ابيات من الشعر بقلمك او على ذوقك تجديد

**عيون نجديه** · 28-07-2012, 10:48 PM

رد: سجل حضورك في ابيات من الشعر بقلمك او على ذوقك تجديد

** * * (مرحبا رمضان)
يامرحبا ياأعز وأغلى من الضيف
شهر رمضان اللي رجينا صيامه

شهر كريم ووقتنا كنه السيف
وإذا حسبنا له كسبنا الكرامه

شهر نرحب في هلاله ليا شيف
يالله لاتحرم عبيدك قيامه

وياحيف للي ضيع الفضل ياحيف
ندامته ياكبرها من ندامه

ويامرحبا ياضيف وأغلى من الضيف
عتق التقي فضل نهار القيامه

**( ريمو )** · 28-07-2012, 10:50 PM

رد: سجل حضورك في ابيات من الشعر بقلمك او على ذوقك تجديد

لك حروفي قصيد ولك قصيدي شعور

ولك شعوري خفوق نبضه الحي إنت

..

ولك غلا في صميم الروح حاضر حضور

واشهد انك بقلبي ولا عن العين غبت..

**الذاهبه** · 29-07-2012, 12:34 AM

رد: سجل حضورك في ابيات من الشعر بقلمك او على ذوقك تجديد

انا عرفت من الحياه التغايير
.......................لين اقتنعت ان السعاده معاناه

اشوف بوجيه الليالي تعابير
......................واصد عن وجه الحزن واتحاشاه

واشوف ريضان الاماني نواوير
...................واقف على حد الرجا واتخطاه

**( ريمو )** · 29-07-2012, 12:41 AM

رد: سجل حضورك في ابيات من الشعر بقلمك او على ذوقك تجديد

بعض العرب تفقده لا راح برهه ‏
وبعض العرب ياخذ له سنين مافقد ‏
..
ولولا الغلا و القرب ماقيل شرهه ‏
مثل النحر لولاه ما صمم العقد ‏
..
المحترم حرم على الناس كرهه ‏
مثل القصيد اللي كسر حاجز النقد

**عـرابي الـشـراقـوه** · 29-07-2012, 12:45 AM

رد: سجل حضورك في ابيات من الشعر بقلمك او على ذوقك تجديد

دنياك حلوه لا تهمك ظنونك
لأخير فيها كان خان القدر فيك
وش نفعها ياقبلة الخلق دونك
لعلها للموت دنيا تبكيك
حرام أشوف الدمع يملي عيونك
يامالي قلبي من الحب وشفيك
تقول حظك ياحياتي يخونك
وش قولتي في حظي اللي غدر فيك
ترى شجوني زودتها شجونك

خذ قلبي العب به لعله يسليك

قلب أيه اللي يسليني

إنتي فاكره أيه ظنوني

قلب قلبي في عيوني

والشجون إنك تقولي

للدموع على خدي هوني

**الذاهبه** · 29-07-2012, 01:11 AM

رد: سجل حضورك في ابيات من الشعر بقلمك او على ذوقك تجديد

سو فيني يا زماني كل ما تبغيه ,,, سوه
وإلا أنا ( ماعاد تفرق ) .. دامها الأشيا تشابه

والسؤال اللي من اسبابه لقى(المجروح جوه)
انتثر همه حروف ,,, وعاد ( لجنون الكتابة)

وارجع اقول الكتابة.. جرح( ضعف) وجرح ( قوة )
والكابة عيب فيني ,,, ( تعبر ) حدود الكابة

**عيون نجديه** · 29-07-2012, 01:15 AM

رد: سجل حضورك في ابيات من الشعر بقلمك او على ذوقك تجديد

لاتحتري من خاين العهد معروف
،،،،،،،،، فرقاه عيد وبعده اكبر غنيمه
بكره ليا احتاجك وصارت له ظروف
،،،،،،،،، وجاك بمعاذيره تراها قديمه
خله يعرف الخوف ويجرب الخوف
،،،،،،،،، ويعرف قدره مثل قدر البهيمه

**قرين الليل** · 29-07-2012, 11:42 PM

رد: سجل حضورك في ابيات من الشعر بقلمك او على ذوقك تجديد

ما دام هاذي سماتك ف انت متميز

جرح المشاعر ثقافه واصبحت
ميزه

من قبل اعزك ولك في داخلي حييز

واليوم تحكم وكانت حكمتك ضيزه
_

ق/قرين

**صقر فوق مشراف** · 30-07-2012, 12:34 AM

رد: سجل حضورك في ابيات من الشعر بقلمك او على ذوقك تجديد

من لايقدر ضروف الناس ميت ضمير
........................ ولافيه من شيمة افعال العرب ذره

صقر؛؛

**ابهاااااااااااويه** · 30-07-2012, 06:03 AM

رد: سجل حضورك في ابيات من الشعر بقلمك او على ذوقك تجديد

يارب ان ضاقت بنا الاحوال وابتلت محاجرنا
افرد جناح الرضا وأجبر خواطرنا

ابيات من الشعر بقلمك او على ذوقك تجديد

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget