالكرنيش
راكان.يا سلام بنرجع مثل قبل ولصبيانيه

اطلعوا وراحو لعند ميثم عند لكرنيش وشافوا الشوايه ومحطوط عليها الديايه وهو مش موجود يمهى
عبدالرحمن.هذا وين راح

عمار.ليكون خدعنه
راكان.يسويها لا تستبعدون

وطلع من لبحر وهو ويحرك براسه يمين وشمال يبي ينشف شعره واتجه لعندهم وبلهم ماي

عبدالرحمن.لجو حلوا ليه يطيح مطر
ميثم.وليه تأخرتوا الديايه انشوة وصارة يابسه وانتوا على راحتكم
عمار يقعد بالارض.يلى حط وخلصنا
ميثم.قوموا انتوا

........................................

الحلقه الثالثه عشر...


على الكرنيش


عبدالرحمن.لا ياشيخ ماحزرة بنوب
راكان.انت بتصير قرصون وبتخدمنه
ميثم.هذا اذا قالوا طرارين ومتشرطين
عمار.ليكوا مين جاء
عبدالعزيز.السلام عليكم
الكل.وعليكم السلام
عبدالرحمن.اطردتك الليله من البيت وجيت لعندنا
عبدالعزيز.لا بس خطرتوا على بالي
عبدالرحيم.مساء الخير ولانوار
الكل.مساء الورد

عمار يطالع في عبدالرحيم ويضحك عليه وذاك انتبه له

عبدالرحيم.ليه تبتسم
عمار.كلذا الزواج يغير ويخليك تلبس اسبورت وتغير من شكلك
عبدالرحيم.ان التزمنه مو عاجبكم وان لغيناهم هم مو عاجبكم احترنا معاكم
عبدالعزيز.خلك منهم اهم محترين منك
ميثم.ليكون صدقتوا انفسكم...بعدين بتحنون للأيام...

بفلة بوعمار

ياسر.يمه تعبان مافيني حيل ارفع نفسي
ام عمارتتلمسه.ياسر حرارتك مرتفعه من قليل مافيك شي طلعت ورجعت وارتفعة عليك
ياسر.اللحين تنزل تعودة عليها لا تشغلين فكرج
ام عمار.شلون ماشغل بالي

وبالطرف الثاني شخص يبجي على ولده وهو يطالع في ولده ومو قادر يعمل اي شي..وبالعذاب
الي عايشه اولده

ريناد.يبه..يبه..يبه..ليه تبجي (وحطيت ايدي على ايده)يبه..تسمعني
بوعمار.اي اسمعج بقيتي حاجه
ريناد.لا
بوعمار.ياسر قوم روح غرفتك و نوم
ياسر يفتح اعيونه ويرد يسكرها.على امرك يبه

بغرفة ياسر..وابوه يحط عليه اللحاف..

بوعمار.ياسر مايصير خلنا نشوف شي لازم نتحرك مايصير واقفين بمكانه..ايد وحده ماتصفق
ياولدي
ياسر.يبه الله يطول بعمرك انت عارف شلي فيني..والي فيني ماله علاج..لا اذا م..
بوعمار يحط صبعه على فمه.لا تكمل ياولدي ربك كريم
ياسر وادموعه تنزل.مو حارق قلبي الا روابي شلون بتقدر تتحمل
بوعمارادموعه انزلة على خده بحراره.لمتى بتخش عنها
ياسر.لمن خلاص يقول لي مافيه امل..

عند فيصل بالشارع

....فيصل..فيصل..فيصل...وقف لحظه

فيصل يوقف لانه شك بهالصوت...

....شخبارك فيصل
فيصل.هذا انت متى رجعت
....رجعت لا طلب السماح منك
فيصل.بعد شو بعد سبع سنين يافواز
فواز.اسحرتني بدلعها وجمالها لفاتن
فيصل.وتقدر بصاحبك يافواز
فواز.انا مو بس قدرة فيك حتى بنفسي قدرتها...العبة علي مثل مالعبة عليك
فيصل.واللحين...لمطلوب مني
فواز.ابي منك كلمه وماراح تكلفك اكثير..ابيك تقولها انك مسامحني من كل قلبك
فيصل ويشوف علامات الندم واضحه على ويهه صاحبه.مسامحك..انا بالاساس ماشلت بقلبي
عليك
فواز ويبوسه على راسه.مشكور..الله يوفقك مع بنت الحلال الي تسرك وتسر قلبك..
فيصل يبتسم ويرفع ايده.الله وفقني
فواز.مبروك...مبروك

بفلة بوعبدالرحيم..عند روابي بالغرفه

روابي.حبيبي تعبان كانت يالسه على طرف السرير
ياسر.اشوي
روابي.تبيني ايك لبيت
ياسر.ياليت...تقدرين
روابي.ثواني واكون عندك
ياسر بضحكه باهته.لا لا خلج..بيكفيني اسمع صوتج يابعد اهلي كلهم
روابي.وانا بيكفيني اشوف لفرحه مرسومه على ويهك
ياسر.وانتي شمعرفج ان فرحان والابتسامه على ويهي
روابي.لان قلبي قالي
ياسر.ترى اغار
روابي.قلبي كله ملكك

ياسرنام من تأثيرالدواءوهو يكلم روابي واهي مو حاسه لانها الي تتكلم وتفكره يسمعها......

روابي.الو..الو..ياسر..انت نمت..الو..الو..رد علي..ياسر..فيك شي..
الو..ليه ماترد علي..الو..ياسر..ياسر..ياسر..ياسر

دخل غرفة اخوه وشافه نايم واخذ التليفون وسمع الصوت

عمار.الو
روابي.وين رحت
عمار.ياسر نايم
روابي.نام..اوكي ايل مع السلامه
عمار.الله يسلمج

بفلة بوعبدالعزيز

فيصل كان يالس بغرفته ورافع نفسه على السرير وتسند على الطوفه وحاط ايده وراء راسه وتذكر
يوم عرف بزواج فواز من حنين

فيصل.هلا فواز ياي مستقبلني بالمطار
فواز.اي لاني عازمك على شقتي
فيصل.ولمناسبه
فواز.لمناسبه اني تزوجت
فيصل.ماسرع مالحقة ثلاثة اشهور اغيب وارجع ومتزوج
فواز.خفت انها تغير رايها
فيصل.اعرفها
فواز.اللحين بتلقي نظره عليها

دخل فواز الشقه ودخل وراءه فيصل وكانت طاوله الاكل جاهزه مو ناقصها شي لا نيلس عليها

...واهي بالمطبخ.حبيبي اييت
فواز.اي ومعاي فيصل
...يلسوا واللحين انا ياي لعندكم

فيصل يلست انا على لكرسي واطالع في الاكل وبداخلي اقول ان ها لاطباق مو غريبه علي قلبي
ناقزني ادخلت علينا وانا مو منتبه منزل راسي بس ريحة لعطر الي يفوح منها قصب من لواحد
انه يرفع انظره انصدمة استقربت اندهشة انا بعلم او حلم هذاليه يلعبون علي والا شنو

فواز وهو واقف وراها ويحط ادينه على خصرها وباسهى على راسها.

فواز.شرايك هذي زوجتي الي اذيتني وانت تبي تعرف اهي مين
فيصل ادموع اتيمعة بأعيونه وبلع ريجه عشان يعرف يجاوب.تزوجت حنين متى حبيتوا بعض
اقصد الف مبروك
فواز.مالومك مفاجئ حلوا
فيصل.انا استئذن...ومشكور على لعزيمه
حنين.اشدعوه ماتعشينا مع بعض..خلك عندنا
فيصل من داخله.(اه ياسافله وبكل وقاحه تقولين كذا يالخايسه..)لا..مشكوره...
اكلة بمافيه لكفايه...يلى مع السلامه

قطع عليه سهوته برنة الموبايل ورفعها بدون مايطالع بالشاشه...ياليته بس حط انظره..
وانتبه شنوا بيقول..

فيصل.حبيبتي...حنين
رانيا حسة بقصه بقلبها.حبيبتك حنين..الحد اللحين..يا فيصل
فيصل وانتبه بالي قاله.لا..حبيبتي رانيا..لا..تفهميني خطأ
رانيا.لا تقول حبيبتك...الا لمن تتأكد من مشاعرك
فيصل.مشاعري واضحه مثل..وضوح الشمس
رانيا.يلى مع السلامه..ارجع مع ذكرياتك مع حنين وسديت الخط...
فيصل.الو..الو..رانيا..لا تسكري بدون ماتفهمين..الو..الو..

عند رانيا بفلة بوميثم

رانيا تبجي وتشهق.معقوله يافيصل..هنة عليك..اللحين قلبك معاها وين كلامك لي والا بس
كلام ينقال وسلام

بفلة بوعبدالعزيز عند فيصل

فيصل كان يحاول يدق بس اهي ماترد عليه وبالنهايه سكرت موبايلها

مرة الاحداث سريع وصحة
ياسر كلمالهى للاسوا وفيصل ورانيا زادة مشكلتهم كل ماجاء يصالحى تظهر حنين بالنص وتعفس
الاولي والتالي..
ليوم يوم مميز خطوبة ياسر مع روابي يمكن بهالمناسبه تهدى النفوس والقلوب
تتوضح...كانت الليله كل لقلوب راح تتحد بيعشون الحب وايامه...بيعشون الفرح

ويتقاسمونه..كانت روابي بالتلك الليله..جمالها وانوثتها اهي الي طاقيه ومطلعها بأجمل ماتكون
حتى لقمر خجل منها وتنحى عنها...لبست فستان ساري فتحة الصدر مفتوحه حيل وعند لبطن

كله سلاسل من لكرستال والتنوره من عند الخصر ومنفوشه نفشه معقوله..وكان مكياجها
وتسريحة شعرها هندي كانت يالسه على لكوشه تنتظر دخلت ياسر عينها ماشالتها عن لباب بس

تنزل عينها اطالع الساعه وسريع ترفعها مرة ساعه وعشر دقايق دخل ياسر بأحلى حلى بالدشداشه
السوده والقتره البيضه كان طالع مثل الؤلؤه بحلتها وجمالها بس كان التعب باين عليه قرب منها

وباسها على راسها ومسك ايدها ولا تركها...حس بدوخه وانه محتر وطلب منها انه ييلسون
...ماحب انه يطيح بهاليوم السعيد ويخترب عليهم

عند ياسر

ياسر يهمس بأذنها.تدرين ان هالون لوني لمفضل...بس انتي مطالعته احلى مما كان عليه

روابي اخجلة ونزلت راسها ولا انطقة

ياسر وادموعه تجمعة بأعيونه.(ودي اقولج بألي انا فيه...بس اتردد اخاف اخسرج للأبد).
..رفعي راسج خليني اتمتع بهالجمال

روابي ارفعة راسها وابتسمة له واول ماناظروا بعض

ياسر.سبحان الي اخلقج...مافي احد بجمالج...كأن لجمال لج انتي
روابي احمرة خدودها.اعيونك الي تشوفني هيج ياسر...
ياسر.تتتتتتتتتتتتتتتتتتتتتت...هذا لواقع

يات لعندهم رحاب الي كانت شايله الدبل..حطتهم بأدينهم وكل واحد تبادل ولبس الثاني...وكان
شخص واقف على باب الصاله ويشوف كيف يتبادلون الابتسامه وادموعه تنزل مثل الشلال
وسحب حاله لوراء لبيت ويلس على لكرسي ومسح ادموعه وتمنى لهم السعاده

عند روبي بالحديقه

روبي.لحب عذاب...وخصوصا اذا صار من طرف واحد
عمار لف نفسه لها.روبي شنو تعملي هون
روبي.ييت اشوف الانسان الي يبجي لان حبيبته تنخطب لواحد ثاني
عمار.وانتي شلون عرفتي
روبي.مو مهم منين عرفت...لمهم انك تنسى ولا تخرب عليهم
عمار وادموعه تنزل على خده بحراره.انا مابجي على انها انخطبة لخوي ابجي على لوقت لقليل
الي بيقضونه مع بعض...وكيف بتتحمل روابي بعدين
روبي.اشقصدك من لكلام ممكن توضح
عمار.لا تاخذين بكلامي..وانتي ليش اطارديني
روبي.ياي الاحق طيف حبيبي
عمار.ومين حبيبج
روبي.حبيبي الي حب اقرب انسانه عندي
عمار.ان شاء الله يجي يوم ويبادرج الشعور نفسه
روبي واهي تحك برقبتها.تعتقد
عمار.ربج كبير...وان شاءالله تاخذين الي في بالج قولي امين...
روبي(لو تعرف ان الي في داخلي انت وبس)..امين..

عند روابي

ياسر.روابي لوين اموديتني وليه معصبه اعيوني
روابي واهي تقرب منه وتحط خدها على خده وتهمس في اذنه.رايحين على جنتنا
ياسر.مو على لجنه اروح معاج..حتى لو تبيني اروح لنار بريولي ماعندي اي مانع لاني راح
احترق بحبج
روابي.وانا بحبك بحترق...حتى على لموت بدنا نروح سوا
ياسر.الا لموت مافيني اخذج معاي
روابي.حتى لو ماخذتني معاك..انا راح ايي لعندك قصب عنك حتى لو يكلفني اني ازحف زحف
ياسر.لهدرجه تحبيني
روابي.واموت عليك
ياسر يغير بالموضوع.مو كأنه طولنه اكثير...اخاف ان انضيع
روابي.واذا ضعنا بتكون احلى شي نعمله بحياتنا

ياسر يتحسس مكان ايدها فيه ويوم وصل لعندها ورفعها وباسها

ياسر.احبج بكل لغات العالم
روابي.وانا احبك حب ماله احدوددددددددددد

عند فيصل

فيصل.يلى ركبي
رانيا واهي متخصره.ماني راكبه معاك بروح ابروحي
فيصل ماسك ضحكته ويالس يتأملها.طيب وكيف بتروحي
رانيا.مالك شغل
فيصل يهدد بصبعه.لا تخليني اتهور واشيلج
رانيا.لو في خير امك تعال شيلني او المسني

فيصل يقرب منها ويمسك ايدها بقوه ويسحبها على السياره ويركبها فيها ويقفلها بالجهاز ويحرك ابها

عند ياسر بفلة روابي

ياسر.والله اعيوني يجعوني ماخلصنا
روابي.بس هذي اخر ادريه تنزل
ياسر.واللحين افتح اعيوني

روابي واهي تشيل لعصبه من اعيونه وياسر يفتح اعيونه ويبتسم......

روابي.كيف مزاجك اللحين
ياسر.ممتاز...وفوق لعال كمان...
روابي.وهذا لعشاء الي بدك اياه مني
ياسر يلم روابي ويبوس انفها.حبيبتي انتي هالليله بتنحرف بذاكرتي

روابي تمسك ايده وتيلسه على لكرسي وتحطله اكل بالصحن وتيلس على لكرسي الي مقابله وحط
ياسر اول لقمه وقص بس ماحب يبين....

روابي واهي حاطه ايدها على لحيتها.كيف اعجبك
ياسر.كلشي من ايدج حلوا
روابي حطة لها لقمه بالمعلقه وحطتها بتمها.كح..كح..كح..كح..ليه ماخبرتني ان
الاكل مالح
ياسر يغمز عليها.انا بقولها لش مره ثاني كلشي من ايدج حلوا حتى لو تحطين لي سم باكله وبقول
تسلم الايد الي اعملته
روابي واهي تشرب ماي.حبيبي والله اسفه اول مره تذوق أكلي ويكون مالح
ياسر.اهم حاجه ان نفسج موجود فيه

عند فيصل

فيصل.اتكلمي قولي شي..صرخي عايطي بس لاظلين ساكته

رانيا ساكته وتلعب بمزاز لعصير....

