ابيات من الشعر بقلمك او على ذوقك تجديد

**Amer Alabadi** · 08-04-2014, 12:13 AM

رد: سجل حضورك في ابيات من الشعر بقلمك او على ذوقك تجديد

ليتك تفاجئني ب : صوت اتصالك
عشان اسج من التعب والتعب غير

على الاقل : لو قلت وشلون حالك
واقول طيب .. حتى لو ماني بخير

**أوراق الخريف** · 08-04-2014, 12:24 AM

رد: سجل حضورك في ابيات من الشعر بقلمك او على ذوقك تجديد

قبل ابتعد قلت ماودي بتكديرك
لكني بسألك يا ملحي ويا زادي

مايجرحك لو أحب بعدك احد غيرك
قالي وهو يبتسم بالدمع لا عادي

**TARAF** · 08-04-2014, 12:30 AM

رد: سجل حضورك في ابيات من الشعر بقلمك او على ذوقك تجديد

كنت اقول و كنت اقول و ما وعيت !
و الكلام اكثر من اللازم غباء
ب : النهايه ،اقتنعت بسطر بيت
العطاء لا زاد عن حدھ خطأ *

**أوراق الخريف** · 08-04-2014, 12:41 AM

رد: سجل حضورك في ابيات من الشعر بقلمك او على ذوقك تجديد

ازريت اعدد في غيابك .... مزاياك
وعجزت اوضح حاجتي واحتياجي

وتعبت احاول بالليالي .. اتناساك
ياللي طباعك تتفق مع ... مزاجي

**Lady Nano** · 08-04-2014, 08:41 PM

رد: سجل حضورك في ابيات من الشعر بقلمك او على ذوقك تجديد

مهما الزمن يخفيك يا راعي الطيب
يبقى شذى.طيبك على النفس طايب

وفي كل يوم تشرق الشمس وتغيب
تبقى رفيق الروح وان كنت غايب .

**وزير السلطان** · 08-04-2014, 09:37 PM

رد: سجل حضورك في ابيات من الشعر بقلمك او على ذوقك تجديد

أنا بشر .. قلبي من الناس .. للناس
لكن عشان الطيب ذقت / المهونه
لي قلبجننته و أنا أقول لا باس
كل ما وثق في هالبشر / يخذلونه

**Amer Alabadi** · 08-04-2014, 11:38 PM

رد: سجل حضورك في ابيات من الشعر بقلمك او على ذوقك تجديد

معك السوالف غير ومقابلك غير
الله عطاك من السوالف حلاها

**"اقدار"** · 08-04-2014, 11:47 PM

رد: سجل حضورك في ابيات من الشعر بقلمك او على ذوقك تجديد

أي ! متهني بدنياك ما تشتكي هم
مثلي تعاني من جفا خل غايب؟!
أهتم بغيابه و بحضوره أهتم
يعني كذا وله كذا الفكر سايب
ماظن من يعشق بدنياه يسلم
وأكبر جروحه من ( جروح الحبايب )
شفني أنا "كيف" الهوى سمني سم؟
جفني سهير و خافقي عشق ذايب
ذكره معي دايم ولو كنت أحلم
حتى غدى فكري من الذكر شايب
شوقي لوصله فوق مالكل يعلم!
ياكثر ماسويت لجله " عجايب "
حبري دموعي و ختم الاوراق بالدم
أرسلتها له مع هبوب الهبايب
أكبر قهر لا عشت حب ولاتم
والقهر الأكبر لا جهلت السبايب
اللي بعد ماتفقده "حيل تندم"
تصبح من أتعاب الهوى جد هايب
اسمع حكي من جرب الحب وأفهم
"دنيا المحبه علم ناجح و خايب"

رائعه .../

**"اقدار"** · 08-04-2014, 11:53 PM

رد: سجل حضورك في ابيات من الشعر بقلمك او على ذوقك تجديد

محتاج لك بأدفي يديني من ملامس يديك
هالثانيه بالضبط ما أظن الشعور يفوتها
عندي قصيده ودها من خالص إحساسي تجيك
حتى معانيها تبي تاصلك .. قبل بيوتها
قصيدة يرجع سبب تركيبها منك وإليك
وانت تعرفها من ملامحها وبحة صوتها
ياللي بديتك شوق كيف أشواق قلبي تنتهيك
وأحلام عمري لا فقدتك ترجع لتابوتها
إي والله أحبك ولا زلت أعشق وصالك وأبيك
وفي خاطري لك هيبة ملوك العرب ببشوتها
لا جيت أبشكي لك رجعت وقلت وشلون أشتكيك !
وأسكت لو إن جروح قلبي ما تطيق سكوتها
كم لي وأنا أنادي عليك امال عمري وأحتريك
وكم لك تجيب أعذار من زرق البحور وحوتها
مع كل هذا .. والله إني مشتريك وبأشتريك
وأحسد عليك العاصمة وجوها وبيوتها
لا تكثر ظنوني علي .. وتكثر ظنونك عليك
نفسي فراقك ضيم حالتها .. وقربك قوتها
أموت لك\أموت منك\أموت معك\أموت فيك
ضع خط .. تحت الموته اللي تعجبك وأموتها

رائعه .../

**أوراق الخريف** · 09-04-2014, 12:01 AM

رد: سجل حضورك في ابيات من الشعر بقلمك او على ذوقك تجديد

يا اهل المسا جريت لحني تناهيد
ينزف معه من ذكرياتي حكاية

نومي جفاني والخلايق مراقيد
يالله عسى بالصبر تجلب رجايه

بوحي

ابيات من الشعر بقلمك او على ذوقك تجديد

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget