ابيات من الشعر بقلمك او على ذوقك تجديد

**عيون نجديه** · 30-07-2012, 01:41 PM

رد: سجل حضورك في ابيات من الشعر بقلمك او على ذوقك تجديد

الموت موت الضمير وموتة الذمه
---------------------- ونفس رضت من رداها في مذلتها
ما الميت اللي بموته ينتهي همه
---------------------- الميت اللي حياته مثل قلتها
كم واحد طاب ابوه وخاله وعمه
---------------------- وإيده من الطايلات الله مفلتها
لو يستحي قاصر الشوفه على دمه
---------------------- ما جاهرت روحه الجربا بعلتها

**صقر المحيلبي** · 30-07-2012, 04:50 PM

رد: سجل حضورك في ابيات من الشعر بقلمك او على ذوقك تجديد

‏‏‏‏‏‏انا على الوصل ماني قاصد ازعاجك
عشان ما تقول يوم يدق وش حقھ

دقيت رقمك وفا .. ما نيب محتاجك
والرقم عندك متى ما احتجتني دقھ.

**عيون نجديه** · 31-07-2012, 01:06 PM

رد: سجل حضورك في ابيات من الشعر بقلمك او على ذوقك تجديد

ياقلب وش لك بالعباد المقفين
,,,,,,,,لاتتعب اركابك وتطرد وراهم
لاشفتهم راحوا وقفوا مصدين
,,,,,,,,خلك بدربك وابتعد عن خطاهم
لوهم عليك اغلي من الروح والعين
,,,,,,,,خلك عزيز ولايهمك جفاهم
ولاتحرى اوصالهم من حين لاحين
,,,,,,,,وانسهم وقول الله يغفر خطاهم
وانا ترى من نسل قوم(ن)عزيزين
,,,,,,,,والناس مانمشي على مبتغاهم
امشي مع اهل المرجله والكريمين
,,,,,,,,واهل الردى مالي خوي(ن) معاهم
واللي يجازي الطيب بالطيب والزين
,,,,,,,,مايحصل الا الطيب من كل فاهم
ويالله يامنزل تبارك وياسين
,,,,,,,,جنبني اضعاف النفوس ورداهم

***بسمة أمل*** · 31-07-2012, 01:17 PM

رد: سجل حضورك في ابيات من الشعر بقلمك او على ذوقك تجديد

حسبي الله على اللي بلاني
انا ارجي اللي من ترجاه مايخيبه
عالم الظاهر ومابين ضلعاني
يجلي هم بقلبي تزايد لهيبه
ويريح بالي ولا يفرح عدواني
يبين الحق والظالم ظلمه يخيبه
ويجمع قلوبنا بود وحناني
نفرح بجمعنا والظالم ظلمه يعيبه

**مثمر** · 31-07-2012, 03:37 PM

بنا تبحـــر مراكبنا

؛؛

بنا تبحر مراكبنا ولا احد يعلم الوجهات
.........................في رحلة عمرنا نمضي وكل رحلة لها نهاية

ولانقنع ولا نرضى نبي الحاضر مع اللي فات
.........................نسينا الاخرة والموت والدنيا هي الغاية

نلوم الحظ لا خبنا وحنا مصدر الخيبات
.........................نولول والأمل في الناس الله عنه سهاية

نعيب الوقت والفرصة نقول ابدا لنا ماجات
.........>>.............لو أخطينا فلا نرجع وكل يعجبه رايه

يا كثر ذنوبنا ما كن بيجي (هادم اللذات)
........................ونزعل لو تناصحنا ما نبغى الصاحب (مراية)

ومن غيب ضميره أو ضميره للأسف قد مات
........................ومن يبهت ومن يغتاب وقته كله وشاية

وأسرفنا على انفسنا وذنب نكرره مرات
........................وكل يعلم لذنبه معه من كان حصاية

الا يا كثر ما أسرفت وذنوبي أنا بالذات
........................كبيرة واعترف نفسي لفعل الذنب دعاية

يا من بالغيب هو عالم وبالخافي وبالنيات
........................بذكره يطمئن القلب كل الهم جلايه

عسى رحمتك تشملني سألتك أبغي الجنات
........................تحب العفو فاغفر لي أبي رحمتك لي نهاية

@@@@@@@@@@@@@@@@@@@@@@@@@@@@ مثمر

**قرين الليل** · 31-07-2012, 08:12 PM

رد: سجل حضورك في ابيات من الشعر بقلمك او على ذوقك تجديد

الله من نار/ن/ تزايد لهبها

يظهر سناها بالخواطر وتنشاف

قلبي وكبدي والكلاوي حطبها

بين الضماير احرقت كل الاطراف

‏_‏

ق/قرين الليل

**قرين الليل** · 31-07-2012, 08:18 PM

رد: سجل حضورك في ابيات من الشعر بقلمك او على ذوقك تجديد

البارحه ينضح على الخد جودي

أوجست مابين الضماير براكين

قلبي حزين وجاله الحزن زودي

أصبح رصيدي من همومي ملايين

‏_‏
ق/قرين الليل

**عاشقة الشعر** · 01-08-2012, 12:06 AM

رد: سجل حضورك في ابيات من الشعر بقلمك او على ذوقك تجديد

حال ابن ادم اليوم حيرني وصب الذعر في قلبي فاحرقني
اذ يسعى نحو الدنيا وهي فانية ويعمر الالرض بالقلاع والحصن

**الذاهبه** · 01-08-2012, 01:53 AM

رد: سجل حضورك في ابيات من الشعر بقلمك او على ذوقك تجديد

أوقات أحس إنننني
… . . في ه الكون . .
… … … …… . مبسوط
و فرحي لو توزع على الكون
… … … … … . . يملاه
بسس الغريبه !فرحتي مالها شروط !
يعني كذا . . !
مبسوط لله في الله . . !
لكني حافظ شي . . ف البال محطوط
ما خاب عبد يشكر الله في بلواه . .
و ل هالسبب : أصبحت أنا حيل مضبوط
كيف إن حزني يكوي القلب و انساه !
و السر في إني مع الحزن مبسوط ,

إني أقول الحمد و الشكر لله

**قرين الليل** · 01-08-2012, 02:27 AM

رد: سجل حضورك في ابيات من الشعر بقلمك او على ذوقك تجديد

قالت اخوي وفز قلبي لها حن

ياويل قلبي من بوادر حنينه

ما كلمتني مير بحروفها كن

في صوتها المبحوح نبره حزينه

حبيتها حب الاخوه بلا ظن

وشوقي لها شوق الضنين لضنينه
؟

أحد حروف الجر ياخيتي من

اللي قطع حبل الموده ب ادينه ؟

ق /قرين الليل

ابيات من الشعر بقلمك او على ذوقك تجديد

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget