تويت
سويت هالفتة وطلعت واو خيال ورداتي وأبوهم حبوها مرة
وهي روووعة بس يبي لها وقفة ...الحلو فيها ممكن تسوين لها تجهيز مسبق وتطبقينها وقت الوجبة
وقلت لازم أحطها لكم أن شاء الله تستفيدون منها
نجي للمقادير :
تطبخين رز مفلفل مقدار كاس ونص
صدوردجاج مسلوقة مع نص بصلة وبهارات عدلة :هيل –مسمار –دارسين –فلفل اسود وممكن تحطين مكعب ماجي وملح
بعدين تصفينها من الماي وننسلها بشكل خيوط رفيعة
3خبزات مقطعين مكعبات ومقلية
صلصة الطرطور :اللي هي 2 كاس روب +ملعقتين طحينية +نصف ليمونة +ملعقة صغيرة فلفل أبيض وملح
نخلط مكونات الصلصة مع بعض إلى ان يصير قوامها كريمي ناعم واذا كانت ثقيلة نخففها بشوي ماي
وللوجه :مكسرات مقلية +بقدونس مفروووم +زرشك
الطريقة :
تاخذين صحن أو صينية واسعة للتقديم وتحطين الرز فيه وما تكثرين طبقة خفيفة مقدار 1 سم أو أقل
عاد نسيت أصور الرز تذكرت بعد ما حطيت الدجاج وصورت وهنا الدجاج طلع عندي زايد هو المفروض يكون أقل
بعدها نوزع الخبز المقلي فوق الدجاج
وبعدها نصب الصلصة عليه من فوق وتكون توزيعها حسب رغبتكم
ونرش عليها البقدونس المفروم والمكسرات المقلية
ونزينها بالزرشك المقلي
وتفضلوا
ملاحظات :
1- ممكن تستفيدين من باقي الأكل عندك في هالوصفة بدل ما تسخنينه تتغير الطبخة كليا
2- أنتبهوا تحطون الصلصة على الخبز قبل بفترة راح يذوب الخبز ويفقد قرمشته
3- ممكن تستبدلون الزرشك بحب الرمان المجفف الحموضة اللي فيه تعطي طعم رهيب للطبخة
4- اذا كثرتي بقدونس تقدرين تطنشين عن السلطة طبق سلطته منه وفيه >>الحمد لله
وختاما أتمنى تعجبكم وألف عافية
, تسلم الايادي سجودةة 
.
تعليق