فيصل مل من سكوتها وحب يوضح لها.غابلت فواز واهو الي رجعني
رانيا بعد سكوت نطقة.وليه رجعت للأيام
فيصل دمعته بطرف عينه.والله بس رمشت بأعيوني لحظه
رانيا بعصبيه.وليش رمشت
فيصل انزلت دمعته وحب انه يفضفض.والله ثلاثة اشهور...بس ثلاثة اشهور...
وصديقي اخذ حبيبتي كله كاتمه بصدري ومحد يدري ليه اتركتني...بس اللحين انتي..
رانيا خافة على فيصل وهو يرتجف وحطة ايدها على ايده.اسفه اني فتحتلك اجروحك
فيصل.لا تركيني رانيا انا بحاجتج...ولا تخلين لغيره تعمي قلبج وتنسيج حبي لج
رانيا.اذا قلبي نسى...اعيوني ماتنسى...لانك اعيوني الي اشوف فيها

بفلة بوعبدالرحيم...بغرفة عبدالرحيم

كان يالس على السرير يفصخ كنادره واهي واقفه مقابلته تكوك لمنبه رفع راسه وانعجب فيها
سحبها لعنده ويلسها على اريوله وشال لحجاب من على راسها وفل شعرها ويابه على لجنوب

عبدالرحيم.لون شعرج الاحمر حلوا
روان واهي ماده لبوز.ماكان عاجبك شلي غير رايك
عبدالرحيم.لان كله مخشوش تحت لحجاب...حتى لحجاب بده يشاركني فيج
روان.خلاص اذا صرت يالسه بالبيت اشيله
عبدالرحيم.ماراح تعملينها...لاني مابدي احد يشوفه
روان تحرك اذنه.والله ماينعرف لك

عبدالرحيم انسدح على السرير وسدح روان على صدره ولعب بشعرها

عبدالرحيم.تدرين ان لحلوا فيج طيبة قلبج
روان.احمد ربي اني وافقة عليك لو اني ماوفقة كان ندمة طول عمري
عبدالرحيم.ليه انتي ماكنتير بقيتني
روان.قلت شلون بتأقلم مع شخص متحكم لبعد لحدود...مادريت ان وراء هذا لجسد قلب كبير
ورومنسي
عبدالرحيم.لان الشخص يكون غير مع زوجته حتى لو كان مدين

بشقة عبدالعزيز

سوت فطور وحطته بالصينيه واصعدة ابه واهو نايم افتحت لباب وحطته على الطاوله خذت ريشه
من قميص النوم اقطعتها وحركة ابها في ويهه رفع ايده وحرك ويهه...وأيأس كل ساعه
تزعجه فتح عينه وشافها ابتسم لها وردة الابتسامه بأحلى مايكون

روبين.صباح لفل
عبدالعزيز.صباح الشفايف لمعسوله
روبين.يلى يالقمر لفطور ياهز
عبدالعزيز.بنفطر بالغرفه
روبين.اي قلت حبيبي امس تعبان من بعد سهره طويله...قلت لازم ليوم ادلعه واييب لفطور
لعنده
عبدالعزيز يبوس تمها.والله وريحتيني من نزلت الدري وانا يوعان
روبين تضربه على جتفه.يلى قوم غسل
عبدالعزيز.مدامج متكرمه علينا ويايبه لفطور لعندي...كملي يميلج ويبيي لي ماي اتغسل هون
روبين تضربه على راسه.ماحزرة بنوب لا تخليني اغير رايي وانزل الصينيه تحت واخليك تنزل
عبدالعزيز واهو يقربها اكثر لعنده.خلاص خلينا على مينونا لايجي الي اين منه...
روبين واهي تحط صبعها على صدرها.يعني انا مينونه
عبدالعزيز.حشى ولحشى عن الف يمين...بس اشوي عقلج ناقص
روبين تقوم من على السرير وتشيل الصينيه.اذا انا مينونه دورلك على وحده تخدمك
عبدالعزيز يقوم من السرير ويحاوط خصرها.لا لا لا بس اتغشمر معاج...انا المينون
والي بنص عقل منيح هيج...راضيه علي ياست لحبايب
روبين.انا راضيه عليك دوم
عبدالعزيز يبوسها على راسها.احبج ياغلى قناتي

.......................................




ماذا تحمل الحلقات الياي من مفاجئات
ياسر يعترف لروابي عن سره
رانيا وفيصل بيكملون مع بعض او حنين راح توقف في النص
روبين وعبدالعزيز شنو مخبيه لهم الايام
عبدالرحيم وروان بتستمر حياتهم هيج او بيدخل احد بالخط
بقية الشباب والصبايا كيف بتكون حياتهم

....................