ابيات من الشعر بقلمك او على ذوقك تجديد

**مرامي البدر** · 26-12-2012, 09:57 AM

رد: سجل حضورك في ابيات من الشعر بقلمك او على ذوقك تجديد

من كثر ما اسسولف
ل / السسماء عنك
لقيت إن السسماء تحاول تمثل لي
( تفاصيلك ) !
• قمرها , يشبهك ب الحيل
• ومطرها كنه : احساسك
• حنونة ه السسماء مره
• هدوءها كنها / أنفاسك

**مثمر** · 27-12-2012, 03:54 AM

نـاااااس !!!!!..

ناس(ن) تشوف اني ملاك(ن) على الأرض
................وتودني للود ذاته على الدوم

حتى ولو زليت عن زلتي تغض
................كل النظر والخوف لا ازعل من اللوم

وان كان لي سيرة بها اجحاف بتفض
................بالظلم لا ترضى ولا اكون مظلوم

واللي بكل الود بي داخل(ن) عرض
................عذب(ن)وكله طيب وما شافني يوم

لا من حكى لين ولا هو بالفض
................والكل في طبعه بلا شك محكوم

وناس(ن)حقودة كلها بغض في بغض
................تفرح بعثراتي ولا ودها اقوم

واللي اذا أقفيت في لحمي يعض
................وان كان زانت لي تلاقيه مهموم

الود يتصنع ومن شوفتي يجظ
................لا طيب في قلبه من الطيب معدوم

بتشوف ياما ناس في دنيتك إرض
................باللي مقدر لك وما كان مقسوم

لا تقول كيف وليش والمفترض فرض
................دور عن الوافي وبالطيب معلوم

ان كان زان الحظ وان مال بك حظ
................والحال لو بك طال لا تظن بيدوم

:::::::::::::::::::::::::::::::::::::::::::::::::::::::::مثمر

.

**مسعود القحطاني** · 27-12-2012, 02:41 PM

رد: سجل حضورك في ابيات من الشعر بقلمك او على ذوقك تجديد

رحت في ربع ساعه وشفني مشتاق
لشوفتك وضحكتك ومزاحك
يا منبع الذوق ويا طيب الاخلاق
اسعد الله مساءك واسعد الله صباحك
شف جاشي بعد روحتك يا حبيبي ضاق
ترا قلبي مجهز لك فراش لمراحك
احبك في بضعه دقائق يوم النجم فاق
احبك وانت مبسوط عساها تدوم افراحك
كل معشوق تلقى خلافه ميه من العشاق
وعشقي لك يدل على بداية نجاحك
تدري اللي تتكلم لك في الشعر الاشواق
اشواقي تتكلم عن خيالك وعن سراحك
وش حيلة المنتظر اليا صار وقت الفراق
ما تشوف الا جماحه متشارك مع جماحك
على نظام دوله الحب وعلى نفس السياق
يتم تأكيد حبك في قلبي و كفاحك
اعشقك واهواك كثر ما اهوى الاشراق
لانك عسل وطعم شفايفك طعم تفاحك
يالغر الخجول يالناعم المترف الراق
يا ابو غمزة ينجن منه القمر لبى امواحك
ضحوك ضحكته ترد للقمر روحه تشفاق
تدري يا حبيبي وش اناديك الوجه الضاحك
خمر الشفايف والكل منه قد ذاق
ويحلى صوتك وانطرب في نياحك
غريق في بحر الغرام كما الكل غراق
كما لا شفتك ابعدني ربي عن اشباحك
ختام قصيدي بعد صار للشمس اشراق
اطوقك بحبي ويصير حبي وشاحك

**طير القوافي** · 27-12-2012, 10:13 PM

رد: سجل حضورك في ابيات من الشعر بقلمك او على ذوقك تجديد

بغيت اسلا واقفي عن دروب اهل الهوى واتوب
وأكفر عن ذنوبي واتلاحق عمري الباقي

لكنك جيت في دربي ولحقت الذنوب ذنوب
وأظنك بتحداني للهلاك وتقطع ارزاقي

**شاطئ االنسيان** · 28-12-2012, 09:17 AM

رد: سجل حضورك في ابيات من الشعر بقلمك او على ذوقك تجديد

اعشقني دام حبي يوصل للجنون ..!
. . . . وإملكني
دام اني مافكرت في سواك ,
تدري انهم ! كم تمنو بس صعبة " ( يوصلون )
لاخذوني , صوب غيرك ..!
قلت : مابي غير ذاك

**مرامي البدر** · 29-12-2012, 07:51 AM

رد: سجل حضورك في ابيات من الشعر بقلمك او على ذوقك تجديد

,.

لاجيت تعشق شخص شف ويش ماضيه
وإن كان قد حب , اسأله : ليه فارقت ؟

حاول تعرف .. أي شي عنك مخبيه
" لا تنصدم في غيبته ، لا تضايقت "

لا تعشقه " نزوة " وإذا راح تبكيه
ما عاد ينفعك / الندم / لا تعلقت

**"اقدار"** · 29-12-2012, 08:05 AM

رد: سجل حضورك في ابيات من الشعر بقلمك او على ذوقك تجديد

ياليت بعض الناس فيني يحسون
وياليت مافي خاطري يعرفونه

وياليت بعض الناس للعهد يوفون
والماضي اللي فات ماينكرونه

وياليت لاقبلنا عليهم يهلون
لاجيتهم والقلب زايد شجونه

وياليت لاواجهتهم مايصدون
ابتمعن في حلاوة...... عيونه

**"اقدار"** · 29-12-2012, 08:19 AM

رد: سجل حضورك في ابيات من الشعر بقلمك او على ذوقك تجديد

ياصاحبي مافادنا كثر الأحلام
والي بخاطرنا عجزنا نطوله

ماتت امانينا على كف الايام
وحكم القدر فارض علينا ميوله

**المفهيي** · 29-12-2012, 11:01 PM

رد: سجل حضورك في ابيات من الشعر بقلمك او على ذوقك تجديد

يضيق ' صدري ' ! لا : عكست "المفاهيم" ' ..
و تردني عن ? كثرة الشرح ( عبره )

**طير القوافي** · 30-12-2012, 10:22 PM

رد: سجل حضورك في ابيات من الشعر بقلمك او على ذوقك تجديد

تخنقني العبره وينتابني ضيق
.......................................من اشعر انك تبتعد ياحبيبي
تظلم مداين دنيتي لا ولا طيق
.......................................نفسي ولا روحي وكلي كئيبي
والله ياهي ضيقه اتنشف الريق
.......................................وتتعب خفوقن ماهنى له يطيبي
عايش بدنيا دون أية توافيق
.......................................مهموم حاله بالملامح مريبي

ابيات من الشعر بقلمك او على ذوقك تجديد

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget