تويت
قلت لك اسف
قلت لك اسف وعني مارضيت
ويش اسويلك لجل ترضى علي
كنت اجس النبض والله ماخطيت
في دعابه وانت ودك تزعلي
يامقفي شكلك لغيري لقيت
وجات لك فرصه سببها ترحلي
يامعنيني ليا منك نويت
بالرحيل اللي صداه يزلزلي
ارفق بحالي ترى منك اكتويت
ونار هجرك وسط قلبي تصطلي
ماشكيت الا لربي ماشكيت
( والله الوالي ولا غيره ولي )
وماهقيت الصد منك ماهقيت
ارجع وتذكر كلام قلتلي
يومك اتردد لبو تمام بيت
( مالحب الا للحبيب الاولي )
وين عهدك بالوفا لا ماوفيت
وللمواثيق القديمه تجهلي
ضاعت عهود الوفا ياللي جنيت
والوفا لهل الوفا ويجملي
كنت اظنك مخلص لي مادريت
انك المقفي وغدرك مقبلي
كيف تنساني وانا اللي مانسيت
والله اني في هواكم مبتلي
الخفوق يفز لامنك طريت
وافطنوا فيني ربوعي مع هلي
بعدكم مابه ولا يوم سليت
وجمرتك وسط الحشا تغلي غلي
ليت تدري وش حصل بعدك ياليت
كان ماتهجر ابن عامر علي
الاستماع
كلمات واداء الشاعر علي الكدادي
https://www.youtube.com/watch?v=fx3LltFtsss
تعليق